The Comprehensive Aramaic Lexicon

260:01	ܠܡܓܕܘܢܝܐ܂ ܡ݁ܢ݂ܘ ܗܢܐ ܥ݁ܒܕܐ܂ ܗܐ ܚܠܡܐ݂ ܘܥ݁ܒܕܐ܂
260:02	ܐܡ݁ܪܐ ܠܗ ܡܓܕܘܢܝܐ܂ ܐܦ ܗܢܐ݂ ܠܐ ܗ݂ܘܐ‍{‍ܢ‍}‍ ܣܢ݂ܐ
260:03	ܐܠܐ ܫܦܝܪ ܗܘ܂ ܡܢ ܨܒܘܬܐ ܐܚܪܬܐ ܣܢܝܬܐ ܫܦܝܪܬܐ
260:04	ܗ݀ܘܝܐ܂ ܘܐܫܝܓ ܐܝ݂̈ܕܘܗܝ݂܂ ܘܠܫܠܡܗ ܕܡܙܕܝ ܡ݁ܠܟܐ݂ ܐܙ݂ܠ܂
260:05	93܂1 ܡܓܕܘܢܝܐ ܕܝܢ ܐܢܬܬܗ ܕܟܪܝܫ܃ ܩܕܡ݂ܬ ܐܦ ܗ݂ܝ ܐܙܠܬ
260:06	ܠܫܠܡܗ ܕܝܗܘܕܐ ܫܠܝܚܐ݂܂ ܘܐܫܟܚܬܗ ܟܕ ܝ݁ܬܒ ܘܡܡܠܠ
260:07	ܥܡ ܪܒ ܚܝܠܐ݂ ܘܥܡ ܟܢܫܐ ܣܓܝܐܐ܂ ܘܐܡ݂ܪ ܠܗܘܢ܂
260:08	ܒ̈ܢܝ݂܂ ܐܢܬܬܐ ܗ݀ܝ ܕܐܬܡܠܝ ܩܒܠ݂ܬ ܠܡܪܢ ܒܠܒܗ݀
260:09	ܘܒܢܦܫܗ݀܂ ܐܢܬܬ݂ ܡ݁ܢ ܗܝ݂܂ 93܂2 ܐܡ݁ܪ ܠܗ ܪܒ ܚܝܠܐ܂
260:10	ܐܢܬܬܗ ܗܝ ܕܟܪܝܫ ܩ‍{‍ܕ‍}‍‍<‍ܪ‍>‍ܝܒܗ ܕܡܙܕܝ ܡ݁ܠܟܐ܂ ܘܓܒܪܐ
260:11	ܗܘ ܩܫܝܐ ܒܥܠܗ݀܃ ܘܟܠ ܕܦܩܕ ܠܡ݁ܠܟܐ݂ ܥ݁ܒܕ ܠܗ ܨܒܝܢܐ܂
260:12	ܘܠܐ ܫ݁ܒܩ ܠܗ݀ ܕܬܩܘܐ ܐܝܟܢܐ ܕܐܫܬܘܕܝܬ܂ ܡܛܠ
260:13	ܕܐܦ ܩܕܡ ܡ݁ܠܟܐ݂܂ ܣܓ݁ܝ ܫܪ̈ܒܝܗ݀ ܫܦܝܪ̈ܐ ܪܡ݁ܐ܂
260:14	ܘܐܡ݂ܪ ܕܠܝܬ ܐܟܘܬܗ݀܂ ܘܐܦ ܗ݂ܝ ܣܓ݁ܝ ܪܚܡ݁ܐ ܠܗ܂
260:15	ܘܗܠܝܢ ܐܝܠܝܢ ܕܡܡܠܠ ܐܢܬ ܠܗܘܢ ܢܘܟܪ̈ܝܢ ܐܢ̈ܝܢ
260:16	ܠܗܘܢ ܀ 93܂3 ܐܡ݁ܪ ܝܗܘܕܐ ܐܢ ܒܫܪܪܐ ܕܢܚ݂ ܡܪܢ
260:17	ܒܢܦܫܗ݀܃ ܘܩ݁ܒ݂ܠܬ ܙܪܥܐ ܕܐܙܕܪܥ݂ ܒܗ݂݀܂ ܠܐ ܠܚ̈ܝܐ
260:18	ܗܠܝܢ܂ ܕܙܒܢܐ ܚܫܒܐ݂܂ ܘܐܦܠܐ ܡܢ ܡ݁ܘܬܐ ܕܚ݁ܠܐ܂
260:19	ܘܐܦܠܐ ܗ݂ܘ ܟܪܝܫ ܡܫܟܚ ܬܘܒ ܡܕܡ ܠܡܥܒܕ ܠܗ݀
260:20	ܘܠܡܚܫܘܬܗ݀܂ ܡܛܠ ܕܡ݁ܝܬܪ ܗܘ ܡܢܗ ܗ݀ܘ ܐܝܢܐ
261:01	ܕܩ݁ܒ݂ܠܬ ܒܢܦܫܗ݀܂ ܐܢ ܐܡܝܢܐܝܬ ܒܚܘܒܐ ܫܠܡ݂ܐ
261:02	ܩ݁ܒ݂ܠܬ ܀ 94܂1 ܘܟܕ ܗܠܝܢ ܫܡܥ݂ܬ ܡܓܕܘܢܝܐ݂܂ ܐܡ݁ܪܐ ܠܗ
261:03	ܠܝܗܘܕܐ܂ ܫܪܝܪܐܝܬ ܡܪܝ ܒܨܠܘܬܟ݂܂ ܙܪܥܐ ܚ݂݁ܝܐ
261:04	ܕܡܠܬܐ ܩ݁ܒܠܬ݂܂ ܘܦܐܪ̈ܐ ܕܕܡ݁ܝܢ ܠܗ ܠܙܪܥܐ݂ ܝ݁ܗܒܐ
261:05	ܐܢܐ ܒܡܪܝ ܝܫܘܥ ܀ ܐܡ݁ܪ ܝܗܘܕܐ ܡ̈ܘܕܝܢ ܠܟ ܡܪܢ
261:06	ܢܦܫ̈ܬܢ ܗܠܝܢ ܕܕܝܠܟ ܐܢ̈ܝܢ܂ ܡ̈ܘܕܝܢ ܠܟ ܡܪܝ ܪ̈ܘܚܬܢ݂݁
261:07	ܗܠܝܢ ܕܩܢܝܢܟ ܐܢ̈ܝܢ ܕܫܪܪܐ܂ ܡ݁ܘܕܝܢ ܠܟ ܡܪܝ ܗܠܝܢ
261:08	ܦܓܪ̈ܝܢ܃ ܕܐܫ݂ܘܝܬ ܐܢܘܢ ܕܢܗܘ݂ܘܢ ܒܝܬ ܡܥܡܪܐ
261:09	ܕܪܘܚܟ܂ ܗ݀ܝ ܡܫܒܚܬܐ ܐܡܝܢܐܝܬ܂ 94܂2 ܘܐܡ݂ܪ ܫܠܝܚܐ
261:10	ܠܟܠܗܘܢ ܗ݀ܢܘܢ ܕܐܝܬ ܗܘܘ ܬܡ݁ܢ܂ ܛܘܒܝܗ݀ܘܢ
261:11	ܠܩ̈ܕܝܫܐ ܕܢܦܫ̈ܬܗܘܢ ܡܢ ܡܬܘܡ ܠܐ ܒܣܪ̈ܢ ܠܗܘܢ܂
261:12	ܡܛܠ ܕܩܢܘ ܐܢ̈ܝܢ݂ ܘܠܐ ܡ̈ܬܦܠܓܢ ܥܠܝܗܝܢ܂ ܛܘܒܝܗܝܢ
261:13	ܠܪ̈ܘܚܬܗܘܢ ܕܩ̈ܕܝܫܐ݁܂ ܕܫ݂ܩܠܘ ܟܠܝܠܐ ܘܣܠܩܘ
261:14	ܡܢ ܐܓܘܢܐ ܠܡܕܡ ܕܐܫܬܠܡ ܠܗ ܠܗܘܢ܂ ܛܘܒܝܗܘܢ
261:15	ܠܦܓܪ̈ܝܗܘܢ ܕܩ̈ܕܝܫܐ݁܂ ܕܫܘܘ ܕܢܗܘ݂ܘܢ ܢܘ̈ܣܐ ܕܟ̈ܝܐ
261:16	ܕܢܥܡ݂ܪ ܒܗܘܢ ܡܫܝܚܐ܂ 94܂3 ܛܘܒܝܟܘܢ ܩ̈ܕܝܫܐ݂܂ ܕܠܟܘܢ
261:17	ܗܘ ܫܠܝܛ ܠܡܫܐܠ ܘܡܣ݂݁ܒ܂܂ ܛܘܒܝܟܘܢ ܩ̈ܕܝܫܐ݂܂
261:18	ܕܐܢܬܘܢ ܕܝ̈ܢܐ ܐܬܩܪܝܬܘܢ܂ ܛܘܒܝܟܘܢ ܩ̈ܕܝܫܐ
261:19	ܕܬܫܒ݂ܩܘܢ ܚ̈ܛܗܐ ܐܫܬܠܛܬܘܢ܂ ܛܘܒܝܟܘܢ ܩ̈ܕܝܫܐ
261:20	ܕܡܕܡ ܕܐܫܬ݂ܠܡ ܠܟܘܢ݂ ܠܐ ܐܘܒܕܬܘܢ܂ ܐܠܐ ܟܕ
261:21	ܚ݁ܕܝܢ ܐܢܬܘܢ ܡܣܩܝܢ ܐܢܬܘܢ ܠܗ ܥܡܟܘܢ ܠܥܠ
261:22	ܠܪܘܡܐ܂ 94܂4 ܛܘܒܝܟܘܢ ܡ̈ܟܝܟܐ ܕܠܟܘܢ ܐܫ݂݁ܘܝ ܐܠܗܐ
262:01	ܕܬܐܪܬܘܢ ܡ݁ܠܟܘܬܐ܂܂ ܛܘܒܝܟܘܢ ܡ̈ܟܝܟܐ݂܂ ܕܐܢܬܘܢ
262:02	ܐܢܘܢ ܕܙܟܝ݂ܬܘܢܝܗܝ ܠܒܝ݂ܫܐ܂܂ ܛܘܒܝܟܘܢ ܡ̈ܟܝܟܐ
262:03	ܕܐܢܬܘܢ ܐܢܘܢ ܒ̈ܢܘܗܝ ܕܢܘܗܪܐ܂ ܛܘܒܝܟܘܢ ܡ̈ܟܝܟܐ
262:04	ܕܐܢܬܘܢ ܬܚܙܘܢ ܦܪܨܘܦܗ ܕܡܪܟܘܢ܂ 94܂5 ܛܘܒܝܟܘܢ
262:05	ܥ̈ܢܘܝܐ ܕܐܢܬܘܢ ܬܬܢܝ݂ܚܘܢ ܘܬܬܓܐ݁ܘܢ܂ ܒܗܠܝܢ
262:06	ܪܘܚܢܝܬܐ ܕܠܐ ܥܒܪ̈ܢ ܘܠܐ ܡܫܬܪ̈ܝܢ܂ ܘܐܟܘ̈ܠܝܗܝܢ
262:07	ܠܐ ܟܦܢܝܢ܂ ܛܘܒܝܟܘܢ ܥ̈ܢܘܝܐ ܕܡܢ ܚܛܝ݂ܬܐ
262:08	ܐܬܦܪܩܬܘܢ ܀ ܀ 94܂6 ܘܟܕ ܗܠܝܢ ܐܡ݂ܪ ܗܘܐ ܫܠܝܚܐ̈
262:09	ܘܟܠܗܘܢ ܟ̈ܢܫܐ ܫܡ݁ܥܝܢ ܗܘܘ ܠܗ݂܂ ܡܓܕܘܢܝܐ ܕܝܢ
262:10	ܐܢܬܬܗ ܕܟܪܝܫ ܪܚܡ݁ܗ ܕܡܙܕܝ ܡ݁ܠܟܐ܂ ܝܬܝܪܐܝܬ
262:11	ܡܫܬܪܪܐ ܗܘܬ ܒܩܕܝܫܘܬܐ݁ ܘܒܥܢܘܝܘܬܐ݁܂ ܘܒܟܠܗ݀
262:12	ܡܟܝܟܘܬܐ܂ 95܂1 ܘܟܕ ܟܠܗ ܝܘܡܐ ܡܬܒܣܡܝܢ ܗܘܘ
262:13	ܒܬܫ̈ܒܚܬܗ ܘܒܪܒܘܬܗ ܕܡܪܝܐ݂܂ ܟܪܝܫ ܕܝܢ ܪܚܡ݁ܗ
262:14	ܕܡܙܕܝ ܡ݁ܠܟܐ݁ ܐܬ݂ܐ ܠܫܪܘܬܐ ܘܠܐ ܐܫܟܚܗ݀ ܠܐܢܬܬܗ
262:15	ܒܒܝܬܗ݀܂ ܘܫ݂݁ܪܝ ܗܘܐ ܡܫܐ݁ܠ ܠܟܠܗܘܢ ܒ̈ܢܝ ܒܝܬܗ
262:16	ܥܠܝܗ݀܂ ܕܠܐܝܟܐ ܐܙܝܠܐ ܡܪܬܟܘܢ܂ ܘܚܕ ܡܢܗܘܢ݂
262:17	ܐܡ݂ܪ ܠܗ܂ ܕܠܘܬ ܗ݀ܘ ܓܒܪܐ ܐܟܣܢܝܐ ܐܙܠ݂ܬ܂ ܘܬܡ݁ܢ
262:18	ܗܝ ܀ ܀ ܘܟܕ ܫܡ݂ܥ ܗܠܝܢ ܡܢ ܒܪ ܒܝܬܗ݂܂ ܐܬܚ݁ܡܬ
262:19	ܥܠ ܫܪܟܐ ܕܒ̈ܢܝ ܒܝܬܗ ܕܠܐ ܐܘܕܥܘܗܝ ܡܕܡ
262:20	ܕܓ݂ܕܫ܂ 95܂2 ܘܐܙܠ ܣܚ݂ܐ ܘܣܠ݂ܩ ܥܕ ܢܗܝܪ܂ ܘܝ݁ܬܒ ܗܘ݂ܐ
262:21	ܘܢ݂ܛܪ ܠܗ݀ ܠܡܓܕܘܢܝܐ ܥܕ ܐܬ݂ܝܐ ܀ ܘܟܕ ܗܘ݂ܐ ܪܡܫܐ݂
262:22	ܐܬܬ ܗܘܬ܂ ܘܗ݂ܘ ܐܪܥܗ݂݀ ܘܐܡ݂ܪ ܠܗ݀܂ ܐܝܟܐ ܗܘܝܬܝ
262:23	ܥܕܡܐ ܠܗܫܐ܂ ܘܗ݂ܝ ܐܡ݂ܪܬ ܠܗ݂܂ ܠܒܝܬ ܐܣܝܐ ܐܙܝܠܐ
262:24	ܗܘܝܬ܂ ܐܡ݁ܪ ܗ݂ܘ ܗ݀ܘ ܐܟܣܢܝܐ ܚ݁ܪܫܐ ܐܣܝܐ ܗܘ݂܂
263:01	ܐܡ݁ܪܐ ܠܗ܂ ܐܝ݂ܢ ܐܣܝܐ ܗܘ܂ ܘܦܪܝܫ ܗܘ ܡܢ ܟܠܗܘܢ
263:02	ܐܣ̈ܘܬܐ܂ ܟܠܗܘܢ ܓܝܪ ܐܣ̈ܘܬܐ ܦܓܪ̈ܐ ܗܘ ܗܠܝܢ
263:03	ܕܡܫܬܪܝܢ ܡܐ݁ܣܝܢ܂ ܗܢܐ ܕܝܢ ܐܣܝܐ݂܂
263:04	ܦܓܪ̈ܐ ܥܡ ܢܦܫ̈ܬܐ ܡܐ݁ܣܐ݂܂ ܐܝܠܝܢ ܕܬܘܒ ܠܐ
263:05	ܡܫܬܪܝܢ ܀ 95܂3 ܘܟܕ ܗܠܝܢ ܫܡ݂ܥ ܟܪܝܫ ܩܪܝܒܗ ܕܡܙܕܝ
263:06	ܡ݁ܠܟܐ݂܂ ܪܓ݂ܙ ܒܪܥܝܢܗ ܥܠܝܗ݀ ܥܠ ܡܓܕܘܢܝܐ ܘܥܠ ܗ݀ܘ
263:07	ܐܟܣܢܝܐ݂܂ ܘܡܕܡ ܠܐ ܐܡ݂ܪ ܠܗ݀܂ ܡܛܠ ܕܕܚ݁ܠ ܗܘܐ
263:08	ܡܢܗ݀܂ ܣܓ݁ܝ ܓܝܪ ܡܝܬܪܐ ܗܘܬ ܡܢܗ ܒܥܘܬܪܐ܂
263:09	ܘܐܦ ܒܪܥܝܢܗ݀܂ ܘܐܙ݂ܠ ܥܠ݂ ܠܣܡܟܐ݂ ܘܐܓܣ ܠܡܚܫܡܘ܂
263:10	ܘܗ݂ܝ ܬܘܒ ܥܠ݂ܬ ܠܩܝܛܘܢܗ݀ ܒܪܝܬܐ܂ ܘܐܡ݂ܪ ܠܛܠܝ̈ܘܗܝ
263:11	ܕܢܩܪܘܢܗ݀܂ ܕܬܦܘܩ ܬܚܫܡ ܥܡܗ܂ ܗ݂ܝ ܕܝܢ ܠܐ ܨܒܝܐ
263:12	ܗܘܬ܂ 96܂1 ܘܟܕ ܫܡ݂ܥ݂ ܕܠܐ ܨܒܝܐ ܠܡܦܩ݂‍{‍ܝ‍}‍܂ ܥܠ݂ ܠܗ ܠܘܬܗ݂݀
263:13	ܘܐܡ݂ܪ ܠܗ݀܂ ܡܛܘܠ ܡܢܐ ܠܐ ܨܒܝܬܝ ܠܡܦܩ ܠܡܚܫܡܘ

263:14	ܥܡܝ܂ ܘܟܒܪ ܐܦܠܐ ܒܥܝܕܟܝ ܠܡܕܡܟ ܠܘܬܝ ܨܒܝܬܝ܂

263:15	ܘܡܢ ܗܕܐ ܗܘ ܣܓ݁ܝ ܩ݁ܢܛ ܐܢܐ܂ ܝܬܝܪܐܝܬ ܕܫܡ݁ܥܬ
263:16	ܕܗ݀ܘ ܚܪܫܐ ܘܡܛܥܝܢܐ܂ ܕܗܕܐ ܗܘ ܫܩܝܠ ܛܥܢܐ܂
263:17	ܕܐܢܫ ܥܡ ܐܢܬܬܗ ܠܐ ܢܗܘ݂ܐ܂ ܡܕܡ ܕܟܝܢܐ ܦܩ݁ܕ
263:18	ܘܐܠܗ̈ܐ ܬܘܒ ܪܥ݁ܝܢ ܒܗ݂܂ ܗ݂ܘ ܓܠܙ ܠܗ݂܂ ܀ ܀ ܘܟܕ
263:19	ܗܠܝܢ ܐܡ݂ܪ ܗܘܐ ܠܗ݀ ܟܪܝܫ݂܂ ܡܓܕܘܢܝܐ ܫܬ݂ܝܩܐ ܗܘܬ܂
263:20	96܂2 ܘܗ݂ܘ ܬܘܒ ܐܡ݂ܪ ܠܗ݀܂ ܚܬܝ ܘܡܪܬܝ ܘܚܒܝܒܬܝ ܘܫܘܬܦܬܝ
263:21	ܡܓܕܘܢܝܐ݂܂ ܠܐ ܬܛܥܝܢ ܒܡ̈ܠܐ ܒ̈ܛܠܬܐ ܘܦܗ̈ܝܬܐ݂܂
264:01	ܘܐܦܠܐ ܒܥ݁ܒ̈ܕܐ ܕܚ݁ܪܫܘܬܐ݁܂ ܗ݀ܢܘܢ ܕܫܡܥ݂ܬܝ ܕܥ݁ܒܕ
264:02	ܒܫܡܐ ܕܐܠܗܗ܂ ܡܢ ܝܘܡܐ ܓܝܪ ܕܗܘ݂ܐ ܥܠܡܐ݂܂
264:03	ܠܐ ܫܡܝܥܐ ܕܐ݁ܚܝ ܐܢܫ ܡܝ݂ܬܐ܂ ܘܗܢܐ ܐܝܟܢܐ
264:04	ܕܫܡ݁ܥ ܐܢܐ݂܂ ܡ̈ܝ݂ܬܐ ܠܡ ܡܚ݁ܘܐ ܕܡ݁ܚܐ܂ ܘܐܦ
264:05	ܬܘܒ ܕܠܐ ܐ݁ܟܠ ܘܠܐ ܫ݁ܬܐ݂ ܠܐ ܬܪܢܝܢ܃ ܕܡܛܠ
264:06	ܙܕܝܩܘܬܐ ܠܐ ܐ݁ܟܠ ܘܠܐ ܫ݁ܬܐ܂ ܐܠܐ ܡܛܠ ܕܠܐ
264:07	ܩ݁ܢ݂ܐ ܡܕܡ܂ ܡܢܐ ܓܝܪ ܢܐܟܘܠ݂܂ ܗ݀ܘ ܐܝܢܐ ܕܐܦܠܐ
264:08	ܠܚܡܐ ܠܝܘܡܐ ܐܝܬ ܠܗ܂ ܘܕܠܒ݁ܫ ܚܕܐ ܡܛܠ ܕܠܝܬ
264:09	ܠܗ ܐܚܪܬܐ܂ ܘܕܠܐ ܫܩ݁ܠ ܐܓܪܐ ܡܢ ܐܢܫ݂܂ ܡܛܠ
264:10	ܕܝ݁ܕܥ ܕܠܐܢܫ݂ ܠܐ ܡܐ݁ܣܐ ܒܫܪܪܐ ܀ ܀ 97 ܘܟܕ ܐܡ݂ܪ ܗܠܝܢ
264:11	ܟܪܝܫ ܠܡܓܕܘܢܝܐ݂܂ ܐܝܟ ܟܐܦܐ ܫܬܝ݂ܩܐ ܗܘܬ܂
264:12	ܘܡܨ݁ܠܝܐ ܘܒܥ݁ܝܐ ܕܐܡܬܝ ܬܓܗ݂܂ ܘܐܡܬܝ ܬܐܙܠ
264:13	ܬܚܙܝܘܗܝ ܠܫܠܝܚܗ ܕܐܠܗܐ܂ ܘܫ݂݁ܢܝ ܡܢ ܠܘܬܗ݂݀܂ ܘܐܙܠ
264:14	ܐܚܫܡ ܟܕ ܥܝܝܩܐ ܠܗ܂ ܘܟܕ ܪܢ݁ܐ ܗܘܐ ܕܗܐ ܠܘܬܗ݀
264:15	ܕܡ݁ܟ ܒܥܝܕܗ݂܂ ܘܗ݂ܝ ܒܗ݀ ܒܫܥܬܐ ܕܢܦ݂ܩ ܡܢ ܠܘܬܗ݀
264:16	ܣܡ݂ܬ ܒܘܪܟܐ݂܂ ܘܡܨ݁ܠܝܐ ܗܘܬ ܘܐܡ݁ܪܐ܂ ܡܪܝ ܘܐܠܗܝ
264:17	ܘܡܚܝܢܝ ܡܫܝܚܐ݂܂ ܐܢܬ ܗܒ ܒܝ ܚܝܠܐ ܕܐܙܟܐ
264:18	ܠܡܪܚܘܬܗ ܕܟܪܝܫ݂܂ ܘܐܢܬ ܗܒ ܠܝ ܕܐ݁ܛܪ ܩܕܝܫܘܬܐ
264:19	ܗ݀ܝ ܕܐܢܬ ܐܪܥܝܬ ܒܗ݀܃ ܘܐܢܐ ܚ̈ܝܐ ܕܠܥܠܡ ܡܫܟܚܐ
264:20	ܐܢܐ ܒܗ݀܂ ܘܟܕ ܨܠܝ݂ܬ ܚܦ݂ܝܬ݂ ܐ̈ܦܝܗ݂݀ ܘܢܦܠ݂ܬ܂ 98܂1 ܘܗ݂ܘ
264:21	ܟܪܝܫ ܡܚܕܐ ܕܐܚܫܡ݂܂ ܥܠ ܘܠܥܠ ܡܢܗ݀ ܩܡ܂ ܘܫܠܚ݂
265:01	ܗܘܐ ܡܐ̈ܢܘܗܝ ܘܗ݂ܝ ܐܪܓܫ݂ܬ ܒܗ݂ ܘܐܡ݁ܪܐ ܠܗ܂ ܠܝܬ
265:02	ܠܟ ܐܬܪܐ ܠܘܬܝ܂ ܡܛܠ ܕܡܝܬܪ ܗܘ ܡܢܟ ܡܪܝ ‍{‍ܘ‍}‍ܝܫܘܥ
265:03	ܕܥܡܗ ܐܬ݂ܚܠܛܬ܂ ܘܨܐܝܕܝ ܗܘ ܒܟܠܙܒܢ܂ ܘܟܪܝܫ ܓܚ݂ܟ
265:04	ܘܐܡ݂ܪ ܠܗ݀܂ ܕܫܦܝܪ ܡܨܛܕܝܬܝ ܒܗ ܒܗ݀ܘ ܚ݁ܪܫܐ݂܂
265:05	ܘܫܦܝܪ ܓܚܟܬܝ ܥܠܘܗܝ ܕܐܡ݁ܪ ܕܠܐ ܠܡ ܚܝܝܢ ܐܢܬܘܢ
265:06	ܩܕܡ ܐܠܗܐ݁܂ ܐܠܐ ܐܢ ܐܬܩܕܫܬܘܢ ܀ ܘܟܕ ܐܡ݂ܪ
265:07	ܗܟܢܐ݂܂ ܐܡܪܚ ܗܘܐ ܕܢܦ݂ܠ ܨܐܝܕܝܗ݀܂ 98܂2 ܘܗ݂ܝ ܠܐ ܣܝܒ݂ܪܬ
265:08	ܐܠܐ ܩܥ݂ܬ ܒܗ ܡܪܝܪܐܝܬ ܘܐܡ݂ܪܬ ܒܓ̈ܢܝܟ ܐܠܗܐ
265:09	ܚ݂ܕܬܐ܂ ܕܒܝܕ ܓܒܪܐ ܐܟܣܢܝܐ ܐܬ݂ܐ ܠܗܢܕܘ܂ ܒܓ̈ܢܝܟ
265:10	ܡܪܝ ܝܫܘܥ ܠܐ ܬܪܦܝܢܝ ܕܐ݁ܚܕܬ ܒܟ ܓܘܣܐ܂ ܐܝܟܢܐ
265:11	ܓܝܪ ܕܫܡ݁ܥܬ ܕܐܢܬ ܗܘ ܒܥܝ݂ܬ ܠܐܝܠܝܢ ܕܠܐ ܝ݁ܕܥܝܢ ܠܟ܂
265:12	ܘܗܫܐ ܕܗܐ ܒܥܝܐ ܐܢܐ ܡܢܟ܃ ܒܛܒ݂ܟ ܗܫܐ ܫܡ݁ܥܬ
265:13	ܘܒܟ ܗܝ݁ܡܢܬ݂܂ ܬܐ ܠܥܘܕܪܢܝ ܘܦܪܘܩܝܢܝ ܡܢ ܚܨܝܦܘܬܗ
265:14	ܕܟܪܝܫ݁܂ ܘܠܐ ܬܫܬܠܛ ܒܝ ܛܡܐܘܬܗ܂ ܘܠܐ ܢܗܘ݂ܐ
265:15	ܠܗ ܐܬܪܐ ܠܘܬܝ܂ ܘܩܡ݂ܬ ܘܦܟ݂ܪܬ ܐܝ݂̈ܕܘܗܝ܂ ܘܥ݂ܪܩܬ ܡܢ
265:16	ܨܐܝܕܘܗܝ܂ ܘܐܬܬܠܝ݂ܬ ܒܐ̈ܦܝ ܬܪܥܐ ܕܐܪܡ݂ܐ ܗܘܐ
265:17	ܥܠ ܬܪܥܐ ܕܩܝܛܘܢܐ܂ ܘܐܬܟܣ݂ܝܬ ܘܢܦܩܬ݂ ܐܙܠ݂ܬ ܠܗ݀
265:18	ܠܘܬ ܡܪܒܝܢܝܬܗ݀܂ ܘܠܘܬܗ݀ ܕܡܟ݂ܬ ܒܠܠܝܐ ܗ݀ܘ܂ 99܂1 ܟܪܝܫ
265:19	ܕܝܢ ܠܠܝܐ ܟܠܗ ܒܚܢܓܬܐ ܐܝܬܘܗܝ ܗܘܐ܂ ܘܐܝ݂̈ܕܘܗܝ ܚܕܐ
265:20	ܠܚܕܐ ܡ݁ܛܪܦ ܗܘܐ܂ ܘܒܥ݁ܐ ܗܘܐ ܕܒܠܠܝܐ ܢܐܙܠ܂
266:01	ܢܘܕܥ ܠܡܙܕܝ ܡ݁ܠܟܐ ܥܠ ܩܛܝܪܐ ܕܕܒ݂ܪܗ ܀ 99܂2 ܘܡܬܚܫܒ
266:02	ܗܘܐ ܘܐܡ݁ܪ܂ ܕܐܢ ܐ݁ܙܠ ܐܢܐ ܒܥܩܬܐ ܣܓܝܐܬܐ
266:03	ܕܐܝܬ ܠܘܬܝ܃ ܠܘܬ ܡܙܕܝ ܡ݁ܠܟܐ݂ ܡ݁ܢܘ ܡ݁ܥܠ ܠܝ܂
266:04	ܐܢܐ ܓܝܪ ܝ݁ܕܥ ܐܢܐ܂ ܕܐܠܘ ܙܒܢܐ ܠܐ ܣܚܦܢܝ܂
266:05	ܘܡܢ ܫܘܒܗܪܝ ܘܡܢ ܚܘܬܪܝ܂ ܘܡܢ ܪܒܘܬܐ ܠܙܥܘܪܘܬܐ
266:06	ܫܦܠܬܐ ܠܐ ܐܪܡܝܢܝ܃ ܘܠܡܓܕܘܢܝܐ ܚܒܝܒܬܝ ܡܢܝ ܠܐ
266:07	ܦܪܫ݂܂ ܠܡܙܕܝ ܡ݁ܠܟܐ ܒܗܢܐ ܥܕܢܐ ܐܠܘ ܩܐ݁ܡ ܗܘܐ
266:08	ܥܠ ܬܪܥܝ܃ ܠܐ ܢܦ݁ܩ ܗܘܝܬ ܘܝ݁ܗܒ ܠܗ
266:09	ܦܬܓܡܐ܂ ܐܠܐ ܐܩܘܐ ܥܕ ܢܓܗܐ݂܂ ܘܝ݁ܕܥ ܐܢܐ
266:10	ܕܟܠ ܕܐܡ݁ܪ ܐܢܐ ܠܗ ܠܡܙܕܝ ܡ݁ܠܟܐ݂ ܥ݁ܒܕ ܠܝ ܨܒܝܢܐ܂
266:11	ܘܐ݁ܡܪ ܠܗ ܥܠ ܚܪܫܘܬܗ ܕܗ݀ܘ ܐܟܣܢܝܐ݁܂ ܀ ܕܐܝܟܢܐ
266:12	ܒܩܛܝܪܐ ܕܒ݁ܪ ܘܪܡ݁ܐ ܠܪ̈ܡܐ ܠܥܘܡܩܐ܂ 99܂3 ܠܐ ܓܝܪ ܟܪܝܐ
266:13	ܠܝ ܕܐܬ݂ܦܪܫܬ ܡܢ ܫܘܬܦܘܬܗ݀ ܕܡܓܕܘܢܝܐ܂ ܐܠܐ ܥܠܝܗ݀
266:14	ܥܠ ܓܪܡܗ݀ ܟܐ݁ܒ ܠܝ܂ ܕܙܥ݂ܪܬ ܪܒܘܬܗ݀ ܘܢܦܠ݂ܬ
266:15	ܚܐܪܘܬܗ݀܃ ܘܢܦܫܗ݀ ܪܡ݁ܬܐ ܐܬܡܟ݂ܟܬ܂ ܘܐܢܬܬܐ
266:16	ܕܡܡܬܘܡ ܕܚܕ ܡܢ ܒ̈ܢܝ ܒܝܬܗ݀ ܒܚܕ ܡܢ ܐܣܟܝ̈ܡܐ
266:17	ܒܝ݂̈ܫܐ ܠܐ ܚ݂ܙܗ݀܃ ܥܪܛܠ ܠܒܪ ܡܢ ܩܝܛܘܢܗ݀ ܪܗ݀ܛܐ
266:18	ܗܘܬ ܠܒܪ܂ ܘܠܐ ܝ݁ܕܥ ܐܢܐ ܠܐܝܟܐ ܐܙܠܬ‍{‍ܝ‍}‍܂ ܘܟܒܪ
266:19	ܠܫܘܩܐ ܒܦܘܚܐ ܕܚܪܫܘܬܗ ܕܗ݀ܘ ܐܟܣܢܝܐ ܢܦܩ݂ܬ܂
266:20	ܘܠܐ ܝ݁ܕܥ ܐܢܐ ܠܐܝܟܐ ܐܙܠܬ݂‍{‍ܝ‍}‍ ܡܛܠ ܕܥܡܗ݀ ܡܕܡ
266:21	ܠܐ ܡܬ݂ܚܙܐ ܗܘܐ ܀ 100܂1 ܘܟܕ ܐܡ݂ܪ ܗܠܝܢ܃ ܫ݂݁ܪܝ ܗܘܐ
266:22	ܕܢܒ݂ܟܐ ܘܢܐܡܪ܂ ܘܝ ܠܝ ܥܠܝܟܝ ܫܘܬܦܬܝ ܕܫܪܪܐ݁܂
267:01	ܕܐܬ݂ܓܠܙܬ ܡܢܟܝ ܕܫܥܬܐ܂ ܘܝ ‍{‍‍{‍ܥܠܝܟܝ ܠܝ‍}‍‍}‍‍<‍‍<‍ܠܝ ܥܠܝܟܝ‍>‍‍>‍ ܚܒܝܒܬܝ
267:02	ܘܪܚܡ݁ܬܝ܃ ܕܡܢ ܟܠܗ ܓܢܣܝ ܡܝܬܪܐ ܗܘܝܬܝ ܠܝ܂ ܘܐܦܠܐ
267:03	ܒܪܐ ܐܘ ܒܪܬܐ ܗܘ݂ܐ ܠܝ ܡܢܟܝ ܕܥܠܘܗܝ ܐܬܬܢܝܚ܂
267:04	ܫ݁ܢܬܐ ܟܠܗ݀ ܠܐ ܫܡܠܝܬ‍<‍ܝ‍>‍ ܥܡܝ ܘܫܩܠ݂ܬܟܝ ܡܢܝ ܥܝܢܐ܂
267:05	ܐܫܬܘܦ ܕܝܢ ܩܛܝܪܐ ܕܡ݁ܘܬܐ ܕܒܪܟܝ ܗܘܐ ܡܢܝ܂
267:06	ܘܚ݁ܫܒܬ ܢܦܫܝ ܥܡ ܡ̈ܠܟܐ ܘܪ̈ܝܫܢܐ ܘܪ̈ܘܪܒܢܐ܂ ܘܠܐ
267:07	ܓܒܪܐ ܐܟܣܢܝܐ ܕܐܟܒܪ ܥܒ݂ܕܐ ܗܘ ܘܥ݁ܪܩ ܡܢ ܡܪ̈ܘܗܝ܃
267:08	100܂2 ܘܐܬ݂ܐ ܠܟܐ ܡܛܠ ܓܕܝ ܒܝ݂ܫܐ܂ ܠܐ ܢܗܘ݂ܐ ܠܝ ܢܝ݁ܚܐ
267:09	ܘܠܐ ܟܠܝܢܐ݁܂ ܥܕܡܐ ܕܐܘܒܕܝܘܗܝ ܘܐܣܝܡ ܒܪܝܫܗ
267:10	ܘܐܬ݂ܦܪܥ ܡܢܗ܂ ܠܠܝܐ ܗܢܐ݂ ܠܐ ܐܬ݂ܚܙܐ ܩܕܡ ܡܙܕܝ
267:11	ܡ݁ܠܟܐ܂ ܘܐܢ ܠܐ ܢܥ݂ܒܕ ܠܝ ܨܒܝܢܐ݁܂ ܘܒܪܝܫܗ ܕܗ݀ܘ
267:12	ܐܟܣܢܝܐ ܠܐ ܣܐ݁ܡ݂܂ ܘܐܦ ܥܠ ܨܝܦܘܪ ܪܒ ܚܝܠܐ ܐ݁ܡ݂ܪ
267:13	ܠܗ܂ ܕܗ݂ܘ ܗܘ݂ܐ ܥܠ݂ܬܐ ܕܐܒܕܢܐ ܠܗܕܐ܂ 100܂3 ܕܗܐ ܓܝܪ
267:14	ܝ݁ܬܒ ܒܒܝܬܗ݀܂ ܘܣ̈ܓܝܐܐ ܥܐ݁ܠܝܢ ܘܢ݁ܦܩܝܢ ܠܘܬܗ܂ ܘܡ݁ܠܦ
267:15	ܠܗܘܢ ܝܘܠܦܢܐ ܚ݂ܕܬܐ ܕܩܕܝܫܘܬܐ܂ ܘܡ݁ܠܦ ܘܐܡ݁ܪ݂܂
267:16	ܕܠܐ ܠܡ ܚ݁ܝܐ ܐܢܫ܃ ܐܠܐ ܐܢ ܐܬ݂ܦܪܩ ܡܢ ܟܘܠ
267:17	ܕܐܝܬ ܠܗ܃ ܘܗܘ݂ܐ ܡܓܙܝܐ ܘܚܕܘܪܐ ܐܟܘܬܗ܂ ܘܗܐ
267:18	ܒܥ݁ܐ ܕܢܥ݂ܒܕ ܠܗ ܚܒܪ̈ܐ܂ 101܂1 ܘܟܕ ܗܠܝܢ ܡܬܚܫܒ ܗܘܐ
267:19	ܟܪܝܫ݂ ܢܓܗ݂ܬ܂ ܘܩ݁ܕܡ ܠܒ݂ܫ ܘܣ݂ܐܢ݁ ܘܡܐ̈ܢܐ ܡ̈ܒܣܝܐ
267:20	ܠܒ݂ܫ ܗܘܐ ܘܐ̈ܦܘܗ‍<‍ܝ‍>‍ ܣ̈ܢܝܢ ܗ̈ܘܝ ܘܟܡܝܪ ܗܘܐ ܛ݁ܒ܂
267:21	ܘܠܫܠܡܐ ܕܡܙܕܝ ܡ݁ܠܟܐ ܥܠ ܗܘܐ ܀ ܘܟܕ ܚ݂ܙܝܗܝ
267:22	ܡܙܕܝ ܡ݁ܠܟܐ ܐܡ݂ܪ ܠܗ܂ ܡ݁ܢ݂ܘ ܕܒܗܢܐ
268:01	ܐܣܟܝܡܐ ܬܒܝܪܐ ܐܬܝ݂ܬ ܠܘܬܝ܂ ܘܡ݁ܢܘ ܟܡܝܪ ܚܙܘܟ
268:02	ܘܡܫܓܢܝ ܦܪܨܘܦܟ ܀ 101܂2 ܐܡ݁ܪ ܠܗ ܟܪܝܫ܂ ܡܙܕܝ ܡ݁ܠܟܐ݂
268:03	ܥ݁ܒܕܐ ܚ݂ܕܬܐ ܐܝܬ ܠܝ ܕܐ݁ܫܬܥܐ ܠܟ܂ ܘܚܘܪܒܐ ܚ݂ܕܬܐ
268:04	ܕܐܝܬܝ ܨܝܦܘܪ ܠܗܢܕܘ܂ ܓܒܪܐ ܚܕ ܥܒܪܝܐ ܚ݁ܪܫܐ ܝ݁ܬܒ
268:05	ܒܒܝܬܗ݂܂ ܘܠܐ ܢܦ݁ܩ ܡܢ ܨܐܝܕܘܗܝ܂ ܘܣܓ̈ܝܐܐ ܥܐ݁ܠܝܢ
268:06	ܠܘܬܗ݀܂ ܘܡ݁ܠܦ ܠܗܘܢ ܐܠܗܐ ܚ݂ܕܬܐ܂ ܘܢܡ̈ܘܣܐ ܚ݂̈ܕܬܐ
268:07	ܣܐ݁ܡ܂ ܐܝܠܝܢ ܕܡܡܬܘܡ ܠܐ ܫܡܝܥܝܢ ܠܢ܂ ܘܐܡ݁ܪ ܕܠܐ
268:08	ܠܡ ܡܫܟܚܝܢ ܐܢܬܘܢ ܒ̈ܢܝܐ ܬܗܘ݂ܘܢ ܠܚ̈ܝܐ ܕܠܥܠܡ
268:09	ܗܠܝܢ ܕܡ݁ܠܦ ܐܢܐ݁܂ ܐܠܐ ܐܢ ܐܬܦܪܩܬܘܢ ܐܢܫ
268:10	ܡܢ ܐܢܬܬܗ ܘܐܢܬܬܐ ܡܢ ܒܥܠܗ݀܂ 101܂3 ܓ݂ܕܫ ܕܝܢ ܗ݂ܝ ܐܢܬܬܝ
268:11	ܒܝ݂ܫܬܐ ܘܕܘܝܬܐ ܐܙܠ݂ܬ ܠܡܚܙܝܗ݂܂ ܘܫܡܥ݂ܬ ܡ̈ܠܘܗܝ܂
268:12	ܘܗܝܡ݂ܢܬ ܐ̈ܢܝܢ܂ ܘܩܡ݂ܬ ܒܠܠܝܐ݂ ܘܥܪܩ݂ܬ ܡܢ ܨܐܝܕܝ܃ ܗ݀ܝ
268:13	ܐܝ݁ܕܐ ܕܠܐ ܡܚܡܣܢܐ ܗܘܬ ܡܢܝ ܚܕܐ ܫܥܐ܂ ܘܕܠܐ
268:14	ܐܢܐ݂ ܠܐ ܡܫܟܚܐ ܗܘܬ ܠܡܗ݂ܘܐ܂ ܐܠܐ ܫܕܪ ܐܝܬܝܗܝ
268:15	ܠܨܝܦܘܪ ܘܠܗ݀ܘ ܚ݁ܪܫܐ ܕܡ݁ܟܡܢ ܠܗ݂ ܘܣܝ݂ܡ ܒܪܝܫܗܘܢ܂
268:16	ܘܐܠܐ ܟܠܗܘܢ ܒ̈ܢܝ ܐܬܪܢ ܐܒ݁ܕܝܢ ܒܡ̈ܠܘܗܝ ܀ 102܂1 ܘܟܕ
268:17	ܗܠܝܢ ܫܡ݂ܥ ܡܙܕܝ ܡܢ ܟܪܝܫ ܩܪܝܒܗ ܐܡ݂ܪ ܠܗ܂ ܠܐ
268:18	ܬܬܥܝܩ ܘܠܐ ܬܟܪܐ ܠܟ܂ ܐܢܐ ܡܫܕܪ ܐܢܐ ܘܡ݁ܝܬܐ
268:19	ܐܢܐ ܠܗ܂ ܘܣܐ݁ܡ ܐܢܐ ܒܪܝܫܗ܂ ܘܐܢܬ ܐܢܬܬܟ
268:20	ܡܩܕܝܬ܂ ܐܢ ܓܝܪ ܠܐܚܪ̈ܢܐ ܐܝܠܝܢ ܕܠܐ ܡܫܟܚܝܢ
268:21	ܕܢܬܒܥܘܢ ܢܦܫܗܘܢ ܬ݂ܒܥ ܐܢܐ݂܂ ܠܟ ܠܐ ܗܐ
269:01	ܝܬܝܪܐܝܬ݂܂ ܀ ܘܦܩ݂ܕ ܗܘܐ ܕܠܨܝܦܘܪ ܪܒ ܚܝܠܐ ܢܩܪܘܢܝܗܝ
269:02	ܠܗ܂ 102܂2 ܘܐܙܠܘ ܗܘܘ ܠܒܝܬܗ݂܂ ܘܐܫܟܚܘܗܝ ܟܕ ܝ݁ܬܒ ܡܢ
269:03	ܝܡܝܢܗ ܕܝܗܘܕܐ ܫܠܝܚܗ ܕܐܠܗܐ݂܂ ܘܡܓܕܘܢܝܐ ܝ݁ܬܒܐ
269:04	ܗܘܬ ܩܕܡ ܪ̈ܓܠܘܗܝ݂ ܥܡ ܟܢܫܐ ܣܓܝܐܐ ܘܫܡ݁ܥܝܢ ܠܗ܂
269:05	ܥܢܘ ܗ݀ܢܘܢ ܕܐܙܠܘ ܒܬܪܗ ܕܨܝܦܘܪ ܪܒ ܚܝܠܐ ܘܐܡ݁ܪܝܢ
269:06	ܠܗ܂ ܐܢܬ ܝ݁ܬܒ ܐܢܬ ܘܫܡ݁ܥ ܐܢܬ ܡ̈ܠܐ ܒ̈ܛܠܬܐ
269:07	ܘܡܙܕܝ ܡ݁ܠܟܐ ܒܪܘܓܙܗ ܒ݁ܥܐ ܕܢ݁ܘܒܕܟ܃ ܡܛܠ ܚ݁ܪܫܐ
269:08	ܗܢܐ ܘܡܛܥܝܢܐ ܕܐܥܠ݂ܬ ܠܒܝܬܟ ܀ ܀ 102܂3 ܘܟܕ ܗܠܝܢ ܫܡ݂ܥ
269:09	ܨܝܦܘܪ ܪܒ ܚܝܠܐ݂ ܐܬܬܥܝܩ܂ ܠܐ ܡܛܠ
269:10	ܕܡܬ݂ܠܚܡ ܗܘܐ ܠܗ ܡ݁ܠܟܐ݁܂ ܐܠܐ ܡܛܠ ܕܫܡ݂ܥ ܒܗ
269:11	ܡ݁ܠܟܐ ܕܝ݂ܕܥ ܒܝܗܘܕܐ ܫܠܝܚܐ܂ ܘܐܡ݂ܪ ܠܗ ܨܝܦܘܪ
269:12	ܠܝܗܘܕܐ܂ ܐܢܐ ܡܛܠܬܟ ܗܘ ܐܬܬ݂ܥܝܩܬ܂ ܐ݁ܡܪܬ
269:13	ܗܘܝܬ ܠܟ ܓܝܪ ܩܕܡ ܝܘܡܐ܂ ܕܗ݀ܝ ܐܢܬܬܐ ܐܢܬܬܗ
269:14	ܗܝ ܕܟܪܝܫ ܩܪܝܒܗ ܕܡܙܕܝ ܡ݁ܠܟܐ ܘܠܐ ܫ݁ܒܩ ܠܗ݀ ܕܬܥܒ݂ܕ
269:15	ܗ݀ܘ ܡܕܡ ܕܐܫ݂ܬܘܕܝܬ܂ ܘܟܠ ܕܐܡ݁ܪ ܠܗ ܠܡ݁ܠܟܐ ܥ݁ܒܕ
269:16	ܠܗ ܨܒܝܢܐ ܀ ܀ ܐܡ݁ܪ ܠܗ ܝܗܘܕܐ ܠܨܝܦܘܪ ܠܐ ܬܕܚ݂ܠ܂
269:17	ܐܠܐ݂ ܗܝܡܢ ܒܝܫܘܥ ܗ݀ܘ ܕܗ݂ܘ ܢ݁ܦܩ ܪܘܚܐ ܚܠܦܝ ܘܚܠܦܝܟ܃
269:18	ܘܚܠܦ ܟܠܗܘܢ ܐܝܠܝܢ ܕܒܗ ܐܚܕܘ ܓܘܣܐ ܘܐܬܘ ܠܒܝܬ
269:19	ܨܘܒܗ ܀ ܘܟܕ ܗܠܝܢ ܫܡ݂ܥ ܨܝܦܘܪ ܪܒ ܚܝܠܐ݂܂ ܠܒ݂ܫ
269:20	ܡܐ̈ܢܘܗܝ ܘܐܙܠ݂ ܠܘܬ ܡܙܕܝ ܡ݁ܠܟܐ ܀ ܀ 103܂1 ܝܗܘܕܐ ܕܝܢ
269:21	ܡܫܐ݁ܠ ܗܘܐ ‍{‍ܗܘܐ‍}‍ ܠܗ݀ ܠܡܓܕܘܢܝܐ܂ ܕܡܢܐ ܗܝ ܥܠܬܐ ܕܒܗ݀