The Comprehensive Aramaic Lexicon

270:01	ܪܓ݂ܙ ܒܥܠܗ݀܃ ܘܗܠܝܢ ܐܬܚ݁ܫܒ ܠܗܘܢ܂ ܐܡ݁ܪܐ ܠܗ݂܂ ܡܛܠ
270:02	ܕܠܐ ܝ݁ܗܒܬ ܢܦܫܝ ܠܚܒ݁ܠܐ ܕܥܡܗ܂ ܒܪܡܫܐ ܓܝܪ ܒܥ݂ܐ
270:03	ܕܢܫܥܒܕܢܝ܃ ܘܢܪܡܝܢܝ ܬܚܝܬ ܗ݀ܘ ܐܝܢܐ ܕܦܠܚ ܠܗ܂ ܘܦܠܛܢܝ
270:04	ܗ݀ܘ ܐܝܢܐ ܕܠܗ ܐܓ݁ܥܠܬ ܢܦܫܝ ܡܢ ܐܝ̈ܕܘܗܝ܂ ܘܥܪܛܠ ܡܢ
270:05	ܨܐܕܘܗܝ ܥ݁ܪܩܬ݂܂ ܘܠܘܬ ܡܪܒܝܢܝܬܝ ܕܡ݁ܟܬ܂ ܘܠܐ ܝ݁ܕܥܐ
270:06	ܐܢܐ ܡܢܐ ܗܘܝܗܝ ܕܗܠܝܢ ܢܟ݁ܡ݂ܢ ܠܟܘܢ ܀ ܀ 103܂2 ܐܡ݁ܪ ܠܗ݀
270:07	ܫܠܝܚܐ܂ ܗܠܝܢ ܠܢ ܒܪܬܝ ܠܐ ܡܗܪ̈ܢ܂ ܐܠܐ ܗܝܡܢ

270:08	ܒܝܫܘܥ݂܂ ܘܗܘ ܙܓ݁ܪ ܠܗ݀ ܠܫܪܝܚܘܬܗ ܕܟܪܝܫ ܡܢܟܝ܂

270:09	ܘܗܘ݂ ܡ݂ܦܪܩ ܠܟܝ ܡܢ ܚܒ݁ܠܐ ܘܨܚܢܘܬܐ܂ ܘܗ݂ܘ ܗܘ݁ܐ ܠܟܝ
270:10	ܗ݀ܕܝܐ ܒܐܘܪܚܐ ܕܚܝܠܬܐ݁܂ ܘܡܕܒܪܢܐ ܠܡ݁ܠܟܘܬܗ ܕܝܠܗ
270:11	ܘܕܐܒܘܗܝ܂ ܘܗ݂ܘ ܡ݁ܥܠ ܠܟܝ ܠܚ̈ܝܐ ܕܠܥܠܡ܂ ܘܝ݁ܗܒ ܠܟܝ
270:12	ܡ݁ܠܟܘܬܐ ܕܠܐ ܥ݁ܒܪܐ ܘܠܐ ܡܬܚܠܦܐ ܀ 104܂1 ܨܝܦܘܪ ܕܝܢ ܟܕ
270:13	ܩܡ ܩܕܡ ܡܙܕܝ ܡ݁ܠܟܐ݂܂ ܡܫܐ݁ܠ ܗܘܐ ܠܗ ܡܙܕܝ݂ ܘܐܡ݁ܪ
270:14	ܠܗ܂ ܡܐ ܛܒ݂ܗ݂ ܘܡܢ ܐܝܡܟܐ ܗܘܐ܂ ܘܡܢܐ ܡ݁ܠܦ
270:15	ܚ݁ܪܫܐ ܗ݀ܘ ܕܡܟܡܢ ܠܟ܂ 104܂2 ܐܡ݁ܪ ܠܗ ܨܝܦܘܪ ܕܠܡܐ ܠܐ
270:16	ܝ݁ܕܥ ܐܢܬ ܡܪܝ݂ ܕܚܫܐ ܪܒܐ ܐܝܬ ܠܝ ܥܡ ܟܠܗܘܢ
270:17	ܪ̈ܚܡ݁ܝ ܥܠ ܐܢܬܬܝ܃ ܗ݀ܝ ܐܝ݁ܕܐ ܕܝ݁ܕܥ ܐܢܬ ܕܣܓ̈ܝܐܐ
270:18	ܐܚܝܕܝܢ ܒܐܝܩܪܗ݀܂ ܘܡܛܠ ܒܪܬܝ ܗ݀ܝ ܕܟܘܠ ܡܕܡ ܕܩ݁ܢ݂ܐ
270:19	ܐܢܐ ܠܐ ܚܫܝܒ ܠܝ ܥܡܗܝܢ܂ ܘܐܝܢܐ ܙܒܢܐ ܘܐܝܢܐ
270:20	ܢܣܝܘܢܐ ܐܬܐ ܥܠܝܗܝܢ܂ ܘܓܘܚܟܐ ܘܠܘܛܬܐ
270:21	ܕܥܒ̈ܝܕܢ ܗ̈ܘܝ݂ ܒܟܠܗ ܐܬܪܐ܂ 104܂3 ܫܡ݁ܥܬ ܕܝܢ ܒܛܒ݂ܗ ܕܗܢܐ
270:22	ܓܒܪܐ ܘܐ݁ܙܠܬ ܠܘܬܗ ܘܒܥ݁ܝܬ ܡܢܗ ܘܕܒ݁ܪܬܗ܂ ܘܐܬ݂ܝܢ
271:01	ܠܟܐ܂ ܚ݁ܙܝܬ ܕܝܢ ܬܕܡܪ̈ܬܐ ܦܪ̈ܝܫܬܐ ܟܕ ܐ݁ܬܐ ܐܢܐ
271:02	ܥܡܗ ܒܐܘܪܚܐ܂ ܘܐܦ ܗܪܟܐ ܣ̈ܓܝܐܐ ܚ݂ܙܘ ܘܫܡܥܘ
271:03	ܠܥܪܕܐ ܗ݀ܘ ܡܢܐ ܐܡ݂ܪ܂ ܘܐܦ ܠܫܐܕܐ ܗ݀ܘ ܡܢܐ ܒ݁ܕܩ
271:04	ܥܠܘܗܝ܂ ܘܐܣܝ ܐ̈ܢܝܢ ܠܐܢܬܬܝ ܘܠܒܪܬܝ݂ ܘܗܐ ܚ̈ܠܝܡܢ܂
271:05	104܂4 ܘܡܕܡ ܐܓܪܐ݂ ܠܐ ܒܥ݁ܐ ܐܠܐ ܐܢ ܗܝܡܢܘܬܐ܂ ܘܐܦ
271:06	ܩܕܝܫܘܬܐ܂ ܕܢܗ݂ܘܘܢ ܠܗ ܫ̈ܘܬܦܐ ܒܡܕܡ ܕܥ݁ܒܕ܂
271:07	ܘܐܡ݁ܪ ܕܕܚܠܘ ܠܚܕ ܐܠܗܐ ܡܪܝܐ ܕܟܘܠ܃ ܘܠܝܫܘܥ
271:08	ܡܫܝܚܐ ܒܪܗ݂܂ ܘܬܚܘܢ ܠܥܠܡ ܥܠܡܝܢ܂ ܘܐܦܠܐ ܡ݁ܠܥܣ
271:09	ܠܥ݁ܣ ܡܕܡ܃ ܐܠܐ ܐܢ ܠܚܡܐ ܘܡܠܚܐ݁ ܡܢ ܪܡܫܐ
271:10	ܠܪܡܫܐ݂ ܘܫ݁ܬܐ ܡ̈ܝܐ܂ ܘܡܨ݁ܠܐ ܣܓ݁ܝ܂ ܘܟܠ ܡܐ ܕܒܥ݁ܐ
271:11	ܡܢ ܐܠܗܐ ܝ݁ܗܒ ܠܗ܂ ܘܡܦܩ݁ܕ ܬܘܒ܂ ܕܗ݂ܘ ܗܢܐ ܐܠܗܗ
271:12	ܩܕܝܫܐ ܗܘ܂ ܘܛ݁ܒܐ ܘܒܣܝܡܐ܂ ܘܢܝ݂ܚܐ ܘܡܚܝܢܐ܂ ܡܛܠ
271:13	ܗܢܐ ܠܡ ܒܕܟܝܘܬܐ ܘܒܩܕܝܫܘܬܐ ܘܒܚܘܒܐ݂܂ ܩ݁ܪ̈ܒܝܢ
271:14	ܠܘܬܗ ܐܝܠܝܢ ܕܡܗܝܡܢ‍<‍ܝ‍>‍ܢ ܒܗ ܀ 105܂1 ܘܟܕ ܗܠܝܢ ܫܡ݂ܥ݂ ܡܙܕܝ
271:15	ܡ݁ܠܟܐ ܡܢ ܨܝܦܘܪ݂܂ ܫܕܪ ܦܠܚ݂̈ܐ ܣܓ̈ܝܐܐ ܡܢ ܩܕܡܘܗܝ
271:16	ܠܒܝܬܗ ܕܨܝܦܘܪ ܪܒ ܚܝܠܐ݁܂ ܕܢܝ݁ܬܘܢܝܗܝ ܠܝܗܘܕܐ
271:17	ܬܐܘܡܐ܂ ܘܠܡ݁ܢ ܕܡܫܟܚܝܢ ܠܘܬܗ܂ ܘܟܕ ܥܠܘ ܠܓܘ݂܂
271:18	ܐܫܟܚܘܗܝ ܟܕ ܝ݁ܬܒ ܘܡ݁ܠܦ ܠܥܡܐ ܣܓܝܐܐ܂ ܘܐܦ
271:19	ܡܓܕܘܢܝܐ݂ ܠܘܬ ܪ̈ܓܠܘܗܝ ܝ݁ܬܒܐ ܗܘܬ܂ ܘܕܚ݂ܠܘ ܟܕ ܚܙܘ
271:20	ܥܡܐ ܣܓܝܐܐ ܕܚܕܝܪ ܠܗ܂ ܘܐܙܠܘ ܠܡܐܡܪ ܠܡܙܕܝ
271:21	ܡ݁ܠܟܐ܂ ܕܠܐ ܐܡ݁ܪܚܢܢ ܕܢܐܡܪ ܠܗ ܡܕܡ݂܂ ܡܛܠ
271:22	ܕܥܡܐ ܣܓܝܐܐ ܐܝܬ ܗܘܐ ܨܐܝܕܘܗܝ܂ ܘܐܦ ܡܓܕܘܢܝܐ
272:01	ܠܘܬ ܪ̈ܓܠܘܗܝ ܝܬܒܐ ܘܫܡ݁ܥܐ ܡ̈ܠܘܗܝ ܀ 105܂2 ܘܟܕ ܗܠܝܢ
272:02	ܫܡ݂ܥܘ ܡܙܕܝ ܘܟܪܝܫ܃ ܫܘܪ ܟܪܝܫ ܡܢ ܩܕܡܘܗܝ ܕܡܙܕܝ
272:03	ܡ݁ܠܟܐ܂ ܘܕܒ݂ܪ ܥܡܗ ܣܘܓܐܐ ܕܦܠܚ݂̈ܐ݂ ܘܐܡ݂ܪ ܕܐܢܐ
272:04	ܐ݁ܙܠ ܐܢܐ ܘܡ݁ܝܬܐ ܐܢܐ ܠܗ݂܂ ܘܐܦ ܠܡܓܕܘܢܝܐ ܗ݀ܝ
272:05	ܕܫܩܠܗ ܗܘܢܗ݀܂ ܘܐܬ݂ܐ ܠܒܝܬܗ ܕܨܝܦܘܪ ܪܒ ܚܝܠܐ݂ ܟܕ
272:06	ܡ݁ܣܪܗܒ݂ ܘܐܬ݂ܐ ܘܐܫܟܚܗ ܠܝܗܘܕܐ ܟܕ ܝ݁ܬܒ ܘܡ݁ܠܦ܂
272:07	ܘܟܕ ܥܠ ܘܚ݂ܙܝܗܝ ܠܝܗܘܕܐ܂ ܘܠܡܓܕܘܢܝܐ ܠܐ ܐܫܟܚܗ݀
272:08	ܬܡ݁ܢ܂ ܐܙܠ݂ܬ ܗܘܬ ܠܗ݀ ܓܝܪ݂ ܠܒܝܬܗ݂݀܂ ܡܛܠ ܕܝܕܥܐ ܗܘܬ
272:09	ܕܐܡ݁ܪܝܢ ܗܘܘ ܠܗ ܠܒܥܠܗ݀ ܥܠܝܗ݀ ܕܬܡ݁ܢ ܗܝ܂ 106܂1 ܘܐܡ݂ܪ ܠܗ
272:10	ܟܪܝܫ ܠܝܗܘܕܐ܂ ܩܘܡ ܠܟ ܒܝ݂ܫܐ ܘܡܚܒܠܢܐ
272:11	ܘܒܥܠܕܒܒܐ܂ ܐܠܐ ܠܝ ܡܢܐ ܥܒܕܐ ܚܪܘܫܘܬܟ܂
272:12	ܚܪ̈ܫܝܟ ܓܝܪ ܒܪܝܫܟ ܡ݁ܣܩ ܐܢܐ݁ ܠܗܘܢ܂ ܘܟܕ ܐܡ݂ܪ
272:13	ܠܗ ܗܟܢܐ݂܂ ܚ݂ܪ ܒܗ ܝܗܘܕܐ ܘܐܡ݂ܪ ܠܗ݂܂ ܠܘܚ̈ܡܝܟ
272:14	ܥܠܝܟ ܢܗ݂ܦܟܘܢ܂ ܠܝ ܓܝܪ ܡܕܡ ܠܐ ܡܨܝܬ ܕܬܟܝܢܝ܂
272:15	ܡܛܠ ܕܡ݁ܝܬܪ ܗܘ ܡܢܟ ܘܡܢ ܡ݁ܠܟܟ ܘܡܢ ܟܠܗܘܢ
272:16	ܚ̈ܝܠ‍<‍ܝ‍>‍ܟ܃ ܡܪܝ ܝܫܘܥ ܡܫܝܚܐ ܕܒܗ ܐܚܝܕ ܐܢܐ ܓܘܣܐ܂
272:17	ܘܫܩ݂ܠ ܟܪܝܫ ܡܥܦܪܐ ܕܚܕ ܡܢ ܒ̈ܢܝ ܒܝܬܗ݂܂ ܘܐܪܡܝ
272:18	ܒܩܕܠܗ ܕܝܗܘܕܐ ܘܐܡ݂ܪ܂ ܓܘܪܘ ܐܙܠ݁܂ ܐ݁ܚܙܐ ܐܢ
272:19	ܡܦܨܐ ܠܗ ܝܫܘܥ ܡܢ ܐܝ݂̈ܕܝ܂ ܘܓ݁ܝܪܝܢ ܗܘܘ ܠܗ ܘܐܙܠ݁ܝܢ
273:01	ܥܕܡܐ ܠܘܬ ܡܙܕܝ ܡ݁ܠܟܐ ܀ ܀ 106܂2 ܘܟܕ ܩܡ ܝܗܘܕܐ ܩܕܡ
273:02	ܡܙܕܝ ܡ݁ܠܟܐ݂ ܐܡ݂ܪ ܠܗ܂ ܐܡ݂ܪ ܠܝ ܡܐ ܛܒ݂ܟ܂ ܘܒܚܝܠܐ
273:03	ܕܡܢ݂ܘ ܗܠܝܢ ܥ݁ܒ̈ܕܐ ܥ݁ܒܕ ܐܢܬ܂ ܘܝܗܘܕܐ ܫܬ݂ܝܩ ܗܘܐ܂
273:04	ܘܠܐ ܝܗ݂ܒ ܠܗ ܦܬܓܡܐ܂ ܘܦܩ݂ܕ ܡܙܕܝ ܠܦܠܚ݂̈ܐ݂܂
273:05	ܘܡܚܐܘܗܝ ܡܐܐ ܘܥܣܪ̈ܝܢ ܟܘ̈‍{‍ܟ‍}‍‍<‍ܒ‍>‍ܝܢ܂ ܘܦܩ݂ܕ ܕܟܕ ܦܟܝܪ
273:06	ܢܘܒ݁ܠܘܢܝܗܝ ܠܒܝܬ ܐܣܝܪ̈ܐ܂ ܘܦܟܪܘܗܝ ܘܐܘܒܠܘܗܝ ܀ ܘܟܕ
273:07	ܐܙܠ݂ ܘܥܠ ܠܒܝܬ ܐܣܝܪ̈ܐ݂܂ ܡܬܚܫܒ ܗܘܐ ܡܙܕܝ ܘܟܪܝܫ݂
273:08	ܕܐܝܟܢܐ ܢܩܛܠܘܢܗ܂ ܡܛܠ ܕܥܡܐ ܟܠܗ݂ ܐܝܟ ܕܠܐܠܗܐ
273:09	ܣܓ݁ܕܝܢ ܗܘܘ ܠܗ܂ ܘܫܩܠܘ ܗܘܘ ܛܥܢܐ ܕܢܐܡܪܘܢ
273:10	ܕܠܡ݁ܠܟܐ ܨ݁ܚܝ܃ ܘܡܓܘܫܐ ܗܘ܂ 107܂1 ܝܗܘܕܐ ܕܝܢ ܟܕ ܐܙܠ݁
273:11	ܠܒܝܬ ܐܣܝܪ̈ܐ݂܂ ܚ݁ܕܐ ܗܘܐ ܘ݁ܪܘ݂ܙ ܟܕ ܐܡ݁ܪ܂ ܕܡ݁ܘܕܐ
273:12	ܐܢܐ ܠܟ ܡܪܝ ܝܫܘܥ ܡܫܝܚܐ܂ ܕܠܐ ܗܘܐ ܕܐ݁ܗܝܡܢ
273:13	ܒܟ ܒܠܚܘܕ ܐܫܘܝܬܢ܃ ܐܠܐ ܐܦ ܕܐ݁ܣܒܘܠ ܡܛܠܬܟ
273:14	ܣܓ̈ܝܐܬܐ܂ ܘܐܡ݂ܪ ܕܡ݁ܘܕܐ ܐܢܐ ܠܟ ܡܪܝ ܕܠܗܠܝܢ
273:15	ܐܫܘܝܬܢ܂ ܡ݁ܘܕܐ ܐܢܐ ܠܟ ܡܪܝ ܕܗܘ݂ܬ ܒܛܝܠܘܬܟ
273:16	ܥܠܝ ܘܐܫܘܝܬܢܝ ܕܐ݁ܣܝܒܪ ܚܠܦܝܟ ܒܝ̈ܫܬܐ ܣܓ̈ܝܐܬܐ܂
273:17	ܡ݁ܘܕܐ ܐܢܐ ܠܟ ܡܪܝ܂ ܕܡܛܠܬܟ ܚ݁ܪܫܐ ܘܣܪܝܩܐ
273:18	ܘܡܣܟܢܐ݂ ܘܚܕܘܪܐ ܗ݀ܘܝܬ݂܂ 107܂2 ܐ݁ܩܒܠ ܗܟܝܠ ܡܢ
273:19	ܛܘܒܗܘܢ ܕܡ̈ܣܟܢܐ ܘܡܢ ܢܝ݁ܚܗܘܢ ܕܠܐܝ̈ܐ܂ ܘܡܢ
273:20	ܛܘܒܗܘܢ ܕܗ݀ܢܘܢ ܕܢܗܘ݂ܘܢ ܣ݁ܢܝܢ ܠܗܘܢ ܒܢ̈ܝܢܫܐ݁܂
273:21	ܘܪܕܦܝܢ ܠܗܘܢ ܘܡܚ݁ܣܕܝܢ ܠܗܘܢ ܘܐܡ݁ܪܝܢ ܥܠܝܗܘܢ
274:01	ܡ̈ܠܐ ܣ̈ܢܝܬܐ܂ ܗܐ ܡܛܠܬܟ ܣܢ݂ܐ ܐܢܐ ܘܦܪܝܫ ܐܢܐ
274:02	ܡܢ ܣܓ̈ܝܐܐ݁܂ ܡܛܠܬܟ ܐܡ݁ܪܝܢ ܥܠܝ ܡܕܡ ܕܠܐ ܝ݁ܕܥ
274:03	ܐܢܐ ܀ 108 ܘܟܕ ܡܨ݁ܠܐ ܗܘܐ ܟܠܗܘܢ ܗ݀ܢܘܢ ܕܒܝܬ ܐܣܝܪ̈ܐ
274:04	ܚ݁ܙܝܢ ܗܘܘ ܠܗ ܕܡܨ݁ܠܐ ܗܘܐ܂ ܘܒܥܝܢ ܗܘܘ ܡܢܗ
274:05	ܕܢܨ݁ܠܐ ܘܐܦ ܥܠܝܗܘܢ܂ ܘܟܕ ܨ݁ܠܝ ܘܝܬ݂ܒ܃ ܫ݂݁ܪܝ ܗܘܐ
274:06	ܝܗܘܕܐ ܕܢܐܡܪ ܡܕܪܫܐ ܗܢܐ܂
274:07	ܡܕܪܫܐ ܕܝܗܘܕܐ ܬܐܘܡܐ ܫܠܝܚܐ
274:08	ܕܒܐܬܪܐ ܕܗ̈ܢܕܘܝܐ
274:09	1 ܟܕ ܐܢܐ ܫܒܪ ܝܠܘܕ ܘܥܡ݁ܪ ܒܡ݁ܠܟܘܬܝ ܒܝܬ ܐܒܝ܂
274:10	2 ‍{‍10‍}‍ ܘܒܥܘܬܪܐ ܘܒܓܐܘ̈ܬܐ܂ ܕܡܪ̈ܒܝܢܝ ܡܢܚ ܗܘܝܬ܂ 3 ܡܢ
274:11	ܡܕܢܚܐ ܡܬܢ܂ ܙܘ݁ܕܘ ܐܒ̈ܗܝ ܫܕܪܘܢܝ܂ 4 ܘܡܢ ܥܘܬܪܐ
274:12	ܕܒܝܬ ܓܙܢ܂ ܐܟܒܪ ܨ݁ܡܕܘ ܠܝ ܡܘܒܠܐ܂ 5 ܣܓܝܐܐ ܗܝ
274:13	ܘܩܠܝܠܐ܂ ܕܐܢܐ ܠܚܘܕܝ ܐܫܩܠܝܗ݀܂ 6 ܕܗܒܐ ܗܝ ܕܒܝܬ
274:14	ܥ̈ܠܝܐ܂ ܘܣܐܡܐ ܕܓܙܟ ܪܒܬܐ܂ 7 ܘܩܪ̈ܟܕܢܝ ܗܢܕܘ܂
274:15	ܘܦܬܘ̈ܬܟܐ ܕܡܢ ܒܝܬ ܩܫܢ܂ 8 ܘܚܙܩܘܢ ܒܐܕܡܘܣ܂
274:16	ܕܠܦܪܙܠܐ ܗ݂ܝ ܫܚܩܐ܂ 9 ܘܐܫܠܚܘܢܝ ܠܙܗܝ‍{‍ܘ‍}‍ܬܐ܂
274:17	ܕܒܚܘܒܗܘܢ ܥܒܕܘܗ݀ ܠܝ܂ 10 ܘܠܛܘܓܝ ܕܙܚܘܪܝܬܐ ܕܥܠ
274:18	ܩܘܡܬܝ ܡܡܫܚ ܙܩܝ݂ܪ܂ 11 ܘܥܒ݂ܕܘ ܥܡܝ ܚܘܪܩܢܐ݂܂
274:19	ܘܟܬܒܘܗܝ ܒܠܒܝ݂ ܕܠܐ ܢܬܛܥܐ܂ 12 ‍{‍ܘ‍}‍‍<‍ܕ‍>‍ܐܢ ܬܚܘܬ ܠܓܘ
274:20	ܡܨܪܝܢ܃ ܘܬ‍{‍ܚ‍}‍‍<‍ܝ‍>‍ܬܝܗ݀ ܠܡܪܓܢܝܬܐ܂ ܚܕܐ܂ 13 ܗ݀ܝ ܕܐܝܬܝܗ݀
274:21	ܒܓܘ ܝܡܐ܃ ܚܕܪ̈ܘܗܝ ܕܚܘܝܐ ܣܝܩܐ܃ 14 ܬܠܒܫܝܗ݀
275:01	ܠܙܗܝܬܟ܃ ܘܠܛܘܓܟ ܕܥܠܝܗ݀ ܡܢܚ܂ 15 ܘܥܡ ܐܚܘܟ
275:02	ܬܪܝܢܢ܂ ܝܪܘܬ‍{‍ܝ‍}‍ ܒܡ݁ܠܟܘܬܢ ܬܗܘ݂ܐ܂ 109܂16 ܫ݁ܓ‍{‍ܕ‍}‍‍<‍ܪ‍>‍ܬ ܡܕܢܚܐ
275:03	ܢܚ݁ܬܬ܂ ܟܕ ܥܡܝ ܬܪ̈ܝܢ ܦܪ̈ܘܩܝܢ܂ 17 ܕܐܘܪܚܐ ܕܚܝ݂ܠܐ
275:04	ܘܥ݂ܛܠܐ܂ ܘܐܢܐ ܫܒܪ ܐܢܐ ܠܡܪܕܝܗ݀܂ 18 ܥ݁ܒܪܬ ܬܚ̈ܘܡܝ
275:05	ܡܝܫܢ ܨܘܒܐ ܕܬܓܪ̈ܝ ܡܕܢܚܐ܂ 19 ܘܡ݁ܛܝܬ ܠܐܪܥ ܒܒܠ܂
275:06	ܘܥ݁ܠܬ ܒܫܘܪ̈ܝܗ݀ ܕܣܪܒܘܓ܂ 20 ܢܚ݁ܬܬ ܠܝ ܠܓܘ ܡܨܪܝܢ܂
275:07	ܘܡ̈ܠܘܝܢܝ ܡܢܝ ܦܪܫܘ܂ 21 ܬ݂ܪܨܬ ܠܘܬ ܚܘܝܐ ܚܕܪ̈ܘܗܝ
275:08	ܕܐܫܦܙܗ ܫ݁ܪܝܬ܂ 22 ܥܕ ܢܢܘܡ ܘܥܕ ܢܫܟܒ܂ ܘܡܢܗ
275:09	ܠܡܪܓܢܝܬܝ ܐܫܩܠܝܗ݀܂ 23 ܘܕܚܕ ܗܘܝܬ ܡܫܘܚܕ ܗܘܝܬ܂
275:10	ܠܒ̈ܢܝ ܐܫܦܙܝ ܢܘܟܪܝ ܗܘܝܬ܂ 24 ܠܒܪ ܓܢܣܝ ܒܪܚܐܪ̈ܐ̈
275:11	ܡܢ ܡ̈ܕܢܚܝܐ ܬܡ݁ܢ ܚ݁ܙܝܬ܂ 25 ܠܛܠܝܐ ܦܐܝܐ ܚܣܝܕܐ܂ ܒܪ
275:12	ܡ̈ܫܚܐ܂ 26 ܘܠܝ ܐܬ݂ܐ ܘܢܩ݂ܦ܂ 27 ܘܥ݁ܒܕܬܗ ܒܪ ܥܢܝܢܝ܂ ܚܒܪܐ
275:13	ܕܬܐܓܘܪܬܝ ܠܗ ܫ݁ܘܬܦܬ܂ 28 ܙܗܪܬܗ ܡܢ ܡܨܪ̈ܝܐ܂ ܘܡܢ
275:14	ܢܩܦܗܘܢ ܕܡ̈ܣܝܒܐ܂ 29 ܘܐܝܟ ܠܒܘܫܗܘܢ ܠܒ݁ܫܬ܂ ܕܠܐ
275:15	ܢܫܟܪܘܢܢܝ ܕܡܢ ܠܒܪ ܐܬ݂ܝܬ܂ 30 ܕܐܣܒܝܗ݀ ܠܡܪܓܢܝܬܐ܂
275:16	ܘܢܥܝܪܘܢܝܗܝ ܠܚܘܝܐ ܥܠܝ܂ 31 ܘܒܐܝ݁ܕܐ ܡܢ ܥ̈ܠ݂ܠܬܐ܂ ܪܓܫܘ
275:17	ܒܝ ܕܠܐ ܗ݀ܘܝܬ ܒܪ ܡܬܗܘܢ܂ 32 ܘܚܠܛܘ ܥܡܝ ܒ̈ܢܟܠܝܗܘܢ܂
275:18	ܐܦ ܐܛܥܡܘܢܝ ܡܐܟܘܠܬܗܘܢ܂ 33 ܛ݁ܥܝܬ ܕܒܪ ܡ̈ܠܟܐ
275:19	ܐܢܐ܂ ܘܦܠܚܬ ܠܡ݁ܠܟܐ ܕܝܠܗܘܢ܂ 34 ܘܛ݁ܥܝܬܗ݀
275:20	ܠܡܪܓܢܝܬܐ ܕܥܠܝܗ݀ ܐܒ̈ܗܝ ܫܕܪܘܢܝ܂ 35 ܘܒܝܘܩܪܐ
275:21	ܕܛܘܪ̈ܦܝܗܘܢ ܫ݁ܟܒܬ ܒܫ݂ܢܬܐ ܥܡܝܩܬܐ܂ 110܂36 ܘܒܗܠܝܢ
276:01	ܟܠܗܝܢ ܕܓܕܫܢܝ܂ ܐܒ̈ܗܝ ܪܓܫ݂ܘ ܘܚܫ݂ܘ ܥܠܝ܂ 37 ܘܐܬܟܪܙ
276:02	ܒܡ݁ܠܟܘܬܢ܂ ܕܟܠܢܫ ܠܬܪܥܢ ܢܫܬܓܪ܂ 38 ܡ̈ܠܟܐ ܘܪ̈ܫܝ
276:03	ܦܪܬܘ܂ ܘܟܠ ܪ̈ܘܪܒܢܝ ܡܕܢܚܐ܂ 39 ܘܩܛܪܘ ܥܠܝ ܐܦܪܣܢܐ܂
276:04	ܕܐܢܐ ܒܡܨܪܝܢ ܠܐ ܐܫܬܒܩ܂ 40 ܘܟܬܒܘ ܠܝ ܐܝܓܪܬܐ܂
276:05	ܘܟܠ ܪ̈ܘܪܒܢܐ ܫܡܗ ܒܗ݀ ܐܪܡ݁ܝ܂ 41 ܡܢ ܐܒܘܟ ܡ݂ܠܟ
276:06	ܡ̈ܠܟܐ܂ ܘܐܡܟ ܐܚܝ݂ܕܬ ܡܕܢܚܐ܂ 42 ܘܡܢ ܐܚܘܟ ܬܪܝܢܢ܂
276:07	ܠܟ ܒܪܢ ܕܒܡܨܪܝܢ ܫܠܡ܂ 43 ܢܕ ܘܩܘܡ ܡܢ ܫܢܬܟ܂ ܘܡ̈ܠܐ
276:08	ܕܐܓܪܬܢ ܫܡ݂ܥ܂ 44 ܐܬܥ݁ܗܕ ܕܒܪ ܡ̈ܠܟܐ ܐܢܬ܂ ܚܙܝ
276:09	ܥܒ݂ܕܘܬܐ ܠܡ݁ܢ ܦܠܚ݂ܬ܂ 45 ܥܗܕܝܗ݀ ܠܡܪܓܢܝܬܐ܂ ܕܥܠܝܗ݀
276:10	ܠܡܨܪܝܢ ܐܫܬܓܪܬ܂ 46 ܐܬܕܟܪܝܗ݀ ܠܙܗܝܬܟ܂ ܘܠܛܘܓܟ
276:11	ܓܐ݁ܝܐ ܥ݁ܗܕ܂ 47 ܕܬܠ݁ܒܫ ܘܬ݂ܨܛܒܬ܂ ܕܒܣܦ݂ܪ ܚ̈ܠܝܨܐ ܫܡܟ
276:12	ܐܬܩܪܝ܂ 48 ܘܥܡ ܐܚܘܟ ܦܨ‍{‍ܥ‍}‍‍<‍ܓ‍>‍ܪܝܒܢ ܥܡܗ ܒܡ݁ܠܟܘܬܢ
276:13	ܬܗܘ݂ܐ܂ 111܂49 ܘܐܝܓܪܬܝ ܐܝܓܪܬܐ ܗܝ܂ ܕܡ݁ܠܟܐ ܒܝܡܝܢܗ
276:14	ܚܬܡܗ݀܂ 50 ܡܢ ܒ̈ܝ݂ܫܐ ܒ̈ܢܝ ܒܒܠ܂ ܘܕܝ̈ܘܐ ܡܪ̈ܝܪܐ
276:15	ܕܣܪܒܘܓ܂ 51 ܦܪܚ݂ܬ ܒܕܡ݂ܘܬ ܢܫܪܐ ܡ݁ܠܟܐ ܕܟܠܗ݀
276:16	ܦܪܚܬܐ܂ 52 ܦܪܚ݂ܬ ܘܫܟ݂ܢܬ ܨܐܝܕܝ܂ ܘܟܠܗ݀ ܗܘ݂ܬ ܠܗ݀
276:17	ܡܠܬܐ 53 ܠܩܠܗ݀ ܘܠܩܠ ܪܓܫܬܗ݀܂ ܢ݁ܕܬ ܘܩ݁ܡܬ ܡܢ
276:18	ܫ݁ܢܬܝ 54 ܫ݁ܩܠܬܗ݀ ܘܢܫܩܬܗ݀܂ ܘܫ݁ܪܝܬ ܐܢܐ ܠܝܬܗ݀ ܩ݁ܪܝܬ܂
276:19	55 ܘܥܠ ܗ݀ܘ ܕܒܠܒܝ ܪܫܝܡ܂ ܡ̈ܠܝܗ݀ ܕܐܝܓܪܬܝ ܐܬܟܬ݂ܒ܂
277:01	56 ܥ݁ܗܕܬ ܕܒܪ ܡ̈ܠܟܐ ܐܢܐ܂ ܘܚܐܪܘܬܝ ܟܝܢܗ݀ ܦܩܕܐ܂
277:02	57 ܥܗܕܬ ܠܡܪܓܢܝܬܐ܂ ܕܥܠܝܗ݀ ܠܡܨܪܝܢ ܐ݁ܫܬܕܪܬ܂
277:03	58 ܘܫ݁ܪܝܬ ܡܡܓܫ ܐܢܐ ܠܗ ܠܚܘܝܐ ܕܚܝܠܐ ܘܣܝܩܐ܂
277:04	59 ܐܢܝܡܬܗ ܘܐܫܟܒܬܗ܂ ܕܫܡ ܐܒܝ ܥܠܘܗܝ ܐܢܐ
277:05	ܐܬ݂ܕܟܪܬ܂ 60 ܘܫܡܗ ܕܬܪܝܢܢ܂ ܘܕܐܡܝ ܡ݁ܠܟܐ ܡܕܢܚ܂
277:06	61 ܘܚܛܦܬܗ݀ ܠܡܪܓܢܝܬܐ܂ ܘܥ݁ܛܦܬ ܕܐܦܢܐ ܠܒܝܬ ܐܒܝ܂
277:07	62 ܘܠܒܘܫܗܘܢ ܨܐܐ ܘܛܡܐܐ܂ ܫ݁ܠܚܬ ܘܫ݁ܒܩܬܗ
277:08	ܒܐܬܪܗܘܢ܂ 63 ܘܬܪܨܬܗ݀ ܠܡܪܕܝܬܝ ܕܬܐܬܐ܂
277:09	ܠܢܘܗܪܐ ܕܡܬܢ ܡܕܢܚܐ܂ 64 ܘܠܐܝܓܪܬܝ ܡܥܝܪܢܝܬܝ
277:10	ܩܕܡܝ ܒܐܘܪܚܐ ܐ݁ܫܟܚܬ܂ 65 ܘܐܝܟ ܕܒܩܠܗ݀ ܐܥܝܪܬܢ
277:11	ܬܘܒ ܒܢܘܗܪܗ݀ ܠܝ ܡܕܒܪܐ܂ 66 ܕܫܪܝܐ ܒܣܠܝܩܘܢ܂
277:12	ܩܕܡܝ ܒܚܘܪܗ݀ ܡܦܪܓܐ܂ 67 ܘܒܩܠܗ݀ ܘܒܗܕܝܘܬܗ݀܂ ܬܘܒܢ
277:13	ܪܗܝܒܘܬܝ ܡܠܒܒܐ܂ 68 ܘܒܚܘܒܗ݀ ܢ݁ܓܕ‍<‍ܐ‍>‍ ܠܝ܂ 69 ܢ݁ܦܩܬ ܥܒܪܬܗ݀
277:14	ܠܣܪܒܘܓ܂ ܫܒܩܬ ܠܒܒܠ ܠܣܡܠܝ܂ 70 ܘܡ݁ܛܝܬ ܠܡܝܫܢ
277:15	ܪܒܬܐ܂ ܠܠܡܐܢܗܘܢ ܕܬܓܪ̈ܐ܂ 71 ܕܒܥܒ݂ܪܗ ܕܝܡ݂݁ܐ
277:16	ܝܬܒܐ܂ 72 ܘܠ‍{‍ܗܙ‍}‍‍<‍ܙܗ‍>‍ܝܬܝ ܕܫ݁ܠܚܬ ܗܘܝܬ܂ ܘܠܛܘܓܝ ܕܒܗ݀
277:17	ܡܥܛܦܐ܂ 73 ܡܢ ܪܡܬܐ ‍[‍ܕ‍]‍ܘܪܩܢ ܠܬܡ݁ܢ ܐܒ̈ܗܝ ܫܕܪܘܗ݀܂
277:18	74 ܒܐܝܕܐ ܕܓܙܒܪ̈ܝܗܘܢ܂ ܕܒܫܪܪܗܘܢ ܥܠܝܗ݀ ܡܗܝܡܢܝܢ܂
277:19	112܂75 ܘܕܠܐ ܥ݁ܗܕ ܗܘܝܬ ܬܓܡܗ݀ ܕܒܫܒܪܘܬܝ ܫܒܩܬܗ݀
278:01	ܒܝܬ ܐܒܝ 76 ܡܢ ܫܠܝܐ ܟܕ ܐܩܒܠܬܗ݀܂ ܠܡܚܙܝܬܝ ܠܒܘܫܐ
278:02	ܕܡܬ ܠܝ 77 ܟܠܗ݀ ܒܟܘܠ ܚ݁ܙܝܬ܂ ܘܐܦ ܐܢܐ ܠܟܘܠ ܒܗ݀
278:03	ܐܩܒܠܬ܂ 78 ܕܬܪܝܢ ܚܢܢ ܒܦܘܪܫܢܐ ܘܚܕ ܬܘܒ ܚܢܢ ܒܚܕܐ
278:04	ܕܡܘ܂ 79 ܘܐܦ ܠܗܘܢ ܠܓܙܒܪ̈ܐ܂ ܕܠܝ ܐܝܬܝܘܗ݀ ܗܟܢ
278:05	ܚ݁ܙܝܬ܂ 80 ܕܬܪܝܢ ܐܢܘܢ ܚܕܐ ܣܡܘ ܐܢܘܢ ܕܚܕ ܢܝܫ
278:06	ܡ݁ܠܟܐ ܪܫܝܡ ܒܗܘܢ܂ 81 ܕܐܝ̈ܕܘܗܝ ܕܦܢܝ ܠܝ܂ ܠܓܘܥܠܢܝ
278:07	ܘܥܘܬܪܝ ܒܐܝܕܗܘܢ܂ 82 ܠܙܗܝ^ܘ^ܬܝ ܡܨ݁ܒܬܬܐ܂ ܕܒܓ̈ܘܢܐ
278:08	ܓܐܝ̈ܐ ܡܨܒܬܐ܂ 83 ܒܕܗܒܐ ܘܒܒܪ̈ܘܠܐ܂ ܘܩܪ̈ܟܕܢܐ
278:09	ܘܦܬܘ̈ܬܟܐ܂ 84 ܘܣܪ̈ܕܘܟܐ ܦܪܝܫ݂ܬ ܓܘܢܐ܂ ܐܦ ܗܝ݂
278:10	ܒܪܘܡܗ݀ ܡܬܩܢܐ܂ 85 ܘܒܟܐ̈ܦܐ ܕܐܕܡܘܣ܂ ܟܘܠ ܫܪ̈ܝܬܗ݀
278:11	ܡ̈ܩܒܥܢ܂ 86 ܘܨܠܡܗ ܕܡܠ݂ܟ ܡ̈ܠܟܐ܂ ܟܠܗ ܒܟܠܗ݀ ܡܣܩ݂
278:12	ܘܨܝܪ܂ 87 ܘܐ‍{‍ܦ‍}‍‍<‍ܝܟ‍>‍ ܟܐܦܐ ܕܣܦܝܠܐ܂ ܬܘܒܢ ܟܪ̈ܘܡܝܗ݀ ܡ̈ܦܬܟܐ܂
278:13	113܂88 ܘܚ݁ܙܝܬ ܬܘܒ ܕܒܟܠܗ݀܂ ܙܘܥ̈ܝ ܝܕܥܬܐ ܪ̈ܦܬܝܢ܂ 89 ܘܐܝܟ
278:14	ܕܠܡܡܠܠܘ܂ ܬܘܒ ܚ݁ܙܝܬܗ݀ ܕܡܬܥܬܕܐ܂ 90 ܩܠ ܢܥ̈ܡܬܗ݀
278:15	ܫܡ݁ܥܬ܂ ܕܥܡ ܡ̈‍{‍ܝ‍}‍ܚܬܝܗ݀ ܡܪܬܡܐ܂ 91 ܕܗܘ݂ ‍{‍ܐ‍}‍‍<‍ܗ‍>‍ܢܐ ܙܪܝܙ
278:16	ܥܒ݂̈ܕܐ܂ ܕܠܗ ܪܒܝܘܢܝ ܩܕܡܘܗܝ ܕܐܒܝ܂ 92 ܘܐܦ ܐܢܐ
278:17	ܡܪܓܫ ܗܘܝܬ ܒܝ܂ ܕܩܘܡܬܝ ܐܝܟ ܥ̈ܡܠܘܗܝ ܪܒܝܐ܂
278:18	93 ܘܒܙܘ̈ܥܝܗ݀ ܡ̈ܠܟܝܐ܂ ܟܘܠܗ݀ ܠܘܬܝ ܡܫܬܦܥܐ܂
278:19	94 ܘܥܠ ܐܝ݂ܕܐ ܕܝܗ̈ܘܒܝܗ݀ ܡܣܬܪܗܒܐ ܐܝܟ ܕܐܫܩܠܝܗ݀܂
278:20	95 ܘܐܦ ܠܝ ܚܘܒܝ ܙܩ݁ܬ ܗܘܐ܂ ܕܐ݁ܪܗܛ ܠܐܘܪܥܗ݀
279:01	ܘܐܩܒܠܝܗ݀܂ 96 ܘܐܬ݂ܦܫܛܬ ܘܩ݁ܒܠܬܗ݀܂ ܒܫܘܦܪܐ ܕܓܘ̈ܢܝܗ݀
279:02	ܐܨ݁ܛܒܬܬ܂ 97 ܘܠܛܘܓܝ ܢܨܝܚ ܓ̈ܘܢܐ܂ ܟܠܗ݀ ܠܟܠܗ݀
279:03	ܐܬ݂ܥܛܦܬ܂ 98 ܠܒ݁ܫܬ ܒܗ݀ ܘܐܬ݂ܥܠܝܬ܂ ܠܬܪܥ ܫ݁ܠܡܐ
279:04	ܘܣܓܕܬܐ܂ 99 ܟ݁ܦܬ ܪܝܫܝ ܘܣܓ݁ܕܬ ܠܗ܂ ܠܙܝܘܗ ܕܐܒܝ ‍[‍ܕ‍]‍ܠܝ
279:05	ܫܕܪܗ݀܂ 100 ܕܥ݁ܒܕܬ ܠܦܘ̈ܩܕܢܘܗܝ ܘܐܦ ܗܘ݂ ܕܐܫܬܘܕܝ
279:06	ܥ݂ܒܕ܂ 101 ܘܒܬܪܥܐ ܕܘܣܦܪ̈ܘܗܝ܂ ܥܡ ܪ̈ܘܪܒܢܘܗܝ ܐܬܚ݁ܠܛܬ܂
279:07	102 ܕܚܕܝ ܒܝ ܘܩܒܠ ܝܬܝ܂ ܘܥܡܗ ܒܡ݁ܠܟܘܬܗ ܗ݀ܘܝܬ܂ 103 ܘܒܩܠܐ
279:08	ܕܕܪ̈ܘܣܐ܂ ܟܘܠ ܦܠܚ݂̈ܘܗܝ ܠܗ ܡܫܒܚܝܢ܂܂ 104 ܘܐܫ݂ܬܘܕܝ
279:09	ܕܠܬܪܥܐ ܬܘܒ܂ ܕܡ݂ܠܟ ܡ̈ܠܟܐ ܥܡܗ ܐܫܬܓܪ܂
279:10	105 ܘܒܩܘܪܒܢܝ ܘܒܡܪܓܢܝܬܝ܂ ܥܡܗ ܠܡ݁ܠܟܢ ܐܬ݂ܚܙܐ
279:11	ܫܠܡ ܡܕܪܫܐ ܕܝܗܘܕܐ ܬܐܘܡܐ ܫܠܝܚܐ܂
279:12	ܕܐܡ݂ܪܗ ܒܝܬ ܐܣ̈ܝܪܐ ܀
279:13	113B ܬܘܒ ܬܫܒܘܚܬܐ ܕܬܐܘܡܐ ܫܠܝܚܐ܂
279:14	1 ܡܫܒܚܬ ܐܒܐ ܡܪܐ ܕܟܘܠ܂ ܐܝܬܝܐ ܕܠܐ ܡܬܡܠܠ܂
279:15	ܕܟܣܐ ܒܙܝܘܐ ܕܫܘܒܚܗ ܡܢ ܟܠ ܥܠܡܝܢ ܀ ܡܗ݀ܠܠܬ
279:16	ܒܪܐ ܒܘܟܪܐ ܕܚ̈ܝܐ܂ ܕܡܢ ܐܒܐ ܪܡܐ ܘܡܠܬܐ
279:17	ܕܚ̈ܝܐ ܀ 2 ܡܫܒܚܬ ܐܒܐ ܝܚܝܕܐ܂ ܨ݁ܐܪ ܢܦܫܗ ܒܚܟܡܬܐ
279:18	ܒܟܠ ܒܪ̈ܝܢ ܘܒܟܠ ܥܠܡܝܢ ܀ ܡܗܠܠܬ ܒܪܐ ܕܢܘܗܪܐ܂
279:19	ܚܟܡܬܐ ܘܚܝܠܐ ܘܡܕܥܐ ܕܒܟܠ ܥܠܡܝܢ ܐܝܬܝܟ ܀
279:20	3 ܡܫܒܚܬ ܐܒܐ ܪܡܐ܂ ܕܕܢܚ݂ ܡܢ ܣܬܪܗ ܠܓܠܝܐ ܒܐܝ݂ܕܐ
279:21	ܕܟܠܗܘܢ ܢܒ̈ܝܘܗܝ ܀ ܡܗܠܠܬ ܒܪܐ ܕܪ̈ܚܡ݂ܐ܂ ܕܒܗ