The Comprehensive Aramaic Lexicon

220:01	ܨܒܘܬܐ ‍{‍ܐܝ݂‍}‍‍<‍ܐ݁ܝ‍>‍ܕܐ ܕܛ݁ܒ ܣܢܝܐ ܗܘܬ܂ ܘܐܬ݂ܐ ܘܫ݂ܩܠ
220:02	ܐܘܟܪܣܛܝܐ܂ ܘܐ݂ܙܠ ܕܢܣ݂ܝܡ ܒܦܘܡܗ݂܂ ܘܝ̈ܒܫܝ ܗ̈ܘܝ
220:03	ܬܪ̈ܬܝܢ ܐܝ݂̈ܕܘܗܝ܂ ܘܠܐ ܡ̈ܛܝ ܠܦܘܡܗ܂ ܘܟܕ ܚ݂ܙܐܘܗܝ
220:04	ܡܢ ܗ݀ܢܘܢ ܕܐܝܬ ܗܘܘ ܥܡܗ܂ ܐܬܘ ܐܘܕܥܘܗܝ
220:05	ܠܫܠܝܚܐ ܡܢܐ ܓ݂ܕܫܗ܂ ܘܩ݂ܪܝܗܝ ܫܠܝܚܐ݂ ܘܐܡ݂ܪ
220:06	ܠܗ܂ ܐܡ݂ܪ ܠܝ݂ ܒܪܝ݂ ܘܠܐ ܬܒܗܬ ܡܢܝ܂ ܡܢܐ ܣܥ݂ܪܬ
220:07	ܘܐܬܝܬ ܠܟܐ ܗܫܐ݁܂ ܕܗܐ ܡ݁ܘܗܒܬܗ ܕܡܪܢ
220:08	ܐܟܣ݂ܬܟ݁܂ ܗܕܐ ܕܣ̈ܓܝܐܐ ܐܝܠܝܢ ܕܒܚܘܒܐ ܘܒܫܪܪܐ
220:09	ܘܒܗܝܡܢܘܬܐ ܩ݁ܪܒܝܢ ܠܗ݀ ܡܐ݁ܣܝܐ ܠܗܘܢ݁܂ ܠܟ ܕܝܢ
220:10	ܕܝܠܟ ܡܘܒܫܘ ܐܘܒܫܬܟ܂ ܘܠܐ ܗܘܐ ܐܝܩܐ ܓܕܫܟ
220:11	ܗܠܝܢ܂ 51܂2 ܘܟܕ ܚ݂ܙܐ ܗܘܐ ܥܠܝܡܐ ܗ݀ܘ ܕܐܬܟܣܣ ܠܗ ܡܢ
220:12	ܐܘܟܪܣܛܝܐ ܕܡܪܢ݂ ܐܬ݂ܐ ܢܦ݂ܠ ܩܕܡ ܪ̈ܓܠܘܗܝ ܕܫܠܝܚܐ݂܂
220:13	ܘܒܥ݁ܐ ܗܘܐ ܡܢܗ ܘܡܬܟܫܦ ܩܕܡܘܗܝ݂ ܘܐܡ݁ܪ ܠܗ
220:14	ܥ݁ܒܕܐ ܒܝ݂ܫܐ ܥ݁ܒܕܬ ܗܘܝܬ܂ ܐܢܬܬܐ ܚܕܐ ܪܚ݁ܡ ܗܘܝܬ
220:15	ܒܦܘܬܩܐ ܠܒܪ ܡܢ ܡܕܝܢܬܐ܂ ܘܐܦ ܗ݂ܝ ܪܚܡܐ ܗܘ‍{‍ܝ‍}‍ܬ ܠܝ܂
220:16	ܘܡܛܠ ܕܫܡ݁ܥܬ ܗܘܝܬ ܡܢܟ ܫܪܪܐ ܕܐܡ݁ܪ ܐܢܬ܂
220:17	ܘܗܝܡܢܘܬܐ ܕܐܠܗܐ ܕܡ݁ܟܪܙ ܐܢܬ܂ ܘܝ݁ܕܥܬ ܒܫܪܪܐ
220:18	ܕܫܠܝܚܗ ܐܢܬ ܕܐܠܗܐ݂܂ ܩ݁ܒܠܬ ܗܘܝܬ݂ ܐܦ ܐܢܐ
220:19	ܪܘܫܡܐ܂ ܥܡ ܗ݀ܢܘܢ ܕܩ݁ܒܠܘ܂ 51܂3 ܘܗܟܢܐ ܐܡ݁ܪ ܗܘܝܬ܂
220:20	ܕܐܝܢܐ ܡܟܝܠ ܕܡܫܬܘܬܦ܂܂ ܫܘܬܦܘܬܐ ܨܐܬܐ̈
221:01	ܝܬܝܪܐܝܬ ܕܝܢ ܕܓܘܪܐ݂܂ ܠܝܬ ܠܗ ܚ̈ܝܐ ܠܘܬ ܐܠܗܐ
221:02	ܗܢܐ ܕܡ݁ܟܪܙ ܐܢܬ܂ ܘܡܛܠ ܕܪܚ݁ܡ ܗܘܝܬ ܠܗ݀܂ ܒܥ݁ܝܬ
221:03	ܗܘܝܬ ܡܢܗ݀ ܘܐܦܝܣܬܗ݀ ܕܬܥܡܪ ܥܡܝ ܥܘܡܪܐ ܕܟܝܐ
221:04	ܘܩܕܝܫܐ ܘܒܗܝܠܐ ܘܢܟܦܐ ܘܟܢܝܟܐ݁܂ ܗܢܐ ܕܡ݁ܠܦ
221:05	ܐܢܬ܂ ܘܠܐ ܨ݁ܒܝܐ ܗܘܬ܂ ܘܟܕ ܚ݁ܙܝܬ ܕܠܐ ܡܬܛܦܝܣܐ
221:06	ܠܝ܂ ܕܡ݁ܟܬܗ݀ ܘܩܛܠܬܗ݀܂ ܡܛܠ ܕܠܐ ܡܣ݁ܝܒܪ ܗܘܝܬ
221:07	ܕܐܚܙܝܗ݀܂ ܟܕ ܥܡ ܐܢܫܐ ܐܚܪ̈ܢܐ ܡܫܬܘ݂ܬܦܐ ܗܘܬ ܀
221:08	52܂1 ܘܟܕ ܗܠܝܢ ܫܡ݂ܥ ܫܠܝܚܐ ܐܡ݂ܪ ܗܘܐ܂ ܐܘ ܪܚܡܬܐ
221:09	ܕܚ݁ܒܠܐ ܕܠܐ ܡܬܚܡܨܐ݁܂ ܐܝܟܢܐ ܠܗܢܐ ܐܙܝܥ݂ܬ ܕܗܠܝܢ
221:10	ܢܥܒ݂ܕ܂ ܐܘ ܠܚܒܪܐ ܕܚܒ݁ܠܐ݁܂ ܐܝܟܢܐ ܠܐ ܐܫܟܚ ܗܢܐ
221:11	ܠܡܣ݁ܝܒܪܘ ܡܢܗ܂ ܐܘ ܠܫܘܬܦܘܬܐ ܫܪܝܚܬܐ܂ ܐܝܟܢܐ
221:12	ܡܚܒܠܐ ܪܥ̈ܝܢܐ ܕܒ̈ܢܝܢܫܐ ܡܢ ܩܕܝܫܘܬܗ ܕܡܫܝܚܐ܂ ܐܘ
221:13	ܠܥ݁ܒܕܗ݀ ܕܛܘܥܝܝ܃ ܐܝܟܢܐ ܒܕܝܠܗ݀ ܣܓ݁ܝ
221:14	ܡܬܬܪܝܡܐ܂ 52܂2 ܘܦܩ݂ܕ ܫܠܝܚܐ ܕܢܝ݁ܬܘܢ ܠܗ ܡ̈ܝܐ݂ ܒܠܩܢܐ
221:15	ܕܫܝܓܬܐ܂ ܘܐܝܬܝܘ ܠܗ ܡ̈ܝܐ ܕܢܨ݁ܠܐ ܥܠܝܗܘܢ݂ ܘܫܒܚ
221:16	ܘܒܪܟ݂ ܘܐܡ݂ܪ܂ ܡ̈ܝܐ ܕܡܢ ܡ̈ܝܐ ܚ̈ܝܐ ܐܬܝܗܒܘ ܠܢ
221:17	ܢܘܗܪܐ ܕܡܢ ܐܝܬܝܐ ܫܒܝܚܐ ܐܫ݂ܬܠܚ ܠܢ܃ ܚ݁ܢܢܐ ܕܡܢ
221:18	ܚ݁ܢܢܐ ܐܫ݂ܬܕܪ ܠܢ܃ ܢܐܬܐ ܚܝܠܟ ܙܟܝܐ݂܂ ܘܐܣܝܘܬܟ
221:19	ܘܡܪܚܡܢܘܬܟ ܬܫ݂ܟܢ ܘܬܫ݂ܪܐ ܥܠ ܡ̈ܝܐ ܗܠܝܢ ܕܫܡܟ
221:20	ܝܫܘܥ ܡܚܝܢܢ ܐ݁ܟܪܙܬ ܥܠܝܗܘܢ܂ ܘܐܡ݂ܪ܂ ܡ݁ܘܗܒܬܐ
221:21	ܕܪܘܚܐ ܕܩ݂ܘܕܫܐ ܬܫ݂݁ܬܠܡ ܒܟܘܢ ܀ 52܂3 ܘܐܡ݂ܪ ܠܗ݀ܘ
222:01	ܥܠܝܡܐ܂ ܙܠ ܐܫܝܓ ܐܝ݂̈ܕܝܟ ܒܗ݀ܢܘܢ ܡ̈ܝܐ܂ ܘܐܙ݂ܠ
222:02	ܐܫܝܓ ܐܝ݂̈ܕܘܗܝ ܘܗ݂̈ܘܝ݂ ܐܝܟܢܐ ܕܐܝܬܝܗܝܢ ܗ̈ܘܝ ܥܕܠܐ
222:03	ܢܐ̈ܒܫܢ܂ ܘܐܡ݂ܪ ܠܗ ܫܠܝܚܐ܂ ܡܗܝܡܢ ܐܢܬ ܗܟܝܠ
222:04	ܒܡܪܢ܂ ܕܟܘܠ ܡܕܡ ܡ݁ܛܐ ܒܐ̈ܝ݂ܕܘܗܝ ܒܐ̈ܝ݂ܕܘܗܝ ܠܡܥܒܕ ܀
222:05	ܐܡ݁ܪ ܠܗ ܗ݀ܘ ܥܠܝܡܐ܂ ܠܐ ܗ݀ܘܝܬ ܒܨܝܪܐ
222:06	ܒܗܝܡܢܘܬܐ܂ ܐܦ ܡܛܠ ܗܕܐ ܕܗ݀ܝܡܢܬ ܒܐܠܗܐ
222:07	ܣܥ݁ܪܬ ܗܢܐ ܣܘܥܪܢܐ܂ ܟܕ ܣܒ݁ܪ ܗܘܝܬ ܕܫܦܝܪ ܥ݁ܒܕܬ
222:08	ܗܘܝܬ܂ ܒܥ݁ܐ ܗܘܝܬ ܓܝܪ ܡܢܗ݀ ܐܝܟܢܐ ܕܐܡ݁ܪܬ
222:09	ܩܕܡܝܟ܂ ܘܠܐ ܨܒ݂ܬ ܗܘܬ ܕܬܫܡܥܢܝ ܬ݂ܛܪ ܢܦܫܗ݀
222:10	ܒܕܟܝܘܬܐ ܘܒܢܟܦܘܬܐ܂ ܡܛܠ ܗܢܐ ܥ݁ܒܕܬ ܠܗ݀ ܗܟܢܐ ܀
222:11	53܂1 ܐܡ݁ܪ ܠܗ ܝܗܘܕܐ ܬܐ ܢܐܙܠ ܠܦܘܬܩܐ ܐܬܪ ܕܥܒ݂ܕܬ
222:12	ܗܕܐ ܥܒܝܕܬܐ܂ ܘܐ݁ܙܠ ܗܘܐ ܩܕܡܘܗܝ ܕܫܠܝܚܐ܂ ܘܟܢܫܐ
222:13	ܣܓܝܐܐ ܐ݁ܬܐ ܗܘܐ ܒܬܪܗ܂ ܘܟܕ ܡ݁ܛܝܘ݂܂ ܠܦܘܬܩܐ ܥܠܘ
222:14	ܠܓܘܗ܃ ܘܐܫܟܚܘܗ݀ ܠܗ݀ܝ ܐܢܬܬܐ݂ ܟܕ ܡܝ݂ܬܐ܂ ܘܟܕ ܚܙܗ݀
222:15	ܫܠܝܚܐ ܟ݂ܪܝܬ݂ ܠܗ ܥܠܝܗ݀܂ ܥܠ ܕܛܠܝܐ ܗܘܬ܂ ܘܐܡ݂ܪ
222:16	ܕܢܫܩܠܘܢܗ݀ ܘܢܦܩܘܢܗ݀ ܠܡܨܥܬܐ ܕܦܘܬܩܐ܂ ܘܟܕ
222:17	ܐܝܬܝܘܗ݀ ܘܐܪܡܝܘܗ݀ ܒܥܪܣܐ݂܂ ܣܡ ܐܝ݂ܕܗ ܥܠܝܗ݀
222:18	ܝܗܘܕܐ ܬܐܘܡܐ ܘܫ݂݁ܪܝ ܗܘܐ ܕܢܐܡܪ܂ 53܂2 ܝܫܘܥ ܡܚܝܢܢ
222:19	ܕܡܢ ܡܬܘܡ ܠܐ ܡܗܡܐ ܡܢܢ ܒܟܠܙܒܢ ܕܩ݁ܪܝܢܢ ܠܗ݂܂
222:20	ܝܫܘܥ ܕܐ݁ܬܐ ܠܘܬܢ ܒܟܠܙܒܢ ܕܒܥ݁ܝܢܢ ܠܗ܂ ܐܢܬ ܗܘ
222:21	ܕܠܗܕܐ ܨ݂ܠܝܐ ܐܕܢܟ܃ ܕܗ݂ܘܝܢ ܒܥܝܢܢ ܠܟ܂ ܘܝ݁ܗܒ ܐܢܬ
223:01	ܠܢ܂ ܝܫܘܥ ܗ݀ܘ ܕܠܐ ܢܫ݂ܐܠ ܒܠܚܘܕ ܐܦܣ ܠܢ܂ ܐܠܐ
223:02	ܕܐܝܟܢܐ ܐܦ ܕܢܨ݁ܠܐ ܐܠܦܢ܃ 53܂3 ܗ݀ܘ ܕܒܗܠܝܢ ܥ̈ܝܢܝܢ ܕܦܓܪܐ
223:03	ܗܫܐ ܠܐ ܡܬܚܙܐ ܠܢ܃ ܘܒܗܠܝܢ ܥ̈ܝܢܐ
223:04	ܕܡܕܥܢ ܠܐ ܥ݁ܢܕ ܡܢܢ܂ ܗ݀ܘ ܕܟܣ݂ܐ ܡܢܢ ܒܚܙܬܗ̈
223:05	ܘܓܠ݂ܐ ܠܢ ܛܝܒܘܬܗ܂ ܘܦܘܪܢܣܐ ܕܥ݁ܒ̈ܕܘܗܝ
223:06	ܘܒܣܘܥܪ̈ܢܘܗܝ ܣ̈ܓܝܐܐ܂ ܗ݀ܘ ܕܟܡܐ ܕܣܦܩܝܢܢ
223:07	ܐܝܟ ܡܫܘܚܬܢ ܝܕܥܢܝܗܝ܃ ܗ݂ܘ ܕܝܢ ܠܒܪ ܡܢ ܡܫܘܚܬܢ
223:08	ܝܗܒ݂ ܠܢ ܡܘܗܒܬܗ܃ ܗ݀ܘ ܕܐܡ݂ܪ ܕܫܐܠܘ ܘܢܬܝܗܒ
223:09	ܠܟܘܢ܂ ܒܥܘ ܘܬܫܟܚܘܢ܂ ܩܘܫܘ ܘܢܬ݂ܦܬܚ ܠܟܘܢ܂
223:10	ܫܐ݁ܠܝܢܢ ܗܟܝܠ ܡܢܟ ܡܪܢ ܟܕ ܕܚܠܝܢܢ ܡܛܘܠ ܚ̈ܘܒܝܢ
223:11	ܘܡܛܠ ܚ̈ܛܗܝܢ܂ ܕܬܦܪܘܣ ܥܠܝܢ ܚܢ݂ܢܐ ܒܪ̈ܚܡ݂ܝܟ܂ 53܂4 ܠܐ
223:12	ܕܗܒܐ ܘܠܐ ܣܐܡܐ ܘܠܐ ܥܘܬܪܐ ܘܠܐ ܩ̈ܢܝܢܐ܂
223:13	ܘܠܐ ܢܟ̈ܣܐ ܘܠܐ ܢܚ̈ܬܐ܃ ܘܠܐ ܡܕܡ ܣܟ ܡܢ
223:14	ܐܪ̈ܥܢܝܬܐ ܗܠܝܢ ܕܙܒܢܐ ܐܢ̈ܝܢ݁܂ ܘܡܢܗ ܗ̈ܘ݂ܝ ܘܠܗ
223:15	ܡܬܦܢܝܢ ܒܥ݁ܝܢܢ܂ ܐܠܐ ܫܐ݁ܠܝܢܢ ܡܢܟ ܘܒܥ݁ܝܢܢ ܡܢ
223:16	ܒܣܝܡܘܬܟ܃ ܕܬܩܝܡ ܒܫܡܟ ܩܕܝܫܐ ܠܗܕܐ ܕܪܡܝܐ
223:17	ܩܕܡܝܟ݂ ܠܬܫܒܘܚܬܟ ܪܒܬܐ ܘܠܬܘܕܝܬܐ ܕܐܠܗܘܬܟ݂܂
223:18	ܘܠܫܪܪܐ ܕܗܝܡܢܘܬܟ ܕܗܠܝܢ ܕܩ݁ܝܡܝܢ ܀ ܀ 54܂1 ܘܐܡ݂ܪ ܠܗ݀ܘ
223:19	ܥܠܝܡܐ܂ ܡܬܘܚ ܪܥܝܢܟ ܠܘܬ ܡܪܢ܂ ܘܚܬ݂ܡܗ ܗ݂ܘ
223:20	ܒܨܠܝܒܐ݂ ܘܐܡ݂ܪ ܠܗ܂ ܙܠ ܐܚܘܕܝܗ݀ ܒܐܝ݂ܕܗ݀܂ ܘܐܡ݂ܪ
223:21	ܠܗ݀܂ ܐܢܐ ܒܐܝ݂̈ܕܝ ܒܦܪܙܠܐ ܩܛܠܬܟܝ܂ ܝܫܘܥ ܕܝܢ ܒܚܢܢ݂ܗ
224:01	ܒܗܝܡܢܘܬܝ ܡܩܝܡ ܠܟܝ ܀ 54܂2 ܘܐܙ݂ܠ ܗ݀ܘ ܥܠܝܡܐ ܩܡ ܠܥܠ
224:02	ܡܢܗ݂݀ ܘܐܡ݂ܪ ܗܘܐ܂ ܗܝܡ݁ܢܬ ܒܟ ܒܫܪܪܐ ܡܪܝ ܝܫܘܥ
224:03	ܡܫܝܚܐ ܡܘܗܒܬܐ ܕܐܒܘܗܝ݂܂ ܕܒܟ ܟܠ ܥܘܕܪ̈ܢܝܢ܂ ܘܒܟ
224:04	ܟܠ ܦܘܪ̈‍{‍ܣܢ‍}‍‍<‍ܢܣ‍>‍ܝܢ܂ ܘܒܟ ܟܠ ܐ̈ܣܘܢ܂ ܘܒܟ ܚ̈ܝܐ ܠܬܝ̈ܒܐ܂
224:05	ܕܒܫܪܪܐ ܬ‍{‍ܪ‍}‍‍<‍ܝ݁‍>‍ܒܝܢ ܠܘܬܟ ܡܢ ܟܠܗ ܠܒܗܘܢ܂ ܐܝܢ ܡܪܝ
224:06	ܒܥ݁ܐ ܐܢܐ ܡܢ ܡܪܚܡܢܘܬܟ ܬܐ ܠܥܘܕܪܢܝ
224:07	ܘܠܡܬܦܢܝܢܘܬܝ ܕܝܠܝ݂܂ ܘܚ̈ܝܐ ܠܗܕܐ ܗܒ ܠܗ݀ ܒܐܝ݂̈ܕܝ
224:08	ܟܕ ܡܡܪܚ ܐܢܐ ܥܠ ܗܕܐ ܕܐ݁ܥܒܕ܂ ܘܚܐ݁ܪ ܗܘܐ
224:09	ܒܝܗܘܕܐ ܬܐܘܡܐ ܘܐܡ݁ܪ ܠܗ܂ ܨ݁ܠܐ ܥܠܝ ܫܠܝܚܗ
224:10	ܕܐܠܗܐ݁܂ ܕܢܐܬܐ ܡܪܝ ܠܥܘܕܪܢܝ ܕܩ݁ܪܐ ܐܢܐ ܠܗ܂
224:11	54܂3 ܘܐܪܡܝ ܐܝ݂ܕܗ ܥܠ ܕܝܠܗ݀܂ ܘܐܡ݂ܪ ܬܐ ܡܪܝ ܝܫܘܥ
224:12	ܡܫܝܚܐ݂ ܘܗܒ ܠܗܕܐ ܚ̈ܝܐ݂܂ ܘܠܝ ܪܗܒܘܢܐ
224:13	ܕܗܝܡܢܘܬܟ ܀ ܀ ܀ ܘܡܚܕܐ ܕܐܬܬܠܝ ܒܐܝ݂ܕܗ݀܂ ܫ݂ܘܪܬ
224:14	ܩܡ݂ܬ ܘܚܝܪܐ ܗܘܬ ܒܐܟܠܘܣ ܗ݀ܘ ܣܓܝܐܐ ܕܩܐ݁ܡ
224:15	ܗܘܐ܂ ܘܚܙܬܗ ܠܫܠܝܚܐ ܕܡܪܢ ܕܩܐ݁ܡ ܗܘܐ ܠܩܘܒܠܗ݂݀܂
224:16	ܘܪܗ݂ܛܬ ܘܠܘܬ ܪ̈ܓܠܘܗܝ ܢܦܠ݂ܬ܂ ܘܒ̈ܫܦܘܠܘܗܝ ܐܚܝܕܐ
224:17	ܗܘܬ݂ ܘܐܡ݁ܪܐ ܠܗ܂ ܒܥܝܐ ܐܢܐ ܡܢܟ ܡܪܝ݂܂ ܐܝܟܘ
224:18	ܗ݀ܘ ܐܚܪܢܐ ܕܐܝܬ ܗܘܐ ܥܡܟ܂ ܕܠܐ
224:19	ܫܒܩܢܝ ܕܐܦܘܫ ܒܗܘ݁ ܐܬܪܐ ܕܚ݁ܙܝܬ܂ ܐܠܐ ܠܟ
224:20	ܐܫܠܡܢܝ ܘܐܡ݂ܪ ܠܟ݂܂ ܕܠܗܕܐ ܕܒ݂ܪ ܐ݁ܙܠܐ ܠܘܬܟ܃
225:01	ܕܬܫܬܡܠܐ ܒܚܘܒܗ݀ ܒܗܝܡܢܘܬܐ݂܂ ܘܗܝܕܝܢ ܠܐܬܪܐ
225:02	ܕܝܠܝ ܬܬ݂ܟܢܫ ܀ 55܂1 ܐܡ݁ܪ ܠܗ݀ ܝܗܘܕܐ܂ ܐܫܬܥܝ ܠܝ ܠܐܝܟܐ
225:03	ܐܙܠ݂ܬܝ ܘܡܢܐ ܚ݁ܙܝܬܝ ܀ ܀ ܐܡ݁ܪܐ ܠܗ܂ ܐܢܬ ܕܥܡܝ ܗܘܝܬ
225:04	ܘܠܟ ܐܫܠܡܢܝ܃ ܕܬܫܡܥ ܡܢܝ ܒܥܝ݂ܬ܂ ܘܫ݂ܪܝܬ ܗܘܬ
225:05	ܕܬܐܡܪ ܠܗ܂ ܕܕܒ݂ܪܢܝ ܓܒܪܐ ܚܕ ܕܣܢ݂ܐ ܗܘܐ ܒܚܙܘܗ̈
225:06	ܘܐܘܟܡ ܗܘܐ ܦܓܪܗ ܘܢܕܝܕ ܗܘܐ ܠܒܘܫܗ݂܂ ܘܐܘܒܠܢܝ
225:07	ܠܐܬܪܐ ܚܕ ܕܦܚ̈ܬܐ ܡ݂݁ܠܐ ܗܘܐ܂ ܘܪܝܚܐ ܬܘܒ ܣܪܝܐ
225:08	ܒܓܘܗ ܥ݁ܛܪ ܗܘܐ܂ ܘܒܚܕ ܚܕ ܡܢ ܦܚ̈ܬܐ ܡܕܝܩ ܗܘܐ
225:09	ܠܝ܂ 55܂2 ܘܚ݁ܙܝܬ ܠܦܚܬܐ ܩܕܡܝܐ݂܂ ܘܐܝܟ ܕܢܘܪܐ ܡܬܓܘܙܠܐ
225:10	ܒܓܘܗ܂ ܘܓ̈ܝܓܠܐ ܕܢܘܪܐ ܒܓܘܗ ܡܬܟܪ̈ܟܢ ܗ̈ܘܝ܂ ܘܐܡ݂ܪ
225:11	ܠܝ ܕܠܗܢܐ ܬܫܢܝܩܐ ܥܬܝ̈ܕܢ ܕܢܐܬܝ̈ܢ ܢܦܫ̈ܬܐ ܐܝܠܝܢ
225:12	ܕܥܒܪ̈‍{‍ܝ‍}‍ܢ ܥܠ ܢܡܘܣܐ ܕܡ̈ܫܚܠܦܢ ܙܘܘܓܐ ܕܫܘܬܦܘܬܐ
225:13	ܕܐܬܟ݂ܝܢܬ ܡܢ ܐܠܗܐ܂ ܘܐܚܪ̈ܢܝܬܐ ܥܬܝ̈ܕܢ ܕܢܐܬܝ̈ܢ ܠܗ
225:14	ܠܬܫܢܝܩܐ ܗܢܐ݁܂ ܕܠܐ ܢܛܪ̈ܝ ܒܬܘܠܘܬܗܝܢ܃ ܘܐܬܪ̈ܡܝ
225:15	ܠܥ݁ܒܕܐ ܕܒܗܬܬܐ ܘܐܬܝ̈ܢ ܠܗܢܐ ܐܘܠܨܢܐ݁܂ ܥܠ ܕܥܒܪ̈ܝ
225:16	ܥܠ ܢܡܘܣܐ ܕܐܠܗܐ܂ ܘܡ̈ܫܬܠܡܢ ܠܪ̈ܘܚܐ ܒܝ̈ܫ݂ܬܐ܂
225:17	ܘܗ̈ܘܝܢ ܠܓܘܚܟܐ ܘܠܒܙܚܐ܂ ܘܗܘ݁ܝܐ ܡܢܗܝܢ ܦܘܪܥܢܘܬܐ܂
225:18	ܘܐ̈ܙܠܢ ܠܬܫܢܝܩܐ ܐܚܪܢܐ ܕܒܝ݂ܫ ܡܢ ܗܢܐ ܘܡܫ̈ܬܢܩܢ
225:19	ܬܡ݁ܢ܂ ܀ 56܂1 ܘܬܘܒ ܚܘܝܢܝ ܦܚܬܐ ܐܚܪܢܐ݂܂ ܘܐ݁ܕܝܩܬ ܒܗ
226:01	ܘܚ݁ܙܝܬ ܨ̈ܒܘܬܐ ܕܚ̈ܝܠܬܐ݁܂ ܕܥܬܝ̈ܕܢ ܕܢܐܬܝ̈ܢ ܠܗܝܢ
226:02	ܢܦܫ̈ܬܐ ܕܥ̈ܒ݂ܕܢ ܒܝ݂̈ܫܬܐ܂ ܘܚ݁ܙܝܬ ܬܡ݁ܢ ܢ̈ܓܕܐ ܣ̈ܓܝܐܐ
226:03	ܕܡܥܬܕܝܢ ܠܓܒܪ̈ܐ ܘܠܢܫܐ ܘܠܥܠܝܡ̈ܐ ܘܠܒܬܘ̈ܠܬܐ܂
226:04	ܗ݀ܢܘܢ ܓܒܪ̈ܐ ܕܫܒܩܝܢ ܢ̈ܫܝܗܘܢ݁܂ ܘܥܡ ܢܫ̈ܝ ܚܒܪ̈ܝܗܘܢ
226:05	ܡܫܬܘܬܦܝܢ܂ ܘܢ̈ܫܐ ܕܥܒ݂ܪ̈ܢ ܥܠ ܫܘܬܦܘܬܐ ܕܓܒܪ̈ܝܗܝܢ܃
226:06	56܂2 ܘܥ̈ܠܝܡܐ ܕܠܐ ܢ݂ܛܪܘ ܢܡ̈ܘܣܝܗܘܢ݁ ܘܥܡ ܙܢ̈ܝܬܐ
226:07	ܐܫܬܪܚܘ ܒܪܓܬܗܘܢ܃ ܘܠܐ ܣܦ݂ܩ ܠܗܘܢ ܥ݁ܒܪ
226:08	ܢܡܘܣܐ ܕܒܝܬ ܙܢܝ̈ܬܐ݁܂ ܐܠܐ ܐܬܟܡܢܘ ܠܒܬܘ̈ܠܬܐ܂
226:09	ܘܐܫܬܪܚܘ ܒܚܛܝܬܐ܂ ܘܒܬܘ̈ܠܬܐ ܕܠܐ ܢܛܪ̈ܝ ܐܣܟܝܡܐ
226:10	ܕܒܬܘܠܘܬܗܝܢ܃ ܡܛܠ ܪܓܬܗܝܢ ܫܪܝܚܬܐ ܐܒܗܬܝ̈
226:11	ܠܐܒ̈ܗܝܗܝܢ݁܂ ܘܐܬܝ̈ܢ ܠܗܢܐ ܐܘܠܨܢܐ݂܂ ܘܡܬܦܪ̈ܥܝܢ
226:12	ܟܘܠ ܐܢܫ ܐܝܟ ܥ݁ܒ̈ܕܘܗܝ ܀ 57܂1 ܘܐܘܒܠܢܝ
226:13	ܗܘܐ ܬܘܒ ܘܚܘܝܢܝ ܡܥܪܬܐ ܚܕܐ ܚܫܘܟܬܐ݂܂ ܘܪܝܚܐ
226:14	ܣܪܝܐ ܢ݁ܦܩ ܗܘܐ ܡܢܗ݀܂ ܘܐܡ݂ܪ ܠܝ ܐܕܝܩ ܘܚܙܝ݂܂ ܕܗ݀ܢܘ
226:15	ܒܝܬ ܚܒܘܫܝܐ ܕܢܦܫ̈ܬܐ ܗܠܝܢ ܕܐܡ݂ܪܬ ܠܟܝ ܥܠܝܗܝܢ܂
226:16	ܕܡܐ ܕܫܠ݂ܡܬ ܡܪܕܘܬܐ ܕܚܕܐ ܚܕܐ ܡܢܗܝܢ܃ ܐܙ݁ܠܐ
226:17	ܚܠܦܝܗ݀ ܐܚܪܬܐ܂ ܘܐܝܬ ܡܢܗܝܢ ܕܓܡܪ̈ܢ ܬܘܒ ܘܐܝܬ
226:18	ܡܢܗܝܢ ܕܠܬܫ̈ܢܝܩܐ ܐܚܪ̈ܢܐ ܡܫܬܠ̈ܡܢ܂ ܐܡ݁ܪܝܢ ܠܗ ܠܗ݀ܘ
226:19	ܓܒܪܐ ܕܕܒܝ݂ܪ ܠܝ݁܂ 57܂2 ܢܛܘܪ̈ܝܗܘܢ ܕܬܫ̈ܢܝܩܐ ܗ݀ܢܘܢ܂
226:20	ܗܒܝܗ݀ ܠܢ ܠܗܕܐ ܕܢܚܒܫܝܗ݀ ܒܕܘܟܬܗ݀܂ ܥܠ ܕܐ݁ܙܠܐ
226:21	ܠܬܫܢܝܩܗ݀ ܀ ܐܡ݁ܪ ܠܗܘܢ ܗ݀ܘ ܓܒܪܐ ܕܕܒܝ݂ܪ ܠܝ܂ ܠܐ
227:01	ܝܗܒ ܐܢܐ ܠܗ݀ ܠܟܘܢ܂ ܡܛܠ ܕܕܚ݁ܠ ܐܢܐ ܡܢ ܡ݁ܢ
227:02	ܕܐܫܠܡܗ݀ ܠܝ܂ ܘܐܦܠܐ ܐܬ݂ܦܩܕܬ ܕܐܪܦܝܗ݀ ܗܪܟܐ܂
227:03	ܐܠܐ ܥܡܝ ܡ݁ܣܩ ܐܢܐ ܠܗ݀܃ ܥܕ ܡܩܒܠ ܐܢܐ ܥܠܝܗ݀
227:04	ܦܘܩܕܢܐ܂ 57܂3 ܘܕܒܪܢܝ ܘܐܦܩܢܝ ܠܐܬܪܐ ܕܐܝܬ ܒܗ
227:05	ܒܢ̈ܝܢܫܐ܂ ܘܕܒܪܢܝ ܗ݀ܘ ܕܕܡ݁ܐ ܠܟ ܘܐܫܠܡܢܝ ܠܟ܂
227:06	ܘܐܡ݂ܪ ܠܟ ܕܒܪܝܗ݀ ܠܗܕܐ܂ ܡܛܠ ܕܚܕܐ ܡܢ ܗ̈ܢܝܢ ܗܝ
227:07	ܢܩ̈ܘܬܐ ܕܛܥ̈ܝ܂ ܘܕܒܪܬܢܝ ܡܢܗ܂ ܘܗܐ ܩܕܡܝܟ
227:08	ܩ݁ܝܡܐ ܐܢܐ܂ ܘܒܥܝܐ ܐܢܐ ܡܢܟ ܕܐܗܝܡܢ ܐܦ
227:09	ܐܢܐ ܒܐܝ݂̈ܕܝܟ܂ ܘܐܬܚܢܢ ܡܛܠ ܨܠܘܬܟ܂ ܘܠܐ ܐ݁ܙܠ
227:10	ܐܦ ܐܢܐ ܠܗ݀ܢܘܢ ܬܫ̈ܢܝܩܐ ܕܚ݁ܙܝܬ ܀ ܀ 58܂1 ܐܡ݁ܪ ܠܗܘܢ
227:11	ܝܗܘܕܐ ܬܐܘܡܐ܂ ܫܡ݂ܥܬܘܢ ܒ̈ܢܝ ܡܢܐ ܐ‍{‍ܡ݁‍}‍‍<‍ܡ݂‍>‍ܪܬ
227:12	ܗܕܐ ܐܢܬܬܐ݂܂ ܘܠܐ ܗܘܐ ܒܠܚܘܕ ܗܠܝܢ ܬܫ̈ܢܝܩܐ
227:13	ܐܝܬ܂ ܐܠܐ ܐܦ ܐܚܪ̈ܢܐ ܕܡܢ ܗܠܝܢ ܣܓ݁ܝ ܒܝ݂̈ܫܝܢ܂
227:14	ܐܦ ܐܢܬܘܢ ܗܟܝܠ ܐܠܐ ܡܬܦܢܝܢ ܐܢܬܘܢ݂ ܠܘܬ
227:15	ܗܢܐ ܫܪܪܐ ܕܡ݁ܟܪܙ ܐܢܐ݂܂ ܘܡܙܕܓܪܝܢ ܐܢܬܘܢ ܡܢ
227:16	ܥ݁ܒ̈ܕܝܟܘܢ ܒ̈ܝ݂ܫܐ܃ ܘܡܢ ܣܘܥܪ̈ܢܝܟܘܢ ܕܠܐ ܡܗܢܝܢ
227:17	ܠܟܘܢ܃ ܘܡܢ ܡ̈ܚܫܒܬܟܘܢ ܕܠܐ ܒܝܕܥܬܐ݂܂ ܠܗܠܝܢ ܗܘ

227:18	ܬܫ̈ܢܝܩܐ ܢܓܕܐ ܚܪܬܟܘܢ܂ ܐܠܐ ܐܢܬܘܢ ܗܟܝܠ ܗܝܡܢܘ

227:19	ܒܝܫܘܥ ܡܫܝܚܐ݂܂ ܘܗ݂ܘ ܥ݁ܛܐ ܣܘܥܪ̈ܢܝܟܘܢ ܩ̈ܕܡܝܐ݁܂
227:20	ܘܡ݁ܕܟܐ ܠܟܘܢ ܡܢ ܟܠܗܘܢ ܚܘ̈ܫܒܝܟܘܢ ܐܪ̈ܥܢܝܐ
228:01	ܕܒܐܪܥܐ ܦܝܫܝܢ܂ ܘܡܚ݁ܣܐ ܠܟܘܢ ܡܢ ܚ̈ܛܗܝܟܘܢ܂
228:02	ܗ݀ܢܘܢ ܕܐܠܐ ܬ݂ܝܒܝܢ ܐܢܬܘܢ ܡܢܗܘܢ ܠܘܬ ܐܠܗܐ݂܂
228:03	ܗ݂ܢܘܢ ܠܘ݁ܝܢ ܠܟܘܢ ܘܥܡܟܘܢ ܐ݁ܙܠܝܢ ܘܩܕܡܝܟܘܢ
228:04	ܡܫܬܟܚܝܢ ܀ 58܂2 ܫܘܠܚܘܗܝ ܗܟܝܠ ܚܕ ܚܕ ܡܢܟܘܢ ܠܒܪܢܫܗ
228:05	ܥܬܝܩܐ܂ ܘܠܒܫܘ ܠܒܪܢܫܐ ܚ݂ܕܬܐ܂ ܗ݀ܢܘ ܕܝܢ ܕܘܒܪ̈ܝܟܘܢ
228:06	ܩ̈ܕܡܝܐ܂ ܘܥ݁ܒ̈ܕܝܟܘܢ ܦܓܪ̈ܢܝܐ܂ ܕܐܝܠܝܢ
228:07	ܡܟܝܠ ܕܓܢܒܝܢ ܗܘܘ܂ ܬܘܒ ܠܐ ܢܓܢܒܘܢ܂ ܐܠܐ
228:08	ܢܐ݁ܠܐ݁ܘܢ ܘܢܦܠ݂ܚܘܢ݂ ܘܢܚ݂ܘܢ܂ ܘܐܝܠܝܢ ܬܘܒ ܡܢܟܘܢ
228:09	ܕܓܝܪܝܢ ܗܘܘ݂܂ ܠܐ ܢܓܘܪܘܢ܂ ܘܢܬܪܡܘܢ ܠܢܝ݁ܚܐ
228:10	ܕܫܥܬܐ݂܂ ܕܠܐ ܢܐܙܠܘܢ ܠܬܫܢܝܩܐ ܕܠܥܠܡ ܀ ܀ ܓܘܪܐ
228:11	ܓܝܪ ܣ݂ܢܐ ܗܘ ܩܕܡ ܐܠܗܐ݂܂ ܝܬܝܪ ܡܢ ܟܠܗܘܢ ܥ݁ܒ̈ܕܐ
228:12	ܒ̈ܝ݂ܫܐ܂ 58܂3 ܘܐܢܝ݂ܚܘ ܡܢܟܘܢ ܟܕܒܘܬܐ݁܂ ܘܥܠܘܒܘܬܐ
228:13	ܘܪܘܝܘܬܐ ܘܡܐ݁ܟܠܩܪܨܐ܂ ܘܚܘܒܠܐ ܒܝ݂ܫܐ ܥܠ ܐܢܫ݂
228:14	ܠܐ ܬܐܪܡܘܢ܂ ܗܠܝܢ ܓܝܪ ܟܠܗܝܢ ܠܐܠܗܐ ܗܢܐ
228:15	ܕܡ݁ܟܪܙ ܐܢܐ݂܂ ܣ̈ܢܝܢ ܘܛܡܐ̈ܢ ܐ̈ܢܝܢ ܠܗ܂ ܐܠܐ
228:16	ܐܬܕܒ݂݁ܪܘ ܐܢܬܘܢ ܒܟܠܗ݀ ܡܟܝܟܘܬܐ ܘܒܥܢܘܝܘܬܐ
228:17	ܘܩܕܝܫܘܬܐ݂܂ ܘܒܣܒܪܐ ܕܥܠ ܐܠܗܐ܂ ܘܗ݀ܘܝܢ ܐܢܬܘܢ
228:18	ܠܗ ܒ̈ܢܝ ܒܝܬܐ݂܂ ܘܡܩ݁ܒܠܝܢ ܐܢܬܘܢ ܡܢܗ ܡ̈ܘܗܒܬܐ݁܂
228:19	ܕܠܚܕܚ̈ܕܢܐ ܡ̈ܬܝܗܒܢ ܀ 59܂1 ܗ݀ܢܘܢ ܕܝܢ ܟܢ̈ܫܐ ܗܝܡܢܘ
228:20	ܗܘܘ܂ ܘܐܫܠܡܘ ܗܘܘ ܢܦܫܗܘܢ ܠܐܠܗܐ ܚ݂݁ܝܐ݂ ܘܠܝܫܘܥ
228:21	ܡܫܝܚܐ܂ ܘܡܬܒܣܡܝܢ ܗܘܘ ܒܥ݁ܒ̈ܕܘܗܝ ܒܪ̈ܝܟܐ
229:01	ܕܡܪܝܡܐ܂ ܘܒܬܫܡܫܬܗ ܩܕܝܫܬܐ܂ ܘܡ݁ܝܬܝܢ ܗܘܘ ܚܕ
229:02	ܚܕ ܡܢܗܘܢ ܟܣܦܐ ܣܓܝܐܐ ܠܢܝ݁ܚܐ ܕܐܪ̈ܡܠܬܐ݁܂
229:03	ܕܟܢܝܫܢ ܗ̈ܘܝ ܠܗ ܠܫܠܝܚܐ ܒܡܕܝܢܐ ܡܕܝܢܐ܂ ܘܠܟܠܗܝܢ
229:04	ܡܫܕܪ ܗܘܐ ܒܝܕ ܡ̈ܫܡܫܢܘܗܝ܃ ܡܕܡ ܕܚܫܚ ܗܘܐ
229:05	ܠܗܝܢ ܠܬܘܪܣܝܐ ܘܠܠܒܘܫܐ܂ 59܂2 ܘܗ݂ܘ ܣܟ݂ ܠܐ ܫ݁ܠܐ ܗܘܐ
229:06	ܡܢ ܕܠܡܟܪܙܘ ܘܠܡܐܡܪ ܠܗܘܢ܂ ܘܠܡܚܘܝܘ ܐܢܘܢ
229:07	ܕܗܘ݂ܝܘ ܝܫܘܥ ܡܫܝܚܐ܂ ܕܐܡ݂ܪܘ ܥܠܘܗܝ ܟܬܒ̈ܐ܃ ܘܚܘܝܘ
229:08	ܛܘ̈ܦܣܘܗܝ ܘܪ̈ܐܙܘܗܝ ܘܝ̈ܘܩܢܘܗܝ܃ ܢܡܘܣܐ ܘܢ̈ܒܝܐ܂
229:09	ܕܐܬܝܗܒ ܩܝ݂ܡܐ ܠܥܡܐ݁܂ ܕܢܬܟܠܘܢ ܡܛܠܬܗ ܡܢ
229:10	ܣܓܕܬܐ ܕܦܬܟܪ̈ܐ܂ ܘܢܘܗܪܐ ܠܥܡ̈ܡܐ݁܂ ܕܒܐܝ݂ܕܗ
229:11	ܕܢܚ݂ܬ ܥܠܝܗܘܢ ܛܝܒܘܬܗ ܕܐܠܗܐ܂ ܘܡܬܢܝܚܝܢ
229:12	ܒܡ݁ܠܟܘܬܗ ܟܘܠ ܐܝܠܝܢ ܕܢܛܪܝܢ ܦܘ̈ܩܕܢܘܗܝ ܘܡܬܝܩܪܝܢ
229:13	ܒܫܘܒܚܐ܂ ܘܐܬ݂ܐ ܘܐܙܕܩܦ ܘܩܡ ܠܬܠܬܐ ܝܘ̈ܡܝܢ܂
229:14	ܘܬ݂ܢܐ ܗܘܐ ܠܗܘܢ ܘܡ݁ܦܫܩ ܡܢ ܡܘܫܐ݂܂ ܘܥܕܡܐ
229:15	ܠܚܪܬܗܘܢ ܕܢܒ̈ܝܐ܂ ܡܛܠ ܕܟܠܗܘܢ ܥܠܘܗܝ ܐܟܪܙܘ܂
229:16	ܘܐܬ݂ܐ ܗܘ݂ ܫ݁ܠܡ ܒܥ݁ܒܕܐ ܀ 59܂3 ܘܐܫܬ݂ܡܥ ܗܘܐ ܛܒ݂ܗ
229:17	ܒܝܬ ܒ̈ܢܝܢܫܐ܂ ܒܡ̈ܕܝܢܬܐ ܘܩܘܪ̈ܝܐ܂ ܘܟܠܢܫ ܕܐܝܬ
229:18	ܗܘܐ ܠܗ ܟܪܝܗܐ ܐܘ ܕܐܝܬ ܗܘܐ ܠܗ ܪܘܚܐ
229:19	ܐܘ ܕܒܪܐܓܪܐ܃ ܐܘ ܕܝܒܝܫܝܢ ܗܘܘ ܦ̈ܠܓܝܗܘܢ݂܂ ܐܝܬ
229:20	ܡܢܗܘܢ ܕܒܥܪ̈ܣܬܐ ܡ݁ܝܬܝܢ ܗܘܘ ܘܣܝܡܝܢ ܗܘܘ ܠܗܘܢ
229:21	ܒܐܘܪܚܐ܂ ܠܐܝܟܐ ܕܝ݁ܠܦܝܢ ܗܘܘ ܕܐ݁ܙܠ ܗܘܐ܂ ܘܗܘ݂
229:22	ܠܟܠܗܘܢ ܒܚܝܠܐ ܕܝܫܘܥ ܡܪܗ ܡܐ݁ܣܐ ܗܘܐ܂