The Comprehensive Aramaic Lexicon

240:01	ܗ݂ܘ ܨܒܝ݂ܬ ܒܨܒܝܢܟ܃ ܘܥܒ݂ܕܬ ܟܠܗܘܢ ܥ݁ܒ̈ܕܝܟ܂
240:02	ܘܫܟ݂ܠܠܬ ܟܠܗܝܢ ܒܪ̈ܝܬܟ܃ ܘܐܝܬ݂ܝܬ ܐ̈ܢܝܢ ܠܛܟܣܐ ܕܟܝܢܗܝܢ܃
240:03	ܘܣܡ݂ܬ ܥܠ ܟܠܗܝܢ ܕܚܠܬܟ܂ ܕܢܫܬ݂ܥܒܕܘܢ ܠܦܘܩܕܢܟ܂
240:04	ܘܗ݂ܘ ܨܒܝܢܟ ܕܪܫ݂ ܐܘܪܚܐ ܡܢ ܟܣܝܘܬܟ ܠܓܠܝܐ݁܂ ܘܗܘ݂ܐ
240:05	ܡܦܪܢܣܐ ܠܟܠ ܢܦܫ ܕܥܒ݂ܕܬ܂ ܘܐܬܡܠܠ ܒܦܘܡܐ ܕܢܒ̈ܝܐ
240:06	ܟܠܗܘܢ܂ ܒܟܘܠ ܚ̈ܙܘܝܢ ܘܩ̈ܠܝܢ ܘܢ̈ܥܡܢ܂ ܘܠܐ ܐܬܛܦܝܣ
240:07	ܐܝܣܪܐܝܠ ܡܛܠ ܝܨܪܗܘܢ ܒܝ݂ܫܐ܂ 70܂3 ܘܐܢܬ ܡܛܠ ܕܡܪܐ
240:08	ܐܢܬ ܕܟܠ܃ ܘܒܛܝܠ ܠܟ ܥܠ ܒܪ̈ܝܬܐ܃ ܕܬܦܪܘܣ ܥܠܝܢ
240:09	ܡܪܚܡܢܘܬܟ ܒܗܢܐ ܕܐܬ݂ܐ ܒܨܒܝܢܟ ܘܠܒܫ݂ ܦܓܪܐ
240:10	ܒܪܝܬܟ܃ ܗ݀ܘ ܕܐܢܬ ܨܒܝ݂ܬ ܘܓܒܠܬܝܗܝ ܐܝܟ ܚܟܡܬܟ
240:11	ܡܫܒܚܬܐ܂ ܗܢܐ ܕܒܟܣܝܘܬܟ ܛܟܣܬܝܗܝ ܘܒܓܠܝܘܬܟ
240:12	ܐܩܝܡܬܝܗܝ܂ ܣܡ݂ܬ ܠܗ ܫܡܐ ܒܪܐ܂ ܗܢܐ ܕܐܝܬܘܗܝ
240:13	ܨܒܝܢܟ ܚܝܠܐ ܕܡܚܫܒܬܟ܂ ܕܐܝܬܝܟܘܢ ܒܫ̈ܡܗܐ
240:14	ܡܦܪ̈ܫܐ݁܂ ܐܒܐ ܘܒܪܐ ܘܪܘܚܐ݁܂ ܡܛܠ ܦܘܪܢܣܐ
240:15	ܕܒܪ̈ܝܬܟ܃ ܠܬܪܒܝܬܐ ܕܟܝ̈ܢܐ ܟܠܗܘܢ݁܂ ܘܐܝܬܝܟܘܢ
240:16	ܚܕ ܒܫܘܒܚܐ ܘܒܚܝܠܐ ܘܒܨܒܝܢܐ܂ ܘܐܝܬܝܟܘܢ
240:17	ܦܠܝܓܝܢ ܟܕܠܐ ܦܣܝܩܝܢ܂ ܘܚܕ ܟܕ ܡܦܪܫܝܢ܂ ܘܟܠ ܒܟ
240:18	ܩܐ݁ܡ ܘܠܟ ܡܫܬܥܒܕ܂ ܡܛܠ ܕܟܠ ܕܝܠܟ ܗܘ܂ 70܂4 ܘܐܢܐ
240:19	ܥܠܝܟ ܗܘ ܬܟܝܠ ܐܢܐ ܡܪܝ܂ ܘܒܦܘܩܕܢܟ ܫ݁ܥܒܕܬ
240:20	ܠܗܕܐ ܚܝܘܬܐ ܕܠܐ ܡܠܬܐ܂ ܕܬܦܪܢܣ ܥܠܝܢ ܘܥܠܝܗܝܢ
241:01	ܡܛܘܠ ܕܐܠܨ݁ܐ܂ ܘܕܢܫܬܒܚ ܫܡܟ ܒܢ݁܂ ܘܒܚܝܘܬܐ ܕܠܝܬ
241:02	ܠܗ݀ ܡܠܬܐ܂ 70܂5 ܘܟܕ ܐܡ݂ܪ ܗܠܝܢ݂܂ ܐܡ݂ܪ ܠܗܘܢ ܠܥܪ̈ܕܐ
241:03	ܗ݀ܢܘܢ܂ ܫ݁ܠܡܐ ܥܡܟܘܢ܂ ܡܛܠ ܕܐܬܛܦܝܣܬܘܢ
241:04	ܠܡܠܬܐ ܡܪܬ ܟܠ܂ ܢܐܬܘܢ ܐܪ̈ܒܥܐ ܡܢܟܘܢ
241:05	ܘܢܬܟܕܢܘܢ ܚܠܦ ܒܥܝܪܐ ܗܠܝܢ ܕܩܡ ܠܗܝܢ ܘܠܐ
241:06	ܡܫܟܚܢ ܕܢܗ̈ܠܟܢ܂ ܘܚܕ ܚܕ ܡܢܗܘܢ ܕܗ݀ܢܘܢ ܥܪ̈ܕܐ
241:07	ܡܬܚܒܨܝܢ ܗܘܘ܂ ܕܐܝܢܐ ܡܢܗܘܢ ܢܬܟܕܢ܂ ܘܐܝܬ
241:08	ܗܘܘ ܕܝܢ ܬܡ̈ܢ݂ ܕܩܫܝܢ ܗܘܘ ܡܢ ܚܒܪ̈ܝܗܘܢ݂܂ ܘܗ݂ܢܘܢ
241:09	ܐܬܟܕܢܘ܂ ܘܫܪܟܗܘܢ ܐܬ݂ܝܢ ܗܘܘ ܒܬܪܗ ܘܩܕܡܘܗܝ
241:10	ܕܫܠܝܚܐ܂ ܘܟܕ ܩܠܝܠ ܪܕܘ݂ ܐܡ݂ܪ ܠܗܘܢ܂ ܠܟܘܢ ܐܡ݁ܪ
241:11	ܐܢܐ ܥܡܘܪ̈ܐ ܕܕܒ݂ܪܐ܂ ܦܘܫܘ ܘܙܠܘ ܠܪܥܝ݂ܟܘܢ܂ ܐܠܘ
241:12	ܓܝܪ ܟܠܟܘܢ ܡܬܒܥܝܢ ܗܘܝܬܘܢ ܠܝ݂܂ ܟܠܟܘܢ ܐܬ݂ܝܢ
241:13	ܗܘܝܬܘܢ܂ ܗܫܐ ܕܝܢ ܙܠܘ ܠܟܘܢ ܠܐܬܪܐ ܕܒܗ
241:14	ܗ݀ܘܝܢ ܗܘ݂݁ܝܬܘܢ܂ ܘܗ݂ܢܘܢ ܥܪ̈ܕܐ ܐ݁ܙܠܝܢ
241:15	ܗܘܘ ܒܫܠ݂ܝܐ݂܂ ܥܕܡܐ ܕܐܒܥܕܘ ܡܢ ܚܙܬܗ܂ 71܂1 ܘܝ݁ܬܒ
241:16	ܗܘܐ ܫܠܝܚܐ ܘܪܒ ܚܝܠܐ ܘܩܪܪܐ݂܂ ܘܐܬ݂ܝܢ ܗܘܘ ܗ݀ܢܘܢ
241:17	ܥܪ̈ܕܐ ܒܢܝ݁ܚܐ ܘܒܫܠܝܐ ܘܒܩܠܝܠ ܩܠܝܠ܃ ܕܠܐ ܢܬܬܙܝܥ
241:18	ܫܠܝܚܗ ܕܐܠܗܐ܂ ܘܟܕ ܡ݁ܛ݂ܝܘ ܬܪܥܐ ܕܡܕܝܢܬܐ݂܂
241:19	ܦܪܫܘ ܘܐܙܠܘ ܩܡܘ ܩܕܡ ܬܪܥܐ ܕܕܪܬܗ ܕܗ݀ܘ ܪܒ
241:20	ܚܝܠܐ ܀ ܀ ܗ݀ܝܕܝܢ ܪܒ ܚܝܠܐ ܗ݀ܘ ܬܡ݂ܗ ܠܗ݂ ܘܐܡ݂ܪ܂
241:21	ܠܐ ܡܫܟܚ ܐܢܐ ܕܐܡ݂݁ܪ ܘܐ݁ܫܬܥܐ ܡܕܡ ܕܓܕܫ܃
242:01	ܐܠܐ ܬܗܘܐ ܬܕܡܘܪܬܐ ܐܚܪܬܐ ܘܗ݀ܝ ܕܝܢ ܐ݁ܫܬܥܐ܂
242:02	71܂2 ܐܬ݂ܝܐ ܗܘܬ ܕܝܢ ܟܠܗ݀ ܡܕܝܢܬܐ܃ ܕܚܙܘ ܠܗ݀ܢܘܢ ܥܪ̈ܕܐ
242:03	ܟܕ ܟܕܝܢܝܢ ܗܘܘ ܒܙܘܓܐ݂܂ ܘܐܦ ܕܫܡ݂ܥܘ ܗܘܘ ܛܒ݂ܗ
242:04	ܕܫܠܝܚܐ ܕܐܙ݂ܠ ܠܬܡ݁ܢ ܀ ܀ ܐܡ݁ܪ ܠܗ ܫܠܝܚܐ ܠܪܒ
242:05	ܚܝܠܐ ܗ݀ܘ ܐܝܟܘ ܒܝܬܟ܂ ܘܠܐܝܟܐ ܡܘܒܠ ܐܢܬ ܠܢ ܀
242:06	ܐܡ݁ܪ ܠܗ ܪܒ ܚܝܠܐ܂ ܐܢܬ ܝ݁ܕܥ ܐܢܬ݂ ܕܥܠ ܬܪܥܗ
242:07	ܕܥܒ݂ܕܟ ܩܐ݁ܡ݂ ܐܢܬ܂ ܘܗܠܝܢ ܕܒܦܘܩܕܢܟ ܐܬܘ ܥܡܟ݂܂
242:08	ܝܬܝܪ ܡܢܝ ܝ݁ܕܥܝܢ܂ 72܂1 ܘܟܕ ܐܡ݂ܪ ܗܠܝܢ ܪܒ ܚܝܠܐ݂܂ ܫܘܪ
242:09	ܢܚ݂ܬ ܡܢ ܙܘܓܐ܂ ܀ ܘܫ݂݁ܪܝ ܗܘܐ ܫܠܝܚܐ ܕܢܐܡܪ܂
242:10	ܝܫܘܥ ܕܛܠ݂ܝܡ ܒܐܝܕܥܬܗ ܒܐܬܪܐ ܗܢܐ܃ ܝܫܘܥ
242:11	ܕܢܘܟܪܝ ܛܒ݂ܗ܂ ܒܡ݂ܕܝܢܬܐ ܗܕܐ܃ ܝܫܘܥ ܐܟܣܢܝܐ ܒܝܬ
242:12	ܒ̈ܢܝܢܫܐ ܗܠܝܢ܃ ܝܫܘܥ ܕܡܩ݁ܕܡ ܠܫܠܝܚܗ ܠܟܠ ܐܬܪ
242:13	ܘܠܟܠ ܡܕܝܢܐ܃ ܘܒܗ ܡܫܬܒܚ ܘܒܗ ܡܬܝܕܥ
242:14	ܠܟܠܗܘܢ ܐܝܠܝܢ ܕܠܗ ܫ݁ܘܝܢ܃ ܝܫܘܥ ܕܠܒ݂ܫ ܦܓܪܐ
242:15	ܘܗܘ݂ܐ ܒܪܢܫܐ ܘܐܬܚ݂ܙܝ ܠܟܠܢ܃ ܡܛܠ ܕܠܐ ܢܦܪܘܫ
242:16	ܡܢ ܚܘܒܗ܂ 72܂2 ܡܪܢ ܕܝܗ݂ܒ ܢܦܫܗ ܚܠܦܝܢ ܘܙܒ݁ܢܗ
242:17	ܒܕܡܗ܂ ܘܩܢܢ ܠܗ ܩܢܝܢܐ ܕܒܝܩܝܪ ܐܙܕܒܢ܂ ܡܢܐ
242:18	ܓܝܪ ܐܝܬ ܠܢ ܕܢܬܠ ܠܗ ܚܠܦ ܢܦܫܗ܂ ܗ݂ܘ ܓܝܪ ܝܗ݂ܒ
242:19	ܢܦܫܗ ܚܠܦܝܢ܂ ܠܐ ܗܘܐ ܡܕܡ ܕܠܚܕ ܚܕ ܐܝܬ܂ ܘܐܦ
242:20	ܠܐ ܗ݂ܘ ܒܥ݁ܐ ܠܢ ܡܕܡ ܐܠܐ ܕܢܒܥ݂ܐ ܡܢܗ ܘܢܚ݂ܐ ܀ ܀
242:21	73܂1 ܘܟܕ ܐܡ݂ܪ ܗܘܐ ܗܠܝܢ܃ ܣ̈ܓܝܐܐ ܐܬ݂ܝܢ ܗܘܘ ܡܢ ܟܠ
243:01	ܕܘܟܐ݁܂ ܕܢܚ݂ܙܘܢ ܠܫܠܝܚܐ ܚ݂ܕܬܐ ܕܐܠܗܐ ܕܐܬ݂ܐ
243:02	ܠܬܡܢ ܀ ܘܐܡ݂ܪ ܝܗܘܕܐ܂ ܡܢܐ ܩܝܡܝܢܢ ܘܒܛܝܠܝ‍<‍ܢ‍>‍ܢ܂
243:03	ܝܫܘܥ݂ ܡܢܐ ܨܒ݁ܝ݂ܬ܂ ܥܕܢܐ ܦܩ݁ܕ ܘܥܒ݁ܕܐ ܢܗܘ݂ܐ܂
243:04	ܗ݀ܝ ܕܝܢ ܐܢܬܬܐ ܘܒܪܬܗ݀܃ ܣܓܝܘ ܥܠܝܗܝܢ
243:05	ܫ̈ܐܕܐ ܗ݀ܢܘܢ܃ ܘܠܐ ܣ݁ܒܪܝܢ ܗܘܘ ܒ̈ܢܝ ܒܝܬܗ ܕܗ݀ܘ
243:06	ܪܒ ܚܝܠܐ ܕܩ̈ܝܡܢ ܐ̈ܢܝܢ܂ ܠܐ ܓܝܪ ܫ݂ܒܩܘ ܐܢ̈ܝܢ
243:07	ܕܡܕܡ ܢܛܥ̈ܡܢ܂ ܐܠܐ ܡܪܡ݁ܝܘ ܐܪܡ݂ܝܘ ܐܢ̈ܝܢ ܒܥܪܣܐ
243:08	ܟܕ ܠܐ ܝ̈ܕܝܥܢ ܠܐܢܫ܃ ܥܕܡܐ ܠܗ݀ܘ ܝܘܡܐ ܕܐܬ݂ܐ
243:09	ܫܠܝܚܐ ܠܬܡ݁ܢ ܀ ܀ 73܂2 ܘܐܡ݂ܪ ܫܠܝܚܐ ܠܚܕ ܡܢ ܗ݀ܢܘܢ
243:10	ܥܪ̈ܕܐ ܕܟܕܝܢܝܢ ܡܢ ܝܡܝܢܐ܂ ܕܥܘܠ ܠܓܘ ܕܪܬܐ ܘܟܕ
243:11	ܩܐ݁ܡ ܐܢܬ݂܂ ܩ݂ܪܝ ܐܢܘܢ ܠܗ݀ܢܘܢ ܫ̈ܐܕܐ ܘܐܡ݂ܪ
243:12	ܠܗܘܢ܂ ܕܐܡ݁ܪ ܝܗܘܕܐ ܫܠܝܚܐ ܬܠܡܝܕܗ ܕܝܫܘܥ
243:13	ܡܫܝܚܐ ܬܘ ܠܟܐ ܠܒܪ܂ ܡܛܘܠ ܕܡܛܠܬܟܘܢ ܗܘ
243:14	ܐ݁ܫܬܠܚܬ݂܂ ܘܥܠ ܒ̈ܢܝ ܫܪܒܬܟܘܢ܃ ܕܐܛܪܘܕܟܘܢ
243:15	ܠܐܬܪܐ ܕܝܠܟܘܢ܂ ܥܕܠܐ ܡ݁ܛܐ ܙܒܢܐ ܕܫܘܠܡܐ܂
243:16	ܘܠܦܚܬܟܘܢ ܐ݁ܙܠܝܢ ܐܢܬܘܢ܂ 74܂1 ܘܥܠ ܗ݀ܘ ܥܪܕܐ ܟܕ
243:17	ܐܝܬ ܥܡܗ ܟܢܫܐ ܕܐܢܫܐ ܘܐܡ݂ܪ܂ ܠܟܘܢ ܐܡ݁ܪ
243:18	ܐܢܐ ܒ̈ܥܠܕܒܒܐ ܕܐܢܫܘܬܐ܂ ܠܟܘܢ ܐܡ݁ܪ ܐܢܐ
243:19	ܡܥܡ̈ܨܝ ܥ̈ܝܢܝܗ‍<‍ܘ‍>‍ܢ ܡܢ ܢܘܗܪܐ ܕܠܐ ܢܚ݂ܙܘܢ܂ ܠܐ
243:20	ܓܝܪ ܡܫܟܚ ܟܝܢܐ ܕܒܝ݂ܫܬܐ ܠܡܗܘܐ ܒܛܒܬܐ܂ ܠܟܘܢ
244:01	ܐܡ݁ܪ ܐܢܐ ܝܠ݂ܕܐ ܕܓܗܢܐ ܘܕܐܒܕܢܐ܂ ܒ̈ܢܘܗܝ ܕܗ݀ܘ
244:02	ܕܠܐ ܡܫ݁ܬܠܐ ܠܗ ܥܕܡܐ ܠܝܘܡܢܐ݁܂ ܕܗ݂ܘ ܡܚ݁ܕܬ
244:03	ܥܒ݂̈ܕܐ ܒ̈ܝ݂ܫܐ ܕܠܟܝܢܗ ܝܐ̈ܝܢ܂ ܠܟܘܢ ܐܡ݁ܪ ܐܢܐ
244:04	ܡܪ̈ܚܐ݁܂ ܐܒ̈ܕܝ ܒܐܝ݂̈ܕܝ ܢܦܫܗܘܢ܂ 74܂2 ܘܡܢܐ ܐ݁ܡ݂ܪ
244:05	ܥܠ ܣܘܦܟܘܢ܂ ܠܐ ܝ݁ܕܥ ܐܢܐ܂ ܘܡܢܐ ܐ݁ܫܬܥܐ݂
244:06	ܠܐ ܡܫܟܚ ܐܢܐ܂ ܣܓܝܐ̈ܢ ܐܢ̈ܝܢ ܓܝܪ ܡܢ ܡܫܡܥܬܐ݂
244:07	ܘܠܝܬ ܠܗܝܢ ܣܟܐ܂ ܟܡܐ ܓܝܪ ܕܢܗܘ݂ܘܢ ܫ̈ܠܕܝܟܘܢ܃
244:08	ܙܥܘܪ̈ܝܢ ܐܢܘܢ ܡܢ ܦܘܪ̈ܥܢܝܟܘܢ܂ ܠܟ ܓܝܪ
244:09	ܐܡ݁ܪ ܐܢܐ ܫܐܕܐ݂܂ ܘܠܒܪܟ ܕܠܟ ܢܩܝܦ܂ ܗܫܐ
244:10	ܓܝܪ ܥܠܝܟܘܢ ܗܘ ܐ݁ܫܬܕܪܬ ܠܟܐ܂ ܡܢܐ ܡ݁ܣܓܐ
244:11	ܐܢܐ ܕܐ݁ܡ݂ܪ ܥܠ ܟܝܢܟܘܢ܂ ܐܢܬܘܢ ܓܝܪ ܝ݁ܕܥܝܢ
244:12	ܐܢܬܘܢ ܝܬܝܪ ܡܢܝ܂ ܘܡܡܪܚܝܢ ܐܢܬܘܢ܂ ܐܠܐ
244:13	ܗܫܐ ܐܡ݁ܪ ܝܗܘܕܐ ܬܐܘܡܐ ܫܠܝܚܗ ܕܝܫܘܥ
244:14	ܡܫܝܚܐ܃ ܗܢܐ ܕܒܪ̈ܚܡ݂ܐ ܘܒܚܢ݂ܢܐ ܐܫ݂ܬܕܪ ܠܟܐ݂܂
244:15	ܬܐ ܦܘܩ ܠܘܬ ܐܘܟܠܘܣ ܗܢܐ ܕܗܐ ܩܐ݁ܡ ܗܪܟܐ܂
244:16	ܘܐܡ݂ܪܘ ܠܝ ܡܢ ܐܝܢܐ ܐܢܬܘܢ ܓܢܣܐ܂ 75܂1 ܘܒܗ݀ ܒܫܥܬܐ
244:17	ܢܦܩ݂ܬ݁ ܐܢܬܬܐ ܗ݀ܝ ܘܒܪܬܗ݀܂ ܟܕ ܕܡ̈ܝܢ ܗ̈ܘܝ ܠܡ̈ܝ݂ܬܬܐ
244:18	ܘܡܦܪ̈ܣܝܢ ܘܡܨܥܪ̈ܢ܂ ܘܟܕ ܚ݂ܙܐ ܐܢ̈ܝܢ
244:19	ܫܠܝܚܐ ܟܪܝܬ݂ ܠܗ ܥܠܝܗܝܢ݂ ܘܐܡ݂ܪ ܠܐ ܗܘܐ ܚܘܣܢܐ
244:20	ܗܘ݁ܐ ܥܠܝܟܝܢ܂ ܡܛܠ ܗܢܐ ܐܦܠܐ ܠܡܚܣܢ ܝ݁ܕܥܝܢ
244:21	ܐܢܬܘܢ܂ ܐܠܐ ܒܫܡܗ ܕܝܫܘܥ ܡܫܝܚܐ ܫ݂݁ܢܘ
244:22	ܡܢܗܝܢ݂ ܘܥܠ ܓܒ̈ܝܗܝܢ ܩܘܡܘ܂ ܘܟܕ ܐܡ݂ܪ ܗܘܐ
245:01	ܗܕܐ ܡܠܬܐ ܫܠܝܚܐ܂ ܢ̈ܦܠ݂ܝ ܗ̈ܢܝܢ ܢܫ̈ܐ݂ ܘܡܝ݂ܬܝ̈ ܠܗܝܢ܂
245:02	ܠܝܬ ܗܘܐ ܓܝܪ ܒܗܝܢ ܢܫܡ݂ܬܐ ܘܐܦܠܐ ܩܠܐ ܝܗ̈ܒܢ
245:03	ܗ̈ܘܝ܂ 75܂2 ܘܗ݀ܘ ܫܐܕܐ ܩܥ݂ܐ ܒܩܠܐ ܪܡܐ ܘܐܡ݂ܪ܂ ܬܘܒ
245:04	ܐܬܝ݂ܬ ܠܟ ܡܟܣܢܗ ܕܟܝܢܢ܃ ܬܘܒ ܐܬܝܬ݂ ܠܟ ܠܟܐ
245:05	ܡܘܒܕܢܗ ܕܓܢܣܢ܃ ܬܘܒ ܐܬܝܬ݂ ܠܟ ܠܟܐ ܡܟܦܪܢܐ
245:06	ܕܥܩ̈ܒܬܢ܂ ܘܐܝܟܢܐ ܕܚ݁ܙܐ ܐܢܐ ܠܐ ܨܒ݁ܝ݂ܬ ܕܬܫܒܩܢ
245:07	ܒܐܪܥܐ܂ ܠܐ ܓܝܪ ܡܫܟܚ ܐܢܬ ܒܗܢܐ ܙܒܢܐ ܗܕܐ
245:08	ܠܡܥܒܕ ܠܢ܂ ܘܐܣܬ݁ܟܠ ܝܗܘܕܐ݂܂ ܕܗ݀ܘ ܗܘ ܫܐܕܐ
245:09	ܕܪܕܦ ܡܢ ܗ݀ܝ ܐܢܬܬܐ ܀ ܀ 76܂1 ܘܐܡ݂ܪ ܠܗ ܒܥ݁ܐ ܐܢܐ
245:10	ܡܢܟ ܕܝܢ݂܂ ܐܦܣ ܠܝ ܠܐܝܟܐ ܕܨ݁ܒܝܬ ܐܙ݂ܠ ܐ݁ܥܡܪ܂
245:11	ܘܐ݁ܩܒܠ ܡܢܟ ܦܘܩܕܢܐ݂܂ ܘܠܐ ܐ݁ܕܚܠ ܡܢ ܗ݀ܘ ܕܫܠܝܛ
245:12	ܥܠܝ܂ ܐܝܟܢܐ ܓܝܪ ܕܐܢܬ ܐܬܝܬ ܕܬܣ݂ܥܘܪ ܗܟܢܐ ܐܦ
245:13	ܐܢܐ ܐܬ݂ܝܬ ܕܐܚ݁ܒܠ܂ ܘܐܝܟܢܐ ܕܐܢܬ ܐܠܐ ܡܫ݁ܠܡ
245:14	ܨܒܝܢܗ ܕܗ݀ܘ ܕܫܕܪܟ ܪܫܝܢܐ ܡ݁ܩܒܠ ܐܢܬ݂܂ ܗܟܢܐ
245:15	ܐܦ ܐܢܐ݁܂ ܐܠܐ ܥ݁ܒܕ ܐܢܐ ܨܒܝܢܗ ܕܗ݀ܘ ܕܫܕܪܢܝ܃
245:16	ܩܕܡ ܙܒܢܐ ܠܟܝܢܢ ܐ݁ܙܠ ܐܢܐ܂ ܐܝܟܢܐ ܕܐܢܬ ܡܥܕܪ
245:17	ܠܟ ܡܪܟ ܒܐܝܠܝܢ ܕܥ݁ܒܕ ܐܢܬ݂܂ ܐܦ ܠܝ ܡ݁ܣܡܟ ܠܝ
245:18	ܐܒܝ ܒܐܝܠܝܢ ܕܣܥ݁ܪ ܐܢܐ܂ 76܂2 ܘܐܝܟܢܐ ܕܠܟ ܡ݁ܛܝܒ ܠܟ
245:19	ܡܐ̈ܢܐ ܐܝܠܝܢ ܕܫ݁ܘܝܢ ܕܢܥܡ݂ܪ ܒܗܘܢ܃ ܗܟܢܐ ܐܦ
245:20	ܠܝ ܡ݁ܪܓܫ ܡܐ̈ܢܐ ܐܝܠܝܢ ܕܡܫܬܡܥܝܢ ܠܗ݀܂ ܐ݁ܣܥܘܪ
245:21	ܒܗܘܢ ܨܒܝܢܗ݂܂ ܘܐܝܟ‍<‍ܢ‍>‍ܐ ܕܠܟ ܙܐ݁ܢ ܠܟ ܘܡܦܪܢܣ܂
246:01	ܘܠܐܝܠܝܢ ܕܡܫܬܡܥܝܢ ܠܟ݂܂ ܗܟܢܐ ܐܦ ܠܝ ܡܛܓܢ
246:02	ܘܡܫܬ݂ܢܕ ܒܝ܂ ܘܒܐܝܠܝܢ ܕܥܡ݁ܪ ܐܢܐ ܒܗܘܢ܂
246:03	ܘܐܝܟܢܐ ܕܠܟ ܝ݁ܗܒ ܐܓܪܐ ܕܦܘܠܚܢܟ܃ ܗ݀ܢܘ ܕܝܢ ܚ̈ܝܐ
246:04	ܕܠܥܠܡ݂܂ ܘܐܦ ܠܝ ܝ݁ܗܒ ܦܘܪܥܢܐ ܕܥ݁ܒ̈ܕܝ ܐܒܕܢܐ ܕܠܥܠܡ܂
246:05	76܂3 ܘܐܝܟܢܐ ܕܐܢܬ ܡܬܬܢܝܚ ܐܢܬ ܒܨܠܘܬܟ ܘܒܥ݁ܒ̈ܕܝܟ
246:06	ܛ̈ܒܐ܂ ܘܐܘܟܪܣܛܝܐ ܘܒܬܫ̈ܒܚܬܐ ܘܒܡܙܡܪ̈ܐ
246:07	ܘܒܡܕܪ̈ܫܐ ܕܝܠܗ݂܂ ܗܟܢܐ ܐܦ ܐܢܐ ܡܬܬܢܝܚ
246:08	ܐܢܐ ܒܩܛܠܐ ܘܒܓܘܪܐ ܘܒܕܒ̈ܚܐ݁܂ ܘܒ̈ܢܘܩܝܐ ܕܚܡܪܐ
246:09	ܕܥܠ ܥ̈ܠܘܬܐ܂ ܘܐܝܟܢܐ ܕܐܢܬ ܡ݁ܦ݂ܢܝܬ ܠܒ̈ܢܝܢܫܐ ܠܚ̈ܝܐ
246:10	ܕܠܥܠܡ݂܂ ܗܟܢܐ ܐܦ ܐܢܐ ܡ݁ܦܢܐ ܐܢܐ
246:11	ܠܒ̈ܢܝܢܫܐ ܠܝ܃ ܠܐܒܕܢܐ ܘܠܬܫܢܝܩܐ ܕܠܥܠܡ܂ ܘܐܢܬ
246:12	ܡ݁ܩܒܠ ܐܢܬ ܐܓܪܐ ܕܝܠܟ݂ ܘܐܢܐ ܕܝܠܝ ܀ ܀ 77 ܘܟܕ ܗܠܝܢ
246:13	ܐܡ݂ܪ ܗܘܐ ܫܐܕܐ ܗ݀ܘ܂ ܐܡ݂ܪ ܫܠܝܚܐ ܠܟ ܘܠܒܪܟ
246:14	ܐܡ݁ܪ ܝܫܘܥ ܒܐܝ݂̈ܕܝ܃ ܕܬܘܒ ܠܝܬܒܐ ܕܒ̈ܢܝܢܫܐ
246:15	ܠܐ ܬܥܘܠܘܢ܂ ܐܠܐ ܙܠܘ ܥܡ݂ܪܘ ܠܒܪ ܡܢ ܝܬܒܐ
246:16	ܟܠܗ ܕܒ̈ܢܝܢܫܐ܂܂ ܘܐܡ݁ܪܝܢ ܠܗ ܗ݀ܢܘܢ ܫ̈ܐܕܐ ܚܢܢ ܗܐ
246:17	ܐ݁ܙܠܝܢ ܐܝܟ ܕܦܩܕܬ ܠܢ܂ ܡܢܐ ܕܝܢ ܥ݁ܒܕ ܐܢܬ ܠܗ݀ܢܘܢ
246:18	ܐܝܠܝܢ ܕܡܢܟ ܟܣܝܢ ܐܢܘܢ݁܂ ܘܡܐ̈ܢܝܗ‍<‍ܘ‍>‍ܢ ܒܗܘܢ
246:19	ܚ݁ܕܝܢ ܝܬܝܪ ܡܢܟ܃ ܗ݀ܢܘܢ ܐܝܠܝܢ ܕܣ̈ܓܝܐܐ ܣܓ݁ܕܝܢ
246:20	ܠܗܘܢ܂ ܘܥ݁ܒܕܝܢ ܨܒܝܢܗܘܢ ܟܕ ܡܕܒܚܝܢ ܠܗܘܢ݁܂
247:01	ܘܟܕ ܡܢܩܝܢ ܠܗܘܢ ܚܡܪܐ܂ ܘܟܕ ܡܩܪܒܝܢ ܠܗܘܢ
247:02	ܩܘܪ̈ܒܢܐ ܀ ܀ ܐܡ݁ܪ ܫܠܝܚܐ܂ ܘܐܦ ܗ݀ܢܘܢ ܒܚܪܬܐ

247:03	ܣܝ݁ܦܝܢ ܥܡ ܕܚ̈ܠܝܗܘܢ܂ ܘܐܬܒܥܝܘ ܗ݀ܢܘܢ ܫ̈ܐܕܐ

247:04	ܘܠܐ ܐܫܬܟܚܘ܂ ܗ̈ܢܝܢ ܕܝܢ ܢܫ̈ܐ ܫ݂̈ܕܝܢ ܗ݂̈ܘܝ ܐܝܟ
247:05	ܡ̈ܝܬܬܐ ܕܠܐ ܡܠܬܐ܂ 78܂1 ܘܐܦ ܥܪ̈ܕܐ ܗ݀ܢܘܢ ܩ݁ܝܡܝܢ
247:06	ܗܘܘ ܚܕ ܠܘܬ ܚܒܪܗ݂܂ ܘܠܐ ܡ݁ܫܢܝܢ ܗܘܘ ܚܕ ܡܢ
247:07	ܠܘܬ ܚܕ܂ ܐܠܐ ܚܕ ܗ݀ܘ ܕܐܬ݂ܝܗ݂ܒܬ ܠܗ ܡܠܬܐ
247:08	ܒܚܝܠܐ ܕܡܪܢ܂ ܩܐ݁ܡ ܗܘܐ ܠܗܠ ܡܢ ܗ݀ܢܘܢ
247:09	ܚܒܪ̈ܘܗܝ܃ ܘܟܕ ܟܠܗܘܢ ܐܢܫܐ ܫܬܝܩܝܢ ܗܘܘ ܘܚ݁ܝܪܝܢ
247:10	ܒܗ ܕܢܚ݂ܙܘܢ݂ ܡܢܐ ܥ݁ܒܕ ܫܠܝܚܐ܂ ܚ݂ܪ ܗ݀ܘ ܥܪܕܐ
247:11	ܒܟܠܗܘܢ ܘܐܡ݂ܪ ܠܝܗܘܕܐ܂ 78܂2 ܡܢܐ ܩܐ݁ܡ ܐܢܬ ܘܒܛܝܠ
247:12	ܐܢܬ ܫܠܝܚܗ ܕܡܪܝܡܐ܂ ܕܗܐ ܦܪܩܠܝܛܐ ܩܐ݁ܡ ‍{‍ܘ‍}‍ܠܟ
247:13	ܘܚܐܪ ܕܬܫܐܠܝܘܗܝ ܘܢܬܠ ܠܟ܂ ܡܢܐ ܡܬܬܗܐ
247:14	ܐܢܬ ܬܠܡܝܕܐ ܛ݁ܒܐ݁܂ ܕܗܐ ܪܒܟ ܨ݁ܒܐ ܪ̈ܘܪܒܬܐ
247:15	ܒܐܝ݂̈ܕܝܟ ܠܡܚ݁ܘܝܘ܂ ܡܢܐ ܩܐ݁ܡ ܐܢܬ ܟܪܘܙܗ ܕܟܣܝܐ݁܂
247:16	ܕܗܐ ܪܒܟ ܨ݁ܒܐ ܕܟܣܝܘܬܗ ܒܐܝ݂̈ܕܝܟ ܢܒ݂݁ܕܩ܂ ܠܐܝܠܝܢ
247:17	ܕܫ݁ܘܝܢ ܠܗ ܕܢܫ݂ܡܥܘܢ ܐ̈ܢܝܢ܂ ܡܢܐ ܫ݁ܠܐ ܐܢܬ ܥ݁ܒܕ
247:18	ܪ̈ܘܪܒܬܐ ܒܫܡܗ ܕܡܪܗ܃ ܕܗܐ ܡܪܟ ܩܐ݁ܡ ܘܡ݁ܠܒܒ
247:19	78܂3 ܠܟ ܠܐ ܬܕܚܠ܂ ܠܐ ܓܝܪ ܡܪܦܐ ܠܟ܂ ܘܠܐ ܫܒܩܐ
247:20	ܐܠܗܘܬܗ ܠܐܢܫܘܬܟ ܕܬܟ݂ܪܐ ܠܗ݀܂ ܫܪܐ ܗܟܝܠ
247:21	ܠܡܩܪܝܗ ܘܗ݂ܘ ܥ݁ܢܐ ܠܟ܂܂ ܐܝܟ ܕܡܥܕ ܒܟܠܙܒܢ܂ ܡܢܐ
248:01	ܐܚܝܕ ܠܟ ܬܡܗܐ ܥܠ ܣܘܥܪ̈ܢܘܗܝ ܣ̈ܓܝܐܐ܂܂ ܗܠܝܢ
248:02	ܓܝܪ ܙܥܘܪ̈ܝܬܐ ܐܢ̈ܝܢ ܕܚ݂݁ܘܝ ܒܐܝ݂̈ܕܝܟ܂ ܘܐܢ ܗ݂ܘ
248:03	ܕܬܫܬܥܐ ܥܠ ܣܘܓܐܐ ܕܡ̈ܘܗܒܬܗ݂܂ ܠܐ ܡܫܟܚ
248:04	ܐܢܬ ܕܬܘܦܐ ܐܢ̈ܝܢ܂ ܡܢܐ ܡܬܕܡܪ ܐܢܬ ܥܠ ܐܣ̈ܘܬܗ
248:05	ܗܠܝܢ ܦܓܪ̈ܢܝܬܐ ܕܡܫܬܪ̈ܝܢ ܠܗܝܢ܂ ܟܕ ܗ݂ܝ ܐܣܝܘܬܗ
248:06	ܠܐ ܡܫܬܪܝܐ ܕܩ̈ܢܝܢܘܗܝ ܥ݁ܗܕ ܐܢܬ܂ ܡܢܐ ܡܬܒܩܐ
248:07	ܐܢܬ ܒܚ̈ܝܐ ܗܠܝܢ ܕܙܒܢܐ݁܂ ܘܥܠ ܚ̈ܝܐ ܕܠܥܠܡ ܗܐ
248:08	ܟܠܝܘܡ ܡܬܚܫܒ ܐܢܬ܂ 79܂1 ܠܟܘܢ ܕܝܢ ܐܡ݁ܪ ܐܢܐ
248:09	ܟܢ̈ܫܐ ܐܝܠܝܢ ܕܗܐ ܩ݁ܝܡܝܢ ܘܡ݁ܣܟܝܢ ܕܢܚ݂ܙܘܢ ܠܗܠܝܢ
248:10	ܕܗܐ ܪ̈ܡܝܢ ܕܢܩ̈ܘܡܢ܂ ܗܝܡܢܘ ܠܡܠܦܢܐ ܕܩܘܫܬܐ܂
248:11	ܘܗܝܡܢܘ ܠܡܚܘܝܢܐ ܕܫܪ̈ܝܪܬܐ܂ ܗܝܡܢܘ ܠܡܓܠܝܢܐ
248:12	ܕܟ̈ܣܝܬܐ܂ ܗܝܡܢܘ ܠܡܒܕܩܢܐ ܕܚ̈ܝܐ܂܂ ܗܝܡܢܘ ܠܫܠܝܚܗ
248:13	ܕܒܪܐ ܒܚܝܪܐ ܝܫܘܥ ܡܫܝܚܐ݁܂ ܗ݀ܘ ܕܐܬܝܠܕ ܕܐܝ݂̈ܠܝܕܐ
248:14	ܒܝ݂ܠܕܗ ܢܚ݂ܘܢ݁܂ ܘܐܬܪܒܝ ܕܬܪܒܝܬܐ ܡܫܠܡܢܝܬܐ ܒܗ
248:15	ܬܬܚ݂ܙܐ܂ ܘܥܠ ܠܒܝܬ ܣ̈ܦܪܐ݂܂ ܕܒܗ ܚܟܡܬܐ ܓܡܝܪܬܐ
248:16	ܬܬܝܕܥ܂ ܐܠܦ݂ܗ ܠܣ݁ܦܪܗ݂ ܡܛܠ ܕܡܠܦܢܐ ܗܘܐ ܕܩܘܫܬܐ݂
248:17	ܘܪܒܗܘܢ ܗܘ ܕܚܟܝ̈ܡܐ܂ ܐܙ݂ܠ ܠܗܝܟܠܐ ܘܩ݁ܪܒ
248:18	ܩܘܪܒܢܐ܂ ܕܢܚ݂ܙܘܢ ܕܟܠܗܘܢ ܩܘܪ̈ܒܢܐ ܒܗ ܗܘ
248:19	ܡܬܩܕܫܝܢ܂ ܗ݀ܢܘ ܫܠܝܚܗ ܕܗ݀ܘ܂ ܗ݀ܢܘ ܫܠܝܚܐ ܕܫܪܪܐ܂
248:20	ܗ݀ܢܘ ܕܥ݁ܒܕ ܨܒܝܢܐ ܕܡ݁ܢ ܕܫܕܪܗ܂ 79܂2 ܢܗܘ݂ܐ ܕܝܢ ܙܒܢܐ݂܂
248:21	ܕܢܐܬܘܢ ܫ̈ܠܝܚܐ ܕܓ̈ܠܐ݂ ܘܢܒ̈ܝܐ ܕܟܕܒܘܬܐ܂ ܗ݀ܢܘܢ
248:22	ܕܚܪܬܗܘܢ ܐܝܟ ܥ݁ܒ̈ܕܝܗܘܢ܂ ܗ݀ܢܘܢ ܕܐܡ݁ܪܝܢ ܠܟܘܢ
249:01	ܐܙܕܗܪܘ ܡܢ ܚ̈ܛܗܐ܂ ܟܕ ܗ݂ܢܘܢ ܒܟܠܙܒܢ ܚ̈ܛܗܐ
249:02	ܡܡܠܠܝܢ܂ ܗ݀ܢܘܢ ܕܠܒܝ݂ܫܝܢ ܠܒܘܫܐ ܕܐܡ݂̈ܪܐ܂ ܘܡܢ
249:03	ܠܓܘ ܐܝܬܝܗܘܢ ܕܐܒ̈ܐ ܚ̈ܛܘܦܐ܂ ܗ݀ܢܘܢ ܕܚܕܐ
249:04	ܐܢܬܬܐ ܠܐ ܫ݁ܩܠܝܢ ܢܡܘܣܐܝܬ܂ ܒܡ̈ܠܝܗܘܢ ܕܝܢ
249:05	ܘܒܥ݁ܒ̈ܕܝܗܘܢ ܢܫ̈ܐ ܣ̈ܓܝܐܬܐ ܡܚ݁ܒܠܝܢ܂ ܗ݀ܢܘܢ
249:06	ܕܒ̈ܢܝܐ݂ ܠܐ ܡ݁ܘܠܕܝܢ܂ ܒ̈ܢܝܐ ܕܝܢ ܣܓ̈ܝܐܐ ܡܚ݁ܒܠܝܢ܂
249:07	ܘܥܝܪܬܗܘܢ ܝ݁ܗܒܝܢ܂ ܗ݀ܢܘܢ ܕܥܝܝܩܐ ܠܗܘܢ ܒܢܝ݁ܚܐ
249:08	ܕܐܚܪ̈ܢܐ܂ ܘܒܥܩܬܗܘܢ ܡܬܬܢܝܚܝܢ܂ 79܂3 ܗ݀ܢܘܢ ܕܠܐ
249:09	ܣ݁ܦܩ ܠܗܘܢ ܡܕܡ ܕܩ݂ܢܝܢ܂ ܐܠܐ ܪܓ݁ܐ ܠܗܘܢ
249:10	ܕܟܠܗܝܢ ܨ̈ܒܘܬܐ ܠܗܘܢ ܗ݂̈ܘܝ ܡ̈ܫܡܫܢ ܘܡܫܬܒܗܪܝܢ
249:11	ܒܗܝܢ ܘܡܣܬܒܪܝܢ ܐܝܟ ܬܠܡ̈ܝܕܐ ܕܡܫܝܚܐ܂ ܗ݀ܢܘܢ
249:12	ܕܦܘܡܗܘܢ ܚܕܐ݂ ܘܒܠܒܗܘܢ ܐܚܪܬܐ܂ ܗ݀ܢܘܢ
249:13	ܕܡ݁ܠܦܝܢ ܕܗܘ݂ܝܬܘܢ ܡܙܕܗܪܝܢ ܡܢ ܣ̈ܢܝܬܐ݂܂ ܘܗ݂ܢܘܢ
249:14	ܐܦܠܐ ܚܕܐ ܫܦܝܪܬܐ ܣܥ݁ܪܝܢ܂ ܗ݀ܢܘܢ ܕܣ݂ܢܐ ܩܕܡܝܗܘܢ
249:15	ܓܘܪܐ ܘܓܢܒܘܬܐ݁܂ ܘܥܠܘܒܘܬܐ ܘܝܥܢܘܬܐ܂ ܘܒܗܘܢ
249:16	ܕܝܠܗܘܢ ܟܣܝܐܝܬ ܟܠܗܝܢ ܡ̈ܫܬܡܫܢ܂ ܘܡ݁ܠܦܝܢ ܕܗܠܝܢ
249:17	ܐܢܫ ܠܐ ܢܣܥܘܪ ܀ 80܂1 ܘܟܕ ܐܡ݂ܪ ܗܠܝܢ݂܂ ܥܪ̈ܕܐ ܟܠܗܘܢ
249:18	ܒܗ ܚ݁ܝܪܝܢ ܗܘܘ܂ ܘܟܕ ܫܬܩ ܠܗ ܐܡ݂ܪ ܝܗܘܕܐ܂ ܡܢܐ
249:19	ܐܬ݂ܚ݁ܫܒ ܥܠ ܥܒ݂ܕܟ ܝܫܘܥ܂ ܘܐܝܟܢܐ ܐ݁ܡܪܟ ܠܐ
249:20	ܝ݁ܕܥ ܐܢܐ ܀ ܐܘ ܒܣܝܡܐ ܘܫܬܝܩܐ ܘܢܝܚܐ
249:21	ܘܡܡܠܠܢܐ ܚ݁ܙܐ ܕܒܠܒܐ ܘܓܐ݁ܫ ܕܒܬܪܥܝܬܐ ܀
249:22	ܫܘܒܚܐ ܠܟ ܚ݁ܢܢܐ ܀ ܫܘܒܚܐ ܠܟ ܡܐܡܪܐ ܚܝܐ ܀
249:23	ܫܘܒܚܐ ܠܟ ܟܣܝܐ ܕܣܓ݁ܝ ܕܡ݂̈ܘܬܐ ܀ ܫܘܒܚܐ ܠܪ̈ܚܡ݂ܝܟ