The Comprehensive Aramaic Lexicon

290:01	ܠܒܪ ܕܬܚ݂ܙܐ ܫܡ݂ܫܐ ܀ ܐܡ݁ܪ ܠܗ݀ ܝܗܘܕܐ܂ ܡܪܢ ܝܫܘܥ
290:02	ܡܫܝܚܐ݂܂ ܚܝܠܬܢ ܗܘ ܡܢ ܟܠܗܘܢ ܚ̈ܝܠܐ ܘܡ̈ܠܟܐ
290:03	ܘܫ̈ܘܠܛܢܐ܂ ܗ݂ܘ ܦܬ݂ܚ ܬܪ̈ܥܐ ܘܕܡ݁ܟ ܠܢܛܘܪ̈ܐ ܀ ܀
290:04	120܂1 ܐܡ݁ܪܐ ܠܗ ܡܓܕܘܢܝܐ܂ ܗܒ ܠܝ ܪܘܫܡܗ ܕܝܫܘܥ
290:05	ܡܫܝܚܐ܂ ܘܐ݁ܩܒܠ ܡ݁ܘܗܒܬܗ ܡܢ ܐܝ݂̈ܕܝܟ܂ ܥܕܠܐ
290:06	ܬܦܘܩ ܠܟ ܡܢ ܥܠܡܐ܂ ܘܕܒ݂ܪܬܗ ܘܐܙܠ݂ܬ݂‍{‍‍{‍ܝ‍}‍‍}‍ ܘܥܠ݂ܬ
290:07	ܠܕܪܬܗ݂݀܂ ܘܐܥܝܪܬܗ݀ ܠܡܪܒܝܢܝܬܗ݀ ܘܐܡ݁ܪܐ ܠܗ݀܂ ܐܡܝ
290:08	ܘܡܪܒܝܢܝܬܝ ܢܪܩܝܐ݂܂ ܟܠܗܘܢ ܥܘܕܪ̈ܢܝܟܝ ܕܠܘܬܝ܃ ܘܢܝ̈ܚܝܟܝ
290:09	ܕܡܢ ܛܠܝܘܬܝ ܘܠܟܐ݂܂ ܐܝܩܐ ܥܒܕܬܝ ܐܢܘܢ ܠܝ܂
290:10	ܘܛܝܒܘܬܝ ܕܙܒܢܐ ܙܥܘܪܐ܂ ܐܚܝܕܐ ܐܢܐ ܠܟܝ ܒܗܘܢ܂
290:11	ܐܠܐ ܥܒ݂ܕ ܒܝ ܛܝܒܘܬܐ ܗܕܐ ܕܠܥܠܡ ܘܬ‍{‍ܐ‍}‍‍<‍ܬ‍>‍ܦܪܥܝܢ ܡܢ
290:12	ܗ݀ܘ ܕܟܠ ܡܕܡ ܝܗ݂ܒ ܠܕܝܠܗ܂ ܘܙܒܢܐ ܡܢܗܘܢ ܠܐ
290:13	ܡ݁ܥܕܐ܂ 120܂2 ܐܡ݁ܪܐ ܠܗ݀ ܢܪܩܝܐ܂ ܡܢܐ ܨܒܝܬܝ ܒܪܬܝ
290:14	ܡܓܕܘܢܝܐ܂ ܘܡܢܐ ܢܝ݁ܚܐ ܐܝܬ ܠܟܝ݁܂ ܕܟܠܗܘܢ ܐܝܩܪ̈ܐ
290:15	ܩ̈ܕܡܝܐ ܐܫܬܘܕܝܬܝ ܠܝ ܕܬܥܒܕܝܢ ܠܝ܂ ܠܐ ܓܝܪ ܫܒܩܟܝ
290:16	ܓܒܪܐ ܐܟܣܢܝܐ܂ ܘܥܒ݂ܕܬܝܢܝ ܚܣܕܐ ܒܐܬܪܐ ܗܢܐ܂
290:17	ܗܫܐ ܟܝ ܡܢܐ ܒܥܝܬܝ ܕܬܥܒܕܝܢ ܠܝ ܚܕܬܐܝܬ܂ 120܂3 ܐܡ݁ܪܐ
290:18	ܠܗ݀܂ ܗܘ݂ܝ ܠܝ ܫܘܬܦܬܐ ܒ̈ܚܝܐ ܕܠܥܠܡ܂ ܘܐ݁ܩܒܠ ܡܢܟܝ
290:19	ܬܪܒܝܬܐ ܡܫܠܡܢܝܬܐ܂ ܓܪܝܨܬܐ ܕܠܚܡܐ ܓܢܘܒ
290:20	ܠܝ܃ ܘܡܙܓܬܐ ܕܚܡܪܐ ܐܦܩ ܠܝ܂ ܘܚܘܣ ܥܠ
291:01	ܚܐܪܘܬܝ ܀ ܐܡ݁ܪܐ ܠܗ݀ ܢܪܩܝܐ܂ ܐܢܐ ܡܝܬܝܐ ܐܢܐ
291:02	ܠܟܝ ܠܚܡܐ ܣܓܝܐܐ܂ ܘܪ̈ܒܥܐ ܕܚܡܪܐ ܣ̈ܓܝܐܐ܂
291:03	ܘܨܒܝܢܟܝ ܡܫܠܡܢܐ ܐܢܐ ܀ ܐܡ݁ܪܐ ܠܗ݀ ܡܓܕܘܢܝܐ
291:04	ܠܢܪܩܝܐ ܡܪܒܝܢܝܬܗ݀܂ ܪ̈ܒܥܐ ܣ̈ܓܝܐܐ݂ ܠܐ
291:05	ܐܙܠܝܢ ܠܝ܂ ܐܠܐ ܡܙܓܬܐ ܒܟܣܐ݂܂ ܘܠܚܡܐ ܚܕ
291:06	ܫܠܡ݂ܐ݂ ܘܡܫܚܐ ܩܠܝܠ܂ ܐܦܢ ܒܫܪܓܐ ܐܝܬܝ ܠܝ ܀
291:07	121܂1 ܘܟܕ ܐܝܬܝ݂ܬ ܠܗ݀ ܢܪܩܝܐ݂܂ ܓܠ݂ܬ ܪܝܫܗ݀ ܡܓܕܘܢܝܐ݂܂ ܘܩܕܡ
291:08	ܫܠܝܚܐ ܩܕܝܫܐ ܩܝܡܐ ܗܘܬ܂ ܘܫܩܠ ܗܘܐ ܗ݀ܘ ܡܫܚܐ݂܂
291:09	ܘܐܪܡܝ ܒܪܝܫܗ݂݀܂ ܘܐܡ݂ܪ܂ ܡܫܚܐ ܩܕܝܫܐ ܕܠܡܫܝܚܘܬܐ
291:10	ܐܬܝܗܒ ܠܢ܂ ܘܪܐܙܐ ܟܣܝܐ ܕܨܠܝܒܐ ܕܒܗ ܐܬܚܙܝ܂
291:11	ܐܢܬ ܗܘ ܡܦܫܛܢܐ ܕܗ̈ܕܡܐ ܟ̈ܦܝܦܐ܂ ܐܢܬ ܗܘ ܡܪܢ
291:12	ܝܫܘܥ ܚ̈ܝܐ ܘܚܘܠܡܢܐ ܘܫܘܒܩܢ ܚ̈ܛܗܐ܂ ܢܐܬܐ ܚܝܠܟ
291:13	ܘܢܫ݂ܪܐ ܥܠ ܡܫܚܐ ܗܢܐ݁܂ ܘܩܕܝܫܘܬܟ ܬܥܡ݂ܪ ܒܗ܂
291:14	ܘܐܪܡܝ ܒܪܝܫܗ݀ ܕܡܓܕܘܢܝܐ ܘܐܡ݂ܪ܂ ܐܣܗ݀ ܡܢ ܫܘ̈ܡܬܗ݀
291:15	ܩܕܡ̈ܝܬܐ݂܂ ܘܐܫܝܓ ܡܢܗ݀ ܚܒܪ̈ܬܗ݀܂ ܘܚܝܠ ܡܚܝܠܘܬܗ݀ ܀
291:16	121܂2 ܘܟܕ ܐܪܡܝ ܡܫܚܐ ܒܪܝܫܗ݀ ܐܡ݂ܪ ܠܡܝܢܩܬܗ݀ ܕܬܡܫܚܝܗ݂݀܂
291:17	ܘܬܡܚܐ ܠܗ݀ ܣܕܘܢܐ ܒܚܨ̈ܝܗ݂݀ ܘܐܝܬܝ ܗܘܐ ܦܘܣܩܝܢ
291:18	ܕܐܓܘܓܐ ܕܝܠܗܘܢ܂ ܘܣܠܩ ܩܡ ܠܗ ܠܥܠ ܡܢܗ
291:19	ܝܗܘܕܐ݁܂ ܘܐܥܡܕܗ݀ ܠܡܓܕܘܢܝܐ ܒܫܡ ܐܒܐ ܘܒܪܐ
291:20	ܘܪܘܚܐ ܕܩܘܕܫܐ ܀ 121܂3 ܘܟܕ ܣܠܩ݂ܬ ܘܠܒ݂ܫܬ݂܂ ܐܝ݁ܬܝ ܘܩܨ݂ܐ
291:21	ܐܘܟܪܣܛܝܐ ܘܟܣܐ݂܂ ܘܫܘܬܦܗ݀ ܠܡܓܕܘܢܝܐ ܒܦܬܘܪܗ
291:22	ܕܡܫܝܚܐ܂ ܘܒܟܣܐ ܕܒܪܗ ܕܐܠܗܐ܂ ܘܐܡ݂ܪ ܠܗ݀ ܡܟܝܠ
292:01	ܩܒܠܬܝ ܠܟܝ ܪܘܫܡܐ݂܂ ܘܩܢܝܬܝ ܠܟܝ ܚܝ̈ܝܟܝ ܕܠܥܠܡ ܥܠܡܝܢ܂
292:02	ܘܩܠܐ ܐܫܬ݂ܡܥ ܡܢ ܫܡܝܐ ܕܐܡ݁ܪ܂ ܐܝܢ ‍{‍ܘ‍}‍ܐܡܝܢ ‍<‍ܘ‍>‍ܐܡܝܢ ܀
292:03	ܘܟܕ ܫܡܥ݂ܬ ܢܪܩܝܐ ܩܠܐ ܗܢܐ ܬܘ݂ܪܬ݂܂ ܘܒܥ݂ܬ ܐܦ ܗ݂ܝ ܡܢܗ
292:04	ܡܢ ܫܠܝܚܐ݂܂ ܕܐܦ ܗ݂ܝ ܬܩܒܠ ܪܘܫܡܐ ܘܝܗ݂ܒ ܠܗ݀
292:05	ܘܐܡ݂ܪ܂ ܬܗܘ݂ܐ ܥܡܟܝ ܛܝܒܘܬܗ ܕܝܫܘܥ݂ ܐܝܟ ܕܥܡ
292:06	ܫܪܟܐ ܕܚܒܪ̈ܬܟܝ݂܂ ܘܐܙܠ݂ ܗܘܐ ܕܢܬܚܒܫ ܘܐܫܟܚ ܗܘܐ
292:07	ܬܪ̈ܥܐ ܟܕ ܦܬܝ̈ܚܝܢ܃ ܘܢܛܘܪ̈ܐ ܟܕ ܕܡܝܟܝܢ ܀ 122܂1 ܘܐܡ݂ܪ
292:08	ܝܗܘܕܐ܂ ܡ݁ܢ݂ܘ ܐܟܘܬܟ ܐܠܗܐ݁܂ ܕܚܘܒܗ ܘܪ̈ܚܡܘܗܝ ܡܢ
292:09	ܐܢܫ ܠܐ ܟܠܐ܂ ܡ݁ܢ݂ܘ ܕܕܡ݁ܐ ܠܟ ܒܪ̈ܚܡ݂ܐ ܘܒܚܢ݂ܢܐ݁܂
292:10	ܐܠܐ ܐܒܘܟ ܕܦܨܝ ܠܥܠܡ̈ܘܗܝ ܡܢ ܐܘܠܨܢܐ ܘܡܢ
292:11	ܛܘܥܝܝ܂ ܚܘܒܐ ܕܙܟ݂ܐ ܠܪܓܬܐ܂ ܫܪܪܐ ܕܒ݁ܛܠ
292:12	ܠܕܓܠܘܬܐ܂ ܫܦܝܪܐ ܕܣܢܝܬܐ ܒܗ ܠܐ ܡܬܚܙܝܐ܂
292:13	ܡܟܝܟܐ ܕܠܪܡܘܬܐ ܣܚ݂ܦ܂ ܚ݂݁ܝܐ ܕܠܡ݁ܘܬܐ ܒ݁ܛܠ܂
292:14	ܘܢܝ݂ܚܐ ܕܠܠܐܘܬܐ ܦܣ݂ܩ܂ ܫܘܒܚܐ ܠܝܚܝܕܐ ܕܡܢ ܐܒܐ݁
292:15	ܫܘܒܚܐ ܠܪ̈ܚܡ݂ܐ ܕܡܢ ܪ̈ܚܡ݂ܐ ܐܫܬܕܪܘ܂ ܫܘܒܚܐ
292:16	ܠܪ̈ܚܡ݂ܝܟ ܕܗ݂ܘܘ ܥܠܝܢ ܀ 122܂2 ܘܟܕ ܗܠܝܢ ܐܡ݂ܪ܂ ܐܬܬܥܝܪܘ
292:17	ܢܛܘܪ̈ܐ݂܂ ܘܐܫܟܚܘ ܬܪ̈ܥܐ ܟܠܗܘܢ ܟܕ
292:18	ܦܬܝܚܝܢ܂ ܘܐܦ ܚ̈ܒܝܫܐ݂ ܟܕ ܕܡܝܟܝܢ܂ ܘܐܡ݁ܪܝܢ ܗܘܘ݂܂
292:19	ܕܚܢܢ ܛܥܝܢ ܐܢܘܢ ܠܬܪ̈ܥܐ ܗܠܝܢ ܘܠܐ ܐܚܕܢ ܐܢܘܢ܂
292:20	ܐܠܘ ܓܝܪ ܡܢ ܣܩܘܒܠܐ ܗܘܬ ܗܕܐ ܠܐ ܦܐ݁ܫ ܗܘܐ
292:21	ܐܢܫ ܬܢܢ ܀ ܀ 123܂1 ܘܟܪܝܫ ܩ݁ܕܡ ܒܨ݁ܦܪܐ ܠܘܬ ܡܓܕܘܢܝܐ܂
292:22	ܘܠܘܬ ܡܪܒܝܢܝܬܗ݀ ܐܙܠ݂ ܘܐܫܟܚܗ݀ ܠܗ݀ ܘܠܡܪܒܝܢܝܬܗ݀܂
293:01	ܟܕ ܡܨ̈ܠܝܢ ܘܐܡܪ̈ܢ܂ ܐܠܗܐ ܚ݂ܕܬܐ ܕܒܝܕ ܓܒܪܐ
293:02	ܐܟܣܢܝܐ ܐܬ݂ܐ ܠܟܐ܃ ܐܠܗܐ ܩܕܝܫܐ ܕܡܢ ܐܢܫܘܬܐ
293:03	ܟܠܗ݀ ܕܗ̈ܢܕܘܝܐ ܟܣܐ܃ ܐܠܗܐ ܕܚ݂݁ܘܝ ܠܢ ܫܘܒܚܗ ܒܝܕ
293:04	ܫܠܝܚܗ ܬܐܘܡܐ݂܂ ܐܠܗܐ ܕܒܛܒ݂ܗ ܫܡܥܢ ܘܗܝܡܢ‍<‍ܢ‍>‍
293:05	ܒܗ݂܂ ܐܠܗܐ ܕܡܛܠ ܕܐܪ̈ܓܫܢ ܕܐܝܬ ܠܗ ܚ̈ܝܐ܂ ܠܘܬܗ
293:06	ܪ̈ܗܛܢ ܕܢܚܝܢ܃ 123܂2 ܐܠܗܐ ܕܡܛܠ ܪ̈ܚܡ݂ܘܗܝ ܘܚܢ݂ܢܗ ܐܫܬܘܫܛ
293:07	ܥܕܡܐ ܠܙܥܘܪܘܬܢ܂ ܐܠܗܐ ܕܒܥܢ ܟܕ ܠܐ ܝ݁ܕܥܝܢ ܗܘܝܢ
293:08	ܠܗ܃ ܐܠܗܐ ܕܝܬ݂ܒ ܒܪܘܡܐ ܘܠܐ ܡܬܟܣܐ ܡܢܗ
293:09	ܡܕܡ ܒܥܘܡܩܐ ܗܘ܂ ܐܢܬ ܡܪܝ ܒܛܠܝܗ݀ ܡܢܢ
293:10	ܠܫܚܝܢܘܬܗ ܕܟܪܝܫ܂ ܐܢܬ ܡܪܝ ܣܛܘܡܝܗܝ ܠܦܘܡܗ
293:11	ܫ݁ܩܪܐ܂ ܘܐܢܬ ܐܪܡܝܗܝ ܬܚܝܬ ܪ̈ܓܠܐ ܕܡ̈ܗܝܡܢܝܟ ܀
293:12	123܂3 ܘܟܕ ܗܠܝܢ ܫܡ݂ܥ ܟܪܝܫ܂ ܐܡ݁ܪ ܠܗ݀ ܠܡܓܕܘܢܝܐ܂ ܫܦܝܪ
293:13	ܩ݁ܪܝܬܝ ܠܝ ܒܝ݂ܫܐ ܘܫܚܝܢܐ ܘܣܢܝܐ ܘܡܪܝܪܐ܂ ܐܠܘ ܓܝܪ
293:14	ܠܟܝ ܨܒܝܢܐ ܠܐ ܥ݁ܒܕܬ܂ ܗܕܐ ܒܝ݂ܫܬܐ ܘܡܪܝܪܘܬܐ ܠܐ
293:15	ܚܕܪܬܢܝ܂ ܘܠܐ ܗܘܐ ܠܚܪܫܘܬܗ ܕܗ݀ܘ ܩ݁ܪܝܐ ܗܘ‍<‍ܝ‍>‍ܬ‍<‍ܝ‍>‍
293:16	ܥܠܝ܂ ܐܠܐ ‍{‍‍{‍ܗܟܝܠ‍}‍‍}‍ ܡܢܐ ‍<‍‍<‍ܗܟܝܠ‍>‍‍>‍ ܪܥܝܢܐ ܫܩ݂ܠܬܝ ܡܓܕܘܢܝܐ܂
293:17	ܘܡܢܐ ܨܒܝܬܝ ܐܥ݁ܒܕ ܠܟܝ܂ ܗܝܡܢܝܢܝ ܡܓܕܘܢܝܐ݂܂ ܕܠܝܬ
293:18	ܒܗ ܚܫܚܘ ܒܗ݀ܘ ܚ݁ܪܫܐ܂ ܘܐܦܠܐ ܥ݁ܒܕ ܡܕܡ
293:19	ܕܡܫܬܘܕܐ ܠܐܢܫ܂ ܐܢܐ ܕܝܢ ܒܥ̈ܝܢܝܟܝ ܡ݁ܚܘܐ ܐܢܐ
293:20	ܠܟܝ ܟܘܠ ܡܕܡ ܕܐܡ݁ܪ ܐܢܐ ܠܟܝ܃ ܐܢ ܗ݂ܘ ܕܬܬܛܦܝܣܝܢ
293:21	ܠܝ ܘܬܫܡܥܝܢ ܡ̈ܠܝ܃ ܘܬܗܘܝܢ ܠܘܬܝ ܐܝܟ ܕܐܝܬܝܟܝ ܗܘܝܬܝ
294:01	ܠܘܬܝ܂ 124܂1 ܘܩ݂ܪܒ ܗܘܐ ܬܘܒ ܠܘܬܗ݀ ܘܒܥ݁ܐ ܗܘܐ ܡܢܗ݀܂
294:02	ܘܐܡ݁ܪ ܠܗ݀܂ ܠܝ ܠܐ ܗܘܝܐ ܠܝ ܠܐܘܬܐ ܐܢ ܐܢܬܝ
294:03	ܬܬܛܦܝܣܝܢ ܠܝ܂ ܐܬܕܟܪܝ ܚܬܝ ܝܘܡܐ ܕܡܫܬܘܬܟܝ܃
294:04	ܘܝܘܡܐ ܩܕܡܐ ܕܒܗ ܠܝ ܐܩܒܠܬܝ܃ ܘܐܡ݂ܪ ܠܝ
294:05	ܗܫܐ ܒܫܪܪܐ܂ ܡ݁ܢ݂ܘ ܡܝܬܪ ܠܟܝ܂ ܐܢܐ
294:06	ܒܗ݀ܘ ܙܒܢܐ܂ ܐܘ ܝܫܘܥ ܒܗܢܐ ܙܒܢܐ ܀ 124܂2 ܐܡ݁ܪܐ
294:07	ܠܗ ܡܓܕܘܢܝܐ܂ ܟܪܝܫ ܗ݀ܘ ܙܒܢܐ ܕܝܠܗ ܒܥ݁ܐ ܗܘܐ
294:08	ܘܒ݂݁ܛܠ܂ ܘܗܢܐ ܙܒܢܐ ܕܝܠܗ ܒܥ݁ܐ܂ ܗ݀ܘ ܙܒܢܐ
294:09	ܕܫܘܪܝܐ݂܂ ܘܗܢܐ ܙܒܢܐ ܕܫܘܠܡܐ܂ ܗ݀ܘ ܙܒܢܐ ܕܚ̈ܝܐ
294:10	ܕܙܒܢܐ ܕܥ݁ܒܪ܂ ܘܗܢܐ ܙܒܢܐ ܕܚ̈ܝܐ ܕܠܥܠܡ܂ ܗ݀ܘ
294:11	ܙܒܢܐ ܕܚܕܘܬܐ ܕܥ݁ܒܪܐ݂܂ ܘܗܢܐ݁ ܙܒܢܐ ܕܚܕܘܬܐ
294:12	ܕܠܥܠܡ ܕܠܐ ܥ݁ܒܪܐ܂ ܗ݀ܘ ܙܒܢܐ ܕܐܝܡܡܐ ܘܕܠܠܝܐ݂܂
294:13	ܘܗܢܐ ܙܒܢܐ ܐܝܡܡܐ ܕܠܐ ܠܠܝܐ܂ 124܂3 ܗ݀ܝ ܡܫܬܘܬܐ
294:14	ܚ݂ܙܝܬ ܐܝܟܢܐ ܥܒ݂ܪܬ ܘܒܛܠ݂ܬ܂ ܗܕܐ ܕܝܢ ܡܫܬܘܬܐ݁
294:15	ܠܥܠܡ ܠܐ ܥ݁ܒܪܐ܂ ܗ݀ܝ ܡܫܬܘܬܐ ܕܚ݁ܒܠܐ݂܂ ܘܗܕܐ
294:16	ܡܫܬܘܬܐ ܕܚ̈ܝܐ ܕܠܥܠܡ܂ ܗ݀ܢܘܢ ܫܘ̈ܫܒܝܢܐ
294:17	ܘܫ̈ܘܫܒܝܢܝܬܐ ܕܥ݁ܒܪܝܢ܂ ܘܗܠܝܢ ܫ̈ܘܫܒܝܢܐ ܘܫ̈ܘܫܒܝܢܝܬܐ
294:18	ܡܗ̈ܝܡܢܐ ܕܠܥܠܡ ܡܟܬܪܝܢ܂ ܗ݀ܘ ܡܩܡ ܥܠ ܥܦܪܐ
294:19	ܕܐܬܕܒ݁ܪ ܒܗ ܚܒܨܐ܂ ܘܗܢܐ ܩܐ݁ܡ ܥܠ ܡܥܒܪܬܐ
294:20	ܕܢܘܪܐ ܕܐܬܪܣܣ ܒܗ݀ ܚܢ݂ܢ݂ܐ܂ 124܂4 ܗ݀ܘ ܒܝܬ ܓܢܘܢܐ
294:21	ܕܡܫܬܪܐ݂܂ ܘܗܢܐ ܒܝܬ ܓܢܘܢܐ ܕܠܥܠܡ ܡ݁ܩܘܐ܂ ܗ݂ܝ
294:22	ܥܪܣܐ ܕܩܪܝܡܐ ܒ̈ܢܚܬܐ ܛܒ̈ܐ ܕܒܠ݂ܝܘ܂ ܘܗܕܐ
295:01	ܥܪܣܐ ܕܩܪܝܡܐ ܒܚܘܒܐ ܘܗܝܡܢܘܬܐ ܕܫܪܪܐ܂
295:02	ܐܢܬ ܚܬܢܐ ܕܥ݁ܒܪ ܘܡܬܚܠܦ݂܂ ܘܝܫܘܥ ܚܬܢܐ ܕܫܪܪܐ
295:03	ܕܠܥܠܡ ܡܩܘܐ݁܂ ܘܬܘܒ ܠܐ ܡ݁ܐܬ ܘܠܐ ܡܬܚ݁ܒܠ܂
295:04	ܗ݀ܘ ܪܘܡܝܢܐ ܟܣܦܐ ܘܢܚ̈ܬܐ ܕܒ݁ܠܝܢ ܘܥ݁ܒܪܝܢ܂ ܘܗܢܐ
295:05	ܪܘܡܝܢܐ ܕܡ̈ܠܐ ܚ̈ܝܬܐ ܕܠܥܠܡ ܠܐ ܥܒܪ̈ܢ ܀ 125 ܘܟܕ
295:06	ܗܠܝܢ ܫܡ݂ܥ ܟܪܝܫ݂܂ ܐܙܠ݂ ܠܡܙܕܝ ܡ݁ܠܟܐ ܐܫܬܥܝ܂
295:07	ܘܐܡ݂ܪ ܡܙܕܝ ܡ݁ܠܟܐ܂ ܢܝ݁ܬܐ ‍{‍‍{‍ܘܢܒܕܝܘܗܝ‍}‍‍}‍ ܢܘ݁ܒܕܝܘܗܝ܂ ܐܡ݁ܪ ܠܗ
295:08	ܟܪܝܫ ܪܚܡ݁ܗ܂ ܐ݁ܓܪ ܥܠܘܗܝ ܪܘܚܐ ܩܠܝܠ݂܂ ܘܐܦܩܝܗܝ
295:09	ܘܐܡ݂ܪ ܠܗ݂ ܘܕܚܠܝܗܝ܂ ܟܒܪ ܐܙܠ݁ ܘܡܦܝܣ ܠܗ݀
295:10	ܠܡܓܕܘܢܝܐ݁܂ ܕܬܗܘ݂ܐ ܠܘܬܝ ܐܟܡܐ ܕܐܝܬܝܗ݀ ܗܘܬ܃ ܀
295:11	ܘܫܕܪ ܡܙܕܝ ܡ݁ܠܟܐ݂܂ ܘܐܝܬܝܗ ܠܝܗܘܕܐ ܬܐܘܡܐ
295:12	ܫܠܝܚܗ ܕܡܪܝܡܐ܂ ܘܥܝܝܩܐ ܗܘܬ ܠܗܘܢ܂ ܠܟܠܗܘܢ
295:13	ܗ݀ܢܘܢ ܚ̈ܒܝܫܐ݁܂ ܡܛܠ ܕܐܙܠ݂ ܗܘܐ ܠܗ ܝܗܘܕܐ ܫܠܝܚܐ
295:14	ܡܢ ܨܐܝܕܝܗܘܢ܂ ܘܒܥ݁ܝܢ ܗܘܘ ܠܗ݂ ܘܐܡܪܝܢ܂ ܕܐܦ
295:15	ܦܘܪܓܝܐ ܕܐܝܬ ܗܘܐ ܠܢ ܕܒ݁ܪܘܗܝ ܡܢ
295:16	ܠܘܬܢ܂ 126܂1 ܡܙܕܝ ܕܝܢ ܡ݁ܠܟܐ݂ ܐܡ݂ܪ ܠܗ ܠܝܗܘܕܐ܂ ܠܡܢܐ
295:17	ܡ݁ܠܦ ܐܢܬ ܝܘܠܦܢܐ ܕܐܠܗ̈ܐ ܘܐܢ̈ܫܐ ܣ݁ܢܝܢ ܠܗ܂ ܘܡܕܡ
295:18	ܕܫܦܝܪ ܠܝܬ ܒܗ ܀ ܀ ܐܡ݁ܪ ܠܗ ܝܗܘܕܐ܂ ܡܢܐ ܕܒܝܫ
295:19	ܡ݁ܠܦ ܐܢܐ܂ ܐܡ݁ܪ ܠܗ ܡܙܕܝ܂ ܕܐܡ݁ܪ ܐܢܬ ܕܠܐ ܠܡ
295:20	ܚܝܝܢ ܒ̈ܢܝܢܫܐ ܠܘܬ ܐܠܗܐ܂ ܐܠܐ ܢܛܪܘܢ ܢܦܫܗܘܢ
295:21	ܕܟܝܐܝܬ ܠܐܠܗܐ ܗ݀ܘ ܕܡ݁ܟܪܙ ܐܢܬ ܀ 126܂2 ܐܡ݁ܪ ܠܗ ܝܗܘܕܐ܂
295:22	ܫܪܝܪܐܝܬ ܗܟܢܐ ܐܡ݁ܪ ܐܢܐ݂܂ ܘܠܐ ܡܕܓܠ ܐܢܐ
296:01	ܒܡܕܡ ܕܐܡ݁ܪ ܐܢܐ܂ ܕܠܡܐ ܡܫܟܚܝܢ ܦܠܚ݂̈ܝܟ
296:02	ܒܠܒܘܫܐ ܡܨܥܪܐ ܠܡܩܡ ܩܕܡܝܟ܃ ܐܘ ܟܕ ܨܐܝܢ
296:03	ܐܘ ܟܕ ܣ݂ܢܝܢ܂ ܐܢܬ ܗܟܝܠ ܕܡ݁ܠܟܐ ܐܢܬ ܐܪ̈ܥܢܐ
296:04	ܘܒܐܪܥܐ ܡܬܚ݁ܒܠ ܐܢܬ܃ ܨ̈ܒܘܬܐ ܗܘ ܫܦܝܪ̈ܬܐ
296:05	ܘܢ̈ܩܕܬܐ ܒܥ݂݁ܝܬ ܒܝܕ ܦܠܚ݂̈ܝܟ܂ ܠܗܢܐ ܡ݁ܠܟܐ ܕܝܠܝ܃
296:06	ܐܝܟܢܐ ܐܡ݁ܪ‍{‍ܝܢ‍}‍ ܐܢܬ ܕܒܝ݂ܫܐܝܬ ܐܡ݁ܪ ܐܢܐ ܕܢܦܠܚܘܢ
296:07	ܠܗ ܦܠܚ̈ܘܗܝ ܒܩܕܝܫܘܬܐ ܘܒܕܟܝܘܬܐ ܘܒܥܢܘܝܘܬܐ܂
296:08	ܘܢܗܘ݂ܘܢ ܕܠܐ ܨܦܬܐ ܘܕܠܐ ܥܩܬܐ݁܂ ܘܢܓܗܘܢ ܡܢ
296:09	ܛܥܢܐ ܝܬܝܪܐ ܕܒ̈ܢܝܐ ܘܕܒ̈ܢܬܐ݁܂ ܘܡܢ ܨܦܬܐ ܝܬܝܪܬܐ
296:10	ܕܥܘܬܪܐ݁܂ ܘܡܢ ܫܓܝܫܘܬܐ ܘܣܦܝܩܘܬܐ ܕܢܟܣ̈ܐ܂ 126܂3 ܐܝܠܝܢ
296:11	ܓܝܪ ܕܠܟ ܡܫܡܫܝܢ ܘܠܟ ܡܫܬܥܒܕܝܢ܂ ܒܕܘܒܪ̈ܝܟ
296:12	ܨ݁ܒ݂ܝܬ ܕܗ݂ܘܘ ܡܬܕܒ݁ܪܝܢ܂ ܘܐܢ ܥ݁ܒܪ ܚܕ ܡܢܗܘܢ
296:13	ܥܠ ܚܕ ܡܢ ܦܘ̈ܩܕܢܝܟ܃ ܡܣ݁ܡ ܒܪܝܫܐ ܡܢܟ ܡܩܒܠܝܢ ‍{‍‍{‍ܡܢܗ‍}‍‍}‍܂

296:14	ܚܕ ܟܡܐ ܗܢܐ ܐܠܗܐ ܕܝܠܝ܃ ܕܘ݁ܠܐ ܠܢ ܠܐܝܠܝܢ ܕܗܝܡܢܢ

296:15	ܒܫܡܗ܃ ܕܢܦܠܚܝܘܗܝ ܒܕܟܝܘܬܐ ܘܒܩܕܝܫܘܬܐ
296:16	ܘܒܥܢܘܝܘܬܐ݁܂ ܘܒܙܗܝܘܬܐ܂ ܘܒܢܟܦܘܬܐ݁܂ ܘܗ̈ܘ݂ܝ ܡܢܟܪ̈ܝܢ
296:17	ܡܢܢ ܟܠܗܝܢ ܗܠܝܢ ܦܓܪ̈ܢܝܬܐ܂ ܓܘܪܐ ܘܓܢܒܘܬܐ
296:18	ܘܪܘܝܘܬܐ ܘܐ‍{‍ܘ‍}‍ܣ‍<‍ܘ‍>‍ܛܘܬܐ ܘܦܘܠܚܢܐ ܕܟܪܣܐ݁܂ ܘܥ݁ܒ̈ܕܐ
296:19	ܕܒܗܬܬܐ ܘܣܘܥܪ̈ܢܐ ܣ̈ܢܝܐ ܀ ܀ 127܂1 ܘܟܕ ܗܠܝܢ ܫܡ݂ܥ
296:20	ܡܙܕܝ ܡ݁ܠܟܐ ܐܡ݂ܪ ܠܗ ܠܝܗܘܕܐ܂ ܗܐ ܫ݁ܪܐ ܐܢܐ ܠܟ̈
297:01	ܙܠ ܐܦܝܣܝܗ݀ ܠܡܓܕܘܢܝܐ ܐܢܬܬܗ ܕܟܪܝܫ ܕܠܐ ܬܦܪܘܫ
297:02	ܡܢܗ ܀ ܀ ܐܡ݁ܪ ܠܗ ܝܗܘܕܐ܂ ܐܢ ܡܕܡ ܨ݂݁ܒܝܬ ܠܡܥܒܕ
297:03	ܠܝ݂ ܠܐ ܬܫܬܘܚܪ܂ ܗ݀ܝ ܓܝܪ܃ ܐܢ ܫܪܝܪܐܝܬ
297:04	ܩܒܠ݂ܬ ܡܕܡ ܕܫܡܥ݂ܬ݂܂ ܠܐ ܦܪܙܠܐ ܘܠܐ ܢܘܪܐ܂ ܘܠܐ
297:05	ܐܚܪܢܐ ܕܡܢ ܗܢܐ ܩ݂݁ܫܐ ܥ݁ܒܕ ܠܗ݀ ܡܕܡ܃ ܘܦܣ݁ܩ
297:06	ܠܗ ܠܗ݀ܘ ܕܐܚܝܕ ܒܢܦܫܗ݀ ܀ 127܂2 ܐܡ݁ܪ ܠܗ ܡܙܕܝ ܡ݁ܠܟܐ
297:07	ܠܝܗܘܕܐ܂ ܫܡ݂ܝܥ ܠܝ܂ ܕܠܚ݂ܪ̈ܫܐ݂ ܚ݁ܪ̈ܫܐ ܫ݁ܪܝܢ܂
297:08	ܘܠܡܚܘܬܐ ܕܐܟܕܢܐ݂ ܬܪܝܩܐ ܫܪܝܐ܂ ܗ݀ܝ ܕܗ݀ܘܝܐ
297:09	ܡܢ ܚܝܘܬܐ ܐܚܪܬܐ݁܂ ܕܒܝ݂ܫܐ ܡܢ ܐܟܕܢܐ܂ ܗܫܐ
297:10	ܗܟܝܠ ܐܢ ܨ݁ܒܐ ܐܢܬ܃ ܡܫܟܚ ܐܢܬ ܫ݁ܪܝܬ ܠܗܘܢ
297:11	ܠܚܪ̈ܫܝܟ܂ ܗ݀ܢܘܢ ܩ̈ܕܡܝܐ݂܂ ܘܥ݁ܒ݂ܕܬ ܫܝܢܐ ܘܐܘܝܘܬܐ
297:12	ܒܝܢܬ ܓܒܪܐ ܠܐܢܬܬܗ܃ ܘܚܐ݁ܣ ܐܢܬ ܥܠ ܢܦܫܟ܂ ܠܐ
297:13	ܓܝܪ ܣܒܥ݂ܬ ܚܝ̈ܝܟ ܥܕܡܐ ܠܗܫܐ܂ ܕܥ ܕܝܢ ܕܐܢ ܠܐ
297:14	ܡܦܝܣܬ ܠܗ݂݀܂ ܡܢ ܚ̈ܝܐ ܗܠܝܢ ܕܚܒܝܒܝܢ ܠܟܠܢܫ݂܂ ܡܘܒܕ
297:15	ܐܢܐ ܠܟ ܡܢܗܘܢ܂ 127܂3 ܐܡ݁ܪ ܠܗ ܝܗܘܕܐ܂ ܗܠܝܢ ܚ̈ܝܐ
297:16	ܫܐܝ̈ܠܐ ܐܢܘܢ܂ ܘܗܢܐ ܙܒܢܐ ܥ݁ܒܪ ܘܡܬܚܠܦ܂
297:17	ܘܚ̈ܝܐ ܗ݀ܢܘܢ ܕܡ݁ܠܦ ܐܢܐ݂܂ ܠܥܠܡ ܠܐ ܥ݁ܒܪܝܢ ܘܠܐ
297:18	ܡܬܚܠܦܝܢ܂ ܘܫܘܦܪܐ ܗܢܐ ܘܥܠܝܡܘܬܐ ܕܗܫܐ
297:19	ܡܬܚܙܝܐ݂܂ ܒܬܪ ܩܠܝܠ ܠܝܬ ܠܝ ܀ ܐܡ݁ܪ ܠܗ ܡܙܕܝ ܡ݁ܠܟܐ܂
297:20	ܐܢܐ ܡܠܟܬܟ ܡܕܡ ܕܡܥܕܪ ܠܟ܂ ܐܢܬ ܕܝܢ ܝܬܝܪ ܡܢܝ
297:21	ܝ݁ܕܥ ܐܢܬ܂ 128܂1 ܘܟܕ ܢܦ݂ܩ ܝܗܘܕܐ ܬܐܘܡܐ ܡܢ ܩܕܡ
297:22	ܡܙܕܝ ܡ݁ܠܟܐ݂܂ ܐܬ݂ܐ ܟܪܝܫ ܠܘܬܗ ܘܐܡ݂ܪ ܠܗ܂ ܒܥ݁ܐ
298:01	ܐܢܐ ܡܢܟ܂ ܠܐ ܡܕܡ ܐ݁ܣܟܠܬ ܒܟ ܘܠܐ ܒܐܢܫ
298:02	ܐܚܪܝܢ܂ ܘܠܐ ܒܐܠܗ̈ܐ ܡܡܬܘܡ܂ ܠܡܢܐ ܗܕܐ
298:03	ܒܝ݂ܫܬܐ ܐܝ݂ܬܝܬ ܥܠܝ ܘܠܡܢܐ ܗܢܐ ܚܪܒܐ ܠܒܝܬܝ
298:04	ܐܥ݂݁ܠܬ܂ ܘܐܝܢܐ ܝܘܬܪܢܐ ܡ݁ܛܐ ܠܟ ܡܢ ܗܕܐ܂ ܦܩܘܕ
298:05	ܠܝ ܘܐܢܐ ܡ݁ܝܬܐ ܐܢܐ ܠܗ ܠܟ ܕܠܐ ܥܡܠܐ܂
298:06	ܘܠܡܢܐ ܠܝ ܬܥܒ݂ܕ ܣܢܝܐ ܘܐܢܬ ܡܢ ܐܝ݂̈ܕܝ ܠܐ ܬܬܦܠܛ܂
298:07	ܕܥ ܓܝܪ ܕܐܢ ܠܐ ܡܦܝܣܬ ܠܗ݀܂ ܠܟ ܡ݁ܘܒܕ ܐܢܐ܂
298:08	ܘܠܗ݀ ܡܢ ܗܠܝܢ ‍<‍‍<‍ܬܘܒ‍>‍‍>‍ ܚ̈ܝܐ ‍{‍‍{‍ܬܘܒ‍}‍‍}‍ ܡ݁ܘܒܕ ܐܢܐ܂ ܘ‍<‍ܐ‍>‍ܚܪ‍{‍ܐ‍}‍ܝܬ
298:09	ܐܢܐ ܡܢ ܥܠܡܐ ܢܦܫܝ ܡ݁ܘܒܕ ܐܢܐ܂ 128܂2 ܘܐܢ ܐܝܟ
298:10	ܕܐܡ݁ܪ ܐܢܬ ܐܝܬ ܚ̈ܝܐ ܘܡ݁ܘܬܐ܃ ܘܐܝܬ ܚܝܒܘܬܐ
298:11	ܘܙܟܘܬܐ܃ ܘܐܝܬ ܕܝܢ݂ܐ ܘܦܘܪܥܢܐ݂܂ ܬܡ݁ܢ ܥܡܟ
298:12	ܒܕܝܢ݂ܐ ܩܐ݁ܡ ܐܢܐ܂ ܘܐܢ ܟܐܢܐ ܗܘ ܐܠܗܟ ܗ݀ܘ
298:13	ܕܡ݁ܠܦ ܐܢܬ܃ ܘܟܐܢܐܝܬ ܬܒܥ݁܃ ܡܬܦܪܥ ܐܢܐ ܐܝܟ
298:14	ܕܠܐ ܡܕܡ ܐ݁ܣܟܠܬ ܒܟ ܘܐܚܫܬܢܝ܃ ܘܠܐ ܚ݁ܛܝܬ ܒܟ
298:15	ܘܚ݂ܛܝܬ ܒܝ܂ ܐܠܐ ܐܦܢ ܗܪܟܐ ܕܡ݁ܨ݂ܐ ܐܢܐ ܕܐܬܦܪܥ
298:16	ܡܢܟ܃ ܘܐ݁ܥܒܕ ܒܟ ܟܘܠ ܕܥܒ݂ܕܬ ܒܝ܂ ܐܬܛܦܝܣ ܠܝ
298:17	ܗܟܝܠ ܘܬܐ ܥܡܝ ܠܒܝܬܝ܃ ܘܐܡ݂ܪ ܠܗ݀
298:18	ܠܡܓܕܘܢܝܐ ܘܐܦܝܣܝܗ݀ ܕܬܗ݂ܘܐ ܠܘܬܝ݁܂ ܐܝܟ ܕܐܝܬܝܗ݀
298:19	ܗܘܬ܂ ܥܕܠܐ ܬܚ݂ܙܐ ܐ̈ܦܝܟ ܀ 128܂3 ܘܝܗܘܕܐ ܟܕ ܓܚ݁ܟ
298:20	ܐܙܠ݂ ܗܘܐ ܥܡܗ݂ ܘܐܡ݂ܪ ܠܗ܂ ܕܐܠܘ ܪܚܡ݁ܝܢ ܗܘܘ ܒ̈ܢܝ
299:01	ܢܫܐ ܠܐܠܗܐ݁܂ ܐܝܟܢܐ ܕܪܚܡܝܢ ܗܘܘ ܠܚܒܪ̈ܝܗܘܢ݂܂
299:02	ܟܘܠ ܡܐ ܕܒܥ݁ܝܢ ܗܘܘ ܡܢܗ ܝ݁ܗܒ ܗܘܐ ܠܗܘܢ܂
299:03	ܘܠܝܬ ܗܘܐ ܡܕܡ ܕܥ݁ܨܐ ܗܘܐ ܠܗܘܢ ܀ 129܂1 ܘܟܕ ܗܠܝܢ
299:04	ܐܡ݂ܪ ܗܘܐ݂܂ ܥܠ݂ ܗܘܐ ܝܗܘܕܐ ܠܒܝܬܗ ܕܟܪܝܫ܃
299:05	ܘܐܫܟܚܗ݀ ܠܡܓܕܘܢܝܐ ܟܕ ܝܬܒܐ݂܂ ܘܠܢܪܩܝܐ ܟܕ ܩ݁ܝܡܐ
299:06	ܩܕܡܝܗ݀ ܘܣܝ̈ܡܢ ܐܝ݂̈ܕܝܗ݀ ܥܠ ܦܟ̈ܝܗ݂݀܂ ܘܐܡ݁ܪܐ ܠܗ݀
299:07	ܠܡܪܒܝܢܝܬܗ݀܂ 129܂2 ܢܩܠܘܢ ܠܗܘܢ ܝܘ̈ܡܬܐ ܥܠܝ ܐܡܝ܂
299:08	ܘܢܗ̈ܘܝܢ ܠܗܝܢ ܟܠܗܝܢ ܫ̈ܥܐ ܚܕܐ܂ ܘܐܦܘܩ ܠܝ ܡܢ
299:09	ܥܠܡܐ ܗܢܐ݂܂ ܘܐ݁ܙܠ ܐ݁ܚ݂ܙܝܘܗܝ ܠܗ݀ܘ ܫܦܝܪܐ ܕܒܛܒ݂ܗ
299:10	ܫܡ݁ܥܬ܂ ܠܗ݀ܘ ܚ݂݁ܝܐ ܘܝ݁ܗܒ ܚ̈ܝܐ ܠܐܝܠܝܢ ܕܗܝܡܢܘ ܒܗ܂
299:11	ܟܪ ܕܠܝܬ ܐܝܡܡܐ ܘܠܠܝܐ܂ ܘܠܝܬ ܚܫܘܟܐ ܐܠܐ ܐܢ
299:12	ܢܘܗܪܐ݁܂ ܘܠܝܬ ܛ݁ܒܐ ܘܒܝ݂ܫܐ݁܂ ܘܠܝܬ ܥܬܝܪܐ ܘܡܣܟܢܐ݁܂
299:13	ܘܠܐ ܕܟܪܐ ܘܠܐ ܢܩܒܬܐ݁܂ ܘܠܐ ܥܒ݂̈ܕܐ ܘܠܐ ܒ̈ܢܝ
299:14	ܚܐܪ̈ܐ݁܂ ܘܠܐ ܕܪܡܝܢ ܘܡܫܬܥܠܝܢ ܥܠ ܕܫ̈ܦܠܝܢ ܀ 129܂3 ܘܟܕ
299:15	ܗܠܝܢ ܐܡ݁ܪܐ ܗܘܬ܂ ܥܠ ܝܗܘܕܐ݂܂ ܘܗ݂ܝ ܐܫ݂ܬܘܪܬ
299:16	ܩܡ݂ܬ ܣܓ݂ܕܬ ܠܗ ܀ ܐܡ݁ܪ ܠܗ ܟܪܝܫ܂ ܚܙܝ ܕܕܚ݁ܠܐ
299:17	ܡܢܟ ܘܪܚܡ݁ܐ ܠܟ݁܂ ܘܟܠܡܐ ܕܐܡ݁ܪ ܐܢܬ ܠܗ݀ ܥ݁ܒܕܐ
299:18	ܠܟ ܨܒܝܢܐ ܀ 130܂1 ܐܡ݁ܪ ܠܗ݀ ܝܗܘܕܐ܂ ܒܪܬܝ ܡܓܕܘܢܝܐ݂܂
299:19	ܐܬܛܦܝܣܝ ܠܡܕܡ ܕܐܡ݁ܪ ܠܟܝ ܟܪܝܫ ܐܚܘܟܝ ܀ ܐܡ݁ܪܐ
299:20	ܠܗ ܡܓܕܘܢܝܐ܂ ܐܢܬ ܕܬܐܡܪܝܘܗܝ ܠܥ݁ܒܕܐ ܠܐ
299:21	ܐܫܟ݂ܚܬ܂ ܘܠܝ ܕܝܠܝ ܕܐܥܒܕܝܘܗܝ ܐܝܟܢܐ ܡܦ݂ܝܣܬ ܠܝ܂
299:22	ܡܢܟ ܓܝܪ ܫܡ݁ܥܬ ܕܐܡ݁ܪ ܗܘܝܬ܂ ܕܗܠܝܢ ܚ̈ܝܐ ܕܙܒܢܐ