The Comprehensive Aramaic Lexicon

200:01	ܒܫܡܗ ܕܡܪܢ ܝܫܘܥ܃ ܗ݀ܘ ܕܥܕܡܐ ܠܣܘܦܐ ܐܓܘܢܐ
200:02	ܥ݂ܒܕ݂ ܥܡ ܟܝܢܟ܃ ܚܠܦ ܒܢ̈ܝܢܫܐ ܕܝܠܗ܂ ܕܬܣܘܩ ܗ݀ܝ
200:03	ܡܪܬܐ ܕܐܫ݂ܕܝܬ ܒܥܠܝܡܐ ܗܢܐ܂ ܡܛܠ ܕܐܠܗܝ ܫܕܪܢܝ
200:04	ܕܠܟ ܐܩܛܘܠ݂܂ ܘܠܗ ܐܩܝ݂ܡ ܟܕ ܚܝ݂ ܩܕܡ ܟܢܫܐ ܗܢܐ܂
200:05	ܕܢܗܝܡܢܘܢ ܒܗ ܕܗ݂ܘܝܘ ܐܠܗܐ ܕܫܪܪܐ ܘܠܝܬ ܐܚܪܝܢ ܀
200:06	33܂3 ܘܐܡ݂ܪ ܠܗ ܚܘܝܐ ܗ݀ܘ܂ ܠܐ ܥܕܡܐ ܠܗܫܐ ܡ݂ܛܐ
200:07	ܣܘܦܢܢ ܐܝܟܢܐ ܕܐܡ݂ܪܬ܂ ܡܢܐ ܐܠܨ݁ ܐܢܬ ܠܝ ܕܐ݁ܣܒ
200:08	ܡܕܡ ܕܝܗ݀ܒܬ ܒܗ ܒܗܢܐ ܥܠܝܡܐ܂ ܐܦ ܐܒܝ ܓܝܪ
200:09	ܐܡܬܝ ܕܢܣܘܩ ܘܢܣܒ ܡܕܡ ܕܫ݂ܕܐ ܒܒܪܝܬܐ ܗܘ݂ܐ ܠܗ
200:10	ܣܘܦ‍{‍ܢ‍}‍ܗ ܀ ܐܡ݁ܪ ܠܗ ܫܠܝܚܐ܂ ܚ݁ܘܐ ܗܟܝܠ ܟܝܢܗ
200:11	ܕܐܒܘܟ܂ ܘܐܬ݂ܐ ܗ݀ܘ ܚܘܝܐ ܘܣ݂ܡ ܦܘܡܗ ܥܠ ܡܚܘܬܗ
200:12	ܕܗ݀ܘ ܥܠܝܡܐ܃ ܘܣܐ݁ܩ ܗܘܐ ܡܪܬܐ ܡܢܗ܂ ܘܒܩܠܝܠ
200:13	ܩܠܝܠ ܟܡܐ ܕܗ݀ܝ ܡܪܬܐ ܡܬܢܓܕܐ݂܂ ܓܘܢܗ ܕܗ݀ܘ ܥܠܝܡܐ
200:14	ܕܥܒ݂ܝܕ ܗܘܐ ܐܝܟ ܐܪܓܘܢܐ ܚ݁ܘܪ ܗܘܐ݂܂ ܘܚܘܝܐ ܗ݀ܘ
200:15	ܙܘ݁ܐ ܗܘܐ܂ ܘܟܕ ܟܠܗ݀ ܡܪܬܗ ܢܓ݂ܕ ܡܢܗ ܕܗ݀ܘ ܥܠܝܡܐ݂܂
200:16	ܫܘܪ ܘܩܡ ܘܪܗ݂ܛ ܠܘܬ ܪ̈ܓܠܘܗܝ ܕܫܠܝܚܐ܂ ܘܢܦ݂ܠ ܣܓ݂ܕ
200:17	ܠܗ ܀ 33܂4 ܗ݀ܝܕܝܢ ܚܘܝܐ ܗ݀ܘ ܦܩ݂ܥ݂ ܒܡܠܬܗ ܕܝܗܘܕܐ܂ ܘܗ݀ܝ
200:18	ܕܘܟܬܐ ܕܢܦܠ݂ܬ ܗܘܬ ܒܗ݀ ܡܪܬܗ ܕܗ݀ܘ ܚܘܝܐ݂܂ ܦܚܬܐ
200:19	ܪܒܐ ܗܘ݂ܐ ܒܗ݀܂ ܘܦܩ݂ܕ ܗܘܐ ܠܗܘܢ ܝܗܘܕܐ ܠܡ݁ܠܟܐ
200:20	ܘܠܐܚܘܗܝ ܕܢܡܠܘܢܗ݀ ܠܗ݀ܝ ܕܘܟܬܐ܂ ܘܢܣܝ݂ܡܘܢ
200:21	ܫܬܐ̈ܣܐ݂܂ ܘܢܥܒ݂ܕܘܢ ܒܗ݀ ܒ̈ܬܐ ܒܝܬ ܡܫܪ̈ܝܐ
201:01	ܠܢܘܟܪ̈ܝܐ܂ 34܂1ܲ ܗ݀ܘ ܕܝܢ ܥܠܝܡܐ ܡܫܟܚ ܗܘܐ ܠܐܠܗܐ݁܂
201:02	ܒܚܢ݂ܢܗ ܚܝ݂ܐ ܒܝܕ ܝܗܘܕܐ ܫܠܝܚܐ܂ ܘܐܬܦܪܩ ܡܢ
201:03	ܟܠܗܘܢ ܥ݁ܒ̈ܕܘܗܝ ܩ̈ܕܡܝܐ܂ ܘܒܥ݂ܐ ܡܢ ܫܠܝܚܐ ܕܢܥܕܪܝܘܗܝ
201:04	ܒܨܠܘܬܐ ܠܘܬ ܡܪܢ܂ ܟܕ ܡܬܟ݁ܘܢ ܗܘܐ ܡܢ
201:05	ܩܢܘܡܗ܂ 34܂1ܒ ܘܐܡ݁ܪ ܠܟ ܫܘܒܚܐ ܐܠܗܐ ܡܪܚܡܢܐ ܘܪܒܐ
201:06	ܘܫܒܝܚܐ݁܂ ܥ݁ܒܘܕܐ ܘܡܬܩ݁ܢܢܐ ܕܟܠܗܝܢ ܒܪ̈ܝܬܐ܂ ܘܐܢܬ
201:07	ܣܡ݂ܬ ܬܚܘܡܐ ܘܡܫܘܚܬܐ ܠܟܠܗܝܢ ܒܪ̈ܝܬܟ݂ ܕܒ݂ܪܝܬ܂
201:08	ܘܣܡ݂ܬ ܠܗܝܢ ܫ̈ܘܚܠܦܐ ܕܡܥܕܪܝܢ ܠܟܝ̈ܢܝܗܝܢ܂ ܘܐܢܬ ܗܘ
201:09	ܕܥ݂ܒܕܬ ܠܒܪܢܫܐ ܐܝܟ ܕܨ݂ܒܬ݁ ܐܠܗܘܬܟ ܒܬܘܩܢܐ
201:10	ܕܐܝ݂̈ܕܝܟ܂ ܕܢܗܘ݂ܐ ܫܠܝܛ ܠܥܠ܂ 34܂1ܨ ܘܒ݂ܪܝܬ ܠܗ ܒܪܝܬܐ
201:11	ܐܚܪܬܐ݁܂ ܕܢܬܟܬܫ ܥܡܗ݀ ܒܚܐܪܘܬܐ ܕܝܗ݂ܒܬ ܠܗ܂
201:12	ܘܒܪܢܫܐ ܛܥ݂ܐ ܟܝܢܗ ܒܪܚܐܪ̈ܐ ܘܠܟܢܬܗ ܐܫܬܥܒܕ
201:13	ܗܘܐ܂ ܘܗܘ݂ܐ ܠܗ ܗܘ ܒܥܠܕܒܒܐ܂ ܒܕܐܫܟܚܗ ܕܛܥܗ݀
201:14	ܠܚܐܪܘܬܗ܂ ܘܚܕܝ ܒܥܠܕܒܒܐ ܕܐܫܟܚ ܠܗ ܡܥܠܢܘܬܐ
201:15	ܥܠ ܟܢܬܗ݀܂ ܘܗ݂ܘ ܣ݂ܒܪ ܕܢܗ݂ܘܐ ܡܪܐ ܥܠ
201:16	ܟܠܗܘܢ ܥܒ݂̈ܕܐ܂ 34܂1ܕ ܘܐܢܬ ܡܪܚܡܢܐ ܒܪ̈ܚܡ݂ܝܟ ܣ̈ܓܝܐܐ
201:17	ܦ݂ܪܣܬ ܥܠܝܢ ܛܝܒܘܬܟ݂܂ ܘܫ݂ܕܪܬ ܥܠ ܓܢܣܐ ܕܐܢܫܘܬܢ݁܂
201:18	ܡܠܬܟ ܡܛܟ݁ܣ݂ܬ ܟܠ ܒܪ̈ܝܬܐ݁܂ ܒܝܕ ܒܪܟ ܫܒܝܚܐ܂ ܘܗ݂ܘ
201:19	ܒܚܐܪܘܬܗ ܕܝܗ݂ܒܬ ܠܗ ܟܕ ܡ݁ܥܕܪܐ ܠܗ ܛܝܒܘܬܟ݁܂
201:20	ܐܬ݂ܐ ܘܐܫܟܚܢ ܒܗ݀ܢܘܢ ܥ݁ܒ̈ܕܐ ܕܥܒ݂ܕܬ ܐܢܫܘܬܢ ܡܢ
201:21	ܝܘܡܐ ܩܕܡܝܐ܂ 34܂1ܸ ܘܠܐ ܩܨ݂ܬ ܠܢ ܚ̈ܛܗܝܢ܂ ܐܠܐ ܐܚܝ݂ܬܢ
202:01	ܒܛܝܒܘܬܟ܂ ܘܚ݂ܘܝܬܢ ܪܦܝܘܬܝ ܘܙܪܥ݂ܬ ܒܝ ܚܘܒܟ
202:02	ܫܡ݁ܝܢܐ܂ ܘܦܬ݂ܚܬ ܦܘܡܝ ܕܣܟ݂ܝܪ ܗܘܐ ܕܐ݁ܡܪ ܥܠ
202:03	ܡܫܥܒܕܢܝ݂܂ ܘܥܠ ܚܢ݂ܢܟ ܫܦܝܥܐ݁܂ ܗ݀ܘ ܕܠܐ ܐ݁ܠܡ ܠܝ
202:04	ܒܡܐ ܕܐ݁ܡ݁ܪ ܐܢܐ ܥܠܘܗܝ܂ ܕܡܛܠ ܚܘܒܗ ܣܓܝܐܐ
202:05	ܐܡ݁ܪ ܐܢܐ ܀ 34܂1f ܘܝܗܘܕܐ ܐܘܫܛ ܠܗ ܐܝ݂ܕܗ ܘܐܩܝܡܗ܂
202:06	ܘܥܦܩܗ݂ ܘܐܡ݂ܪ ܠܗ܂ ܚܢ݂ܢܗ ܕܡܪܢ ܢܗܘ݂ܐ ܥܡܟ܂ ܘܥܡ
202:07	ܟܠܗܘܢ ܐܝܠܝܢ ܕܡܗܝܡܢܝܢ ܒܗ܂ ܘܐܡ݂ܪ ܗ݀ܘ ܥܠܝܡܐ܂
202:08	ܫܘܒܚܐ ܠܟ ܐܠܗܐ݁܂ ܕܠܐ ܚܣ݂ܟ ܪ̈ܚܡ݂ܘܗܝ ܡܢܝ ܕܐܒܝܕ
202:09	ܗܘܝܬ܂ ܐܠܐ ܕܐ݁ܒܥܐ ܠܢܦܫܝ ܚܘܝܢܝ܂ ܘܥܠܝܟ ܐܘܕܥܢܝ
202:10	ܕܫܠܝܚܗ ܐܢܬ܂ 34܂2 ܘܐܡ݂ܪ ܠܟ܂ ܣ̈ܓܝܐܬܐ ܐܝܬ ܠܝ ܕܐ݁ܚܘܐ
202:11	ܒܐܝ݂̈ܕܝܟ܂ ܘܥ݁ܒ̈ܕܐ ܣ̈ܓܝܐܐ ܐܝܬ ܠܟ ܕܬܓܡܘܪ ܒܝ܂
202:12	ܐܝܠܝܢ ܕܐܢܬ ܬܩ݁ܒܠ ܐܓܪܗܘܢ܂ ܘܠܣܓ̈ܝܐܐ ܬܥ݂ܒܕ
202:13	ܕܢܚ݂ܘܢ݁܂ ܘܢܗ݂ܘܘܢ ܒܪܘܡܐ ܒܢܘܗܪܐ ܒ̈ܢܝܐ ܠܐܠܗܐ܂
202:14	ܐܢܬ ܗܟܝܠ ܐܚܐ ܠܗܢܐ ܥܠܝܡܐ ܕܐܬܡܚܝ ܡܢ ܒܥܠܕܒܒܗ܂
202:15	ܡܛܠ ܕܒܟܠܙܒܢ ܚ݁ܙܐ ܐܢܬ ܠܗ ܠܡܪܟ܂ 34܂3 ܐܝܢ ܡܪܝ ܫܠܝܚܗ
202:16	ܕܐܠܗܐ݂܂ ܫܦܝܪ ܥܒ݂ܕܬ ܕܐܬ݂ܝܬ ܠܗܪܟܐ܂ ܘܢܓ݂ܕܬ ܠܘܬܗ
202:17	ܠܣ̈ܓܝܐܐ܂ ܘܐܦܠܐ ܗ݂ܘ ܡܓܪܕܐ ܡܢ ܠܘܬܟ܂ ܐܢܐ ܕܝܢ
202:18	ܗ݀ܘܝܬ ܕܠܐ ܨܦܬܐ ܘܕܠܐ ܚܫܐ݂܂ ܡܛܠ ܛܝܒܘܬܗ ܕܗܘ݂ܬ
202:19	ܥܠܝ ܒܐܝ݂ܕܟ܃ ܘܐܫܬܦ݂ܥܬ ܡ݁ܘܗܒܬܗ ܥܠ ܡܚܝܠܘܬܝ܂
203:01	ܘܐ݁ܓܗܝܬ ܡܢ ܡܪ̈ܢܝܬܐ ܒܝ݂̈ܫܬܐ ܘܡܢ ܣܘܥܪ̈ܢܐ ܕܚ݁ܒܠܐ܂
203:02	ܘܐ݁ܓܗܝܬ ܡܢ ܗ݀ܘ ܕܡ݁ܫܕܠ ܗܘܐ ܠܝ܂ ܘܡܚܬܚܬ ܗܘܐ ܠܝ
203:03	ܕܐ݁ܣܥܘܪ ܗܠܝܢ ܕܐܫ‍{‍ܬ‍}‍‍<‍‍<‍ܟܚ‍>‍‍>‍ܬܢܝ ܒܗܝܢ܂ ܘܐ݁ܣܬܟܠܬ ܠܗ݀ܘ
203:04	ܕܐܡ݁ܪ ܗܘܐ ܠܝ ܕܠܩܘܒܠܗܝܢ܂ 34܂4 ܘܐ݁ܘܒܕܬ ܠܗ݀ܘ ܕܒܚܫܘܟܐ
203:05	ܒܪ ܛܘܗܡܗ ܡ݁ܛܥܫ ܗܘܐ ܠܝ ܒܣܘܥܪ̈ܢܘܗܝ܂ ܘܐ݁ܫܟܚܬ
203:06	ܠܗ݀ܘ ܢܘܗܪܐ ܡܪܗ ܕܐܝܡܡܐ ܕܠܐ ܚ݂݁ܙܐ ܗܘܐ ܠܝ
203:07	ܘܚ݁ܙܝܬܗ܂ ܘܐ݁ܘܒܕܬ ܠܗ݀ܘ ܕܡܚ݂ܫܟ ܗܘܐ ܘܡܥ݂ܡܛ ܠܟܠ
203:08	ܐܝܠܝܢ ܕܢܩܝܦܝܢ ܠܗ܂ ܘܡܫ݂ܬܡܥܝܢ ܠܗ݀܂ ܕܠܐ ܢܚ݂ܙܘܢ
203:09	ܡܕܡ ܕܥ݁ܒܕܝܢ ܘܢܒ݂ܗܬܘܢ ܒܥ݁ܒ̈ܕܝܗܘܢ ܘܢܙܕܓ݂ܪܘܢ
203:10	ܠܗܘܢ ܡܢܗܘܢ܂ ܘܢܒ݂ܛܠ ܠܗ ܣܘܥܪܢܗ܂ 34܂5 ܐ݁ܫܟܚܬ ܕܝܢ
203:11	ܠܗ݀ܘ ܐܝܢܐ ܕܥ݁ܒܕܗ ܗ݀ܢܘ܂ ܕܡܢ ܡܬܘܡ ܐܝܠܝܢ ܕܥ݁ܒܕܝܢ
203:12	ܨܒܝܢܗ݂ ܠܐ ܢܬܬܘ‍<‍ܘ‍>‍ܢ܂ ܐ݁ܓܗܝܬ ܡܢ ܗ݀ܘ
203:13	ܕܡ݁ܣܡܟ ܠܗ ܙܐܦܐ݁܂ ܘ݁ܐܙܠܐ ܩܕܡܘܗܝ ܬܚܦܝܬܐ݁܂
203:14	ܘܐܬ݁ܝܐ ܒܬܪܗ ܒܗܬܬܐ݁܂ ܘܟܕ ܡܡܪܚܐ ܒܚܨܝܦܘܬܐ܂
203:15	ܐ݁ܫܟܚܬ ܕܝܢ ܠܗ݀ܘ ܡܓܠܝܢܐ ܕܒܝ݂̈ܫܬܐ݁܂ ܡܪܗ ܕܫܝܢܐ
203:16	ܘܡܬܩܢܢܗ݀ ܕܫܪܝܪܬܐ܂ ܡܥ݂ܒܪ ܠܒܥܠܕܒܒܐ ܡܢ ܐܝܠܝܢ
203:17	ܕܬܝܒܝܢ ܠܘܬܗ܂ ܘܡܐ݁ܣܐ ܚ̈ܫܝܗܘܢ ܘܣܚ݁ܦ
203:18	ܠܡܕܘܕܢܗܘܢ܂ ܐܠܐ ܒܥ݁ܐ ܐܢܐ ܡܢܟ ܫܠܝܚ‍{‍ܢ‍}‍ܗ
203:19	ܕܐܠܗܐ݂܂ ܙܪܘܥ ܒܝ ܡܠܬܟ ܕܚ̈ܝܐ݁܂ ܕܬܘܒ ܐ݁ܫܡܥ
203:20	ܡܫܠܡܢܐܝܬ ܢܥܡܬܗ ܕܗ݀ܘ ܕܐܫܠܡܢܝ ܠܟ ܘܐܡ݂ܪ ܠܟ܃
204:01	ܕܗܢܐ ܡܢ ܐܝܠܝܢ ܕܚ̈ܝܝܢ ܒܐܝ݂̈ܕܝܟ ܐܝܬܘܗܝ܂ ܘܡܢ ܗܫܐ݂
204:02	ܥܡܟ ܢܗܘ݂ܐ ܀ ܀ ܀ 35 ܐܡ݁ܪ ܠܗ ܝܗܘܕܐ܂ ܐܢ ܗ݂ܘ ܕܬܬܦܪܩ
204:03	ܡܢ ܗܠܝܢ ܕܝܠ݂ܦܬ܂ ܐܝܟܢܐ ܕܐܡ݂ܪܬ܃ ܡܢ ܗ݀ܘ ܥܒܘܕܗܝܢ
204:04	ܕܒ̈ܝ݂ܫܬܐ܂ ܘܬܫ݂ܡܥ ܠܗ݀ܘ ܐܝܢܐ ܕܒܪܬܚܐ ܕܚܘܒܟ
204:05	ܗܫܐ ‍<‍‍<‍ܐܢ‍>‍‍>‍ ܒܥ݁ܝ݂ܬ ܠܗ ܚ݁ܙܝܬ ܠܗ܂ ܘܗ݀ܘܐ ܐܢܬ ܥܡܗ ܠܥܠܡ܂
204:06	ܘܡܬܬܢܝܚ ܐܢܬ ܥܡܗ ܒܚܢ݂ܢܗ܂ ܘܗ݀ܘܐ ܐܢܬ ܥܡܗ
204:07	ܒܚܕܘܬܗ ܀ ܀ ܐܢ ܕܝܢ ܬܗܡܐ ܠܟ ܡܢܗ܂ ܘܬܐܬܐ
204:08	ܠܟ ܠܘܬ ܗ݀ܢܘܢ ܣܘܥܪ̈ܢܝܟ ܩ̈ܕܡܝܐ܃ ܘܠܘܬ ܗ݀ܘ ܐܝܢܐ
204:09	ܕܗܫܐ ܡܛܠ ܫܘܦܪܐ ܘܡܛܠ ܚܙܘܐ ܕܢܘܗܪܗ܃ ܕܗܢܐ
204:10	ܕܠܗ ܡܬܝܐ݁ܒ ܐܢܬ ܡܨܚܐ ܐܢܬ݂ ܠܗ܃ ܠܐ ܡܢ ܗ݀ܢܘܢ
204:11	ܚ̈ܝܐ ܕܚ݂ܙܝܬ ܡܬܓܠܙ ܐܢܬ ܒܠܚܘܕ܂ ܐܠܐ݂ ‍{‍ܡ݁ܢ ܐ݁ܦ‍}‍‍<‍ܐܦ ܡܢ‍>‍
204:12	ܗܠܝܢ ܕܩܐ݁ܡ ܐܢܬ ܒܗܘܢ ܡܦܝܫ ܐܢܬ ܀ 36܂1 ܘܐܬ݂ܐ ܗܘܐ
204:13	ܝܗܘܕܐ ܠܡܕܝܢܬܐ݂܂ ܘܐܚܕ ܒܐܝ݂ܕܗ ܕܗ݀ܘ ܥܠܝܡܐ܂
204:14	ܘܐܡ݂ܪ ܠܗ܂ ܒܪܝ ܗܠܝܢ ܕܚ݂ܙܝܬ݂ ܙܥܘܪ̈ܝܬܐ ܐܢ̈ܝܢ ܡܢ
204:15	ܣ̈ܓܝܐܬܐ ܕܐܝܬ ܠܗ ܠܐܠܗܢ܂ ܠܐ ܗܘܐ ܓܝܪ
204:16	ܒܗܠܝܢ ܕܡܬܚ̈ܙܝܢ ܡܣ݁ܒܪ ܠܢ܂ ܐܠܐ ܕܡܝܬܪ̈ܢ ܗܘ
204:17	ܡܫܬܘܕܐ܂ ܟܡܐ ܓܝܪ ܕܒܥܠܡܐ ܚܢ݂ܢ ܠܐ ܡܫܟܚܝܢܢ
205:01	ܠܡܐܡܪ܃ ܥܠ ܡܕܡ ܕܥܬܝܕܝܢ ܟܠܗܘܢ ܡܗ̈ܝܡܢܘܗܝ
205:02	ܕܐܠܗܐ ܠܡܩܒܠܘ܂ ܐܢ ܓܝܪ ܢܐܡܪ ܕܝܗ݂ܒ ܠܢ ܢܘܗܪܐ܂
205:03	ܡܕܡ ܕܚ݂ܙܝܢܢ ܗܘ ܐܡ݁ܪܝܢܢ܂ ܘܐܢ ܢܐܡܪ ܕܝܗ݂ܒ ܠܢ
205:04	ܥܘܬܪܐ݂܂ ܡܕܡ ܕܐܝܬܘܗܝ ܗܘ ܒܥܠܡܐ ܐܡ݁ܪܝܢܢ܂ ܘܐܢ
205:05	ܢܐܡܪ ܥܠ ܢܚ̈ܬܐ܂ ܡܕܡ ܕܪ̈ܘܪܒܢܐ ܠܒܝܫܝܢ ܐܡ݁ܪܝܢܢ܂
205:06	ܘܐܢ ܢܐܡܪ ܥܠ ܣ‍<‍ܝ‍>‍ܒܪ̈ܬܐ ܦܪ̈ܝܫܬܐ݂܂ ܥܠ ܡܕܡ
205:07	ܕܐܙܕܗ݀ܪܢ ܡܢܗܝܢ ܐܡ݁ܪܝܢܢ܂ ܘܐܢ ܢܐܡܪ ܥܠ ܢܝ݁ܚܐ
205:08	ܕܙܒܢܐ݂܂ ܡܣܡ ܒܪܝܫܐ ܣܝܡ ܥܠܘܗܝ܂ 36܂2 ܐܠܐ ܐܡ݁ܪܝܢܢ
205:09	ܥܠ ܐܠܗܐ ܘܥܠ ܡܪܢ ܝܫܘܥ݂܂ ܘܥܠ ܡ̈ܠܐܟܐ ܘܥܠ
205:10	ܥܝܪ̈ܐ ܘܥܠ ܩ̈ܕܝܫܐ܂ ܘܥܠ ܥܠܡܐ ܚ݂ܕܬܐ܂܂
205:11	ܘܥܠ ܐܦܘܣܝܐ ܕܐܝܠܢܐ ܕܚ̈ܝܐ݂܂ ܘܥܠ ܡܫܬܝܐ ܕܚ̈ܝܐ܂
205:12	ܥܠ ܡܕܡ ܕܥܝܢܐ ܠܐ ܚ݂ܙܬ܂ ܘܐܕܢܐ ܠܐ ܫܡ݂ܥܬ܂

205:13	ܘܥܠ ܠܒܐ ܕܒܪܢܫܐ ܠܐ ܣܠ݂ܩ܂ ܡܕܡ ܕܛܝ݁ܒ݂ ܐܠܗܐ

205:14	ܡܢ ܩܕܝܡ ܠܐܝܠܝܢ ܕܪܚܡ݁ܝܢ ܠܗ܂ ܥܠ ܗܢܐ ܗܘ ܡ݁ܡܠܠܝܢܢ܂
205:15	ܘܥܠ ܗܢܐ ܗܘ ܡ݁ܣܒܪܝܢܢ܂ ܗܝܡܢ ܒܗ݂ ܗܟܝܠ ܒܪܝ ܕܬܚܐ܂
205:16	ܘܣ݁ܒܪ ܒܗ ܕܠܐ ܬܡܘܬ܂ ܠܐ ܓܝܪ ܫܘܚܕܐ ܫ݁ܩܠ
205:17	ܕܬܩ݁ܪܒ ܠܗ܃ ܘܠܐ ܒܕܒ̈ܚܐ ܡܨܛ݁ܒܐ ܕܬܕܒ݁ܚ ܒܗ܂
205:18	ܚܘܪ ܒܗ ܘܠܐ ܡܗܡܐ ܡܢܟ܂ ܘܐܬܦܢܝ ܠܘܬܗ
205:19	ܘܠܐ ܫ݁ܒܩ ܠܟ܂ ܫܘܦܪܗ ܓܝܪ ܡܓܪܓ ܠܟ ܕܬܪܚܡܝ݂ܗܝ݂܂
205:20	ܘܠܐ ܫ݁ܒܩ ܠܟ ܕܬܬܦܢܐ ܡܢ ܠܘܬܗ ܀ 37܂1 ܘܟܕ ܗܠܝܢ ܐܡ݂ܪ
205:21	ܗܘܐ ܝܗܘܕܐ ܠܥܠܝܡܐ ܗ݀ܘ܃ ܟܢ̈ܫܐ ܣ̈ܓܝܐܐ ܡܬܬܘܣܦܝܢ
205:22	ܗܘܘ܂ ܘܐܪܝܡ ܗܘܐ ܥ̈ܝܢܘܗܝ ܫܠܝܚܐ݂܂ ܘܚ݂ܙܐ ܠܐܢܫܐ
206:01	ܕܡܬܪܝܡܝܢ ܗܘܘ ܚܕ ܥܠ ܚܕ ܕܢܚ݂ܙܘܢܝܗܝ܂ ܘܠܕܘ̈ܟܝܬܐ
206:02	ܕܪ̈ܡܢ ܣ݁ܠܩܝܢ ܗܘܘ܂ ܕܢܚ݂ܙܘܢܝܗܝ܂ 37܂2 ܘܐܡ݁ܪ ܠܗܘܢ
206:03	ܫܠܝܚܐ܂ ܓܒܪ̈ܐ ܐܝܠܝܢ ܕܐܬܝܬܘܢ ܠܒܝܬ ܨܘܒܗ
206:04	ܕܡܫܝܚܐ݁܂ ܐܢܫܐ ܐܝܠܝܢ ܕܨ݁ܒܝܢ ܕܒܝܫܘܥ ܢܗܝܡܢܘܢ܂
206:05	ܣܒܘ ܠܟܘܢ ܢܣܝܢܐ݂ ܡܢ ܗܕܐ܂ ܕܐܢ ܠܐ ܡܬܬܪܝܡܝܢ
206:06	ܐܢܬܘܢ܃ ܠܝ ܕܝܠܝ ܕܙܥܘܪܐ ܐܢܐ ܠܐ ܚ݁ܙܝܢ ܐܢܬܘܢ ܠܝ܂
206:07	ܐܢܐ ܕܐܟܘܬܟܘܢ ܐܢܐ ܠܐ ܡܫܟܚܝܢ ܐܢܬܘܢ
206:08	ܕܬܚܙܘܢܢܝ܃ ܠܗ݀ܘ ܐܝܢܐ ܕܒܪܘܡܐ ܐܝܬܘܗܝ ܘܒܥܘܡܩܐ
206:09	ܡܫܬܟܚ ܐܝܟܢܐ ܡܫܟܚܝܢ ܐܢܬܘܢ ܕܬܚ݂ܙܘܢܝܗܝ܃ ܐܠܐ
206:10	ܡܬܬܪܝܡܝܢ ܐܢܬܘܢ ܡܢ ܥ݁ܒ̈ܕܝܟܘܢ ܩ̈ܕܡܝܐ݁܂ ܘܡܢ
206:11	ܣܘܥܪ̈ܢܐ ܕܠܐ ܡܗܢܝܢ݁܂ ܘܡܢ ܐܪ̈ܓܝܓܬܐ ܕܠܐ ܡ̈ܩܘܝܢ܃
206:12	ܘܥܘܬܪܐ ܕܚ݁ܒܠܐ ܕܬܢܢ ܦܐ݁ܫ܂ ܘܡܢ ܢ̈ܟܣܐ ܘܩ̈ܢܝܢܐ
206:13	ܕܒܐܪܥܐ ܣܝܦܝܢ݁܂ ܘܡܢ ܢܚ̈ܬܐ ܕܒ݁ܠܝܢ݁܂ ܘܡܢ ܫܘܦܪܐ
206:14	ܕܣܐ݁ܒ ܘܡܬܟܐ݁ܪ܂ ܘܡܢ ܦܓܪܐ ܕܗܠܝܢ ܟܠܗܝܢ ܚ̈ܒܝܫܢ
206:15	ܒܗ ܘܗ݀ܘܐ ܥܦܪܐ݁܂ ܘܗܠܝܢ ܟܠܗܝܢ ܠܗ ܗܘ ܡ̈ܣܡܟܢ܂
206:16	37܂3 ܐܠܐ ܗܝܡܢܘ ܘܣ݁ܒܪܘ ܒܡܪܢ ܝܫܘܥ ܡܫܝܚܐ܂ ܗܢܐ
206:17	ܕܡ݁ܟܪܙܝܢܢ܂ ܕܠܘܬܗ ܢܗܘ݂ܐ ܣܒܪܟܘܢ܃ ܘܒܗ ܬܚܘܢ
206:18	ܠܥܠܡ ܥܠܡܝܢ܂ ܘܢܗܘ݂ܐ ܠܟܘܢ ܗܕܝܐ ܒܐܬܪܐ ܕܛܥܝܘܬܐ܂
206:19	ܘܢܗܘ݂ܐ ܠܟܘܢ ܠܡܐܢܐ ܒܝܡܐ ܕܫܓܝܫܘܬܐ܂ ܘܢܗܘ݂ܐ
206:20	ܠܟܘܢ ܡܥܝܢܐ ܕܡ̈ܝܐ ܚ̈ܝܐ ܒܐܬܪܐ ܕܨܗܝܘܬܐ܂
206:21	ܘܢܗܘ݂ܐ ܠܟܘܢ ܣܠܐ ܡܠ݂ܝܐ ܒܐܬܪܐ ܕܟܦܢܐ܂
206:22	ܘܢܗܘ݂ܐ ܢܝ݁ܚܐ ܠܢܦܫ̈ܬܟܘܢ܂ ܘܡܐ݁ܣܝܢܐ݂ ܘܡܐܚܝܢܐ
207:01	ܠܦܓܪ̈ܝܟܘܢ܂ ܀ 38܂1 ܗ݀ܝܕܝܢ ܟ̈ܢܫܐ ܩܥ݁ܝܢ ܗܘܘ܃ ܫܠܝܚܗ ܕܐܠܗܐ
207:02	ܚ݂݁ܝܐ܂ ܘܗܕܝܐ ܕܐܘܪܚܐ ܕܚ̈ܝܐ܃ ܘܡܚܘܝܢܐ ܕܪ̈ܐܙܐ
207:03	ܕܫܪܪܐ܂ ܣ̈ܓܝܐܢ ܐܢܝ̈ܢ ܐܝܠܝܢ ܕܣܥ݂ܝܪ̈ܢ ܠܢ܂ ܗܠܝܢ
207:04	ܕܢܘܟܪ̈ܝܢ ܠܐܠܗܐ ܡܫܒܚܐ ܕܡ݁ܟܪܙ ܐܢܬ܂
207:05	ܘܥܕܡܐ ܠܗܫܐ ܠܐ ܡܡܪܚܝܢܢ ܕܢܐܡܪ ܕܕܝܠܗ ܚܢܢ܂
207:06	ܡܛܠ ܕܥ݁ܒ̈ܕܝܢ ܢܘܟܪ̈ܝܝܢ ܠܗ ܘܣܢܝܢ ܩܕܡܘܗܝ܂ 38܂2 ܐܠܐ ܐܢ
207:07	ܚܐ݁ܢ ܠܢ ܘܡܦܨܐ ܠܢ ܡܢ ܣܘܥܪ̈ܢܝܢ ܩ̈ܕܡܝܐ܃ ܘܡܢ
207:08	ܒܝ݂̈ܫܬܐ ܐܝܠܝܢ ܕܒܛܘܥܝܝ ܣܥ݂ܝܪ̈ܢ ܠܢ܂ ܘܠܐ ܩܐ݁ܨ ܠܢ
207:09	ܘܠܐ ܡ݁ܕܟܪ ܥܠܝܢ ܚ̈ܛܗܝܢ ܩ̈ܕܡܝܐ݂܂ ܗ݀ܘܝܢܢ ܠܗ ܥܒ݂̈ܕܐ
207:10	ܘܡܫܡܠܝܢܢ ܨܒܝܢܗ܂ ܀ 38܂3 ܐܡ݁ܪ ܠܗܘܢ ܝܗܘܕܐ܂ ܠܐ ܚ݁ܫܒ
207:11	ܥܠܝܟܘܢ ܚ̈ܛܗܝܟܘܢ ܐܝܠܝܢ ܕܒܛܘܥܝܝ ܣܥ݂ܪܬܘܢ ܐܢ̈ܝܢ܂
207:12	ܐܠܐ ܫ݁ܒܩ ܠܟܘܢ ܣ̈ܟܠܘܬܟܘܢ܂ ܗܠܝܢ ܩ̈ܕܡܝܬܐ܂
207:13	ܗܠܝܢ ܕܕܠܐ ܒܝܕܥܬܐ ܣܥ݂ܪܬܘܢ ܐܢ̈ܝܢ܂
207:14	‍[‍ܫܠ݂ܡܬ݁ ܦܪܟܣܝܣ ܕܬܠܬ܂‍]‍
207:15	‍[‍ܬܘܒ ܦܪܟܣܝܣ ܕܐܪܒܥ܂‍]‍
207:16	39܂1 ܘܟܕ ܥܠ ܕܘܟܬܗ ܒܐܘܪܚܐ ܩܐ݁ܡ ܗܘܐ ܫܠܝܚܐ܃ ܘܥܡ
207:17	ܟܢ̈ܫܐ ܗ݀ܢܘܢ ܡ݁ܡܠܠ ܥܠ ܡ݁ܠܟܘܬܗ ܕܐܠܗܐ܃ ܘܥܠ
207:18	ܡܬܦܢܝܢܘܬܗܘܢ ܘܬܝܒܘܬܗܘܢ ܕܠܘܬ ܡܪܢ܂ ܘܟܕ
207:19	ܒܐܘܪܚܐ ܩܐ݁ܡ ܗܘܐ ܫܠܝܚܐ܃ ܘܥܡ ܟ̈ܢܫܐ ܗ݀ܢܘܢ
208:01	ܡܡܠܠ ܗܘܐ݂܂ ܥܝܠܐ ܚܕ ܒܪ ܚܡܪܐ ܐܬ݂ܐ ܘܩܡ
208:02	ܩܕܡܘܗܝ܂ ܘܐܡ݂ܪ ܝܗܘܕܐ܂ ܠܐ ܗܘܐ ܕܠܐ
208:03	ܡܦܪܢܣܢܘܬܐ ܕܐܠܗܐ ܐܬ݂ܐ ܥܝܠܐ ܗܢܐ ܠܗܪܟܐ܂
208:04	ܐܠܐ ܠܟ ܐܡ݁ܪ ܐܢܐ ܥܝܠܐ ܕܬܬܝܗܒ ܠܟ ܒܛܝܒܘܬܗ
208:05	ܕܡܪܢ ܡܠܬܐ ܩܕܡ ܗܠܝܢ ܟ̈ܢܫܐ ܕܩ݁ܝܡܝܢ ܗܪܟܐ݂܂
208:06	ܘܐܡܪ ܡܕܡ ܕܨ݁ܒܐ ܐܢܬ ܕܢܗܝܡܢܘܢ ܒܐܠܗܐ ܕܫܪܪܐ
208:07	ܕܡ݁ܟܪܙܝܢܢ ܀ 39܂2 ܘܥܝܠܐ ܗ݀ܘ ܐܬܦܬ݂ܚ ܦܘܡܗ݂܂ ܘܡ݂ܠܠ ܐܝܟ
208:08	ܒܪܢܫܐ ܒܚܝܠܗ ܕܡܪܢ܂ ܘܐܡ݂ܪ ܠܗ܂ ܬܐܘܡܗ
208:09	ܕܡܫܝܚܐ ܘܫܠܝܚܗ ܕܡܪܝܡܐ݁܂ ܘܒܪ ܡܠܬܗ ܟܣܝܬܐ
208:10	ܕܡܚܝܢܐ݁܂ ܘܡܩܒܠ ܪ̈ܐܙܘܗܝ ܟܣ̈ܝܐ ܕܒܪܗ ܕܐܠܗܐ̈
208:11	ܒܪ ܚܐܪ̈ܐ ܕܗܘ݂ܐ ܥܒ݂ܕܐ܃ ܕܒܡܫܬܡܥܢܘܬܗ ܠܣ̈ܓܝܐܐ
208:12	ܠܚܐܪܘܬܐ ܢܝ݁ܬܐ݂܂ ܒܪ ܛܘܗܡܐ ܣܓܝܐܐ ܕܗܘ݂ܐ
208:13	ܡܓܙܝܐ܃ ܕܒܚܝܠܗ ܕܡܪܟ ܠܒܥܠܕܒܒܐ ܬܓܠܘܙ ܡܢ
208:14	ܣ̈ܓܝܐܐ݂܂ ܕܬܗܘ݂ܐ ܥܠ݂ܬܐ ܕܚ̈ܝܐ ܠܐܬܪܐ ܕܗ̈ܢܕܘܝܐ܂
208:15	ܕܐܬ݂ܐ ܕܠܐ ܒܨܒܝܢܗ ܠܘܬ ܒ̈ܢܝ ܐܢܫܐ ܕܛ݂ܥܝܢ ܗܘܘ
208:16	ܡܢ ܐܠܗܐ܂ ܘܗܐ ܒܚܙܬܟ ܘܒܡ̈ܠܝܟ ܐܠܗ̈ܝܬܐ ܡܬܦܢܝܢ
208:17	ܠܚ̈ܝܐ܂ ܣܩ ܪܟܒ ܥܠܝ݂ ܘܐܬܬܢܝܚ ܥܕ ܥܐ݁ܠ ܐܢܬ
208:18	ܠܡܕܝܢܬܐ܂ 39܂3 ܘܐܪܝܡ ܝܗܘܕܐ ܩܠܗ݂ ܘܐܡ݂ܪ܂ ܐܘ ܝܫܘܥ
208:19	ܒܪܐ ܕܪ̈ܚܡ݂ܐ ܡ̈ܫܠܡܢܐ܂ ܐܘ ܫ݁ܠܝܐ ܘܫܬܝܩܐ݁܂
208:20	ܕܒ̈ܚܝܘܬܐ ܕܠܝܬ ܠܗܝܢ ܡܠܬܐ ܡܬܡܠܠ ܐܢܬ܂ ܐܘ
209:01	ܟܣܝܐ ܕܒܥ݁ܒ݂̈ܕܘܗܝ ܡܬܚܙܐ݁܂ ܘܡܬܪܣܝܢܢ ܘܡ݁ܢܛܪܢܢ܂
209:02	ܡܚܝܢܐ ܕܦܓܪ̈ܝܢ܂ ܘܡܚܝܢܐ ܕܢܦܫ̈ܬܢ܂ ܢܒܥ݂ܐ ܚܠܝܐ
209:03	ܕܠܐ ܓܐ݁ܙ܂ ܘܡܥܝܢܐ ܫܦܝܬܐ ܕܠܐ ܡܬܕܠܚܐ܂ ܗ݀ܘܐ
209:04	ܐܝ݁ܠܐ ܠܥܒ݂̈ܕܘܗܝ ܒܐܓܘܢܐ܂ ܘܡܦܫ݁ܚ ܠܒܥܠܕܒܒܐ
209:05	ܩܕܡܝܗܘܢ܂ ܩܐ݁ܡ ܒܐ̈ܓܘܢܐ ܚܠܦܝܢ܃ ܘܡ݁ܙܟܐ ܠܢ
209:06	ܒܟܠܗܘܢ܂ ܐܬܠܝܛܢ ܕܫܪܪܐ ܕܠܐ ܡܬ݂ܢܟܐ݂܂ ܘܪܒ ܚܝܠܢ
209:07	ܩܕܝܫܐ ܕܠܐ ܡ݂ܙܕܟܐ܂ ܝ݁ܗܒ ܚܕܘܬܐ ܠܕܝܠܗ ܕܠܐ
209:08	ܥ݁ܒܪܐ܂ ܘܢܝ݁ܚܐ ܕܠܝܬ ܒܗ ܬܘܒ ܐܘܠܨܢܐ܂ ܪܥ݁ܝܐ
209:09	ܛ݁ܒܐ ܕܝܗܒ݂ ܢܦܫܗ ܥܠ ܐ̈ܦܝ ܥܢܗ܂ ܕܠܕܐܒܐ ܙܟ݂ܐ݂
209:10	ܘܐܥܕܝ ܐܡ݂ܪ̈ܘܗܝ܂ ܡܫܒܚܝܢܢ ܠܟ܂
209:11	ܘܡܪܡܪܡܝܢܢ ܒܐܝ݂ܕܟ ܠܐܒܘܟ ܪܡܐ݁܂ ܗ݀ܘ ܕܠܐ
209:12	ܡܬܚܙܐ݁܂ ܘܠܪܘܚܐ ܩܕܝܫܬܐ ܡܪܚܦܬ ܥܠ ܒܪ̈ܝܬܐ
209:13	ܟܠܗܝܢ ܀ ܀ ܀ 40܂1 ܘܟܕ ܐܡ݂ܪ ܫܠܝܚܐ ܗܠܝܢ܃ ܟܢ̈ܫܐ ܗ݀ܢܘܢ
209:14	ܟܠܗܘܢ ܕܟܢܝ݂ܫܝܢ ܗܘܘ ܬܡ݁ܢ܃ ܚ݁ܝܪܝܢ ܗܘܘ ܕܢܚ݂ܙܘܢ ܡܢܐ
209:15	ܦܬܓܡܐ ܝ݁ܗܒ ܗܘܐ ܠܗ ܠܥܝܠܐ ܗ݀ܘ܂ ܘܟܕ ܥܕܢܐ
209:16	ܣܓܝܐܐ ܩܐ݁ܡ ܗܘܐ ܫܠܝܚܐ ܘܡܬܕܡܪ܃ ܘܒܫܡܝܐ
209:17	ܚܐ݁ܪ ܗܘܐ ܀ ܐܡ݂ܪ ܠܗ ܠܥܝܠܐ ܗ݀ܘ݂܂ ܡ݁ܢ ܐܢܬ݂ ܘܡܐ
209:18	ܛܒ݂ܟ܃ ܕܒܦܘܡܟ ܬܕܡܪ̈ܬܐ ܐܬܡ̈ܠܠܝ ܒܗ܃ ܘܪ̈ܘܪܒܬܐ
209:19	ܐܝܠܝܢ ܕܡܢ ܣ̈ܓܝܐܐ ܡܝܬܪ̈ܢ ܗ̈ܘܝ ܀ ܀ 40܂2 ܐܡ݁ܪ ܠܗ ܥܝܠܐ
209:20	ܗ݀ܘ܂ ܡܢ ܗ݀ܝ ܐܢܐ ܫܪܒܬܐ ܕܠܒܠܥܡ ܢܒܝܐ ܫܡ݂ܫܬ݁܃
209:21	ܘܡܪܟ ܐܠܗܐ ܥܠ ܛܘܗܡܝ ܪܟ݂ܒ܂ ܘܐܢܐ ܠܟ ܐܫܬܕܪܬ
209:22	ܕܐܢܝܚܟ݂ ܘܡܛܠ ܗܕܐ ܗܝܡܢܘܬܗܘܢ ܕܗܠܝܢ ܬܬ݂ܦܢܐ݂܂