The Comprehensive Aramaic Lexicon

280:01	ܐܫ݁ܬܠܡܘ ܟܠܗܘܢ ܒܚܟܡܬܐ ܘܒܫܬܩܐ ܀ 4 ܡܫܒܚܬ
280:02	ܐܒܐ ܓܐܝܐ܂ ܝܠܝ݂ܕ ܒܘܟܪܗ ܒܫܬܩܐ ܘܒܫܠܝܐ
280:03	ܕܡܚܫܒܬܐ ܀ ܡܗܠܠܬ ܒܪܐ ܣܓܝܕܐ܂ ܕܕܢܚ݂ ܡܢ ܐܒܐ
280:04	ܒܚܙܘܗ ܒܫܠܝܐ ܘܒܬܫܒܘܚܬܐ ܀ ܀ 5 ܡܫܒܚܬ ܐܒܐ
280:05	ܛ݁ܒܐ܂ ܕܓܠ݂ܐ ܪܐܙܐ ܕܒܘܟܪܗ ܠܢܒ̈ܝܘܗܝ ܒܪܘܚܐ
280:06	ܕܩܘܕ‍{‍ܝ̇‍}‍ܫܐ ܀ ܡܗܠܠܬ ܒܪܐ ܒܚ݁ܝܪܐ܂ ܕܓܠ݂ܐ ܫܘܒܚܗ
280:07	ܕܐܒܐ݁܂ ܠܫ̈ܠܝܚܘܗܝ ܒܟܠ ܥ̈ܡܡܝܢ ܀ 6 ܡܫܒܚܬ ܐܒܐ
280:08	ܫܦܝܐ܂ ܡܩ݁ܕܫ ܪܒܘܬܗ ܠܥܠܡ ܒܒܘܟܪܗ ܡܚܝܢܐ
280:09	ܠܒܪܝܬܗ ܀ ܡܗܠܠܬ ܒܪܐ ܦܐܝܐ܂ ܕܕܢܚ݂ ܡܢ
280:10	ܙܝܘܗ ܕܐܒܐ݁܂ ܘܦ݂ܪܩ ܢܦܫ̈ܬܢ ܒܕܡܗ ܙܟܝܐ ܀ 7 ܡܫܒܚܬ
280:11	ܐܒܐ ܐܚܝܕ ܟܠ܂ ܕܥܡ݁ܪ ܒܢܘܗܪܗ ܓܐܝܐ܂ ܘܟܣܐ
280:12	ܒܬܫܒܘܚܬܗ ܘܓܠ݂ܐ ܠܟܠ ܒܛܝܒܘܬܗ ܀ ܀ ܡܗܠܠܬ
280:13	ܒܪܐ ܡܫܠܡܢܐ܂ ܕܙܪܝܥ ܒܐܪܥܐ ܚܝܬܐ܂ ܘܡܢ ܩܕܡ
280:14	ܥ̈ܠܡܐ ܐܝܬܝܟ ܒܐܒܘܟ ܩܕܝܫܐ ܀ 8 ܡܫܒܚܬ ܐܒܐ
280:15	ܙܐ݁ܢ ܟܠ܂ ܕܒܟܠ ܥ̈ܠܡܝܢ ܐܝܬܝܟ ܒܪܘܡܐ ܘܒܥܘܡܩܐ݂܂
280:16	ܘܠܝܬ ܐܬܪ ܕܣܪܝܩ ܡܢܟ ܀ ܡܗܠܠܬ ܒܪܐ ܦܐܪܐ
280:17	ܣܓܝܕܐ܂ ܕܕܢܚ݂ ܥܠ ܟܠ ܒܪ̈ܚܡ݂ܐ݂܂ ܘܠܒܫ݂ ܐܢܫܘܬܢ݂
280:18	ܘܩܛܠܗ ܠܒܥܠܕܪܢ ܀ 9 ܡܫܒܚܬ ܐܒܐ ܕܠܐ ܡܣܬܝܟ܂
280:19	ܕܥܒ݂ܕ ܡܠܐ̈ܟܘܗܝ ܡܢ ܫ̈ܦܥܐ ܕܪܘܚܗ܂ ܘܡ̈ܫܡܫܢܘܗܝ
280:20	ܢܘܪܗ ܝ݁ܩ‍{‍ܪ‍}‍‍<‍ܕ‍>‍ܬܐ ܀ ܡܗܠܠܬ ܒܪܐ ܕܢܘܗܪܐ܂ ܕܪܟܝܒ ܥܠ
280:21	ܪܘܚܐ ܘܥܛܝܦ ܢܘܗܪܐ ܕܐܒܐ݁܂ ܥܠ ܥ̈ܢܢܐ ܩ̈ܕܝܫܬܐ ܀ ܀
281:01	10 ܡܫܒܚܬ ܐܒܐ ܡܚܐ ܟܠ܂܂ ܕܟܢܫ ܥܠܡ̈ܐ ܠܫܘܒܚܗ
281:02	ܒܐܝ݂ܕܐ ܕܚܒܝܒܗ܃ ܕܢܣ݁ܩܘܢ ܠܗ ܬܫܒܘܚܬܐ ܀ ܡܗܠܠܬ
281:03	ܒܪܐ ܕܚ̈ܝܐ܂ ܕܐܒܐ ܡܣܒܥ ܠܩ̈ܕܝܫܐ ܡܢ ܡ݁ܘܗܒܬܗ܃
281:04	ܘܪܕܘ ܡܢܗ ܘܡܢܥܘ ܒܐܘܪܚܗ ܕܫ݁ܠܡܐ ܀ 11 ܡܫܒܚܬ
281:05	ܐܒܐ ܡܚܐ ܟܠ܂܂ ܕܓܠ݂ܐ ܪ̈ܐܙܘܗܝ ܕܒܪܗ ܒܪܘܚܐ
281:06	ܠܩ̈ܕܝܫܘܗܝ܂ ܒܫܠܝܐ ܘܒܢܝ݁ܚܐ ܀ ܡܗܠܠܬ ܒܪܐ ܦܐܪܐ
281:07	ܕܐܒܐ݁܂ ܡܣܬܪ ܠܓܒ̈ܘܗܝ ܬܚܝܬ ܟܢ̈ܦܘܗܝ܃ ܘܫ݁ܠܡ ܨܒܝܢ
281:08	ܐܒܘܗܝ ܘܦ݂ܪܩ ܠܚ̈ܒܝܒܘܗܝ ܀ 12 ܡܫܒܚܬ ܐܒܐ ܛ݁ܒܐ܂
281:09	ܡ݁ܚܐ ܟܠ ܒܪ̈ܝܬܐ ܒܐܝ݂ܕܐ ܕܚܒܝܒܗ܃ ܒܪ̈ܚܡ݂ܐ
281:10	ܘܒܛܝܒܘܬܐ ܒܩܛܠܐ ܕܨܠܝܒܘܬܗ ܀ ܡܗܠܠܬ ܒܪܐ
281:11	ܒܘܟܪܐ܂ ܙܐ݁ܢ ܥ̈ܠܡܐ ܒܦܓܪܗ ܘܥ݁ܛܐ ܚ̈ܛܗܝܢ
281:12	ܒܢܝܫܐ ܕܫܘ̈ܡܬܗ܃ ܘܒܪܣܣ ܕܡܗ ܕܥܠܝܢ ܀ 13 ܡܫܒܚܬ
281:13	ܐܒܐ ܛ݁ܒܐ܂ ܕܫ݂ܪܐ ܒܠܒܐ ܕܟܝܐ ܒܡܕܥܐ ܕܣܓ̈ܘܕܘܗܝ܃
281:14	ܘܓܢ݂ܐ ܡܢ ܟܠ ܒܚܙܬܗ ܘܓܠ݂ܐ ܠܢ ܒܡܫܝܚܗ ܀ ܡܗܠܠܬ
281:15	ܒܪܐ ܡܠܬܐ܂ ܡ݁ܟܪܙ ܡܐܬܝܬܗ ܒܫܠܝܐ ܘܠܒ݂ܫ ܐܢܫܘܬܢ݁܂
281:16	ܘܦܪܩܢ ܒܕܡܗ ܚ݂݁ܝܐ ܘܙܟܝܐ ܀ 14 ܡܫܒܚܬ ܐܒܐ ܚ݂݁ܝܐ܂
281:17	ܕܐܚܝܬ ܡܝ݂ܬܘܬܢ ܕܛ݁ܥܝܢ ܗܘܝܢ ܡܢ ܐܘܪܚܟ܃ ܘܡ̈ܝܬܐ
281:18	ܗܘ݂ܝܢ ܘܐܒ̈ܝܕܐ܂ ܘܗܘ݂ܘ ܥܠܝܢ ܪ̈ܚܡ݂ܝܟ ܀ ܡܗܠܠܬ ܒܪܐ
281:19	ܪܚܝܡ݂ܐ܂ ܕܐܚ݂ܝܬ ܡܝܬܘܬܢ ܘܐܦܢܝ݂ܬ ܛܥܝܘܬܢ܂
281:20	ܘܗܘ݂ܝܬ ܠܢ ܣܡ ܚ̈ܝܐ ܒܦܓܪܟ ܡܚܝܢܐ ܘܒܪܣܣ ܕܡܟ
281:21	ܚ݂݁ܝܐ ܀ ܀ 15 ܡܫܒܚܬ ܐܒܐ ܪܡܐ܂ ܡܢ ܟܠ
281:22	ܦܘ̈ܡܝܢ ܘܟܠ ܠܫ̈ܢܝܢ܂ ܕܐܬܪܥܝ݂ܬ ܠܢ ܒܡܫܝܚܟ ܘܛܥܡܢܟ
281:23	ܒܝܕ ܦܐܪܟ܂ ܘܗܘ݂ܝܢ ܒ̈ܢܝ ܫܝܢܟ ܀ ܡܗܠܠܬ ܒܪܐ ܥ݁ܒܕ
281:24	ܫܝܢܐ܂ ܕܐܣܝ݂ܬ ܚܒܪ̈ܬܢ ܘܐܦܝܣܬ ܥܛܠܘܬܢ݁܂ ܘܟܢ݂ܫܬ
282:01	ܦܗܝܘܬܢ݁܂ ܘܐܪܕܝܬ݂ܢ ܘܒܫܪܪܟ ܘܝܕܥܢ ܒܟ ܠܐܒܘܟ ܀ ܀
282:02	16 ܡܫܒܚܬ ܐܒܐ ܐܚܝܕ ܟܠ܂ ܕܫܠܚ݂ܬ ܠܢ ܦܐܪܟ ܚ݁ܝܐ
282:03	ܘܡܚܝܢܐ݁܂ ܘܫ݁ܝܢ ܒܕܡܐ ܕܙܩܝܦܗ ܪ̈ܚܡ݂ܝܟ ܥܡ
282:04	ܒܪ̈ܝܬܟ ܀ ܀ ܡܗܠܠܬ ܒܪܐ ܡܠ݂ܬ‍{‍ܝ‍}‍ ܢܘܗܪܐ܂ ܕܕܢܚ݂ܬ
282:05	ܡܢ ܪܘܡܐ ܘܣ݁ܒܥܬܢ ܒܐܝܕܥܬܟ܃ ܘܕܟ݁ܝ݂ܬ ܛܡܐܘܬܢ
282:06	ܘܐ݁ܚܝ݂ܬ ܡܝܬܘܬܢ ܒܢܝܫܟ ܨܠܝܒ ܢܘܗܪܐ ܀ 17 ܡܫܒܚܬ
282:07	ܐܒܐ ܕܟܠ ܬܫ̈ܒܚܬܐ݂܂ ܘܡܪܡܪܡ ܫܡܟ ܪܒܐ ܒܟܠ
282:08	ܥ̈ܠܡܝܢ܂ ܕܠܐ ܩܨ݂ܬ ܠܢ ܚ̈ܘܒܝܢ݂ ܘܐܚܝܬܢ ܒܡܫܝܚܟ
282:09	ܕܚ̈ܝܐ ܕܨܒܝܢܟ ܀ ܡܗܠܠܬ ܒܪܐ܂ ܩܠܐ ܒܛܝܢ ܡܕܥܐ
282:10	ܟܗܢܢ ܩܕܝܫܐ݁܂ ܕܚܣܝܬܢ ܒܩܘܪܒܢܟ ܕܟܝܐ ܘܩܕܝܫܐ݁܂
282:11	ܘܐܫܦ݂ܥܬ ܕܡܟ ܚ݂݁ܝܐ ܥܠ ܐ̈ܦܝ ܚ̈ܛܝܐ ܀ ܀ 18 ܡܫܒܚܬ
282:12	ܐܒܐ ܪܡܐ܂ ܕܟܣ݂ܝܬ ܡܢ ܥ̈ܠܡܐ ܟܠܗܘܢ݁܂ ܘܓܠ݂ܝܬ
282:13	ܐܝܟ ܨܒܝܢܟ ܠܟܠܗܘܢ ܣ̈ܓܘܕܝܟ ܀ ܡܗܠܠܬ ܒܪܐ
282:14	ܕܚ̈ܝܐ܂ ܓܡ݁ܪ ܨܒܝܢܐ ܕܐܒܐ݁܂ ܕܫܝ݂ܢܬ ܒܪ̈ܝܬܟ
282:15	ܕܢܣܓܕܘܢ ܒܟ ܠܫܠܘܚܟ܂ ܘܢܗ݂ܘܘܢ ܒ̈ܢܝ ܪ̈ܐܙܝܟ ܀ ܀ ܀
282:16	19 ܡܫܒܚܬ ܐܒܐ ܪܡܐ ܡܢ ܟܘܠ ܒܪܘܟ܂ ܕܠܟ ܬܟܘܦ
282:17	ܐܦ ܕܒܫܡܝܐ ܘܕܒܐܪܥܐ ܒܐܝ݂ܕܗ ܕܚܒܝܒܟ ܀
282:18	ܡܗܠܠܬ ܒܪܐ ܣܓܝܕܐ ܕܪ̈ܚܡ݂ܐ ܡ̈ܫܠܡܢܐ܂ ܕܒܐܝ݂ܕܗ
282:19	ܗܘ݂ܐ ܫܝܢܐ܂ ܘܣܒܪܐ ܥܠ ܒܪ̈ܝܬܐ ܕܢ̈ܕܥܢ ܠܒ݁ܪܘܝܐ ܀
282:20	20 ܡܫܒܚܬ ܐܒܐ ܡܚܐ ܟܠ܂ ܕܠܐ ܡ݁ܘܦܐ ܥܘܬܪܐ
283:01	ܕܪ̈ܚܡ݂ܝܟ ܠܫܦܥܐ ܕܡ̈ܘܗܒܬܟ܂ ܘܒܟܠܙܒܢ ܐܢܬ ܗܘ
283:02	ܣܢܝܩ ܐܢܬ ܕܬܬܠ ܠܢ ܀ ܀ ܡܗܠܠܬ ܒܪܐ ܦܐܪܐ܂ ܕܐܢܬ
283:03	ܗܘ ܬܪܥܐ ܕܢܘܗܪܐ ܘܐܘܪܚܐ ܕܫܪܪܐ܂ ܘܐܪܕܝܬܢ
283:04	ܒ̈ܥܩܒܬܟ ܕܢܡ݁ܢܥ ܠܒܝܬ ܐܒܘܟ ܪܡܐ ܀ 21 ܡܫܒܚܬ
283:05	ܐܒܐ ܒܣܝܡܐ܂ ܕܫܝܢܬܢ ܒܐܝ݂ܕܗ ܕܡܚܝܢܢ܂ ܘܓܠܝ݂ܬ
283:06	ܠܢ ܪ̈ܐܙܝܟ ܫ̈ܒܝܚܐ ܘܩ̈ܕܝܫܐ ܒܫܡܥܐ ܕܝܘܠܦܢܗ ܀
283:07	ܡܗܠܠܬ ܒܪܐ ܝܚܝܕܗ ܕܐܒܐ܂ ܕܗܘ݂ܘ ܥܠܝܢ ܪ̈ܚܡ݂ܝܟ
283:08	ܘܪܫܡܬܢ ܒܨܠܝܒܟ ܚ݂݁ܝܐ ܘܡܚܝܢܐ ܀ ܀ 22 ܡܫܒܚܝܢ
283:09	ܠܐܒܐ ܘܣܓܕܝܢ ܠܒܪܐ܂ ܘܡܗܠܠܝܢ ܠܪܘܚܟ ܩܕܝܫܐ݁܂
283:10	ܟܘܠ ܦܘ̈ܡܝܢ ܘܟܘܠ ܠܫܢ̈ܝܢ݁܂ ܥ̈ܠܡܐ ܘܒܪ̈ܝܬܐ
283:11	ܕܟ̈ܣܝܢ ܘܕ̈ܓܠܝܢ ܀ ܡܫܒܚܝܢ ܠܟ ܒܪܘܡܐ ܡ̈ܠܐܟܝܟ
283:12	ܒܐܝ݂ܕܗ ܕܡܫܝܚܟ܃ ܕܗܘ݂ܐ ܫܝܢܐ ܘܣܒܪܐ ܒܫܝܘܠ܂
283:13	ܥܠ ܡ̈ܝ݂ܬܐ ܕܚܝܘ ܘܐܬܢܚܡܘ ܀ 23 ܒܥܝܢܢ ܡܢܟ ܡܪܢ
283:14	ܘܡܚܝܢܢ܂ ܕܟܠ ܕܐܡ݂ܪܬ ܘܐܫ݂ܬܘܕܝܬ܃ ܫ݁ܠܡ ܥܡܢ
283:15	ܛܝܒܘ‍<‍ܬ‍>‍ܟ ܘܐܥܠܝܢ ܠܐܬܪ ܫܝܢܟ܂ ܐܢܬ ܗܘ ܓܝܪ
283:16	ܡܚܝܢܢ܂ ܐܢܬ ܗܘ ܦܪܩܠܝܛܢ܂ ܐܢܬ ܗܘ ܣܡ ܚ̈ܝܝܢ ܀ ܐܢܬ
283:17	ܗܘ ܢܝܫܢ ܙܟ݁ܝܐ ܀ 24 ܛܘܒܝܢ ܡܪܝ ܕܝܕܥܢܟ ܀ ܀ ܛܘܒܝܢ ܕܒܟ
283:18	ܗܝܡܢ‍<‍ܢ‍>‍ ܀ ܛܘܒܝܢ ܒܫܘ̈ܡܬܟ݂ ܘܕܡܟ ܕܥܠ ܐ̈ܦܝܢ ܀
283:19	ܛܘܒܝܢ ܕܐܢܬ ܗܘ ܣܒܪܢ ܪܒܐ ܀ ܛܘܒܝܢ ܕܐܢܬ ܗܘ ܐܠܗܢ
283:20	ܘܠܥܠܡ ܥܠܡܝܢ ܐܡܝܢ ܀ ܀
284:01	114܂1 ܟܪܝܫ ܕܝܢ ܒܥܠܗ݀ ܕܡܓܕܘܢܝܐ݂܂ ܐܙܠ ܗܘܐ ܠܒܝܬܗ ܟܕ
284:02	ܚ݂݁ܕܝ ܣܓ݁ܝ܂ ܡܛܠ ܕܣ݁ܒܪ ܗܘܐ ܒܪܥܝܢܗ܂ ܕܡܢ ܗܫܐ
284:03	ܗܘܝܐ ܐܢܬܬܗ ܥܡܗ܂ ܐܝܟ ܕܡܢ ܩܕܝܡ܃ ܥܕܠܐ
284:04	ܬܫܡܥܝ ܗܘܬ ܡܠܬܗ ܕܝܗܘܕܐ ܘܬܗܝܡܢ ܒܡܪܢ
284:05	ܝܫܘܥ ܡܫܝܚܐ ܒܪܗ ܕܐܠܗܐ܂ ܘܟܕ ܐܙܠ݂ ܟܪܝܫ݂܂
284:06	ܐܫܟܚܗ݀ ܠܐܢܬܬܗ ܟܕ ܝܬܒܐ ܗܘܬ݂܂ ܘ‍<‍ܚ‍>‍ܪ̈ܝ݂ܛܢ ܐܦ̈ܝܗ݀
284:07	ܘܡܣ݂ܕܩܝܢ ܗܘܘ ܢܚ̈ܬܝܗ݀܂ ܘܕܡ݁ܝܐ ܗܘܬ ܠܫ݁ܢܝܬܐ ܡܛܠ
284:08	ܝܗܘܕܐ ܀ 114܂2 ܐܡ݁ܪ ܠܗ݀ ܡܪܬܝ ܘܚܬܝ ܡܓܕܘܢܝܐ݂܂ ܡ݁ܢ݂ܘ ܫܘܚܛܐ
284:09	ܗܢܐ ܒܝ݂ܫܐ ܕܐܚܝܕ ܠܟܝ܂ ܘܠܡܢܐ ܗܠܝܢ ܥܒܕܬܝ܂ ܐܢܐ ܐܢܐ
284:10	ܟܪܝܫ ܒܥܠ ܛܠܝܘܬܟܝ܂ ܘܐܢܐ ܕܡܢ ܐܠܗ̈ܐ ܘܡܢ ܢܡܘܣܐ
284:11	ܫܠܝܛ ܐܢܐ ܥܠܝܟܝ܂ ܠܡܢܐ ܗܫܐ ܐܝܟ ܫ݁ܢܝܬܐ ܥܒܕܬܝ
284:12	ܘܠܡܢܐ ܥܒܝܕܬܝ ܓܘܚܟܐ ܒܟܠܗ ܐܬܪܐ ܗܢܐ܂ ܐܠܐ
284:13	ܡܢ ܗܫܐ ܐܥܒܪ ܡܢ ܪܥܝܢܟܝ ܪܢܝܗ ܕܗ݀ܘ ܚ݁ܪܫܐ܂ ܚܙܬܗ
284:14	ܓܝܪ ܫ݁ܩܠ ܐܢܐ ܠܗ݀ ܡܢ ܩܕܡ ܥ̈ܝܢܝܟܝ܃ ܕܬܘܒ ܠܐ
284:15	ܬܚܙܝܢܝܗ݀ ܀ 115܂1 ܘܟܕ ܗܠܝܢ ܫܡ݂ܥܬ ܡܢܗ ܕܟܪܝܫ ܒܥܠܗ݀
284:16	ܬܘܒ ܝܬܝܪܐܝܬ ܡܬܬܥܝܩܐ ܗܘܬ ܘܡܬܛܪܦܐ܂ ܘܗ݂ܘ
284:17	ܬܘܒ ܐܡ݂ܪ ܠܗ݀܂ ܡܢܐ ܟܝ ܐܣܟܠܬ ܒܐܠܗ̈ܐ ܕܠܗܢܐ
284:18	ܚܫܐ ܪܒܐ ܐܝܬ‍{‍ܘ‍}‍‍<‍ܝ‍>‍ܘܢܝ܂ ܘܡܢܐ ܚ݁ܛܝܬ ܩܕܡܝܗܘܢ݂
284:19	ܕܠܗܕܐ ܡܫܦܠܘܬܐ ܘܓܘܚܟܐ ܡ݁ܛܝܘܢܝ܂ ܒܥ݁ܐ ܐܢܐ
284:20	ܡܢܟܝ ܡܓܕܘܢܝܐ݂܂ ܠܐ ܬܚܢܩܝܢܝܗ݀ ܠܢܦܫ‍{‍‍{‍ܟ‍}‍‍}‍ܝ ܒܚܙܬܟܝ܂ ܘܠܐ
285:01	ܬܟܐܒܝܢܘܗܝ ܠܠܒܟܝ ܒܡܪܢܝܬܟܝ܂ ܐܢܐ ܐܢܐ
285:02	ܟܪܝܫ ܒܥܠ ܛܠܝܘܬܟܝ܂ ܘܐܢܐ ܐܢܐ ܒܥܠܟܝ ܕܫܪܪܐ݁܂
285:03	ܗ݀ܘ ܕܟܠܗ ܐܬܪܐ ܡܝܩܪ ܠܝ܂ ܘܕܚ݁ܠܝܢ ܡܢܝ܂ ܡܢܐ ܐܥܒܕ
285:04	ܡܢ ܗܫܐ ܠܐ ܝ݁ܕܥ ܐܢܐ܂ ܘܐܝܟܢܐ ܐܬ݂ܕܒܪ܂ ܘܡܢܐ
285:05	ܬܘܒ ܐܬ݂ܚܫܒ܂ ܫܘܦܪܟܝ ܐܬܕܟܪ ܒܠܒܝ ܘܐ݁ܫܬܘܩ ܠܝ܂
285:06	ܐܘ ܕܘܒܪ̈ܝܟܝ ܫܦܝܪ̈ܐ ܐ݁ܥܗܕ ܘܠܐ ܐ݁ܡܪ ܡܕܡ܂ 115܂2 ܡ݁ܢ݂ܘ
285:07	ܕܫ݁ܩܠܝܢ ܡܢܗ ܣܝ݂ܡܬܐ ܛܒܬܐ ܘܫܦܝܪܬܐ ܘܡܪܦܐ ܒܗ݀
285:08	ܐܝ݂̈ܕܝܐ݁܂ ܐܘ ܡܫܟܚ ܐܢܐ ܕܐ݁ܚܡܣܢ ܫܘܦܪ̈ܝܟܝ ܫܦܝܪ̈ܐ
285:09	ܕܠܘܬܝ ܒܟܠܙܒܢ܂ ܪܝܚܟܝ ܒܣܝܡܐ݂ ܗܐ ܒܢܚܝܪ̈ܝ܂ ܘܓܘܢܟܝ
285:10	ܫܦܝܪܐ ܗܐ ܩܕܡ ܥ̈ܝܢܝ܂ ܢܦܫܝ ܕܫ݁ܩܠܝܢ ܡܢܝ݂܂ ܘܥܝܢܝ
285:11	‍{‍ܘܚ݁ܝܐ݂‍}‍‍<‍ܚ݁ܙܝܐ݂‍>‍܂ ܕܚ݁ܙܐ ܗܘܝܬ ܒܗ݀ ܘܚ݁ܨܝܢ ܫ݁ܩܠܝܢ ܠܗ݀ ܡܢܝ܂ ܘܦܓܪܝ
285:12	ܫܦܝܪܐ ܕܒܗ ܚܬܝܪ ܗܘܝܬ ܘܡܣ݁ܪܚܝܢ ܫ݁ܩܠܝܢ ܠܗ ܡܢܝ܂
285:13	ܘܕܪܥܝ ܕܝܡܝܢܐ ܕܦܣ݁ܩܝܢ ܠܗ ܡܢܝ܂ ܫܘܦܪܝ ܕܡܬܚ݁ܒܠ݂܂
285:14	ܘܢܝ݁ܚܝ ܕܡܥܝ݂ܩܝܢ ܠܝ ܒܗ܂ ܘܚܕܘܬܝ ܕܐܬܗܦܟܬ݂ ܠܥܩܬܐ܂
285:15	ܘܢܝ݁ܚܝ ܕܗܘ݂ܐ ܠܝ ܠܐܘܠܨܢܐ܂ ܘܚ̈ܝܝ ܕܒܡ݁ܘܬܐ ܡܬܚ݁ܠܦܝܢ܂
285:16	ܘܢܘܗܪܝ ܕܒܚܫܘܟܐ ܡܨ݂ܛܒܥ܂ 115܂3 ܠܐ ܢܚܙܘܢܢܝ ܒ̈ܢܝ ܫܪܒܬܝ
285:17	ܣܓ̈ܝܐܬܐ܂ ܕܒܗܢܐ ܐܘܠܨܢܐ ܡܕܡ ܥܘܕܪܢܐ ܠܐ ܗܘ݂ܐ
285:18	ܠܝ܂ ܠܐ ܢܚܙܘܢܢܝ ܪ̈ܚܡ݁ܝ ܫ̈ܒܝܚܐ݁܂ ܕܡܢ ܗܢܐ ܐܘܠܨܢܐ ܠܐ
285:19	ܦܪܩܘܢܝ܂ ܠܐ ܬܘܒ ܐ݁ܣܓܘܕ ܠܐܠܗ̈ܐ ܕܡܕܢܚܐ ܕܠܗܠܝܢ
285:20	ܒܝ݂̈ܫܬܐ ܐ݁ܝܬܝܘܢܝ܂ ܘܠܐ ܐܨ݁ܠܐ ܩܕܡܝܗܘܢ ܘܠܐ ܐ݁ܕܒܚ
286:01	ܠܗܘܢ ܬܘܒ݂܂ ܘܠܐ ܐ݁ܩܪܒ ܠܗܘܢ ܩܘܪܒܢܐ݁܂ ܕܡܢ
286:02	ܫܘܬܦܘܬܝ ܗܕܐ ܕܫܪܪܐ ܐܬܓܠܙܬ܂ ܡܢܐ ܓܝܪ ܬܘܒ
286:03	ܐܨ݁ܠܐ ܠܗܘܢ܂ ܐܘ ܡܢܐ ܬܘܒ ܐܒܥܐ ܡܢܗܘܢ݁܂
286:04	ܐܘ ܐ݁ܫܐ݂ܠ ܠܗܘܢ ܕܢܬܠܘܢ ܠܝ܃ ܕܓܠܙܘܢܝ ܡܢ ܗܕܐ ܕܡܢ
286:05	ܟܠܡܕܡ ܕܐܝܬ ܗܘܐ ܠܝ ܒܥܠܡܐ ܡܝܬܪܐ ܗܘܬ ܠܝ܂ ܘܢܝܚ
286:06	ܗܘܝܬ ܥܠܝܗ݀܂ 115܂4 ܥܘܬܪܐ ܓܝܪ ܣܓ݁ܝ ܡܢ ܚܝܠܝ ܐܝܬ ܠܝ܃

286:07	ܘܩܢܝܢܐ ܕܠܐ ܡ݂݁ܨܐ ܐܢܐ ܕܐ݁ܩܘܡ ܥܠ ܡܢܝܢܗ܂ ܪܝܫܐ

286:08	ܬܘܒ ܥܒܝܕ ܐܢܐ܂ ܘܬܪܝܢܐ ܕܡ݁ܠܟܐ݂ ܡܫܡܗ ܐܢܐ܂
286:09	ܘܣ̈ܓܝܐܐ ܕܚ݁ܠܝܢ ܡܢܝ܂ ܘܣ̈ܓܝܐܐ ܐܝܬ ܬܚܝܬ ܐܝ݂ܕܝ܂
286:10	ܡ݁ܢ ܕܝܢ ܫܩܠ݂ ܡܢܝ ܟܠܗܝܢ ܓܝܐܘ̈ܬܝ ܘܥܘܬܪܝ ܣܓܝܐܐ݂܂
286:11	ܘܝܗ݂ܒ ܠܝ ܫܥܬܐ ܚܕܐ ܡܢ ܫ̈ܢ݁ܝܟܝ ܩܕܡ̈ܝܬܐ ܡܓܕܘܢܝܐ̈܂
286:12	ܡ݁ܢ ܕܝܢ ܚܕܐ ܡܢ ܥ̈ܝܢܝ ܥ݂ܘܪ܂ ܘܥ̈ܝܢܝܟܝ ܕܝܢ ܕܝܠܟܝ
286:13	ܚܝܪ̈ܢ ܗ̈ܘܝ ܒܝ ܒܥܝ݁ܕܗܝܢ܂ ܡܢ ܕܝܢ ܦܣ݂ܩ ܕܪܥܝ ܕܝܡܝܢܐ݂܂
286:14	ܘܒܕܪܥܝ ܕܝܢ ܕܣܡܠܐ݂ ܥܦܩܬܟܝ ܀ 116܂1 ܟܕ ܗܠܝܢ ܐܡ݁ܪ ܗܘܐ
286:15	ܘܒ݁ܟܐ ܗܘܐ ܟܪܝܫ݂܂ ܘܡܓܕܘܢܝܐ ܐܝܟ ܚܪܡܬܐ
286:16	ܝܬܝܒܐ ܗܘܬ ܘܒܗ ܠܐ ܚܝܪܐ ܗܘܬ݂܂ ܐܠܐ ܒܐܪܥܐ
286:17	ܘܫܬܝܩܐ ܗܘܬ܂ ܘܬܘܒ ܐܬܩ݂݁ܪܒ ܠܘܬܗ݀ ܘܐܡ݂ܪ ܠܗ݀܂
286:18	ܒܪܬܝ ܘܚܒܝܒܬܝ ܡܓܕܘܢܝܐ݂܂ ܐܬܕܟܪܝ ܕܡܢ ܟܠܗܝܢ ܢ̈ܫܐ
286:19	ܕܗܢܕܘ݂܂ ܐܢܬ ܫܦܪܬܝ ܠܝ܂ ܘܠܟܝ ܓܒܝܬ܂ ܟܕ ܣ̈ܓܝܐܬܐ
286:20	ܕܡܝܬܪ̈ܢ ܗ̈ܘܝ ܡܢܟܝ ܡܫܟܚ ܗܘ݁ܝܬ ܕܐ݁ܣܒ܂ 116܂2 ܒܪܡ
286:21	ܕܝܢ ܠܐ ܡܕܓܠ ܐܢܐ ܡܓܕܘܢܝܐ݂܂ ܠܐ ܓܝܪ ܐܠܗܐ݂܂
286:22	ܠܝܬ ܠܝ ܐܚܪܬܐ ܒܟܠܗ݀ ܗܢܕܘ ܕܕܡ݁ܝܐ ܠܟܝ܂ ܐܝܢܐ
287:01	ܫܘܦܪܐ ܘܐܝܢܐ ܨܦܬܐ݂ ܘܐܝ݁ܕܐ ܚܪܝܓܘܬܐ܂ ܘܐܝܠܝܢ
287:02	ܙܢ̈ܝܐ ܫܦܝܪ̈ܐ ܡ݁ܘܒܕ ܐܢܐ܂ ܘܝ ܠܝ ܘܠܥܠܡ ܕܡܠܬܟܝ ܬܘܒ
287:03	ܠܝ ܠܐ ܡܫܬܡܥܐ܂ ܐܦܢ ܡܨ݁ܚܝܘ ܨܚ݁ܝ݂܂ ܒܥ݁ܐ ܐܢܐ
287:04	ܡܢܟܝ܂ ܐܪܝܡܝ ܥ̈ܝܢܝܟܝ ܘܚܘܪܝ ܒܝ܂ ܕܣܓ݁ܝ ܡܝܬܪ ܐܢܐ
287:05	ܡܢ ܗ݀ܘ ܚ݁ܪܫܐ܂ ܘܫܦܝܪ ܐܢܐ ܡܢܗ܂ ܘܥܘܬܪܐ ܘܐܝܩܪܐ
287:06	ܐܝܬ ܠܝ܂ ܘܟܠܢܫ ܝ݁ܕܥ ܕܠܝܬ ܠܐܢܫ ܛܘܗܡܐ ܐܟܘܬܝ܂
287:07	ܘܡܢ ܫܪܒܬܝ ܘܡܢ ܟܠ ܕܐܝܬ ܠܝ܃ ܐܢܬܝ ܐܢܬܝ ܡܝܬܪܐ ܠܝ܂
287:08	ܘܗܐ ܫ݁ܩܠܝܢ ܠܟܝ ܡܢܝ ܀ 117܂1 ܘܟܕ ܗܠܝܢ ܐܡ݂ܪ ܗܘܐ ܟܪܝܫ܂
287:09	ܐܡ݁ܪܐ ܠܗ ܡܓܕܘܢܝܐ܂ ܟܪܝܫ ܗ݀ܘ ܕܪܚܡ݁ܐ ܐܢܐ ܠܗ݂܂
287:10	ܡܝܬܪ ܗܘ ܡܢ ܟܠ ܕܩܢ݂ܝܬ݂܂ ܘܡܢ ܟܠܡܕܡ ܕܐܝܬ ܠܟ܂ ܟܘܠ
287:11	ܕܐܝܬ ܠܟ ܓܝܪ ܡܢ ܐܪܥܐ ܗܘ܂ ܘܒܐܪܥܐ ܦܐ݁ܫ܂ ܘܗ݀ܘ
287:12	ܕܪܚ݁ܡܬ ܒܫܡܝܐ ܗܘ݂܂ ܘܠܫܡܝܐ ܡܣ݁ܩ ܠܝ ܠܘܬܗ ܀
287:13	ܥܘܬܪܟ ܓܝܪ ܕܝܠܟ ܥ݁ܒܪ܂ ܘܫܘܦܪܟ݂ ܡܬܚ݁ܒܠ܂
287:14	ܘܢܚ̈ܬܝܟ ܒ݁ܠܝܢ ܘܥ݁ܒܪܝܢ ܘܓܡܪܝܢ܂ ܘܐܢܬ ܒܠܚܘܕܝܟ
287:15	ܥܡ ܚܘ̈ܒܝܟ݂ ܘܚ̈ܛܗܝܟ܃ ܐܠܐ ܡܬܦܪܩ ܐܢܬ ܡܢܗܘܢ݂
287:16	ܗ݂ܢܘܢ ܠܘ݁ܝܢ ܠܟ܂ 117܂2 ܠܐ ܬܕܟܪ ܥܠܝܢ ܣܘܥܪ̈ܢܝܟ ܕܒܝ
287:17	ܩ̈ܕܡܝܐ܂ ܗ݀ܢܘܢ ܕܡܨ݁ܠܝܐ ܐܢܐ ܘܒܥܝܐ ܐܢܐ ܡܢ
287:18	ܡܪܝ݂ ܕܢܥ݂ܛܐ ܐܢܘܢ ܠܝ܂ ܠܐ ܬܕܟܪ ܥܠܝ‍{‍ܟ‍}‍‍<‍ܢ‍>‍ ܢܝ̈ܚܝܟ
287:19	ܨ̈ܐܐ ܘܛܢ̈ܦܐ ܘܣܘܥܪ̈ܢܝܟ ܦܓܪ̈ܢܐ܂ ܗ݀ܢܘܢ ܕܒܚܘܒܗ
287:20	ܕܡܪܝ ܡܨ݁ܠܝܐ ܐܢܐ ܕܐܬ݂ܓܠܙ‍{‍ܝ‍}‍ ܡܢܗܘܢ܂ ܘܛܥ݁ܝܬ
287:21	ܐܢܘܢ ܟܠܗܘܢ ܥ̈ܝܕܝܟ܂ ܘܥ̈ܢܝܢܝܟ ܘܣܘܥܪ̈ܢܝܟ ܒܛ݁ܠܝܢ
287:22	ܥܡܟ܂ ܘܡܪܝ ܘܦܪܘܩܝ ܝܫܘܥ ܡܩܘܐ ܒܠܚܘܕ ܠܥܠܡ܂
288:01	ܘܢܦܫ̈ܬܐ ܐܝܠܝܢ ܕܐܚ̈ܕܝ ܒܗ ܓܘܣܐ܂ ܗ݀ܘ
288:02	ܐܝܢܐ ܕܐ݁ܚܕܬ ܒܗ ܓܘܣܐ ܘܗ݀ܝܡܢܬ ܒܗ݂܂ ܗܘ݂ ܦܪܩ
288:03	ܠܝ ܘܡܦܨܐ ܠܝ ܡܢ ܟܠܗܘܢ ܥ݁ܒ̈ܕܝܟ ܕܒܗܬܬܐ݁܂ ܗ݀ܢܘܢ
288:04	ܕܥܡܟ ܣܥܪܐ ܗܘܝܬ ܠܗܘܢ݁܂ ܟܕ ܠܐ ܡܗܝܡܢܐ
288:05	ܗܘܝܬ ܀ 117܂3 ܘܟܕ ܫܡ݂ܥ ܟܪܝܫ ܗܠܝܢ܃ ܐܙܠ݂ ܕܡ݂ܟ ܟܕ ܥܝܝܩܐ
288:06	ܠܗ܂ ܘܐܡ݂ܪ ܠܗ݀܂ ܐܬܚܫܒܝ ܘܪܢܝ ܒܪܥܝܢܟܝ ܝܘܡܢܐ ܠܠܝܐ
288:07	ܟܠܗ݀܂ ܐܢܗ݂ܘ ܕܗܘܝܬܝ ܥܡܝ ܐܝܟ ܕܐܝܬܝܟܝ ܗܘܝܬܝ܂
288:08	ܥܕܠܐ ܬܚ݂ܙܝܢ ܐ̈ܦܘܗܝ ܕܗ݀ܘ ܚ݁ܪܫܐ݂܂ ܟܠ ܕܨܒܝ݂ܬܝ ܥ݁ܒܕ
288:09	ܐܢܐ ܠܟܝ ܨܒܝܢܐ܂ ܘܐܢ ܨܒܝܬܝ ܡܛܠ ܚܘܒܐ ܕܗܘ݂ܐ
288:10	ܠܟܝ ܥܡܗ݂܂ ܐܢܐ ܡ݁ܦܩ ܐܢܐ ܡܫܡ݁ܪ ܐܢܐ ܠܗ܂ ܘܢܐܙܠ
288:11	ܠܐܬܪܐ ܐܚܪܢܐ܂ ܘܠܟܝ ܠܐ ܥ݁ܒܕ ܐܢܐ ܥܩܬܐ܂ ܝ݁ܕܥ
288:12	ܐܢܐ ܓܝܪ ܕܣܓ݁ܝ ܣܪܝܟܬܝ ܒܗ܂ 117܂4 ܘܠܐ ܗܘܐ ܡܢܟܝ ܫ݂ܪܝܬ
288:13	ܗܕܐ܂ ܐܠܐ ‍<‍ܠܢܫ̈ܐ‍>‍ ܣ̈ܓܝܐܬܐ ‍{‍ܠܢܫ̈ܐ‍}‍ ܓܕܫ݂ܬ ܕܐܝܟ ܗܕܐ
288:14	ܨܒܘܬܐ܂ ܘܗܕܐ ܐܚܪܝܬܐ݂ ܥܗ̈ܕܝ ܢܦܫܗܝܢ܂ ܘܒܚܪ̈ܝ
288:15	ܡܢܐ ܓܕܫ݂ ܐܢܝ̈ܢ܂ ܘܠܘܬ ܢܦܫܗܝܢ ܗ̈ܘ݂ܝ܂ ܘܡܢ ܚܣܕܐ
288:16	ܘܡܢ ܓܘܚܟܐ ܐܬܦܪ̈ܩܝ܂ ܠܐ ܗܟܝܠ ܢܬܚ̈ܙܝܢ ܠܟܝ ܗܠܝܢ
288:17	ܕܐ݁ܡ݂ܪܬ ܠܟܝ܂ ܐܝܟ ܠܐ ܡܕܡ܂ ܘܠܐ ܢܥܒ݂ܪ̈ܢ ܒܪ̈ܝܬܐ
288:18	ܥܠܝܟܝ܂ ܘܠܐ ܬܥܒܕܝܢܝ ܚܣܕܐ ܘܓܘܚܟܐ ܘܡܡܠܠܐ
288:19	ܒܗܢܕܘ ܀ 118܂1 ܘܟܕ ܗܠܝܢ ܐܡ݂ܪ ܠܗ݀܂ ܐܙܠ݂ ܕܡ݂ܟ܂ ܡܓܕܘܢܝܐ
288:20	ܕܝܢ ܫܩ݂ܠܬ ܠܗ݀ ܙܘ̈ܙܐ ܥܣܪ̈ܐ݂ ܘܐܙܠ݂ܬ ܟܕ ܐܢܫ ܠܐ ܪܓ݂ܝܫ
288:21	ܒܗ݀ ܠܒܝܬ ܚ̈ܒܝ݂ܫܐ܂ ܕܬܬܠ ܠܢܛܘܪ̈ܐ ܕܚ̈ܒܝܫܐ݁܂ ܕܢܥ݁ܠܘܢܗ݀
288:22	ܠܘܬܗ ܕܝܗܘܕܐ ܀ ܀ ܘܟܕ ܐܙܠܐ ܦܓ݂ܥ ܒܗ݀ ܝܗܘܕܐ
289:01	ܟܕ ܐܬܐ ܠܘܬܗ݀܂ ܘܗ݂ܝ ܚܙܬܗ ܘܕܚܠ݂ܬ܂ ܣܒܪܐ ܗܘܬ ܓܝܪ
289:02	ܕܚܕ ܡܢ ܪ̈ܘܪܒܢܐ ܗܘܐ݁܂ ܡܛܠ ܢܘܗܪܐ ܣܓܝܐܐ ܕܐ݁ܬܐ
289:03	ܗܘܐ ܩܕܡܘܗܝ܂ 118܂2 ܘܐܡ݂ܪܬ܂ ܘܝ ܠܟܝ ܢܦܫܝ ܡܚܝܠܬܐ݂
289:04	ܕܐܒ݁ܕܬܝ܂ ܘܬܘܒ ܠܝܗܘܕܐ ܫܠܝܚܐ ܕܝܫܘܥ ܐܠܗܐ ܚ݂݁ܝܐ܂
289:05	ܬܘܒ ܠܐ ܚ݁ܙܝܐ ܐܢܐ܂ ܡܛܠ ܕܪܘܫܡܐ ܥܕܡܐ ܠܗܫܐ݂
289:06	ܠܐ ܩܒ݂݁ܠܬ ܡܢܗ܂ ܘܥܪܩ݂ܬ ܘܐܙܠ݂ܬ ܠܗ݀ ܠܫܘܩܐ ܚܕ
289:07	ܘܐܡ݁ܪܐ ܕܦܩ݁ܚ ܠܝ ܕܢܐܚܕܘܢܢܝ ܐܚܪ̈ܢܐ ܡ̈ܣܟܢܐ
289:08	ܘܡܦܝܣܐ ܐܢܐ ܠܗܘܢ܂ ܘܠܐ ܢܐܚܕܢܝ ܓܒܪܐ ܗܢܐ
289:09	ܪܒܐ ܕܫܘܚܕܐ ܠܐ ܫ݁ܩܠ ܡܢܝ ܀ ܀ 119܂1 ܘܟܕ ܗܠܝܢ ܡܓܕܘܢܝܐ
289:10	ܡܬܪܥܝܐ ܗܘܬ݂܂ ܐܬ݂ܐ ܝܗܘܕܐ ܘܥܠ ܒܬܪܗ݀܂ ܘܗ݂ܝ ܕܚܠ݂ܬ܂
289:11	ܘܡܢ ܕܚܠܬܗ݂݀ ܢܦܠ݂ܬ܂ ܘܗ݂ܘ ܩܡ ܠܥܠ ܡܢܗ݂݀ ܘܐܡ݂ܪ ܠܗ݀܂ ܠܐ
289:12	ܬܕܚܠܝܢ ܡܓܕܘܢܝܐ܂ ܠܐ ܡܪܦܐ ܠܟܝ ܝܫܘܥ
289:13	ܡܫܝܚܐ܂ ܘܠܐ ܡܪܦܐ ܠܟܝ ܡܪܟܝ ܗ݀ܘ ܕܐܓܥ݂ܠܬܝ ܠܗ
289:14	ܢܦܫܟܝ܂ ܠܐ ܡܪܦܐ ܠܟܝ ܚ݁ܢܢܐ ܕܪ̈ܚܡ݂ܘܗܝ ܣܓܝܐ̈ܝܢ܂ ܠܐ
289:15	ܡܪܦܐ ܠܟܝ ܒܣܝܡܐ ܡܛܠ ܒܣܝܡܘܬܗ܂ ܠܐ ܡܪܦܐ
289:16	ܠܟܝ ܛ݁ܒܐ ܡܛܠ ܛܒܘܬܗ܂ ܠܐ ܡܪܦܐ ܠܟܝ ܪܒܐ ܡܛܠ
289:17	ܪܒܘܬܗ܂ 119܂2 ܩܘܡܝ ܠܟܝ ܡܢ ܐܪܥܐ ܗ݀ܝ ܕܚܕܐ ܙܒܢ ܠܥܠ
289:18	ܡܢܗ݀ ܗܘ݂ܝܬܝ ܠܟܝ܂ ܚܘܪܝ ܒܢܘܗܪܗ ܕܡܪܟܝ݁܂ ܕܠܐ ܡܪܦܐ
289:19	ܠܪ̈ܚܡ݁ܘܗܝ ܕܢܗܠ݁ܟܘܢ ܒܚܫܘܟܐ܂ ܚܙܝ ܠܠܘܝ݂ܐ ܕܥܒ݂̈ܕܘܗܝ݂܂
289:20	ܕܗ݂ܘ ܗ݀ܘܐ ܠܗܘܢ ܢܘܗܪܐ ܒܚܫܘܟܐ܂ ܚܙܝ ܠܐܝ݁ܠܐ
289:21	ܕܥܒ݂̈ܕܘܗܝ݂܂ ܕܗ݂ܘ ܗ݀ܘܐ ܠܗܘܢ ܡܥܕܪܢܐ ܒܐܘ̈ܠܨܢܐ ܀
289:22	119܂3 ܘܩܡ݂ܬ ܡܓܕܘܢܝܐ ܘܚܝܪܐ ܗܘܬ ܒܗ ܘܐܡ݁ܪܐ ܠܗ܂
289:23	ܠܐܝܟܐ ܐܙܠ݁ ܗܘܝܬ ܡܪܝ܂ ܘܡ݁ܢ݂ܘ ܐܦܩܟ ܡܢ ܚܒܘܫܝܐ