The Comprehensive Aramaic Lexicon

250:01	ܕܐܫܦ݂ܥܘ ܥܠܝܢ ܀ ܀ ܫܘܒܚܐ ܠܚܢ݂ܢܟ ܕܗܘ݂ܐ
250:02	ܥܠܝܢ ܀ 80܂2 ܫܘܒܚܐ ܠܪܒܘܬܟ ܕܡܛܠܬܢ ܙܥ݂ܪܬ ܀ ܀ ܫܘܒܚܐ
250:03	ܠܪܡܘܬܟ ܕܡܛܠܬܢ ܐܬܡܟ݂ܟܬ݁ ܀ ܫܘܒܚܐ ܠܚܝܠܬܢܘܬܟ
250:04	ܕܡܛܠܬܢ ܐܬܡܚ݂ܠܬ݁܂ ܀ ܫܘܒܚܐ ܠܐܠܗܘܬܟ ܕܡܛܠܬܢ݂
250:05	ܠܐܢܫܘܬܢ ܠܒܫ݂ܬ ܀ ܫܘܒܚܐ ܠܐܢܫܘܬܟ ܕܡܛܠܬܢ݂
250:06	ܐܬܚ݂ܕܬܬ܂ ܘܡܛܠ ܕܠܢ ܬܚ݂ܐ݂ ܡܝ݂ܬܬ ܀ ܀ ܫܘܒܚܐ
250:07	ܠܩܝ݂ܡܬܟ ܕܡܢ ܒܝܬ ܡ̈ܝ݂ܬܐ܂ ܕܩܝ݂ܡܬܐ ܘܢܘܚܡܬܐ
250:08	ܗܘ݂ܬ ܠܢ ܀ ܫܘܒܚܐ ܠܡܣܩܬܟ ܕܠܫܡܝܐ݁܂ ܕܒܗ݀ ܐܘܪܚܐ
250:09	ܕܪܫ݂ܬ ܠܢ ܠܪܘܡܐ܂ ܘܐܫ݂ܬܘܕܝܬ ܘܝܡ݂ܝܬ ܠܢ ܕܥܠ ܝܡܝܢܐ
250:10	ܘܥܠ ܣܡܠܐ ܢܬ݂ܒ܃ ܘܥܡܟ ܕܝ݁ܢ̈ܐ ܢܗܘ݂ܐ܂ ܐܢܬ
250:11	ܡܐܡܪܐ ܕܫܡܝܐ܂ ܐܢܬ ܗܘ ܢ‍{‍‍{‍ܗܘ‍}‍‍}‍‍<‍‍<‍ܘܗ‍>‍‍>‍ܪܐ ܟܣܝܐ
250:12	ܕܬܪܥܝܬܐ ܘܥܢܘܝܘܬܐ ܕܐܘܪܚܐ ܕܫܪܪܐ܂ ܪܕܘܦܗ
250:13	ܕܚܫܘܟܐ ܘܡܣܚܦܢܗ݀ ܕܛܘܥܝܝ ܀ 81܂1 ܘܟܕ ܗܠܝܢ ܐܡ݂ܪ
250:14	ܫܠܝܚܐ݂܂ ܐܬ݂ܐ ܘܩܡ ܠܥܠ ܡ̈ܢܗܝܢ ܕܗ̈ܢܝܢ ܢܫ̈ܐ ܕܪܡ݁ܝܢ
250:15	ܗ̈ܘܝ݂ ܘܐܡ݂ܪ܂ ܡܪܝ ܘܐܠܗܝ ܝܫܘܥ ܡܫܝܚܐ݂܂ ܠܐ
250:16	ܡܬܦܠܓ ܐܢܐ ܥܠܝܟ܂ ܐܠܐ ܩ݁ܪܐ ܐܢܐ ܠܟ ܐܝܟ
250:17	ܕܒܟܠܙܒܢ ܡܥܕܪ ܐܢܬ ܠܢ ܘܡܣܡܟ ܐܢܬ ܠܢ ܘܡܠܒܒ
250:18	ܐܢܬ ܠܢ܂ ܝܗ݀ܒ ܦܪܪܝܣܝܐ ܘܚܕܘܬܐ ܠܥܒ݂ܕܗ ܘܫܠܝܚܗ܂
250:19	ܢܬܐ̈ܣܝܢ ܘܢܩ̈ܘܡܢ ܗܠܝܢ݂܂ ܘܢܗ̈ܘ݂ܝܢ ܐܝܟ ܕܐܝܬܝ̈ܗܝܢ ܗ̈ܘܝ
251:01	ܥܕܠܐ ܢܬܡ̈ܚ݂ܝܢ ܗ̈ܘܝ ܡܢ ܫܐ̈ܕܐ܂ 81܂2 ܘܟܕ ܐܡ݂ܪ ܗܠܝܢ݂܂
251:02	ܗ̈ܢܝܢ ܢܫ̈ܐ݂܂ ܐܬܗܦ݂ܟ ܘܝܬܒ݂̈ܝ܂ ܟܕ ܚ̈ܠܝܡܢ ܀ ܘܦܩ݂ܕ
251:03	ܝܗܘܕܐ ܠܪܒ ܚܝܠܐ ܗ݀ܘ݂܂ ܕܢܣܒ݂ܘܢ ܥܒ݂̈ܕܘܗܝ ܘܢܥ݂ܠܘܢ
251:04	ܐ̈ܢܝܢ ܘܢܬܠܘܢ ܠܗܝܢ ܕܢܣܬܝܒܪ̈ܢ܂ ܠܐ ܓܝܪ ܛܥ݂ܝܡ
251:05	ܗܘܐ ܠܗܝܢ ܝܘ̈ܡܬܐ ܣܓ̈ܝܐܐ܂ 81܂3 ܘܟܕ ܫܩܠܘ ܐܥܠܘ
251:06	ܐܢ̈ܝܢ ܠܓܘ݂܂ ܐܡ݂ܪ ܠܥܪ̈ܕܐ ܗ݀ܢܘܢ܂ ܬܘ ܒܬܪܝ܂ ܘܐܬ݂ܝܢ
251:07	ܗܘܘ ܒܬܪܗ܂ ܥܕܡܐ ܕܐܦܩ ܐܢܘܢ ܠܒܪ ܡܢ ܬܪܥܐ܂
251:08	ܘܟܕ ܢܦܩܘ ܠܒܪ ܐܡܪ ܠܗܘܢ܂ ܙܠܘ ܒܫ݁ܠܡܐ
251:09	ܠ‍{‍ܐ‍}‍‍<‍ܡ‍>‍ܪܥܝܬܟܘܢ܂ ܘܗ݂ܢܘܢ ܥܪ̈ܕܐ ܒܗܝܠܐܝܬ ܐ݁ܙܠܝܢ
251:10	ܗܘܘ܂ ܘܫܠܝܚܐ ܩܐ݁ܡ ܗܘܐ ܘܚܐ݁ܪ ܒܗܘܢ݂܂ ܕܕܠܡܐ
251:11	ܐܢܫ ܡ݁ܗܪ ܠܗܘܢ܂ ܥܕܡܐ ܕܐܒܥܕܘ ܗܘܘ ܡܢ ܚܙܬܗ݂݀܂
251:12	ܘܠܐ ܡܬܚܙܝܢ ܗܘܘ ܠܗ ܀
251:13	‍[‍ܫܠ݂ܡܬ݁ ܦܪܟܣܝܣ ܕܫܒܥ܂‍]‍
251:14	‍[‍ܬܘܒ ܦܪܟܣܝܣ ܕܬܡܢܐ܂‍]‍
251:15	82܂1 ܘܗܦ݂ܟ ܗܘܐ ܝܗܘܕܐ ܡܢܗܘܢ܂ ܘܠܒܝܬܗ ܕܗ݀ܘ ܪܒ
251:16	ܚܝܠܐ ܐܙ݂ܠ ܗܘܐ܂ ܘܟܢܫܐ ܣܓܝܐܐ ܥܡܗ܂ ܓ݂ܕܫ
251:17	ܕܝܢ ܐܢܬܬܐ ܚܕܐ ܕܩܪܝܒܗ ܕܡ݁ܠܟܐ݂܂ ܫܡܗ݀
252:01	ܗܘܐ ܡܓܕܘܢܝܐ݂܂ ܐܬ݂ܬ ܗܘܬ ܠܡܚܙܐ ܚܙܘܐ ܚ݂ܕܬܐ
252:02	ܕܐܠܗܐ ܚ݂ܕܬܐ ܕܡܬ݂ܟܪܙ܂ ܘܠܫܠܝܚܐ ܚ݂ܕܬܐ ܕܐܬ݂ܐ
252:03	ܠܐܬܪܗܘܢ܂ ܘܒܟܘܪܣܝܐ ܝ݁ܬܒܐ ܗܘܬ܂ ܘܥܒ݂̈ܕܝܗ݀
252:04	ܫܩܝܠܝܢ ܗܘܘ ܠܗ݀܂ ܘܡܛܠ ܚܒܨܐ ܣܓܝܐܐ ܕܐܝܬ
252:05	ܗܘܐ܂ ܠܐ ܡ݁ܨܝܢ ܗܘܘ ܡ݁ܥܠܝܢ ܠܗ݀ ܠܘܬܗ܂ ܘܫ݂ܕܪܬ
252:06	ܠܘܬ ܒܥܠܗ݀ ܘܫܕܪ ܠܗ ܕܪ̈ܓ^ܠ^ܘܗܝ܂ ܘܐܬ݂ܝܢ ܗܘܘ
252:07	ܩܕܡܝܗ݀ ܘܚܒܨܝܢ ܗܘܘ ܠܐܢܫܐ܂ 82܂2 ܘܚ݂ܙܐ ܐܢܘܢ
252:08	ܫܠܝܚܐ ܘܐܡ݂ܪ ܠܗܘܢ܂ ܡܢܐ ܡ݁ܣܚܦܝܢ ܐܢܬܘܢ
252:09	ܠܗ݀ܢܘܢ ܕܐܬ݂ܝܢ ܠܡ݂ܫܡܥ ܡܠܬܐ݁܂ ܘܐܦ ܡܬ݂ܚܦܛܝܢ
252:10	ܐܢܬܘܢ ܕܢܥ݂ܒ‍{‍ܕ‍}‍‍<‍ܪ‍>‍ܘܢ܂ ܘܐܢܬܘܢ ܨ݁ܒܝܢ ܐܢܬܘܢ ܕܬܐܬܘܢ
252:11	ܠܘܬܝ܃ ܟܕ ܣܓ݁ܝ ܪܚܝܩܝܢ ܐܢܬܘܢ܂ ܐܡ݂ܪ ܗܘܐ ܓܝܪ
252:12	ܡܪܢ ܠܗ݀ܢܘܢ ܟܢ̈ܫܐ ܕܐܬ݂ܝܢ ܗܘܘ ܠܘܬܗ݂܂ ܕܐ̈ܕܢܐ
252:13	ܐܝܬ ܠܟܘܢ ܘܠܐ ܫܡ݁ܥܝܢ ܐܢܬܘܢ܂ ܘܥܝ̈ܢܐ ܐܝܬ
252:14	ܠܟܘܢ ܘܠܐ ܚ݁ܙܝܢ ܐܢܬܘܢ܂ ܘܬܘ ܠܘܬܝ ܟܠܟܘܢ
252:15	ܠܐ̈ܝܐ ܘܫܩ̈ܝܠܝܢ ܡ̈ܘܒܠܐ ܘܐܢܐ ܐܢܝܚܟܘܢ܂ 83܂1 ܘܚ݂ܪ ܗܘܐ
252:16	ܒܗ݀ܢܘܢ ܓܒܪ̈ܐ ܘܐܡ݂ܪ܂ ܗܫܐ ܛܘܒܐ ܕܠܗ݀ܢܘܢ
252:17	ܐܬܝܗܒ݂܂ ܠܟܘܢ ܗܘ ܕܛܥܝܢܝܢ ܐܢܬܘܢ ܐܣܬܩܒܠ܂
252:18	ܐܢܬܘܢ ܗܘ ܓܝܪ ܕܫܩܝܠܝܢ ܐܢܬܘܢ ܡܘܒ̈ܠܐ ܝܩܝܪ̈ܬܐ܂
252:19	ܘܒܦܘܩܕܢܗ݀ ܡܕܒܪܐ ܠܟܘܢ܂ ܐܢܬܘܢ ܟܕ ܐܠܗܐ
253:01	ܒ̈ܢܝܢܫܐ ܥܒ݂ܕܟܘܢ܂ ܒ̈ܢܝ ܐܢܫܐ ܐܝܟ ܕܠܚ̈ܝܘܬܐ
253:02	ܡܛܥܢܝܢ ܠܟܘܢ ܛܥܢܐ ܝܬܝܪܐ܂ ܘܣܒܪܝܢ ܒܪ̈ܥܝܢܝܗܘܢ
253:03	ܗ݀ܢܘܢ ܕܫܩܝܠܝܢ ܥܠܝܟܘܢ܃ ܕܠܐ ܗܘܝܬܘܢ ܒ̈ܢܝܢܫܐ
253:04	ܐܟܘܬܗܘܢ܂ ܘܠܐ ܝ݁ܕܥܝܢ ܕܟܠܗܘܢ ܒܢ̈ܝܢܫܐ ܩܕܡ
253:05	ܐܠܗܐ ܫܘܝܢ ܐܢܘܢ܂ ܐܢ ܥܒ݂̈ܕܐ ܘܐܢ ܒ̈ܢܝ ܚܐܪ̈ܐ
253:06	ܐܢܘܢ܂ ܘܟܐܝܢ ܗܘ ܕܝܢ݂ܐ ܕܐܠܗܐ ܕܐ݁ܬܐ ܥܠ
253:07	ܟܠܗܝܢ ܢܦܫ̈ܬܐ ܕܥܠ ܐܪܥܐ܂ ܘܠܐ ܐܢܫ ܡܬܦܠܛ
253:08	ܡܢܗ܂ ܠܐ ܥܒ݂̈ܕܐ ܘܠܐ ܒ̈ܢܝ ܚܐܪ̈ܐ܂ ܘܠܐ ܥܬܝܪ̈ܐ
253:09	ܘܠܐ ܡ̈ܣܟܢܐ܂ ܘܠܐ ܐܝܠܝܢ ܕܐܝܬ ܠܗܘܢ ܡܗܢܐ
253:10	ܠܗܘܢ ܡܕܡ܂ ܘܠܐ ܐܝܠܝܢ ܕܚܣܝܪ ܠܗܘܢ ܡܦܨܝܐ
253:11	ܠܗܘܢ ܡܣ݂ܟܢܘܬܗܘܢ ܡܢ ܗܢܐ ܕܝܢ݂ܐ܂ 83܂2 ܠܐ ܓܝܪ
253:12	ܐܬܦܩܕܢ ܕܢܥ݂ܒܕ ܡܕܡ ܕܠܐ ܡܫܟܚܝܢܢ ܠܡܥܒܕܗ܂
253:13	ܘܠܐ ܛܥ̈ܢܐ ܝܩܝܪ̈ܐ ܠܡܣܒ ܐܢܘܢ܂ ܘܠܐ ܕܢܒ݂ܢܐ
253:14	ܒ̈ܢܝܢܐ ܐܝܠܝܢ ܕܢܓܪ̈ܐ ܒܢܝܢ ܠܗܘܢ ܒܚܟܡܬܐ܂ ܘܠܐ
253:15	ܛ̈ܥܢܐ ܕܦܣ̈ܝܠܬܐ ܐܝܠܝܢ ܕܦܣ̈ܘܠܐ ܝ݁ܕܥܝܢ ܠܗ݀
253:16	ܠܐܘܡܢܘܬܗܘܢ܂ ܐܠܐ ܡܕܡ ܕܡ݁ܨ݂ܝܢܢ ܕܢܥ݂ܒܕ܂ 84 ܕܗܘ݂ܝܢ
253:17	ܙܗܝܪܝܢܢ ܡܢ ܓܘܪܐ݁܂ ܪܝܫܐ ܕܟܠܗܝܢ ܒܝ݂̈ܫܬܐ܂
253:18	ܘܡܢ ܩܛܠܐ ܕܒܥܠܬܗ ܠܘܛܬܐ ܥܠ ܩܐܝܢ ܐܬ݂ܬ܂ ܘܡܢ
253:19	ܓܢܒܘܬܐ ܕܠܝܗܘܕܐ ܣܟܪܝܘܛܐ ܠܡܚܢܘܩܝܬܐ ܐܝܬܝܬܗ܂
253:20	ܘܡܢ ܐܣܘܛܘܬܐ ܕܠܥܝܣܘ ܡܢ ܒܘܟܪܘܬܗ ܐܪܚܩܬܗ܂
253:21	ܘܡܢ ܝܥܢܘܬܐ ܕܡ݁ܢ ܕܠܗ݀ ܡܬܪܡܐ݂ ܠܐ ܒܚ݁ܪ ܡܢܐ ܥ݁ܒܕ܂
253:22	ܘܡܢ ܫܘܒܗܪܐ ܣܪܝܩܐ ܘܡܢ ܡܐܟܠܩܪܨܐ ܕܚܒ݁ܠܐ݂܂ ܘܡܢ
254:01	ܣܘܥܪ̈ܢܐ ܒ̈ܝ݂ܫܐ݂܂ ܘܡܢ ܥ݁ܒ̈ܕܐ ܕܒܗܬܬܐ܂ ܘܡܢ
254:02	ܫܘܬܦܘܬܐ ܣܢܝܬܐ݂܂ ܘܡܢ ܡܫܟܒܐ ܕܛܢܦܘܬܐ܂ ܕܒܗ
254:03	ܗܝ ܡܚܝܒܘܬܐ ܕܠܥܠܡ܂ ܘܗ݂ܝ ܗܝ ܕܕܒܪܐ ܠܪ̈ܡܐ
254:04	ܒܩܛܝܪܐ݁܂ ܘܪܡܝܐ ܠܗܘܢ ܠܥܘܡܩܐ ܬܚܬܝܐ݁܂ ܘܥ݁ܒܕܐ
254:05	ܠܗܘܢ ܬܚܝܬ ܐܝ݂ܕܗ݀܂ ܕܠܐ ܢܒܚܪܘܢ ܡܢܐ ܥ݁ܒܕܝܢ܂
254:06	ܘܕܢܗܘ݂ܘܢ ܥ݁ܒ̈ܕܝܗܘܢ ܟܣܝܢ ܡܢܗܘܢ܂ 85܂1 ܐܠܐ ܫܡܥܘܢܝ
254:07	ܐܢܬܘܢ܂ ܘܐܬܕܒ݁ܪܘ ܒܩܕܝܫܘܬܐ܂ ܕܗܕܐ ܗܝ ܓܒܝܐ
254:08	ܩܕܡ ܐܠܗܐ ܛ݁ܒ ܡܢ ܟܠܗܝܢ ܛܒ̈ܬܐ܂ ܘܒܥܢܘܝܘܬܐ܂ ܗܕܐ
254:09	ܓܝܪ ܥܢܝܢܐ ܕܥܡ ܐܠܗܐ ܡܚ݁ܘܝܐ܂ ܘܚ̈ܝܐ ܕܠܥܠܡ
254:10	ܝܗܒܐ܂ ܘܠܡ݁ܘܬܐ ܒܣܪܐ܂ ܘܐܦ ܒܡܟܝܟܘܬܐ ܐܬܕܒܪܘ܂
254:11	ܗܕܐ ܓܝܪ ܥܡ ܟܠܡܕܡ ܐܬܬܩ݂ܠܬ܂ ܘܗ݂ܝ ܢܛܠ݂ܬ ܘܙܟ݂ܬ
254:12	ܘܫܩ݂ܠܬ ܟܠܝܠܐ܂ ܘܒܒܣܝܡܘܬܐ ܘܒܡܫܘܫܛ‍{‍‍{‍ܘ‍}‍‍}‍ܬ ܐܝ݂ܕܐ
254:13	ܕܡ̈ܣܟܢܐ ܘܒܡܡܠ‍{‍ܠ‍}‍ܝܘܬ ܚܣܝܪ̈ܘܬܐ ܕܣ̈ܢܝܩܐ܂ 85܂2 ܝܬܝܪܐܝܬ
254:14	ܕܝܢ ܒܩܕܝܫܘܬܐ ܘ݁ܠܐ ܠܟܘܢ ܠܡܬܕܒܪܘ܂ ܗܕܐ ܗܝ ܓܝܪ
254:15	ܓܒܝܐ ܩܕܡ ܐܠܗܐ܂ ܘܗܕܐ ܗܝ ܕܡܥܠܐ ܠܚ̈ܝܐ ܕܠܥܠܡ܂
254:16	ܘܗܕܐ ܗܝ ܓܝܪ ܪܝܫܐ ܕܟܠܗܝܢ ܛܒ̈ܬܐ܂ ܘܒܗ݀ ܗܘ
254:17	ܡܣܬܥܪܝܢ ܟܠܗܘܢ ܥ݁ܒ̈ܕܐ ܫܦܝܪ̈ܐ܂ ܡ݁ܢ ܓܝܪ ܕܠܐ
254:18	ܡܬܩ݁ܕܫ݂܂ ܡܕܡ ‍{‍‍{‍ܕ‍}‍‍}‍ܫܦܝܪܐ ܠܐ ܡܫܟܚ ܠܡܥܒܕ܂ ܟܠܗܝܢ ܓܝܪ
254:19	ܛܒ̈ܬܐ݂܂ ܒܬܪܗ݀ ܐܢ̈ܝܢ ܕܗܕܐ ܩܕܝܫܘܬܐ܂ ܘܡܢ ܐܠܗܐ
254:20	ܓܝܪ ܐܬܚ݂ܙܝܬ ܩܕܝܫܘܬܐ܂ ܠܒܝ݂ܫܐ ܐܣܝ݂ܦܬ܂ ܩܕܝܫܘܬܐ
254:21	‍{‍ܠܐ ‍}‍‍<‍ܠ‍>‍ܐܠܗܐ ܫܦ݂ܪܬ܂ ܡܛܠ ܗܢܐ ܡܢܗ ܪܕܬ݂܂ ܩܕܝܫܘܬܐ݂
255:01	ܐܬܠܝܛܐ ܗܝ ܕܠܐ ܡܙܕܟܐ܂ ܩܕܝܫܘܬܐ ܫܪܪܐ ܗܝ ܕܠܐ
255:02	ܙܐܥ݁܂ ܩܕܝܫܘܬܐ ܡܓܕܠܐ ܗܝ ܕܠܐ ܢ݁ܦܠ܂ ܩܕܝܫܘܬܐ
255:03	ܠܐܠܗܐ ܫ݂ܘܬ ܕܬܗܘ݂ܐ ܠܗ ܒܪܬ ܡܥܢܝܬܐ܂
255:04	ܩܕܝܫܘܬܐ ܗ݂ܝ ܗܝ ܫܘܦܪܐ݁܂ ܟܕ ܠܘܬ ܣܓ̈ܝܐܐ
255:05	ܡܫܬܟܚܐ܂ ܩܕܝܫܘܬܐ ܠܚܒ݁ܠܐ ܣܚ݂ܦܬ܂ ܩܕܝܫܘܬܐ
255:06	ܐܝܙܓܕܐ ܗܝ ܕܫܝܢܐ܂ ܕܡ݁ܝܬܐ ܣܒܪܬܐ ܕܫ݁ܠܡܐ ܀
255:07	85܂3 ܥܢܘܝܘܬܐ ܕܝܢ ܠܡ݁ܢ ܕܩ݁ܢܐ ܠܗ݂݀܂ ܡܢ ܨܦܬܐ ܕܟܠܝܘܡ
255:08	ܡܒܪܝܐ ܠܗ܂ ܥܢܘܝܘܬܐ ܕܡܕܡ ܠܐ ܝܨܦܐ݁܂ ܐܠܐ
255:09	ܕܐܝܟܢܐ ܬܫܟܚ ܬܫܦ݂ܪ ܠܡܪܗ݀܂ ܥܢܘܝܘܬܐ ܒܣܒܪܐ
255:10	ܬܠܝܐ܂ ܟܕ ܡܩܘܝܐ ܠܦܘܪܩܢܐ܂ ܥܢܘܝܘܬܐ ܒܟܠܥܕܢ
255:11	ܒܫܠܝܐ ܝܬܒܐ܂ ܡܛܠ ܕܡܕܡ ܕܣ݂ܢܐ ܠܐ ܣܥܪܐ܂܂
255:12	ܥܢܘܝܘܬܐ݁ ܚ̈ܝܐ ܕܢܝ݁ܚܐ ܒܥ݁ܝܐ܂ ܘܚܕܘܬܐ ܗܝ ܠܟܠ
255:13	ܕܩ݁ܪܐ ܠܗ݀܂ ܘܠܩܪ̈ܝܒܝܗ݀ ܡܘܪܒܐ܂ 86܂1 ܡܟܝܟܘܬܐ ܕܝܢ
255:14	ܠܡ݁ܘܬܐ ܫܥ݂ܒܕܬ܂ ܘܥܒܕܬܗ ܬܚܝܬ ܫܘܠܛܢܗ݀܂ ܡܟܝܟܘܬܐ
255:15	ܠܒܥܠܕܒܒܘܬܐ ܙܟ݂ܬ܂ ܡܟܝܟܘܬܐ ܢܝܪܐ ܗܝ ܒܣܝܡܐ݁܂
255:16	ܕܠܫ̈ܩܘܠܘܗܝ ܠܐ ܡܠܐܐ܂ ܡܟܝܟܘܬܐ ܡܢ ܡܕܡ ܠܐ
255:17	ܕܚ݁ܠܐ܂ ܕܠܘܩܒܠ ܡܕܡ ܠܐ ܡܚܨܦܐ܂ ܡܟܝܟܘܬܐ
255:18	ܫܝܢܐ ܗܝ ܘܫ݁ܠܡܐ܂ ܘܚܕܘܬܐ ܘܢܝ݁ܚܐ܂ 86܂2 ܩܢܘ ܩܕܝܫܘܬܐ݂
255:19	ܘܣܒܘܢ ܠܟܘܢ ܥܢܘܝܘܬܐ ܘܐܫܬܘܫܛܘ ܠܘܬ
255:20	ܡܟܝܟܘܬܐ܂ ܒܗܠܝܢ ܓܝܪ ܬܠܬܐ ܪ̈ܝܫܝܢ ܡܬܬܨܝܪ
255:21	ܡܫܝܚܐ ܗܢܐ ܕܡ݁ܟܪܙ ܐܢܐ܂ ܩܕܝܫܘܬܐ ܓܝܪ ܗܝܟܠܗ
255:22	ܗܝ ܕܐܠܗܐ܂ ܘܟܘܠ ܡ݁ܢ ܕܢܛ݁ܪ ܠܗ݂݀ ܗܝܟܠܗ ܗܘ ܢܛ݁ܪ
256:01	ܘܥܡ݁ܪ ܒܗ ܡܫܝܚܐ܂ ܘܥܢܘܝܘܬܐ ܢܝ݁ܚܗ ܗܝ ܕܐܠܗܐ܂
256:02	ܐܪ̈ܒܥܝܢ ܓܝܪ ܐܝ̈ܡܡܝܢ ܘܐܪ̈ܒܥܝܢ ܠܝܠܘ̈ܢ ܨ݂ܡ ܡܪܢ܂
256:03	ܘܡܕܡ ܠܐ ܛܥ݂ܡ܂ ܘܡ݁ܢ ܕܢܛ݁ܪ ܠܗ݀ ܥܡ݁ܪ ܒܗ ܡܫܝܚܐ܂
256:04	ܡܟܝܟܘܬܐ ܓܝܪ ܚܝܠܐ ܗܝ ܥܫܝܢܐ܂ ܐܡ݂ܪ ܓܝܪ ܡܪܢ
256:05	ܠܫܡܥܘܢ ܫܠܝܚܐ ܐܗ݂ܦܟ ܣܝܦܟ ܠܒܣܬܪܗ܂ ܐܢ ܨ݁ܒܐ
256:06	ܐܢܐ ܕܐ݁ܫܐܠ ܚܝܠܐ ܡܢ ܐܒܝ݂܂ ܝܗ݀ܒ ܠܝ ܝܬܝܪ ܡܢ
256:07	ܬܪܬܥܣܪ̈ܐ ܠܓܝ̈ܘܢܝܢ ܕܡܠܐ̈ܟܐ ܀ 87 ܘܟܕ ‍{‍ܐܡܪ‍}‍ ܗܠܝܢ ܐܡ݂ܪ
256:08	ܗܘܐ ܝܗܘܕܐ݂܂ ܟܠܗܘܢ ܟܢ̈ܫܐ ܐܟܚܕܐ ܫܡ݁ܥܝܢ ܗܘܘ
256:09	ܘܚܕ ܠܚܕ ܡܕܝܫܝܢ ܗܘܘ܂ ܗ݂ܝ ܐܢܬܬܗ ܕܟܪܝܫ ܩܪܝܒܗ
256:10	ܕܡܙܕܝ ܡ݁ܠܟܐ݂܂ ܫ݂ܘܪܬ ܘܢܦܩ݂ܬ ܡܢ ܗ݀ܘ ܟܘܪܣܝܐ݂܂ ܘܥܠ
256:11	ܐܪܥܐ ܢܦ݂ܠܬ ܩܕܡ ܪ̈ܓܠܘܗܝ ܕܫܠܝܚܐ܂ ܘܒܥܝܐ ܗܘܬ
256:12	ܡܢܗ ܘܐܡ݁ܪܐ ܠܗ܂ ܒܥܝܐ ܐܢܐ ܡܢܟ ܬܠܡܝܕܗ
256:13	ܕܐܠܗܐ ܚ݂ܕܬܐ ܕܐܬ݂ܐ ܠܐܬܪܐ ܘܚܪܒܐ ܡܢ ܝܬܒܐ
256:14	ܕܒܢ̈ܝܢܫܐ݂܂ ܒܚܘܪܒܐ ܗܘ ܥܡ݁ܪܝܢܢ܃ ܡܛܠ ܕܐܝܟ ܚ̈ܝܘܬܐ
256:15	ܕܠܝܬ ܠܗܝܢ ܡܠܬܐ ܡܬܕܒܪܝܢܢ܂ ܘܗܫܐ ܒܐܝ݂̈ܕܝܟ ܗܘ
256:16	ܡܫ݁ܬܝܢܝܢ ܚܢܢ܂ ܕܬܬܦܢܐ ܐܦ ܠܘܬܝ ܘܬܨ݁ܠܐ
256:17	ܥܠܝ݂܂ ܕܐܬܚ݁ܢܢ ܐܦ ܐܢܐ ܡܢ ܐܠܗܐ ܗܢܐ ܕܡ݁ܟܪܙ
256:18	ܐܢܬ܂ ܘܐ݁ܗܘܐ ܠܗ ܒܪܬ ܒܝܬܐ܂ ܘܐܬܚ݁ܠܛ ܐܦ ܐܢܐ
256:19	ܥܡܟܘܢ ܒܨܠܘܬܐ ܘܒܣܒܪܐ ܘܒܬܘܕܝܬܐ݂܂ ܘܐ݁ܩܒܠ
256:20	ܐܦ ܪܘܫܡܐ܂ ܘܐ݁ܗܘܐ ܐܦ ܐܢܐ ܗܝܟܠܐ ܩܕܝܫܐ
256:21	ܘܢܥܡ݂ܪ ܒܝ ܀ 88܂1 ܐܡ݁ܪ ܫܠܝܚܐ ܡܨ݁ܠܐ ܐܢܐ ܘܒܥ݁ܐ ܐܢܐ
256:22	ܡܢܟܘܢ܂ ܐܚ̈ܝ ܕܒܡܪܢ ܘܐܚ̈ܘܬܝ ܕܒܡܫܝܚܐ܂
257:01	ܕܒܟܠܟܘܢ ܬܫ݂ܪܐ ܡܠܬܗ ܕܡܫܝܚܐ ܘܬܥܡ݂ܪ ܒܟܘܢ܂
257:02	ܡܛܘܠ ܕܡ̈ܫܠܛܝ ܒܢܦܫ̈ܬܟܘܢ ܐܢܬܘܢ ܀ ܀ 88܂2 ܘܫ݂݁ܪܝ ܕܢܐܡܪ
257:03	ܠܗ݀ܝ ܐܢܬܬܐ܂ ܡܓܕܘܢܝܐ݁ ܩܘܡܝ ܠܟܝ ܡܢ ܐܪܥܐ܂
257:04	ܘܥܗܕܝ ܢܦܫܟܝ ܘܠܐ ܢܬܒ݁ܛܠ ܠܟܝ ܥܠ ܨܦܬܟܝ ܕܥ݁ܒܪ
257:05	ܠܗ܂ ܘܠܐ ܥܠ ܫܘܦܪܗ ܕܦܓܪܟܝ ܕܒ݁ܠܐ ܠܗ܂ ܘܠܐ ܥܠ
257:06	ܢܚ̈ܬܝܟܝ܂ ܘܠܐ ܥܠ ܫܡܐ ܘܫܘܠܛܢܐ ܗܢܐ ܕܒܥܠܡܐ
257:07	ܕܥ݁ܒܪ܂ ܘܠܐ ܬܬܚܬܝܢ ܠܫܘܬܦܘܬܐ ܗܕܐ ܨܐܬܐ݁܂
257:08	ܘܬܬܓܠܙܝܢ ܠܟܝ ܡܢ ܗ݀ܝ ܫܘܬܦܘܬܐ ܕܫܪܪܐ܂ ܨܦܬܐ
257:09	ܓܝܪ ܒ݁ܛܠ ܠܗ܂ ܘܫܘܦܪܐ ܣܐ݁ܒ ܘܡ݁ܬܚܒܠ܂ ܘܢܚ̈ܬܐ
257:10	ܒ݁ܠܝܢ܂ ܘܫܘܠܛܢܐ ܥ݁ܒܪ܂ ܥܡ ܡܣܡ ܒܪܝܫܐ ܕܐܝܟܢܐ
257:11	ܐܬܕܒ݁ܪܘ ܒܗ ܚܕ ܚܕ ܡܢ ܒ̈ܢܝܢܫܐ܂ ܘܫܘܬܦܘܬܗ ܥ݁ܒܪܐ
257:12	ܥܡ ܒܘܣܪܢܐ ܣܓܝܐܐ܂ ܝܫܘܥ ܗܘ ܒܠܚܘܕ ܩܐ݁ܡ݂܂
257:13	ܘܐܝܠܝܢ ܕܣ݁ܒܪܘ ܒܗ ܘܐܚܕܘ ܓܘܣܐ ܘܐܫ݂ܠܡܘ ܠܗ
257:14	ܢܦܫܗܘܢ܂ ܀ 88܂3 ܘܟܕ ܐܡ݂ܪ ܗܘܐ ܗܠܝܢ܃ ܐܡ݂ܪ ܠܗ݀ܝ
257:15	ܐܢܬܬܐ܂ ܙܠܝ ܒܫ݁ܠܡܐ܂ ܘܡܪܢ ܡܫ݁ܘܐ ܠܟܝ ܠܐܪ̈ܐܙܘܗܝ
257:16	ܐܠܗ̈ܝܐ܂ ܐܡ݁ܪܐ ܠܗ܂ ܕܚ݁ܠܐ ܐܢܐ ܐ݁ܙܠ݂܂ ܕܠܡܐ
257:17	ܬܫܒܩܢܝ ܘܬܫ݁ܢܐ ܠܟ ܠܐܬܪܐ ܐܚܪܢܐ ܀ ܐܡ݁ܪ ܠܗ݀
257:18	ܫܠܝܚܐ܂ ܠܐ ܡܪܦܐ ܠܟܝ ܝܫܘܥ ܡܛܠ ܪ̈ܚܡ݂ܘܗܝ܂ ܘܗ݂ܝ
257:19	ܐܬܓܗ݂ܢܬ ܘܣܓ݂ܕܬ ܠܗ܂ ܡܛܠ ܕܣܒ݂ܪܬ ܗܘܬ ܕܗ݂ܘܝܘ
257:20	ܝܫܘܥ܂ ܘܐܙܠ݂ܬ ܠܒܝܬܗ݀ ܟܕ ܚ݁ܕܝܐ ܀ 89܂1 ܟܪܝܫ ܕܝܢ ܩܪܝܒܗ
257:21	ܕܡܙܕܝ ܡ݁ܠܟܐ݂܂ ܣܚ݂ܐ ܘܣ݂݁ܠܩ ܠܡܚܫܡܘ܂ ܘܡܫܐ݁ܠ ܗܘܐ
258:01	ܥܠ ܐܢܬܬܗ݂ ܕܐܝܟܢܐ ܗܝ܂ ܕܠܐ ܢܦܩ݂ܬ ܠܐܘܪܥܗ ܡܢ

258:02	ܩܝܛܘܢܐ܂ ܘܐܡܪܢ ܗ̈ܘܝ ܠܗ ܛ̈ܠܝܬܗ݂݀ ܕܠܐ ܥܢܝ݂ܐ

258:03	ܠܗ݀܂ ܘܥܠ ܠܩܝܛܘܢܐ݂܂ ܘܚܙܗ݀ ܟܕ ܪܡ݁ܝܐ ܒܥܪܣܐ݂
258:04	ܘܡ̈ܚܦܝܢ ܐ̈ܦܝܗ݂݀ ܘܢܫܩܗ݀܂ ܘܐܡ݂ܪ ܠܗ݀܂ ܡ݁ܢ݂ܘ ܝܘܡܢܐ
258:05	ܥܝܝܩܐ ܠܟܝ ܘܡܩܨܦܬܝ ܀ 89܂2 ܐܡ݁ܪܐ ܠܗ܂ ܡܠܐ ܠܐ݁ܝܬ ܀
258:06	ܐܡ݁ܪ ܠܗ݂݀ ܠܡܢܐ ܓܝܪ ܠܐ ܥ݂ܒܕܬ‍<‍ܝ‍>‍ ܠܗ݀ ܐܣܟܝܡܐ
258:07	ܠܚܐܪܘܬܟܝ ܘܐܝܬܒܬܝ ܒܒܝܬܟܝ܂ ܘܠܐ ܐܙܠ݂ܬܝ ܘܫܡ݂ܥܬܝ
258:08	ܡ̈ܠܐ ܒ̈ܛܝܠܬܐ ܘܥ݁ܒ̈ܕܐ ܕܚܪ‍{‍‍{‍ܘ‍}‍‍}‍ܫܘܬܐ܂ ܐܠܐ ܩܘܡܝ
258:09	ܘܦܘܩܝ ܘܐܚܫܡܝ ܥܡܝ܂ ܠܐ ܓܝܪ ܡܫܟܚ
258:10	ܐܢܐ ܕܠܐ ܐܢܬܝ ܠܡܚܫܡܘ ܀ ܐܡ݁ܪܐ ܠܗ ܡܓܕܘܢܝܐ܂
258:11	ܝܘܡܢܐ ܡܫܬܐܠܐ ܐܢܐ ܡܢ ܚܫܡܝܬܟ ܘܡܢ ܡܫܟܒܟ
258:12	ܕܠܘܬܝ܂ ܣܓ݁ܝ ܓܝܪ ܡܙܥܐ ܐܢܐ ܀ 90܂1 ܘܟܕ ܫܡ݂ܥ ܡܢܗ݀
258:13	ܟܪܝܫ܃ ܕܗܟܢܐ ܐܡ݂݁ܪܬ ܠܗ ܡܓܕܘܢܝܐ݂܂ ܠܐ ܨ݂ܒܐ ܗܘܐ
258:14	ܠܡܦܩ ܠܡܫܟܒܗ ܠܡܚܫܡܘ܂ ܐܠܐ ܦܩ݂ܕ ܠܒ̈ܢܝ ܒܝܬܗ
258:15	ܕܢܝ݁ܬܘܢ ܠܗ ܕܢܚܫܡ ܩܕܡܝܗ݀ ܀ ܘܟܕ ܐܥܠܘ ܣܡܘ
258:16	ܩܕܡܘܗܝ܂ ܒܥ݁ܐ ܗܘܐ ܡܢܗ݀ ܠܡܚܫܡܘ܂ ܘܗ݂ܝ ܠܐ ܨܒ݂ܬ
258:17	ܗܘܬ܂ ܘܟܕ ܠܐ ܨ݂ܒܬ ܠܡܚܫܡܘ݂܂ ܐܚܫܡ ܗ݂ܘ ܒܠܚܘܕܘܗܝ܂
258:18	90܂2 ܘܐܡ݂ܪ ܠܗ݀ ܟܪܝܫ܂ ܡܛܠܬܟܝ ܐ݁ܫܬܐܠܬ ܡܢ ܡܪܝ ܡܙܕܝ
258:19	ܡ݁ܠܟܐ ܘܡܢ ܚܫܡܝܬܐ܂ ܘܐܢܬܝ ܠܐ ܨܒܝܬܝ ܠܡܚܫܡܘ
259:01	ܥܡܝ݂܂ ܀ ܐܡ݁ܪܐ ܠܗ ܡܓܕܘܢܝܐ܂ ܡܛܠ ܕܠܐ ܥܢ݂ܝܐ ܠܝ܂
259:02	ܘܩܡ ܗܘܐ ܕܢܣ݂ܩ ܘܢܕܡ݂ܟ ܒܥܝ݁ܕܗ݂܂ ܘܐܡ݂ܪܬ ܠܗ܂ ܠܐ
259:03	ܗܘܐ ܡܐܡܪ ܐ݁ܡܪܬ ܠܟ ܕܡܫܬܐܠܐ ܐܢܐ ܝܘܡܢܐ
259:04	ܕܒܠܚܘܕܝ ܐܕܡܟ ܀ 91܂1 ܘܟܕ ܫܡ݂ܥ ܗܘܐ ܡܠܬܐ ܗܕܐ܂
259:05	ܐܙ݂ܠ ܗܘܐ݂ ܘܒܥܪܣܐ ܐܚܪܬܐ ܕܡܟ܂ ܘܟܕ ܢܕ ܡܢ
259:06	ܫ݂ܢܬܗ݂ ܐܡ݂ܪ ܠܗ݀܂ ܡܪܬܝ ܘܚܬܝ ܡܓܕܘܢܝܐ݂܂ ܫܡ݂ܥܝ
259:07	ܚܠܡܐ ܕܚ݁ܙܝܬ ܒܠܠܝܐ ܗܢܐ܂ 91܂2 ܚ݁ܙܝܬ ܕܣܡܝܟ ܐܢܐ݂
259:08	ܩܕܡ ܡܪܝ ܡܙܕܝ ܡ݁ܠܟܐ܂ ܘܣܝܡ ܩܕܡܝܢ ܦܬܘܪܐ܂
259:09	ܘܚ݁ܙܝܬ ܢܫܪܐ ܕܢܚ݂ܬ ܡܢ ܫܡܝܐ݂܂ ܘܫܩܠ ܡܢ ܩܕܡܝ
259:10	ܘܡܢ ܩܕܡ ܡܙܕܝ ܡ݁ܠܟܐ ܙܘܓܐ ܕܚ̈ܓܠܐ݂܂ ܘܐܣܩ
259:11	ܐܢ̈ܝܢ ܠܩܢܗ݂ ܘܣܡ ܐܢ̈ܝܢ ܬܡ݁ܢ܂ ܘܐܬ݂ܐ݂ ܬܘܒ݂ ܘܛܣ݂
259:12	ܠܥܠ ܡܢܢ܂ ܘܐܡ݂ܪ ܡܙܕܝ ܡ݁ܠܟܐ ܕܢܝ݁ܬܘܢ ܠܗ ܩܫܬܐ܂
259:13	ܘܐܬ݂ܐ ܬܘܒ ܢܫܪܐ ܗ݀ܘ݂܂ ܘܫܩܠ݂ ܬܘܒ ܡܢ ܩܕܡܝܢ
259:14	ܝܘܢܐ݂ ܘܫܘܦܢܝܢܐ܂ ܘܫ݂ܕܐ ܒܗ ܡܙܕܝ ܓܐܪܐ܂ ܘܥܒ݂ܪ
259:15	ܒܗ ܡܢ ܓܒ ܠܓܒ݂ ܘܠܐ ܐܗܪܗ܂ ܐܠܐ ܗ݂ܘ ܠܩܢܗ
259:16	ܓ݂ܕܠ ܗܘܐ܂ 91܂3 ܘܢ݁ܕܬ ܟܕ ܡ݁ܙܥ݂ ܐܢܐ܂ ܘܟܕ ܥܝܝܩܐ ܠܝ
259:17	ܡܛܠ ܚܓܠܐ ܗ݀ܝ ܕܛܥܡܬܗ݀܃ ܘܬܘܒ ܠܐ ܫܒܩܢܝ
259:18	ܕܐܣܝܡ ܡܢܗ݀ ܒܦܘܡܝ݂܂ ܘܗܐ ܛܥܡܗ݀ ܒܦܘܡܝ ܀ ܐܡ݁ܪܐ
259:19	ܠܗ ܡܓܕܘܢܝܐ܂ ܚܠܡܟ ܫܦܝܪ ܗܘ܂ ܐܢܬ ܓܝܪ ܟܠܝܘܡ
259:20	ܚ̈ܓܠܐ ܠܥ݁ܣ ܐܢܬ܂ ܠܗ݀ܘ ܕܝܢ ܢܫܪܐ ܟܒܪ ܠܐ ܛܥܝܡܐ
259:21	ܗܘܬ ܠܗ ܚܓܠܐ ܥܕܡܐ ܠܗܫܐ܂ 92 ܘܟܕ ܢܓܗ݂ܬ݂܂ ܩ݁ܕܡ
259:22	ܟܪܝܫ ܩܪܝܒܗ ܕܡܙܕܝ ܡ݁ܠܟܐ ܠܒܫ݂܃ ܘܣܐܢ
259:23	ܡܣܐܢܗ ܕܣܡܠܐ ܒܪܓܠܗ ܕܝܡܝܢܐ݂܂ ܘܐܡ݂ܪ ܠܗ݀