The Comprehensive Aramaic Lexicon

210:01	ܘܬܬܘܣܦ ܠܝ ܗ݀ܝ ܡ݁ܢܬܐ ܐܚܪܬܐ݁܂ ܐ݁ܝܕܐ ܕܝܘܡܢܐ ܡܛܠ
210:02	ܕܠܟ ܐ݁ܫܡܫ ܩܢܝܬܗ݀܂ ܘܡܐ ܕܠܟ ܫ݁ܡܫܬ ܡܫܬܩܠܐ
210:03	ܠܗ݀ ܡܢܝ ܀ 40܂3 ܐܡ݁ܪ ܠܗ ܬܐܘܡܐ܂ ܡܗܝܡܢ ܗܘ ܐܠܗܐ
210:04	ܕܝܗ݂ܒ ܠܟ ܗܫܐ ܗܕܐ ܡ݁ܘܗܒܬܐ݂܂ ܕܐܦ ܒܐܚܪܬܐ
210:05	ܬܫܬ݂ܡܠܐ ܥܡܟ ܘܥܡ ܒ̈ܢܝ ܫܪܒܬܟ܂ ܐܢܐ ܓܝܪ ܡܢ
210:06	ܗܢܐ ܪܙܐ ܙܥܘܪ ܐܢܐ݂ ܘܡܚܝܠ܂ ܘܠܐ ܨ݁ܒܐ ܗܘܐ
210:07	ܕܢܪܟܒ ܥܠܘܗܝ ܀ ܀ ܗ݀ܘ ܕܝܢ ܥܝܠܐ ܒܥ݁ܐ ܗܘܐ ܡܢܗ
210:08	ܘܡܬܟܫܦ ܠܗ݂܂ ܕܢܬܒܪܟ ܡܢ ܪܟܘܒܗ܂ ܘܣܠ݂ܩ ܗܘܐ
210:09	ܪܟܒܗ܂ ܘܐܬ݂ܝܢ ܗܘܘ ܐܢܫܐ ܒܬܪܗ ܘܩܕܡܘܗܝ ܕܫܠܝܚܐ܂
210:10	ܘܪܗܛܝܢ ܗܘܘ ܕܢܚ݂ܙܘܢ ܡܢܐ ܓܕܫ ܠܗ܂ ܘܐܝܟܢܐ ܫ݁ܪܐ
210:11	ܠܗ ܠܥܝܠܐ ܗ݀ܘ܂ 41܂1 ܘܟܕ ܡ݂݁ܛܝ ܬܪܥܐ ܕܡܕܝܢܬܐ݂ ܢܚ݂ܬ ܡܢܗ܂
210:12	ܘܐܡ݂ܪ ܠܗ݂ ܙܠ ܐܬܢܛܪ ܐܝܟܢܐ ܕܐܝܬܝܟ ܗܘܝܬ܂ ܘܒܗ݀
210:13	ܒܫܥܬܐ ܢܦ݂ܠ ܥܝܠܐ ܗ݀ܘ ܘܫ݁ܠܡ܂ ܘܠܟܠܗܘܢ ܗ݀ܢܘܢ
210:14	ܕܐܝܬ ܗܘܘ ܬܡ݁ܢ܃ ܥ݂ܩܬ ܗܘܬ ܠܗܘܢ ܥܠܘܗܝ܂ ܘܐܡ݁ܪܝܢ
210:15	ܗܘܘ ܠܗ ܠܫܠܝܚܐ܂ ܐܚܝܗܝ܂ ܐܡ݁ܪ ܠܗܘܢ ܫܠܝܚܐ܂
210:16	ܠܐ ܗܘܐ ܡܛܠ ܕܠܐ ܡܫܟܚ ܐܢܐ ܕܐܚܝܘܗܝ ܠܗܢܐ
210:17	ܥܝܠܐ ܠܐ ܡܚܐ ܐܢܐ ܠܗ܂ ܐܠܐ ^ܗܕܐ^ ܗ݀ܝ ܕܡܥܕܪܐ
210:18	ܠܗ܂ ܗ݀ܘ ܓܝܪ ܡ݁ܢ ܕܝܗ݂ܒ ܗܘܐ ܠܗ ܡܠܬܐ݂܂ ܡܫܟܚ ܗܘܐ
210:19	ܕܢܥܒ݂ܕ ܠܗ ܕܠܐ ܢܡܘܬ܂ ܐܠܐ ܗܕܐ ܗܝ ܕܡܥܕܪܐ ܠܗ܂
210:20	ܘܦܩ݂ܕ ܗܘܐ ܫܠܝܚܐ ܠܗ݀ܢܘܢ ܕܥܡܗ݂܂ ܕܢܚ݂ܦܪܘܢ
211:01	ܕܘܟܬܐ ܘܢܛܡ݂ܪܘܢ ܦܓܪܗ܂ ܘܥܒ݂ܕܘ ^ܗܘܘ^ ܐܝܟܢܐ
211:02	ܕܦܩ݂ܕ ܗܘܐ ܠܗܘܢ ܀
211:03	‍[‍ܫܠ݂ܡܬ ܦܪܟܣܝܣ ܕܐܪܒܥ܂‍]‍
211:04	‍[‍ܬܘܒ ܦܪܟܣܣ ܕܚܡܫ܂‍]‍
211:05	42܂1 ܘܥܠ ܗܘܐ ܫܠܝܚܐ ܠܡܕܝܢܬܐ݂܂ ܟܕ ܟܢ̈ܫܐ ܗ݀ܢܘܢ
211:06	ܥܡܗ܂ ܘܪܢ݁ܐ ܗܘܐ ܕܢܐܙܠ ܠܒܝܬ ܐܢ̈ܫܘܗܝ܂ ܕܗ݀ܘ
211:07	ܥܠܝܡܐ ܕܐ݁ܚܝ܂ ܡܛܠ ܕܣܓ݁ܝ ܒܥ݂ܐ ܗܘܐ ܡܢܗ܂
211:08	42܂2 ܘܐܢܬܬܐ ܚܕܐ ܫܦܝܪܬܐ݂܂ ܩܥ݂ܬ ܒܩܠܐ ܪܡܐ݂ ܘܐܡ݁ܪܐ
211:09	ܠܗ܂ ܫܠܝܚܐ ܕܐܠܗܐ ܚ݂ܕܬܐ ܕܐܬ݂ܐ ܠܗܢܕܘ܂ ܥܒ݂ܕܗ
211:10	ܕܐܠܗܐ ܩܕܝܫܐ ܕܒܟ ܡܬܟܪܙ܃ ܘܡܚܝܢܐ ܕܢܦܫ̈ܬܐ
211:11	ܕܐܝܠܝܢ ܕܠܘܬܗ ܐܬ݂ܝܢ܃ ܘܡܐܣܝܢܐ ܕܦܓܪ̈ܐ
211:12	ܐܝܠܝܢ ܕܡܢ ܒܥܠܕܒܒܐ ܡܫܬܢܩܝܢ܃ ܕܗܘ݂ܐ ܥܠ݂ܬܐ ܕܚ̈ܝܐ
211:13	ܠܟܠܗ݀ ܐܢܫܘܬܐ ܕܗܢܕܘ݂܂ ܐܦܣ ܕܢܥ݁ܠܘܢܢܝ ܩܕܡܝܟ܃ ܕܐ݁ܡܪ
211:14	ܠܟ ܡܕܡ ܕܓܕܫܢܝ܂ ܕܐܟܒܪ ܡܢ ܠܘܬܟ݂ ܣܒܪܐ ܢܗܘ݂ܐ
211:15	ܠܝ܂ ܘܗܠܝܢ ܕܩ݁ܝܡܝܢ ܝܬܝܪܐܝܬ ܢܫܬܪܪܘܢ ܒܐܠܗܐ ܗ݀ܘ
211:16	ܕܡܢܟ ܡ݁ܬܟܪܙ܂ ܘܐܡ݁ܪܐ ܐܢܐ ܠܟ܂ ܕܠܐ ܗܘܐ ܒܨܝܪܐܝܬ
211:17	ܡܫܬܢܩܐ ܐܢܐ ܡܢ ܒܥܠܕܒܒܐ݁܂ ܗܐ ܙܒܢܐ ܕܫ̈ܢܝܐ
211:18	ܚܡܫ܂ ܒܫܠ݂ܝܐ ܓܝܪ ܝܬܒܐ ܗܘܝܬ܂ ܘܫܝܢܐ ܚ݂ܕܝܪ
212:01	ܗܘܐ ܠܝ܂ ܡܢ ܟܘܠ ܓܒ̈ܝ܂ ܘܕܡܕܡ ܠܐ ܝ݁ܨܦܐ ܗܘܝܬ܂
212:02	ܡܛܠ ܕܐܦܠܐ ܨܦܬܐ ܝ݁ܕܥܐ ܗܘܝܬ܂ 43܂1 ܓ݂ܕܫ ܕܝܢ ܒܚܕ
212:03	ܡܢ ܝܘ̈ܡܬܐ ܟܕ ܢ݁ܦܩܐ ܗܘܝܬ ܡܢ ܒܠܢܐ݂܂ ܦܓ݂ܥ ܒܝ
212:04	ܓܒܪܐ ܚܕ܂ ܕܒܚܙܘܗ ܟܕ ܫܓܝ݂ܫ ܡܬܚܙܐ ܗܘܐ܂
212:05	ܢܥܡܬܗ ܘܒܪܬ ܩܠܗ݂ ܛܒ ܪܟܝܟܐ ܗܘܬ܂ ܘܐܡ݂ܪ ܠܝ
212:06	ܕܐܢܐ ܘܐܢܬ ܒܚܕ ܚܘܒܐ ܢܗܘ݂ܐ܂ ܘܐܢܬܝ ܐܫܬܘܬܦܝ
212:07	ܥܡܝ ܒܫ‍<‍ܘ‍>‍ܬ‍{‍ܘ‍}‍ܦܘܬܐ ܕܓܒܪܐ ܘܕܐܢܬܬܐ܂ ܘܐܡ݁ܪܬ ܠܗ܂
212:08	ܐܢ݁ܐ ܠܡܟܝܪܝ ܠܐ ܗ݀ܘܝܬ܂ ܡܛܠ ܕܠܐ ܡܫܟܚܐ ܐܢܐ
212:09	ܠܡܣ݁ܝ݂ܒܪܘ ܠܓܒܪܐ܂ ܠܟ ܕܝܢ ܕܒܓܘܪܐ ܨ݂ܒܝܬ ܕܬܫܬܘܬܦ
212:10	ܥܡܝ݂܂ ܐܝܟܢܐ ܢܦܫܝ ܝܗܒܐ ܐܢܐ ܠܟ܂ ܘܠܛܠܝܬܐ ܕܐܝܬ
212:11	ܗܘܬ ܥܡܝ ܐܡ݁ܪܬ ܠܗ݀܂ ܚܙܝ ܠܚܨܝܦܘܬܗ ܕܗ݀ܘ ܥܠܝܡܐ݁܂
212:12	ܥܕܡܐ ܕܒܦܪܪܝܣܝܐ ܢܡܠܠ ܥܡܝ܂ ܘܗ݂ܝ ܐܡ݂ܪܬ ܠܝ܂ ܕܐܢܐ݂
212:13	ܠܓܒܪܐ ܣܒܐ ܚ݁ܙܝܬ ܕܡ݁ܡܠܠ ܥܡܟܝ܂ 43܂2 ܘܟܕ ܠܒܝܬܐ
212:14	ܐܙܠ݁ܬ ܘܐܚܫܡܬ݂܂ ܠܒܝ݂ ܡܩܢܛ ܗܘܐ ܠܝ ܡܢܗ܃
212:15	ܕܒܬܪ̈ܬܝܢ ܕܡ̈ܘܢ ܐܬܚܙܝ ܠܝ܂ ܘܕܡ݁ܟܬ ܟܕ ܪܢܝ݁ܐ ܐܢܐ
212:16	ܒܗ܂ ܘܒܠܠܝܐ ܐܬ݂ܐ ܘܐܫܬܘܬܦ ܥܡܝ ܒܫܘܬܦܘܬܐ
212:17	ܨܐܬܐ܂ ܘܐܦ ܒܐܝܡܡܐ ܚ݁ܙܝܐ ܗܘܝܬ ܠܗ ܘܥ݁ܪܩܐ
212:18	ܗܘܝܬ ܡܢܗ܃ ܒܠܠܝܐ ܕܝܢ ܕܚܝܠܐܝܬ ܐ݁ܬܐ ܗܘܐ ܥܠܝ݂
212:19	ܘܡܫ݁ܬܢܕ ܗܘܐ ܒܝ܂ ܘܗܐ ܥܕܟܝܠ ܐܝܟ ܕܚ݁ܙܐ ܐܢܬ
212:20	ܠܝ ܗܐ ܚܡܫ ܫ̈ܢܝܢ݂ ܘܠܐ ܐܪܦܝܢܝ܂ 43܂3 ܐܠܐ ܡܛܠ ܕܝ݁ܕܥܐ
213:01	ܐܢܐ ܘܡܗܝܡܢܐ ܐܢܐ܃ ܕܐܦ ܫ̈ܐܕܐ ܘܐܦ ܪ̈ܘܚܐ
213:02	ܘܐܦ ܕܝ̈ܘܐ ܡܫܬܥܒܕܝܢ ܠܟ ܘܕܚܠܝܢ ܡܢ ܨܠܘܬܟ݂܂
213:03	ܒܥ݁ܝܐ ܐܢܐ ܡܢܟ ܡܪܝ܃ ܕܬܨ݁ܠܐ ܥܠܝ ܘܬܒܥܐ ܡܢ
213:04	ܐܠܗܐ݂܂ ܘܬܪܕܘܦ ܡܢܝ ܢܣܝܘܢܐ ܗܢܐ܂ ܘܙܒܢܐ ܕܩܝܡ
213:05	ܠܝ ܐ݁ܗܘܐ ܒܪܬ ܚܐܪ̈ܐ݂܂ ܘܐܬ݂ܟܢܫ ܠܘܬ ܟܝܢܝ
213:06	ܩܕܡܝܐ܂ ܘܐܩ݁ܒܠ ܡ݁ܘܗܒܬܐ ܕܠܬܝ̈ܒܐ ܡܬܝܗܒܐ ܀
213:07	44܂1 ܗ݀ܝܕܝܢ ܫܠܝܚܐ ܟܕ ܚ݂ܙܐ܂ ܡܚܦܛܢܘܬܗ ܕܒܥܠܕܒܒܐ݂܂
213:08	ܐܪܝܡ ܩܠܗ ܘܐܡ݂ܪ܂ ܐܘ ܒܝ݂ܫܬܐ ܕܠܐ ܬ݂ܝܟܐ܂ ܐܘ
213:09	ܒܥܠܕܒܒܐ ܕܠܐ ܒܗܠ݁܂ ܐܘ ܠܚ݁ܣܡܐ ܕܠܝܬ ܠܗ ܫܠ݂ܝܐ܂
213:10	ܐܘ ܣܢܝܐ ܕܥܡ ܫܦܝܪ̈ܐ ܡܬ݂ܟܬܫ ܐܢܬ܂ ܕܬ݂ܟܒܘܫ
213:11	ܐܢܘܢ ܬܚܘܬܝܟ܂ ܐܘ ܕܐܝܬ ܠܗ ܕܡ݂̈ܘܬܐ ܣ̈ܓܝܐܬܐ
213:12	ܣ̈ܢܝܬܐ݁܂ ܘܐܝܟܢܐ ܕܨ݁ܒܐ ܡܬܚ݂ܙܐ܂ ܓܘܢܟ ܕܝܢ ܐܘܟܡܐ
213:13	ܠܐ ܡܬܚ݁ܠܦ܂ ܡܛܠ ܕܟܝܢܟ ܗܘ܂ 44܂2 ܐܘ ܨܢܝܥܐ ܘܡ݁ܕܘܕܢܐ
213:14	ܕܥ݁ܒ̈ܕܐ ܛ̈ܒܐ܂ ܐܘ ܐܝܠܢܐ ܡܪܝܪܐ ܕܦܐܪ̈ܘܗܝ ܠܗ
213:15	ܕܡ݁ܝܢ܂ ܐܘ ܐ݁ܟܠܩܪܨܐ ܕܓܠܐ܂ ܕܒܕܠܐ ܕܝܠܗ ܡܬܟܬܫ܂
213:16	ܐܘ ܠܛܘܥܝܝ ܕܟܕ ܥܠ ܪܝܫܗ݀ ܟܦ݂ܝܐ܂ ܩ݁ܝܡܐ ܒܚܨܝܦܘܬܐ݁܂
213:17	ܘܡܡܪܚܐ ܥܠ ܐܝܠܝܢ ܕܛ݁ܒܝܢ ܡܢܗ݀܂ ܐܘ ܠܒܝ݂ܫܬܐ ܕܫ݂݁ܦܐ
213:18	ܐܝܟ ܚܘܝܐ܂ ܘܪܚ݂݁ܫܐ ܘܥܐ݁ܠܐ ܘܠܡܝܬܪܘܬܐ ܡܫܬܘܫܛܐ܂
213:19	ܘܥܕܡܐ ܠܐܡܬܝ ܐ݁ܡ݂ܪ ܗܠܝܢ܂ ܐܠܐ ܒܥܓܠ ܚ݁ܘܐ
213:20	ܩܢܘܡܟ ܒܥܠܕܒܒܐ ܕܥܒ݂̈ܕܘܗܝ ܕܡܫܝܚܐ܂ ܕܢܚ݂ܙܘܢ
213:21	ܟܢ̈ܫܐ ܗܠܝܢ ܕܠܘܬ ܐܠܗܐ ܕܫܪܪܐ ܩ݁ܪܝܢܢ ܠܗܘܢ ܀
213:22	44܂3 ܘܟܕ ܗܠܝܢ ܐܡ݂ܪ ܗܘܐ ܫܠܝܚܐ܂ ܐܬ݂ܐ ܒܥܠܕܒܒܐ ܗ݀ܘ
214:01	ܘܩܡ ܩܕܡܘܗܝ݂܂ ܠܐ ܚ݁ܙܐ ܗܘܐ ܠܗ܃ ܐܠܐ ܐܢ ܗ݂ܘ
214:02	ܫܠܝܚܐ ܘܐܢܬܬܐ ܗ݀ܝ܂ ܘܒܩܠܐ ܪܡܐ ܩ݁ܥܐ ܗܘܐ܂ ܟܕ
214:03	ܟܠܗܘܢ ܐܝܠܝܢ ܕܐܝܬ ܗܘܘ ܬܡ݁ܢ݂ ܫܡ݁ܥܝܢ ܗܘܘ ܠܗ܂ 45܂1 ܡܐ
214:04	ܠܢ ܘܠܟ ܫܠܝܚܗ ܕܡܪܝܡܐ܂ ܡܐ ܠܢ ܘܠܟ ܥܒ݂ܕܗ̈ ܕܝܫܘܥ
214:05	ܡܫܝܚܐ ܡܢܐ ܠܢ ܘܠܟ ܒܪ ܪ̈ܐܙܘܗܝ ܩ̈ܕܝܫܐ݁ ܕܐܠܗܐ܂
214:06	ܡܢܐ ܨ݁ܒܐ ܐܢܬ ܠܡܘܒܕܘܬܢ݁܂ ܟܕ ܥܕܟܝܠ ܙܒܢܢ ܠܐ
214:07	ܡ݂ܛܐ܂ ܡܢܐ ܒܥܐ ܐܢܬ ܕܬܣܒ ܫܘܠܛܢܐ ܕܐܬܝܗܒ
214:08	ܠܢ݁܂ ܟܕ ܥܕܡܐ ܠܗܫܐ ܐܝܬ ܠܢ ܥܠܘܗܝ ܣܒܪܐ܂ ܡܢܐ ܠܢ
214:09	ܘܠܟ ܕܐܬ݂ܝܬ ܠܡܛܪܕܢ܂ ܐܢܬ ܒܐܝܠܝܢ ܕܡܫ݂ܬܡܥܝܢ ܠܟ
214:10	ܫܠܝ݂ܛ ܐܢܬ ܥܠܝܗܘܢ܂ ܘܚܢܢ ܒܐܝܠܝܢ ܕܡܬܪܡܝܢ ܠܢ
214:11	ܫܠܝܛܝܢܢ ܒܗܘܢ܂ 45܂2 ܥܠ ܡܢܐ ܨܒܝ݂ܬ ܕܬܕܒ݂ܪܢ ܒܩܛܝܪܐ
214:12	ܡܢ ܩܕܡ ܙܒܢܢ܃ ܟܕ ܐܢܬ ܠܐܚܪ̈ܢܐ ܡ݁ܦܩܕ ܐܢܬ܃ ܕܒܩܛܝܪܐ
214:13	ܠܐܢܫ ܠܐ ܬܕܒ݂ܪܘܢ܂ ܡܢܐ ܡܬܝܥܢ ܐܢܬ ܥܠ ܕܠܐ
214:14	ܕܝܠܟ܃ ܕܝܠܟ ܓܝܪ ܠܐ ܣ݁ܦܩܝܢ ܠܟ܃ ܡܢܐ ܡܬܕܡܐ ܐܢܬ
214:15	ܠܡܪܟ ܐܠܗܐ݁܂ ܕܛܫ݁ܝ ܪܒܘܬܗ ܘܐܬܚ݂ܙܝ ܒܦܓܪܐ݁܂
214:16	ܘܣܒܪܢ ܥܠܘܗܝ ܕܡ݁ܝܘܬܐ ܗܘ܂ ܘܐܬܗ݂ܦܟ
214:17	ܘܕܒ݂ܪܢ ܒܩܛܝܪܐ܂ ܟܐܡܬ ܓܝܪ ܡܢܗ ܝܠ݂ܝܕ ܐܢܬ܂ ܟܕ
214:18	ܣܒܪܢ ܓܝܪ ܥܠܘܗܝ ܕܬܚܝ݂ܬ ܫܘܠܛܢܢ ܢܪܡܝܘܗܝ܃
214:19	ܐܬܗ݂ܦܟ ܗ݂ܘ ܗܓ݂ܡܢ ܠܥܘܡܩܐ܂ 45܂3 ܠܐ ܓܝܪ ܝ݁ܕܥܝܢ ܗܘܝܢ
214:20	ܠܗ܂ ܐܛܥܝܢ ܗܘܐ ܓܝܪ ܒܚܙܬܗ ܡܟܝܟܬܐ݁܂ ܘܒܣܢܝܩܘܬܗ
214:21	ܘܒܡܣܟܢܘܬܗ܂ ܘܣܒܪܝܢ ܗܘܝܢ ܟܕ ܚܙܝܢܝܗܝ݂ ܕܚܕ ܡܢ
215:01	ܒ̈ܢܝܢܫܐ ܗܘ܂ ܘܠܐ ܝ݁ܕܥܝܢ ܗܘܝܢ ܕܗܘ݂ܝܘ ܡܚܝܢܐ ܕܟܘܠܗ݀
215:02	ܐܢܫܘܬܐ܂ ܝܗ݂ܒ ܠܢ ܕܝܢ ܫܘܠܛܢܐ݂܂ ܕܒܕܝܠܢ ܟܡܐ ܕܐܝܬ
215:03	ܠܢ ܙܒܢܐ ܕܝܠܢ ܠܐ ܢ݁ܪܦܐ܂ ܘܒܕܝܠܢ ܗܘ݂ܝܢ ܡܬܚܫܚܝܢ܂ ܐܢܬ
215:04	ܕܝܢ ܗܐ ܨ݂ܒܝܬ ܕܝܬܝܪ ܡܢ ܡܕܡ ܕܝܗ݂ܒ ܠܟ ܬܩ݂ܢܐ݂ ܘܠܢ
215:05	ܬ݂ܚܫ ܀ 46܂1 ܘܟܕ ܗܠܝܢ ܐܡ݂ܪ ܗܘܐ ܫܐܕܐ ܗ݀ܘ܂ ܬܘܒ ܒܟ݂ܐ
215:06	ܗܘܐ ܘܐܡ݂ܪ܂ ܫ݁ܒܩ ܐܢܐ ܠܟܝ ܐܘ ܒܪܬ ܙܘܓܝ ܫܦܝܪܬܐ݁܂
215:07	ܕܠܙܒܢܐ ܣܓܝܐܐ ܐܫܟܚܬܟܝ ܘܥܠܝܟܝ ܐܬܬܢܝܚܬ܂ ܫ݁ܒܩ
215:08	ܐܢܐ ܠܟܝ ܚܬܝ ܘܚܒܝܒܬܝ܂ ܕܥܠܝܗ݀ ܣ݁ܒܪܬ ܕܐ݁ܩܘܐ܂ ܡܢܐ
215:09	ܐ݁ܥܒܕ ܠܐ ܝ݁ܕܥ ܐܢܐ܂ ܘܒܓܢ ܡ݁ܢ ܐ݁ܩܪܐ܂ ܕܢܥܕܪܢܝ܂ ܝ݁ܕܥ
215:10	ܐܢܐ ܡܢܐ ܐ݁ܥܒܕ܂ ܐ݁ܙܠ ܐܢܐ ܠܝ ܠܐܬܪܐ ܐܚܪܢܐ݂܂
215:11	ܠܐܝܟܐ ܕܛܒ݂ܗ ܕܓܒܪܐ ܗܢܐ ܠܐ ܐ݁ܫܡܥ܂ ܠܟܝ
215:12	ܚܒܝܒܬܝ ܐܥܩܘܒ܂ 46܂2 ܘܐܪܝܡ ܗܘܐ ܩܠܗ݂ ܘܐܡ݂ܪ܂ ܦܘܫܝ
215:13	ܕܠܐ ܫ݁ܠܡܐ ܐܝ݁ܕܐ ܕܓܘܣܐ ܐܚ݂ܕܬ ܒܐܝܢܐ ܕܝܬܝܪ ܡܢܝ܂
215:14	ܐ݁ܙܠ ܐܢܐ ܕܐ݁ܦܗܐ ܘܐ݁ܒܥܐ ܠܝ ܕܐܟܘܬܝ܂ ܘܐܢ ܠܐ
215:15	ܐ݁ܫܟܚ ܠܝ݂܂ ܬܘܒ ܠܘܬܟܝ ܐ݁ܦܢܐ ܠܝ܂ ܝ݁ܕܥ ܐܢܐ ܓܝܪ
215:16	ܕܗܫܐ ܡܛܠ ܕܩܪܝܒ ܗܘ ܠܟܝ ܗܢܐ ܓܒܪܐ݁܂ ܗܐ
215:17	ܐܚ݁ܕܬ‍<‍ܝ‍>‍ ܒܗ ܓܘܣܐ܂ ܡ݁ܫܢܐ ܐܢܐ ܕܝܢ ܡܟܐ݂܂ ܘܐܝܟ
215:18	ܕܐܝܬܝܟܝ ܗ݀ܘܝܐ ܐܢܬܝ܂ ܕܟܕ ܠܠܝܐ ܢܐܬܐ ܘܠܗ ܛܥܝܐ
215:19	ܐܢܬܝ݂܂ ܘܠܝ ܕܝܠܝ ܐܬܪܐ ܗ݀ܘܐ ܠܘܬܟܝ܂ ܗܫܐ ܓܝܪ ܫܡܗ
215:20	ܗܘ ܕܗ݀ܘ ܕܡ݁ܟܪܙ ܐܢܐ ܐܕܚܠܢܝ܂ ܀ 46܂3 ܘܟܕ ܗܠܝܢ ܐܡ݂ܪ
216:01	ܗܘܐ ܫܐܕܐ ܗ݀ܘ܂ ܒܗ݀ ܒܫܥܬܐ ܐܬܒܥܝ ܘܠܐ ܐܫܬܟܚ܂
216:02	ܐܠܐ ܬܢܢܐ݂ ܘܢܘܪܐ ܐܬܚ݂ܙܝܬ݁ ܡܢ ܒܬܪܗ܂ ܘܟܠܗܘܢ
216:03	ܗܠܝܢ ܕܬܡ݁ܢ ܩ݁ܝܡܝܢ ܗܘܘ ܬܡܝܗܝܢ ܗܘܘ܂ 47܂1 ܘܟܕ ܚ݂ܙܐ
216:04	ܫܠܝܚܐ݂ ܐܡ݂ܪ ܠܗܘܢ܂ ܠܐ ܡܕܡ ܢܘܟܪܝ ܚ݂݁ܘܝ ܗ݀ܘ
216:05	ܚܪܡܐ܂ ܐܠܐ ܟܝܢܐ ܗ݀ܘ ܕܒܗ ܐܬܛ݁ܠܩ܃ ܢܘܪܐ ܓܝܪ
216:06	ܡܛܠܩܐ ܠܗ܂ ܘܬܢܢܐ ܣ݁ܠܩ ܡܢܗ ܀ 47܂2 ܘܫ݂݁ܪܝ
216:07	ܗܘܐ ܫܠܝܚܐ ܕܢܐܡܪ܂ ܝܫܘܥ ܪܐܙܐ ܟܣܝܐ ܕܠܝ
216:08	ܐܬܓܠ݂ܝ܃ ܐܢܬ ܗܘ ܕܓܠܝ݂ܬ ܠܝ ܪ̈ܐܙܝܟ ܝܬܝܪ ܡܢ ܚܒܪ̈ܝ
216:09	ܟܠܗܘܢ܂ ܘܐܡ݁ܪܬ ܠܝ ܡ̈ܠܐ ܐܝܠܝܢ ܕܐܢܐ ܗܘ ܝ݁ܩܕ ܐܢܐ
216:10	ܒܗܝܢ܂ ܘܐ݁ܡܪ ܐ̈ܢܝܢ ܠܐ ܡܫܟܚ ܐܢܐ܂ ܝܫܘܥ ܐܢܫܐ
216:11	ܝܠ݂ܝܕܐ܂ ܩ݂ܛܝܠܐ ܡܝ݂ܬܐ܂ ܝܫܘܥ ܐܠܗܐ ܒܪ ܐܠܗܐ܂
216:12	ܡܚܝܢܐ ܘܡܐ݁ܚܐ ܡ̈ܝ݂ܬܐ܂ 47܂3 ܝܫܘܥ ܣܢܝܩܐ ܘܨ݁ܐܕ ܢܘ̈ܢܐ
216:13	ܠܫܪܘܬܐ ܘܠܚܫܡܝܬܐ܂ ܝܫܘܥ ܡܣ݁ܒܥ ܠܐ̈ܠܦܐ ܣ̈ܓܝܐܐ
216:14	ܡܢ ܠܚܡܐ ܙܥܘܪܐ܂܂ ܝܫܘܥ ܡܬܬܢܝܚ ܡܢ ܥܡܠܐ
216:15	ܕܐܘܪܚܐ ܐܝܟ ܒܪܢܫܐ݂܂ ܘܡܗ݀ܠܟ ܥܠ ܓ̈ܠܠܐ ܕܝܡ݂݁ܐ݂
216:16	ܐܝܟ ܐܠܗܐ܂܂ 48܂1 ܝܫܘܥ ܩܠܐ ܡܪܝܡܐ ܕܕܢܚ݂ ܡܢ ܪ̈ܚܡ݂ܐ
216:17	ܡ̈ܫܠܡܢܐ܂ ܦܪܘܩܐ ܕܟܠ܃ ܘܡܚܪܪܢܐ ܘܡܦܪܢܣܢܐ
216:18	ܕܥܠܡܐ݂ ܘܡܚܝܠܢܐ ܕܡ̈ܝ݂ܬܐ܂܂ ܝܫܘܥ ܝܡܝܢܐ ܕܐܒܐ݁܂
216:19	ܕܣܚ݂ܦܬ݁ ܠܒܝ݂ܫܐ ܠܬܚܘܡܐ ܬܚܬܝܐ݂܂ ܘܟ݁ܢ݂ܫ ܩ̈ܢܝܢܘܗܝ
216:20	ܠܚܕ ܨ݁ܘܒܐ ܒܪܝܟܐ܂ ܝܫܘܥ ܡ݁ܠܟܐ ܕܥܠ ܟܠ ܘܟܠ
216:21	ܡܫ݁ܥܒܕ܂܂ ܝܫܘܥ ܕܐܢܬ ܒܐܒܐ ܘܐܒܐ ܒܟ܃ ܘܚܕ
217:01	ܐܢܬܘܢ ܒܚܝܠܐ ܘܒܨܒܝܢܐ ܘܒܫܘܒܚܐ݂ ܘܒܐܝܬܘܬܐ܂
217:02	ܘܡܛܠܬܢ ܐܫܬܡ݁ܗܬ ܒܫ̈ܡܗܐ݂ ܘܐܝܬܝܟ ܒܪܐ܂
217:03	ܘܠܒܫ݂ܬ ܦܓܪܐ܂܂ 48܂2 ܝܫܘܥ ܕܗܘ݂ܝܬ ܢܙܝܪܐ݂܂ ܘܠܟܠ ܡܦܪܢܣܐ
217:04	ܛܝܒܘܬܟ ܐܝܟ ܐܠܗܐ܂܂ ܒܪ ܐܠܗܐ ܡܪܝܡܐ ܕܗܘ݂ܝܬ
217:05	ܒܪܢܫܐ ܫܝܛܐ ܘܡܟܝܟܐ܂܂ ܝܫܘܥ ܕܠܐ ܡܗܡܐ ܡܢܢ
217:06	ܒܡܐ ܕܒܥ݁ܝܢܢ ܡܢܗ܂ ܕܗܘ݂ܝܬ ܥܠ݂ܬܐ ܕܚ̈ܝܐ ܠܟܠܗ݀
217:07	ܐܢܫܘܬܐ܂܂ ܝܫܘܥ ܕܐܬܩ݂ܪܝܬ ܡܛܥܝܢܐ ܥܠ ܐ̈ܦܝܢ܂
217:08	ܐܢܬ ܗܘ ܕܡܥܕܐ ܐܢܬ ܡܢ ܛܘܥܝܝ ܠܒ̈ܢܝܢܫܐ ܕܝܠܟ܂
217:09	48܂3 ܒܥ݁ܐ ܐܢܐ ܡܢܟ ܥܠ ܐ̈ܦܝ ܗܠܝܢ ܕܩ݁ܝܡܝܢ ܘܡܗܝܡܢܝܢ
217:10	ܒܟ݁܂ ܘܣܢܝܩܝܢ ܥܠ ܥܘܕܪܢܟ܂ ܘܡܣ݁ܟܝܢ ܠܡ݁ܘܗܒܬܟ݁܂
217:11	ܘܐܚܝ݂ܕܝܢ ܓܘܣܐ ܒܪܒܘܬܟ݁܂ ܘܦܬ݂ܚܝܢ ܐ̈ܕܢܝܗܘܢ
217:12	ܠܡܫ݂ܡܥ ܡ̈ܠܝܟ ܕܡܢܢ ܡܬܡ̈ܠܠܢ܂ ܬܐܬܐ ܛܝܒܘܬܟ݁
217:13	ܘܗܝܡܢܘܬܟ݂ ܬܫ݂ܪܐ ܥܠܝܗܘܢ ܘܬܚ݁ܕܬ ܐܢܘܢ܂ ܡܢ
217:14	ܥ݁ܒ̈ܕܝܗܘܢ ܩ̈ܕܡܝܐ܂ ܘܢܫܠܚ݂ܘܢܝܗܝ ܠܒܪ ܐܢܫܗܘܢ
217:15	ܥܬܝܩܐ ܥܡ ܥ݁ܒ̈ܕܘܗܝ܂ ܘܢܠܒ݂ܫܘܢ ܒܪܢܫܐ ܚ݂ܕܬܐ݁܂
217:16	ܕܗܐ ܡܣ݁ܬܒܪ ܠܗܘܢ ܒܐ̈ܝ݂ܕܝ݂܂ 49܂1 ܘܣ݂ܡ ܐܝ݂ܕܐ ܥܠܝܗܘܢ܃
217:17	ܘܒܪܟ ܐܢܘܢ܂ ܘܐܡ݂ܪ ܠܗܘܢ܂ ܬܗܘ݂ܐ ܥܠܝܟܘܢ
217:18	ܛܝܒܘܬܗ ܕܡܪܢ ܠܥܠܡ ܥܠܡܝܢ ܐܡܝܢ ܀ ܘܒܥ݂ܬ ܗܘܬ
217:19	ܡܢܗ ܗ݀ܝ ܐܢܬܬܐ݂ ܘܐܡ݁ܪܐ ܠܗ܂ ܫܠܝܚܗ
217:20	ܕܡܪܝܡܐ݂܂ ܗܒ ܠܝ ܪܘܫܡܗ ܕܡܪܝ܂ ܕܠܐ ܬܘܒ ܢܗ݂ܦܘܟ
217:21	ܥܠܝ ܗ݀ܘ ܒܥܠܕܒܒܐ܂ ܘܐܙܠ݂ ܗܘܐ ܠܘܬ ܢܗܪܐ ܚܕ ܕܩܪܝܒ
217:22	ܗܘܐ ܠܬܡ݁ܢ܃ ܘܐܥܡܕܗ݀ ܒܫܡ ܐܒܐ ܘܒܪܐ ܘܪܘܚܐ
218:01	ܕܩ݂ܘܕܫܐ܂ ܘܐܦ ܣ̈ܓܝܐܐ ܥܡ݂ܕܘ ܗܘܘ ܥܡܗ݀ ܀ 49܂2 ܘܦܩ݂ܕ
218:02	ܗܘܐ ܫܠܝܚܐ ܠܡܫܡܫܢܗ ܕܢܬ݂ܩܢ ܩܨܬܐ ܘܐܝܬܝ
218:03	ܣܒܣܠܐ ܠܬܡ݁ܢ܃ ܘܦܪܣ ܥܠܝܗ݀ ܟܬܢܐ܂ ܘܐܝܬܝ ܣ݂ܡ
218:04	ܥܠܝܗ݀ ܠܚܡܐ ܕܒܘܪܟܬܐ܂ ܘܐܬ݂ܐ ܫܠܝܚܐ ܩܡ ܠܥܠ
218:05	ܡܢܗ݂݀ ܘܐܡ݂ܪ ܗܘܐ܂ ܝܫܘܥ ܕܐܫܘܝܬܢ‍{‍ܝ‍}‍ ܕܢܬܩ݁ܪܒ
218:06	ܠܦܓܪܟ ܩܕܝܫܐ܂ ܘܕܢܫܬܘܬܦ ܠܕܡܟ ܡܚܝܢܐ݁܂ ܘܡܛܠ
218:07	ܬܘܟܠܢܢ ܕܥܠܝܟ ܡܡܪܚܝܢܢ ܘܡ݁ܩܪܒܝܢܢ܂ ܘܩ݁ܪܝܢܢ ܠܫܡܟ
218:08	ܩܕܝܫܐ ܗ݀ܘ ܕܐܬܟܪܙ ܒܝܕ ܢܒ̈ܝܐ݂ ܐܝܟ ܕܨ݂ܒܬ݁ ܐܠܗܘܬܟ݁܂
218:09	ܘܡܣ݁ܬܒܪ ܐܢܬ ܒܝܕ ܫ̈ܠܝܚܝܟ ܒܟܠܗ ܥܠܡܐ ܐܝܟ
218:10	ܛܝܒܘܬܟ݁܂ ܘܐܬܓܠ݂ܝܬ ܒܪ̈ܚܡ݂ܝܟ ܠܙܕܝ̈ܩܐ܂ 49܂3 ܒܥ݁ܝܢܢ
218:11	^^ܡܢܟ^^ ܕܬܐܬܐ ܘܬܫܬܘܬܦ ܥܡܢ ܠܥܘܕܪܢܐ ܘܠܚ̈ܝܐ݂܂
218:12	ܘܠܡܬܦܢܝܢܘܬܗܘܢ ܕܥܒ݂̈ܕܝܟ ܠܘܬܟ܂ ܕܢܬܥ݂ܠܠܘܢ
218:13	ܒܢܝܪܟ ܒܣܝܡܐ ܘܒܚܝܠܟ ܙܟܝܐ܂ ܘܢܗܘ݂ܐ ܠܗܘܢ
218:14	ܠܚܘܠܡܢܐ ܕܢܦܫ̈ܬܗܘܢ ܘܠܚ̈ܝܐ ܕܦܓܪ̈ܝܗܘܢ ܒܥܠܡܟ
218:15	ܚ݂݁ܝܐ ܀ ܀ 50܂1 ܘܫ݂݁ܪܝ ܗܘܐ ܕܢܐܡܪ܂ ܬܝ ܡ݁ܘܗܒܬܗ ܕܪܡܐ܂
218:16	ܬܘ ܪ̈ܚܡ݂ܐ ܡ̈ܫܠܡܢܐ܂ ܬܝ ܪܘܚܐ ܩܕܝܫܬܐ܂ ܬܝ ܓܠܝ݂ܬ
218:17	ܪ̈ܐܙܘܗܝ ܕܒܚܝ݂ܪܐ ܒ̈ܢܒܝܐ܂ ܬܝ ܡ݁ܣܒܪܬ ܒܫ̈ܠܝܚܘܗܝ
218:18	ܐ̈ܓܘܢ‍{‍‍{‍ܗܘ‍}‍‍}‍‍<‍‍<‍ܘܗ‍>‍‍>‍ܝ ܕܐܬܠܝܛܢ ܙܟܝ݁ܐ܂ ܬܝ ܣܝ݂ܡܬܗ݀ ܕܪܒܘܬܐ܂
219:01	ܬܝ ܚܒܝܒܬ ܪ̈ܚܡܘܗܝ ܕܥܠܝܐ܂ ܬܝ ܫܬܝܩܬܐ ܡ݁ܓܠ݂ܝܬ

219:02	ܪ̈ܐܙܘܗܝ ܕܪܡܐ܂ 50܂2 ܬܝ ܡܡܠܠܢܝܬܐ ܕܟܣ̈ܝܬܐ܂ ܘܡܚܘܝܬ

219:03	ܥ݁ܒ̈ܕܘܗܝ ܕܐܠܗܢ܂ ܬܝ ܝܗ݀ܒܬ ܚ̈ܝܐ ܒܟܣܝܘܬܗ݀܂
219:04	ܘ‍{‍ܓ̈‍}‍‍<‍ܓ‍>‍ܠܝܬܐ ܒܣܘܥܪ̈ܢܝܗ݀܂ ܬܝ ܝ݁ܗܒܬ ܚܕܘܬܐ ܘܢܝ݁ܚܐ
219:05	ܠܟܠܗܘܢ ܐܝܠܝܢ ܕܢܩܦܝܢ ܠܗ݀܂ ܬܝ ܚܝܠܗ ܕܐܒܐ ܘܚܟܡܬܗ
219:06	ܕܒܪܐ݂܂ ܕܚܕ ܐܢܬܘܢ ܒܟܠ܂܂ ܬܝ ܘܐܫܬܘܬܦ ܥܡܢ
219:07	ܒܗܕܐ ܐܘܟܪܣܛܝܐ ܕܥ݁ܒܕܝܢܢ܂ ܘܒܗܢܐ ܩܘܪܒܢܐ
219:08	ܕܡܩܪܒܝܢܢ݁܂ ܘܒܗܢܐ ܕܘܟܪܢܐ ܕܥ݁ܒܕܝܢܢ܂ 50܂3 ܘܪܫ݂ܡ ܨܠܝܒܐ
219:09	ܥܠ ܠܚܡܐ݂܂ ܘܫ݂݁ܪܝ ܗܘܐ ܕܢܬܠ܂ ܘܝܗ݂ܒ ܠܘܩܕܡ ܠܗ݀ܝ
219:10	ܐܢܬܬܐ ܘܐܡ݂ܪ ܠܗ݀܂ ܕܢܗܘ݂ܐ ܠܟܝ ܠܫܘܒܩܢ ܚ̈ܘܒܐ
219:11	ܘܚ̈ܛܗܐ ܘܠܩܝ݂ܡܬܐ ܕܠܥܠܡ܂ ܘܡܢ ܒܬܪܗ݀ ܝܗ݂ܒ ܠܗ݀ܢܘܢ
219:12	ܐܢܫܐ ܕܐܥܡ݂ܕܘ ܥܡܗ݀܂ ܗ݀ܝ ܕܝܢ ^^ܝܗ݂ܒ^^ ܠܟܠܢܫ݂ ܘܐܡ݂ܪ
219:13	ܠܗܘܢ܂ ܬܗܘ݂ܐ ܠܟܘܢ ܐܘܟܪܣܛܝܐ ܗܕܐ
219:14	ܠܚ̈ܝܐ ܘܠܢܝ݁ܚܐ܂ ܘܠܐ ܠܕܝܢ݂ܐ ܘܠܬܒܥܬܐ܂ ܘܗܢ݂ܘܢ
219:15	ܐܡ݂ܪܘ ܐܡܝܢ ܀
219:16	‍[‍ܫܠ݂ܡܬ݁ ܦܪܟܣܝܣ ܕܚܡܫ܂‍]‍
219:17	‍[‍ܬܘܒ ܦܪܟܣܝܣ ܕܫܬ܂‍]‍
219:18	51܂1 ܐܝܬ ܗܘܐ ܕܝܢ ܬܡ݁ܢ ܥܠܝܡܐ ܚܕ ܕܣܥ݂ܝܪܐ ܗܘܬ ܠܗ