The Comprehensive Aramaic Lexicon

320:01	ܥܠ ܦܓܪܝ ܗܘ ܫܠܝܛ ܐܢܬ ܕܬܥܒܕ ܠܗ ܟܘܠ ܕܨ݁ܒܝ݂ܬ܂
320:02	ܢܦܫܝ ܕܝܢ ܠܐ ܡܘܒܕܐ ܐܢܐ ܥܡܟ ܀ 152܂2 ܘܟܕ ܗܠܝܢ ܫܡ݂ܥ
320:03	ܡܢܝ܃ ܚܒܫܢܝ ܬܚܝܬ ܗ݀ܘ ܛܪܩܠܝܢܗ ܒܒܝܬܐ ܚܕ ܚܫܘܟܐ܂
320:04	ܘܐܝܬܝ ܐܦ ܟܪܝܫ ܩܪܝܒܗ ܐܦ ܠܡܓܕܘܢܝܐ ܘܠܢܪܩܝܐ݂܂
320:05	ܘܚܒ݂ܫ ܐܢ̈ܝܢ ܨܐܝܕܝ܂ ܘܢܘܗܪܐ ܡܢ ܠܘܬܢ ܠܐ ܦ݂ܪܩ
320:06	ܗܘܐ܂ ܘܐܢܬ ܗܘ ܐܦܩܬܢ ܘܗܐ ܩܝܡ̈ܝܢܢ ܩܕܡܝܟ܂
320:07	ܐܠܐ ܗܒ ܠܢ ܪܘܫܡܐ݂܂ ܘܢܬܦܣܩ ܣܒܪܗ ܕܡܙܕܝ ܡܢ
320:08	ܠܘܬܝ܃ ܕܗܠܝܢ ܡܬܚ݁ܫܒ ܥܠܝ ܀ 153܂1 ܘܟܕ ܫܡ݂ܥ ܗܠܝܢ ܝܗܘܕܐ
320:09	ܫܠܝܚܗ ܕܡܪܢ ܕܗܠܝܢ ܐܡ݂ܪܬ݂܂ ܐܡ݁ܪ܂ ܠܟ ܫܘܒܚܐ
320:10	ܣܓ݁ܝ ܕܡ݂̈ܘܬܐ ܝܫܘܥ܂ ܠܟ ܫܘܒܚܐ ܡܬܚܙܐ ܐܝܟ
320:11	ܐܢܫܘܬܢ ܡܣܟܢܬܐ܂܂ ܠܟ ܫܘܒܚܐ ܡ݁ܚܝܠܢܢ ܘܡ݁ܠܒܒܢܢ
320:12	ܘܡ݁ܟܘܢܢܢ ܘܡܚ݁ܕܝܢܢ܂ ܘܩܐ݁ܡ ܠܘܬܢ ܒܟܠܗܘܢ ܐܘ̈ܠܨܢܝܢ݁܂
320:13	ܘܡܚ݁ܝܠ ܠܡܚܝܠܘܬܢ܂ ܘܡ݁ܠܒܒ ܠܪܗܝܒܘܬܢ ܀ 153܂2 ܘܟܕ
320:14	ܗܠܝܢ ܐܡ݂ܪ܂ ܐܬܠܒܒܘ ܚ̈ܒܝܫܐ܂ ܘܐܡ݂ܪܘ ܢܛܘܪ̈ܐ܃ ܦܘܚܘ
320:15	ܒܫܪ̈ܓܐ ܕܠܐ ܢܐܟܠܘܢ ܩܪ̈ܨܝܢ ܩܕܡ ܡܙܕܝ ܡ݁ܠܟܐ݁܂
320:16	ܘܢܦܚ݂ܘ ܗܘܘ ܒܫܪ̈ܓܐ ܟܠܗܘܢ ܘܐܙܠܘ ܕܡ݂ܟܘ ܀ ܝܗܘܕܐ
320:17	ܕܝܢ ܐܡ݂ܪ ܗܘܐ ܠܡܪܢ܂ ܡܟܝܠ ܕܝܠܟ ܗܝ ܩܠܝܠܘܬܐ܂
320:18	ܝܫܘܥ ܡ݁ܢܗܪܢܢ݁܂ ܕܗܐ ܒ̈ܢܝ ܚܫܘܟܐ ܒܚܫܘܟܐ ܕܝܠܗܘܢ݂
320:19	ܐܘܬܒܘܢ܂ ܐܢܬ ܕܝܢ ܡܪܢ ܒܢܘܗܪܐ ܕܟܝܢܟ ܐܢܗܪܝܢܝ܂
320:20	ܘܡܢ ܫܠܝܐ ܒܝܬ ܚ̈ܒܝܫܐ ܟܠܗ ܢܗ݂ܪ ܗܘܐ ܐܝܟ
320:21	ܕܒܐܝܡܡܐ݁܂ ܘܟܠܗܘܢ ܐܝܠܝܢ ܕܚܒܝܫܝܢ ܗܘܘ ܬܡ݁ܢ
320:22	ܕܡܝܟܝܢ ܗܘܘ܂ ܘܒܠܚܘܕ ܗ݀ܢܘܢ ܕܗܝܡܢܘ ܒܡܪܢ
320:23	ܥܝܪܝܢ ܗܘܘ ܀ 154܂1 ܘܐܡ݂ܪ ܝܗܘܕܐ ܠܘܝܙܢ ܙܠ ܩܕܡܝܢ
320:24	ܘܛܝ݁ܒ ܠܢ ܬܫܡܫܬܐ ܠܬܫܡܫܬܢ܂ ܐܡ݁ܪ ܠܗ ܘܝܙܢ܂
321:01	ܡ݁ܢ݂ܘ ܦܬ݂ܚ ܠܢ ܬܪ̈ܥܐ ܕܒܝܬ ܚ̈ܒܝܫܐ݁܂ ܕܗܐ ܟܠܗܘܢ
321:02	ܐܚ݂ܕܘ ܐܢܘܢ ܘܕܡܟܘ ܢܛܘܪ̈ܐ܂ ܐܡ݁ܪ ܠܗ ܝܗܘܕܐ܂
321:03	ܗܝܡܢ ܒܝܫܘܥ ܘܠܐ ܬܬ݂ܦܠܓ܃ ܘܐܙܠ݁ ܐܢܬ ܘܡܫܟܚ
321:04	ܐܢܬ ܠܗܘܢ ܠܬܪ̈ܥܐ݂܂ ܟܕ ܦܬܝܚܝܢ ܘܩ݁ܝܡܝܢ ܥܠ
321:05	ܨܝܪ̈ܬܗܘܢ ܀ 154܂2 ܘܟܕ ܢܦܩ݂ ܐܙܠ݂ ܩܕܡܝܗܘܢ܂ ܟܠܗܘܢ
321:06	ܕܝܢ ܒܬܪܗ ܕܝܗܘܕܐ ܐܬ݂ܝܢ ܗܘܘ܂ ܘܟܕ ܦܠܓܘ
321:07	ܐܘܪܚܐ݂܂ ܦܓܥ݂ܬ ܒܗܘܢ ܡܢܫܪ ܐܢܬܬܗ ܕܘܝܙܢ ܟܕ
321:08	ܐܬܝܐ ܠܒܝܬ ܚ̈ܒܝܫܐ܂ ܘܗ݂ܝ ܕܝܢ ܐܫܬܘܕܥܬܗ݂ ܘܐܡ݁ܪܐ
321:09	ܠܗ܂ ܐܚܝ ܘܝܙܢ݂܂ ܘܐܡ݂ܪ ܠܗ݀܂ ܐܝܢ ܘܐܢܬܝ ܚܬܝ ܡܢܫܪ܃
321:10	ܐܡ݁ܪܐ ܠܗ݀ ܐܝܢ܂ 154܂3 ܐܡ݁ܪ ܠܗ݀܂ ܠܐܝܟܐ ܐܙܠܬܝ ܒܗܢܐ
321:11	ܥܕܢܐ ܒܠܚܘܕܝܟܝ܂ ܘܐܝܟܢܐ ܐܫܟܚܬܝ ܠܡܩܡ ܡܢ
321:12	ܥܪܣܐ ܀ ܐܡ݁ܪܐ ܠܗ܂ ܕܗܢܐ ܛܠܝܐ ܣ݂ܡ ܥܠܝ ܐܝ݂ܕܗ
321:13	ܘܐܬ݂ܚܠܡ݂ܬ܂ ܘܚ݁ܙܝܬ ܒܚܠܡܝ ܕܐ݁ܙܠ ܠܘܬ ܗ݀ܘ ܐܟܣܢܝܐ
321:14	ܐܝܟܐ ܕܚܒܝܫ݂ ܕܡܠܝܐܝܬ ܐܬ݂ܚܠܡ ܀ ܐܡ݁ܪ ܠܗ݀ ܘܝܙܢ܂
321:15	ܐܝܢܘ ܛܠܝܐ ܕܐܝܬ ܥܡܟܝ܂ ܘܗ݂ܝ ܐܡ݁ܪܐ ܠܗ܂ ܠܐ
321:16	ܚ݁ܙܝܬ ܠܗ܂ ܕܗܐ ܒܝܡܝܢܝ ܐܚܝܕ ܘܡ݁ܣܡܟ ܠܝ ܀ 155܂1 ܘܟܕ
321:17	ܗ݂ܢܘܢ ܡ݁ܡܠܠܝܢ܂ ܐܬ݂ܐ ܝܗܘܕܐ ܥܡ ܨܝܦܘܪ ܘܥܡ
321:18	ܐܢܬܬܗ ܘܒܪܬܗ܃ ܘܥܡ ܡܓܕܘܢܝܐ ܘܛܪܛܝܐ ܘܢܪܩܝܐ݂܂
321:19	ܘܐܬܘ ܘܥܠܘ ܠܒܝܬܗ ܕܘܝܙܢ ܀ ܀ ܘܟܕ ܚܙܬܗ ܡܢܫܪ
321:20	ܐܢܬܬܗ ܕܘܝܙܢ܃ ܐܬܓܗ݂ܢܬ ܘܣܓ݂ܕܬ ܠܗ ܘܐܡ݁ܪܐ
321:21	ܠܗ܂ ܐܬܝܬ ܡܐܣܝܢܝ ܡܢ ܟܘܪܗܢܐ ܥ݁ܛܠܐ܂ ܐܢܬ ܗܘ
321:22	ܕܚ݁ܙܝܬ ܒܚܠܡܝ ܕܐܫ݂ܠܡܬ ܠܝ ܛܠܝܐ ܗܢܐ݁܂ ܕܢܝ݁ܬܝܢܝ
321:23	ܠܘܬܟ ܠܒܝܬ ܚܒ̈ܝܫܐ܂ ܘܠܐ ܫܒ݂ܩܬܟ ܒܣܝܡܘܬܟ
322:01	ܕܐܢܐ ܐܠܐܐ܂ ܐܠܐ ܐܢܬ ܐܬ݂ܝܬ ܠܘܬܝ ܀ 155܂2 ܘܟܕ ܐܡ݂ܪܬ
322:02	ܗܠܝܢ܃ ܐܬܗܦ݂ܟܬ ܠܒܣܬܪܗ݂݀܂ ܘܠܝܬܘܗܝ ܗ݀ܘ ܛܠܝܐ܂
322:03	ܘܐܡ݁ܪܐ ܠܗ ܠܝܗܘܕܐ܂ ܕܠܐ ܡ݁ܨܝܐ ܐܢܐ ܒܠܚܘܕܝ
322:04	ܐ݁ܗܠܟ܂ ܘܛܠܝܐ ܗ݀ܘ ܕܐܫܠܡ݂ܬ ܠܝ ܠܝܬܘܗܝ܂ ܀ ܐܡ݁ܪ
322:05	ܠܗ݀ ܝܗܘܕܐ܂ ܡܟܝܠ ܝܫܘܥ ܗ݀ܘܐ ܠܟܝ ܡܣܡܟܢܐ܂
322:06	ܘܪܗ݀ܛܐ ܗܘܬ ܘܐܬ݂ܝܐ ܩܕܡܝܗܘܢ ܀ ܀ ܘܟܕ ܥܠܘ
322:07	ܠܒܝܬܗ ܕܘܝܙܢ ܒܪܗ ܕܡܙܕܝ ܡ݁ܠܟܐ܂ ܥܕܢܐ ܠܠܝܐ
322:08	ܗܘܐ܂ ܘܣܘܓܐܐ ܡ݁ܢܗܪ ܗܘܐ ܠܗܘܢ ܡܪܢ܂ ܀
322:09	156܂1 ܘܫ݂݁ܪܝ ܗܘܐ ܝܗܘܕܐ ܕܢܨ݁ܠܐ ܘܢܐܡܪ ܗܟܢܐ܂ ܚܒܪܐ
322:10	ܘܐܝ݁ܠܐ ܕܡ̈ܚܝܠܐ܃ ܣܒܪܐ ܘܬܘܟܠܢܐ ܕܡ̈ܣܟܢܐ܃ ܒܝܬ
322:11	ܨܘܒܐ ܘܢܝ݁ܚܐ ܕܠܐܝ̈ܐ܃ ܩܠܐ ܕܐܬ݂ܐ ܡܢ ܪܘܡܐ܂
322:12	ܐܚ݂ܝܕ ܠܒ̈ܘܬܐ ܕܡܗ̈ܝܡܢܘܗܝ܂ ܒܝܬ ܨܘܒܐ ܘܠܡܐ݁ܢܐ
322:13	ܕܢܦܘ̈ܩܐ ܒܐܬܪܐ ܕܚܫܘܟܐ܂ ܐܣܝܐ ܕܡܓܢ ܒܝܬ
322:14	ܒܢ̈ܝܢܫܐ ܐܙܕܩܦ ܚܠܦ ܣ̈ܓܝܐܐ܃ ܘܚܠܦܘܗܝ ܐܢܫ ܠܐ
322:15	ܐܙܕܩܦ݂܂ 156܂2 ܐܢܬ ܗܘ ܢܚ݂ܬܬ ܠܫܝܘܠ ܒܚܝܠܐ ܬܩܝܦܐ݁܂
322:16	ܘܚܙܐܘܘܟ ܡ̈ܝ݂ܬܐ ܘܚ݂ܝܘ݁܂ ܘܠܐ ܐܫܟܚ ܫܠܝܛܐ
322:17	ܕܡ݁ܘܬܐ ܠܡܣܝܒܪܘ܃ ܘܣܠܩ݂ܬ ܒܫܘܒܚܐ ܣܓܝܐܐ܂
322:18	ܘܐܣܩ݂ܬ ܥܡܟ ܟܠܗܘܢ ܓ̈ܘܣܢܝܟ܃ ܘܕܪܫ݂ܬ
322:19	ܠܗܘܢ ܐܘܪܚܐ ܠܪܘܡܐ݁܂ ܘܒ̈ܥܩܒܬܟ ܟܠܗܘܢ ܦܪ̈ܝܩܝܟ
322:20	ܪܕܘ܂ ܘܐܥܠ݂ܬ ܐܢܘܢ ܠܕܝܪܟ܃ ܘܚ݁ܠ݂ܛܬ ܐܢܘܢ ܒܥܪ̈ܒܝܟ܂
322:21	156܂3 ܒܪܐ ܕܪ̈ܚܡܐ ܡ̈ܫܠܡܢܐ݁܂ ܕܒܚܝܠܐ ܐܫ݂ܬܕܪܬ ܠܢ ܡܢ
322:22	ܐܒܐ݁܂ ܕܥܒ݂̈ܕܘܗܝ ܡܫܒܚܝܢ ܠܗ܂ ܒܪܐ ܕܡܢ ܐܒܗܘܬܐ
322:23	ܥܠܝܬܐ ܘܓܡܝܪܬܐ ܐܫܬܠܚ܂ ܡܪܐ ܕܩ̈ܢܝܢܐ ܕܠܐ
322:24	ܡܬܛ݁ܠܫܝܢ܂ ܥܬܝܪܐ ܕܡܠ݂ܐ ܒܪܝܬܗ ܡܢ ܓܙܐ ܕܥܘܬܪܗ܂
323:01	ܡܣܟܢܐ ܕܐܣܬܢܩ ܘܟܦ݂ܢ ܠܝܘ̈ܡܝܢ ܐܪ̈ܒܥܝܢ܂ ܡܣܒܥܢܐ
323:02	ܕܢܦܫ̈ܬܢ ܨ̈ܗܝܬܐ ܡܢ ܛܘܒܗ܂ 156܂4 ܐܢܬ ܡܪܝ ܗܘ݂ܝ ܥܡ
323:03	ܘܝܙܢ ܘܥܡ ܛܪܛܝܐ ܘܥܡ ܡܢܫܪ܂ ܘܟܢܫ ܐܢܘܢ
323:04	ܠܕܝܪܟ܂ ܘܚ݂݁ܠܛ ܐܢܘܢ ܒܡܢܝܢܟ܂ ܘܗܘ݂ܝ ܠܗܘܢ ܗ݀ܕܝܐ
323:05	ܒܐܘܪܚܐ ܕܛܥܝܘܬܐ܂ ܗܘ݂ܝ ܠܗܘܢ ܡܐ݁ܣܝܢܐ ܒܐܬܪܐ
323:06	ܕܟܘܪܗܢܐ܂ ܗܘ݂ܝ ܠܗܘܢ ܡܚܝܠܢܐ ܒܐܬܪܐ ܠܐܝܐ܂
323:07	ܩ݁ܕܫ ܐܢܘܢ ܒܐܬܪܐ ܛܢܦܐ܃ ܘ݁ܕܟܐ ܐܢܘܢ ܡܢ
323:08	ܚܒ݁ܠܐ ܒܐܬܪܐ ܕܒܥܠܕܒܒܐ܂ ܗܘ݂ܝ ܐܣܝܐ ܠܦܓܪ̈ܝܗܘܢ
323:09	ܘܐܚ݁ܐ ܢܦܫ̈ܬܗܘܢ܂ ܘܥ݂ܒܕ ܐܢܘܢ ܢܘ̈ܣܐ ܘܗ̈ܝܟܠܐ
323:10	ܩ̈ܕܝܫܐ܂ ܘܬܥܡ݂ܪ ܒܗܘܢ ܪܘܚܐ ܩܕܝܫܬܐ ܀ 157܂1 ܘܟܕ
323:11	ܨ݁ܠܝ ܗܠܝܢ݂ ܐܡ݂ܪ ܠܗ݀ ܠܡܓܕܘܢܝܐ܂ ܒܪܬܝ ܐܫܠܚܝ
323:12	ܐܢ̈ܝܢ ܠܐ̈ܚܘܬܟܝ܂ ܘܐܫܠܚ݂ܬ ܐܢ̈ܝܢ܃ ܘܡ݂ܚܬ ܠܗܝܢ ܦܪ̈ܙܘܡܐ݂
323:13	ܘܩ݂ܪܒܬ ܐܢ̈ܝܢ ܠܗ܂ ܘܝܙܢ ܕܝܢ ܠܘܩܕܡ ܩ݂ܪܒ܂ ܘܫܩ݂ܠ
323:14	ܝܗܘܕܐ ܡܫܚܐ܂ ܘܫܒܚ ܥܠܘܗܝ݂ ܘܐܡ݂ܪ܂ 157܂2 ܦܐܪܐ
323:15	ܫܦܝܪܐ ܕܫܘܝ݂ܬ ܬܗ݂ܘܐ ܪܬܚ݁ ܒܡܠܬܐ ܕܩܘ݂ܕܫܐ݁܂
323:16	ܕܢܠܒܫܘܢܟ ܒ̈ܢܝܢܫܐ ܘܢܙܟܘܢ ܒܟ ܠܒ̈ܥܠܕܒܒܝܗܘܢ݁܂
323:17	ܡܐ ܕܐܬܕܟܝܘ ܡܢ ܥ݁ܒ̈ܕܝܗܘܢ ܩ̈ܕܡܝܐ܂ ܐܝܢ ܡܪܝ
323:18	ܬܐ ܫܪܝ ܥܠ ܡܫܚܐ ܗܢܐ݂ ܐܝܟ ܕܫ݂ܪܝܬ ܥܠ ܩܝܣܐ݁܂
323:19	ܘܡܠܬܟ ܠܐ ܣܝܒܪܘ ܙܩ̈ܘܦܝܟ܂ ܬܐܬܐ ܡ݁ܘܗܒܬܟ
323:20	ܗ݀ܝ ܕܢܦܚ݂ܬ ܒܗܘܢ ܒܒܥ̈ܠܕܒܒܝܟ܃ ܘܐܙܠܘ ܠܒܣܬܪܗܘܢ
323:21	ܘܢܦ݂ܠܘ ܥܠ ܐ̈ܦܝܗܘܢ݂܂ ܘܬܫ݂ܪܐ ܥܠ ܗܢܐ ܡܫܚܐ
323:22	ܕܫܡܟ ܡܕܟܪܝܢܢ ܥܠܘܗܝ܂ 157܂3 ܘܐܪܡܝ ܒܪܝܫܗ ܕܘܝܙܢ݂܂
323:23	ܘܗ݀ܝܕܝܢ ܒܪܝܫܗܘܢ ܕܗܠܝܢ ܘܐܡ݂ܪ܂ ܒܫܡܟ ܝܫܘܥ
323:24	ܡܫܝܚܐ܂ ܢܗܘ݂ܐ ܠܗܝܢ ܠܗܠܝܢ ܢܦܫ̈ܬܐ ܠܫܘܒܩܢ ܚ̈ܘܒܐ
324:01	ܘܚ̈ܛܗܐ݂܂ ܘܠܒܘܛܠܗ ܕܒܥܠܕܒܒܐ݂ ܘܠܐܣܝܘܬܐ
324:02	ܕܢܦܫ̈ܬܗܝܢ ܘܕܦܓܪ̈ܝܗܝܢ ܀ ܘܦܩ݂ܕ ܗܘܐ ܠܗ݀ ܠܡܓܕܘܢܝܐ
324:03	ܕܬܡܫܘܚ ܐܢ̈ܝܢ܂ ܘܗ݂ܘ ܠܘܝܙܢ ܡܫ݂ܚ
324:04	ܗܘܐ ܀ ܀ ܘܟܕ ܡܫ݂ܚ ܐܢܘܢ ܐܚܬ ܐܢܘܢ ܠܡ̈ܝܐ
324:05	ܒܫܡ ܐܒܐ ܘܒܪܐ ܘܪܘܚܐ ܕܩ݂ܘܕܫܐ܂ 158܂1 ܘܟܕ ܥܡ݂ܕܘ

324:06	ܘܣܠܩ݂ܘ܃ ܐܝܬܝ ܠܚܡܐ ܘܟܣܐ ܟܕ ܡܙܝܓ܃ ܘܒܪܟ

324:07	ܥܠܘܗܝ ܘܐܡ݂ܪ܂ ܦܓܪܟ ܩܕܝܫܐ ܕܐܙܕܩ݂ܦ ܥܠ ܐ̈ܦܝܢ
324:08	ܐܟܠܝܢܢ܂ ܘܕܡܟ ܡܚܝܢܐ ܕܐܬܐܫ݂ܕ ܥܠ ܐ̈ܦܝܢ ܫ݁ܬܝܢܢ܂
324:09	ܢܗܘ݂ܐ ܠܢ ܦܓܪܟ ܠܚ̈ܝܐ܂ ܘܕܡܟ ܠܫܘܒܩܢ ܚ̈ܛܗܐ܂
324:10	158܂2 ܘܚܠܦ ܡܪܪܬܐ ܕܐܫ݂ܬܝܬ ܚܠܦܝܢ܃ ܬܫ݂ܬܩܠ ܡܢܢ ܡܪܪܬܗ
324:11	ܕܒܥܠܕܒܒܢ܂ ܘܚܠܦ ܕܐܫ݂ܬܝܬ ܚܠܐ ܡܛܠܬܢ݂ ܬܬܚܝܠ
324:12	ܡܚܝܠܘܬܢ܂ ܘܪܘܩܐ ܕܩܒ݂ܠܬ ܡܛܠܬܢ݂ ܢܩ݁ܒܠ ܚܝ̈ܝܟ
324:13	ܡ̈ܫܠܡܢܐ܂ 158܂3 ܘܕܩ݁ܒ݂ܠܬ ܟܠܝܠܐ ܕܥ̈ܘܙܢܝܐ ܚܠܦܝܢ܃ ܢܩ݁ܒܠ
324:14	ܡܢܟ ܟܠܝܠܐ ܕܠܐ ܚܡ݁ܐ܂ ܘܕܐܬܟ݂ܪܟܬ ܒܚܝܨܐ
324:15	ܡܛܠܬܢ݂܂ ܢܬܚ݁ܙܩ ܚܢܢ ܒܚܝܠܟ ܪܒܐ ܕܠܐ ܡܙܕܟܐ܂
324:16	ܘܕܐܬܩܒ݂ܪܬ ܒܝܬ ܩܒܘܪܐ ܚ݂ܕܬܐ ܚܠܦ ܡܝܬܘܬܢ܃
324:17	ܢܩ݁ܒܠ ܐܦ ܚܢܢ ܥܢܝܢܟ ܕܒܫܡܝܐ܂ ܘܐܝܟ ܕܩܡ݂ܬ
324:18	ܢ݁ܬܢܚܡ ܚܢܢ܂ ܘܢܩܘܡ ܩܕܡܝܟ ܒܕܝܢ݂ܐ ܕܩܘ݂ܫܬܐ܂
324:19	158܂4 ܘܩܨ݂ܐ ܐܘܟܪܣܛܝܐ݂܂ ܘܝܗ݂ܒ ܠܘܝܙܢ ܘܠܛܪܛܝܐ݁܂
324:20	ܘܠܡܢܫܪ ܘܠܨܝܦܘܪ ܘܠܡܓܕܘܢܝܐ݁܂ ܘܠܐܢܬܬܗ ܘܠܒܪܬܗ
324:21	ܕܨܝܦܘܪ܂ ܘܐܡ݂ܪ ܬܗܘ݂ܐ ܠܟܘܢ ܐܘܟܪܣܛܝܐ ܗܕܐ
325:01	ܠܚ̈ܝܐ ܘܠܢܝ݁ܚܐ ܘܠܚܕܘܬܐ ܘܠܚܘܠܡܢܐ܂ ܘܠܐܣܝܘܬܐ
325:02	ܕܢܦܫ̈ܬܟܘܢ݂ ܘܕܦܓܪ̈ܝܟܘܢ܂ ܘܗ݂ܢܘܢ ܐܡ݂ܪܘ ܐܡܝܢ܂܂
325:03	ܘܐܫܬܡܥ ܩܠܐ ܕܐܡ݁ܪ ܠܗܘܢ܂ ܐܝܢ ܘܐܡܝܢ ܀ ܀ ܘܟܕ
325:04	ܫܡ݂ܥܘ ܗܢܐ ܩܠܐ݂ ܢܦ݂ܠܘ ܥܠ ܐ̈ܦܝܗܘܢ܂ ܘܬܘܒ ܩܠܐ
325:05	ܐܫ݂ܬܡܥ ܕܐܡ݁ܪ܂ ܠܐ ܬܕܚܠܘܢ܂ ܐܠܐ ܒܠܚܘܕ
325:06	ܡܗܝܡܢܘ ܗܝܡܢܘ܂ 159܂1 ܘܐܙ݂ܠ ܗܘܐ ܝܗܘܕܐ ܕܢܬܚܒܫ
325:07	ܘܐܦ ܛܪܛܝܐ ܘܡܓܕܘܢܝܐ ܘܢܪܩܝܐ݂܂ ܘܐܙ̈ܠܝ ܗ̈ܘܝ ܐܦ
325:08	ܗ̈ܢ݂ܝܢ ܕܢܬܚ̈ܒܫܢ܂ ܘܐܡ݂ܪ ܠܗܝܢ ܝܗܘܕܐ܂ ܒ̈ܢܬܝ ܘܐܚ̈ܘܬܝ
325:09	ܕܒܡܪܢ܃ ܘ̈ܟܢܘܬܝ ܘܐܡ̈ܗܬܗ ܕܝܫܘܥ ܡܫܝܚܐ܂
325:10	ܫܘܡܥܘܢܝ ܒܗܢܐ ܝܘܡܐ ܐܚܪܝܐ ܕܡܠܬܝ ܡ݁ܫܠܡ
325:11	ܐܢܐ ܠܟܝܢ܂ ܘܬܘܒ ܠܐ ܡܡܠܠ ܐܢܐ ܥܡܟܝܢ ܒܗܢܐ
325:12	ܥܠܡܐ܂ ܡܬܬܪܝܡ ܐܢܐ ܕܝܢ ܠܘܬ‍{‍ܝ‍}‍ ܡܪܝ ܝܫܘܥ
325:13	ܡܫܝܚܐ܂ ܠܘܬ ܗ݀ܘ ܕܙ݁ܒܢܢ‍<‍ܝ‍>‍܂ ܠܘܬ ܗ݀ܘ ܕܡܟܟ
325:14	ܢܦܫܗ ܪܡܬܐ ܥܕܡܐ ܠܙܥܘܪܘܬܝ܃ ܘܐܡܛܝܢܝ ܥܕܡܐ
325:15	ܠܪܒܘܬܗ ܕܠܐ ܥ݁ܒܪܐ܂ ܘܐܫܘܝܢܝ ܕܐ݁ܗܘܐ ܠܗ
325:16	ܦܠܚ݂ܐ ܕܩ݂ܘܫܬܐ ܘܕܫܪܪܐ܂ 159܂2 ܘܗܐ ܚ݁ܕܐ ܐܢܐ ܕܫ݂ܠܡ
325:17	ܙܒܢܐ ܘܡ݂ܛܐ ܝܘܡܐ ܕܐ݁ܙܠ ܘܐ݁ܩܒܠ ܐܓܪܝ ܡܢ ܡܪܝ܂
325:18	ܟܐܝܢ ܗܘ ܓܝܪ ܡܪܐ ܐܓܪܝ܂ ܘܝ݁ܕܥ ܐܝܟܢܐ ܘ݁ܠܐ
325:19	ܕܢܦܪܥܢܝ܂ ܠܐ ܗܘ݂ܐ ܓܝܪ ܒܝ݂ܫܐ ܘܠܐ ܚ݁ܣܡܐ܂ ܐܠܐ
325:20	ܫ̈ܦܝܥܢ ܐܢ̈ܝܢ ܡ̈ܘܗܒܬܗ܂ ܘܠܐ ܡܚ݁ܫܒ ܘܝ݁ܗܒ܂ ܡܛܠ
325:21	ܕܬܟܝܠ ܗܘ ܕܩܢܝܢܗ ܠܐ ܚ݁ܣܪ܂ 160܂1 ܫܡ̈ܥܝܢ ‍{‍ܟ̇‍}‍‍<‍ܒ̈‍>‍ܢܬܝ܂ ܠܐ
325:22	ܗ݀ܘܝܬ ܐܢܐ ܝܫܘܥ܂ ܐܠܐ ܥܒ݂ܕܗ ܐܢܐ ܕܝܫܘܥ܂ ܠܐ
326:01	ܗ݀ܘܝܬ ܡܫܝܚܐ܂ ܐ‍{‍ܢ‍}‍‍<‍ܠ‍>‍ܐ ܡܫܡܫܢܐ ܐܢܐ ܩܕܡܘܗܝ܂
326:02	ܠܐ ܗ݀ܘܝܬ ܐܢܐ ܒܪܗ ܕܐܠܗܐ܂ ܐܠܐ ܡܨ݁ܠܐ
326:03	ܐܢܐ ܘܒܥ݁ܐ ܐܢܐ܂ ܕܐ݁ܫܘܐ ܠܐܠܗܐ܂ ܐܢ̈ܬܝܢ
326:04	ܕܝܢ ܒ̈ܢܬܝ݂ ܩ̈ܘܝܝܢ ܒܗܝܡܢܘܬܗ ܕܝܫܘܥ ܡܫܝܚܐ܂
326:05	ܘܣ̈ܟܝܝܢ ܠܣܒܪܐ ܕܒܪܗ ܕܐܠܗܐ܂ ܘܠܐ ܬܡܐܢ
326:06	ܠܟܝܢ ܒ̈ܢܬܝ ܒܐܘܠܨܢܐ܂ ܘܠܐ ܬܬܦ̈ܠܓܢ ܡܛܠ
326:07	ܕܚ̈ܙܝܢ ܐܢܬܝܢ ܠܝ ܟܕ ܡ݁ܨܛܥܪ ܐܢܐ݁܂ ܘܟܕ ܬܘܒ
326:08	ܡܬܚܒܫ ܐܢܐ݁܂ ܘܟܕ ܡܐ݁ܬ ܐܢܐ݁܂ ܡܛܠ ܕܨܒܝܢܗ
326:09	ܕܡܪܝ ܡܫ݁ܠܡ ܐܢܐ܂ ܐܢ ܓܝܪ ܐ݁ܨܠܐ ܕܠܐ ܐܡ݁ܘܬ݂܂
326:10	ܝ݁ܕܥܝܢ ܐܢܬܘܢ݂ ܕܡ݁ܨ݂ܐ ܐܢܐ܂ ܐܠܐ ܗܢܐ ܕܡܬܚ݂ܙܐ
326:11	ܠܐ ܗܘܐ ܡ݁ܘܬܐ܂ ܐܠܐ ܫܪܝܐ݂ ܗܘ ܕܡܢ ܥܠܡܐ܂
326:12	160܂2 ܡܛܠ ܗܢܐ ܟܕ ܚ݁ܕܐ ܐܢܐ ܡܩ݁ܒܠ ܐܢܐ ܠܗ܂ ܘܡܛܠ
326:13	ܗܢܐ ܡܬܦܪܩ ܐܢܐ ܕܐ݁ܙܠ ܘܐ݁ܩܒܠ ܠܗ݀ܘ ܐܝܢܐ ܕܫܦܝܪܐ
326:14	ܗܘ܂ ܠܗ݀ܘ ܕܪܚ݁ܡ ܐܢܐ ܠܗ݂܂ ܠܗ݀ܘ ܚܣܝܕܐ܂ ܣܓ݁ܝ ܓܝܪ
326:15	ܥ݁ܡܠܬ ܒܦܘܠܚܢܗ܂ ܘܫ݁ܠܡܬ ܡܛܠ ܛܝܒܘܬܗ ܕܣܡܟܬܢܝ
326:16	ܘܠܐ ܐܪܦܝܬܢܝ܂ ܠܐ ܗܟܝܠ ܢܥܘܠ ܥܠܝܟܝܢ ܗ݀ܘ ܒܥܠܕܒܒܐ
326:17	ܒܢܟܠܐ݂܂ ܘܠܐ ܢ݁ܦܠܓ ܐܢ̈ܝܢ ܬܪ̈ܥܝܬܟܝܢ܂ ܠܐ ܢܗܘ݂ܐ ܠܗ
326:18	ܐܬܪܐ ܠܗ݀ܘ ܢܟܝܠܐ ܘܕܠܘܚܐ܂ ܡܛܠ ܕܚܝܠܬܢ ܗܘ
326:19	ܡܢܗ ܗ݀ܘ ܕܩ̈ܒܠܬܝܢ ܘܗܝܡ̈ܢܬܝܢ ܒܗ܂ ܣܟܝ̈ܝܢ ܠܡܐܬܝܬܗ
326:20	ܕܐ݁ܬܐ ܘܡ݁ܩܒܠ ܠܟܝܢ܂ ܗ݀ܢܘ ܕܝܢ ܕܐܙ̈ܠܢ ܐܢܬܝܢ ܘܚ݁ܙ̈ܝܢ
326:21	ܠܗ ܀ ܀ 161܂1 ܘܟܕ ܫ݁ܠܡ ܠܡܐܡܪ ܠܗܝܢ ܝܗܘܕܐ݂܂ ܥܠ ܠܓܘ
326:22	ܒܝܬܐ ܚܫܘܟܐ܂ ܀ ܀ ܘܐܡ݂ܪ ܝܗܘܕܐ܂ ܡܚܝܢܢ ܘܣ݁ܒܠ
326:23	ܣܓ̈ܝܐܬܐ ܡܛܠܬܢ܂ ܢܗܘ݂ܘܢ ܬܪ̈ܥܐ ܗܠܝܢ ܐܝܟ
327:01	ܕܐܝܬܝܗܘܢ ܗܘܘ܂ ܘܢܬܚܬܡܘܢ ܒ̈ܚܬܡܝܗܘܢ܂
327:02	ܘܫ݂ܒܩ ܗܘܐ ܐܢ̈ܝܢ܃ ܘܐܙܠ݂ ܗܘܐ ܐܦ ܗ݂ܘ ܠܡܬܚܒܫܘ܂
327:03	ܗ̈ܢܝܢ ܕܝܢ ܥܝܝܩܐ ܗܘܬ ܠܗܝܢ ܘܒ̈ܟܝܢ ܗ̈ܘܝ܂ ܡܛܠ ܕܝܕܥ̈ܢ
327:04	ܗ̈ܘܝ ܕܩ݁ܛܠ ܠܗ ܡܙܕܝ ܡ݁ܠܟܐ܂ ܀ 162܂1 ܘܟܕ ܥܠ ܕܢܬܚܒܫ݂܂
327:05	ܐܫܟܚ ܠܢܛܘܪ̈ܐ ܟܕ ܢܨ݁ܝܢ ܘܐܡ݁ܪܝܢ܂ ܕܡܢܐ
327:06	ܐܣܟܠܢܢ ܒܗ ܒܗܢܐ ܚ݁ܪܫܐ܂ ܕܦܬܚ ܬܪ̈ܥܐ
327:07	ܒܐܘܡܢܘܬܐ ܕܚ݂ܪ̈ܫܘܗܝ܂ ܘܨ݂ܒܐ ܕܢܥ݂݁ܪܩ ܠܟܠܗܘܢ
327:08	ܗܠܝܢ ܕܚܒܝܫܝܢ܂ ܐܠܐ ܢܐܙܠ ܘܢ݁ܘܕܥ ܠܡܙܕܝ ܡ݁ܠܟܐ݂܂
327:09	ܘܢܐܡܪ ܠܗ ܐܦ ܥܠ ܐܢܬܬܗ ܘܥܠ ܒܪܗ ܕܐܬ݂ܝܢ
327:10	ܠܘܬܗ ܀ ܀ ܘܟܕ ܗܠܝܢ ܐܡ݂ܪ ܗܘܐ ܪܒܐ ܕܚ̈ܒܝܫܐ݂܂
327:11	ܝܗܘܕܐ ܫܬ݂ܝܩ ܗܘܐ ܘܫܡ݁ܥ܂ ܀ 162܂2 ܘܩ݁ܕܡܘ ܒܨ݁ܦܪܐ݂܂
327:12	ܘܐܙܠܘ ܠܘܬ ܡܙܕܝ ܡ݁ܠܟܐ݂ ܘܐܡ݁ܪܝܢ ܠܗ܂ ܡܪܢ ܡ݁ܠܟܐ݂܂
327:13	ܐܘ ܐܦܩܝܗܝ ܠܗ݀ܘ ܚ݁ܪܫܐ݂܂ ܐܘ ܚܒܘܫܝܗܝ݂ ܒܕܘܟܬܐ
327:14	ܐܚܪܬܐ܂ ܠܐ ܓܝܪ ܡܫܟܚܝܢܢ ܠܡܛܪܗ܂ ܡܛܠ ܕܬܪ̈ܬܝܢ
327:15	ܙܒ̈ܢܝܢ݂ ܓܕܟ ܢ݁ܛܪ ܚ̈ܒܝܫܝܢ܂ ܘܐܠܐ݂ ܟܠܗܘܢ ܥܪܝܩܝܢ
327:16	ܗܘܘ܂ ܐܚ݁ܕܝܢܢ ܠܗܘܢ ܓܝܪ ܠܬܪ̈ܥܐ݂܂ ܘܡܫܟܚܝܢܢ ܠܗܘܢ
327:17	ܟܕ ܦܬܝܚܝܢ܂ ܘܐܦ ܐܢܬܬܟ ܘܒܪܟ ܥܡ ܫܪܟܐ ܕܐܢܫܐ
327:18	ܠܐ ܦܪܩܝܢ ܡܢ ܨܐܝܕܘܗܝ܂ ܀ 162܂3 ܘܟܕ ܫܡ݂ܥ ܗܠܝܢ ܡܙܕܝ
327:19	ܡ݁ܠܟܐ݂܂ ܐܙܠ݂ ܕܢܚ݂ܙܐ ܚ̈ܬܡܐ݂ ܕܐܪܡܝ ܗܘܐ ܥܠ ܬܪ̈ܥܐ܂
327:20	ܘܐܫܟܚ ܠܚܬܡ̈ܐ ܐܝܟ ܕܐܝܬܝܗܘܢ ܗܘܘ܂܂ ܘܐܡ݂ܪ
327:21	ܠܗܘܢ ܠܢܛܘܪ̈ܐ܂ ܠܡܢܐ ܡ݁ܕܓܠܝܢ ܐܢܬܘܢ݁܂ ܕܗܐ
327:22	ܚ̈ܬܡܐ ܕܒ̈ܬܐ ܐܝܬܝܗܘܢ ܐܝܟ ܕܚܬܝܡܝܢ܂ ܘܐܝܟܢܐ
327:23	ܐܡ݁ܪܝܢ ܐܢܬܘܢ ܛܪܛܝܐ ܘܡܓܕܘܢܝܐ ܐܬܝ̈ܢ ܠܘܬܗ ܠܒܝܬ
328:01	ܚ̈ܒܝܫܐ܂ ܐܡ݁ܪܝܢ ܢܛܘܪ̈ܐ ܚܢܢ ܫܪܪܐ ܐܡ݂ܪܢ ܠܟ܂
328:02	163܂1 ܘܐܙܠ݂ ܝܬ݂ܒ ܒܕܝܢ݂ܐ ‍{‍‍{‍ܥܡ‍}‍‍}‍‍<‍ܡܙܕܝ‍>‍ ܡ݁ܠܟܐ܂ ܘܫܕܪ ܐܝܬܝܗ
328:03	ܠܝܗܘܕܐ ܘܐܫܠܚܗ݂܂ ܘܡܚ݂ܐ ܠܗ ܒ̈ܚܨܘܗܝ ܦܪܙܘܡܐ݂܂
328:04	ܘܐܩܝܡܘܗܝ ܩܕܡܘܗܝ ܕܡܙܕܝ܂ ܘܐܡ݂ܪ ܠܗ ܡܙܕܝ܂
328:05	ܥܒ݂ܕܐ ܐܢܬ ܐܘ ܒܪܚܐܪ̈ܐ ܀ ܐܡ݁ܪ ܠܗ ܝܗܘܕܐ܂
328:06	ܥܒ݂ܕܐ ܐܢܐ܂ ܘܠܝܬ ܠܟ ܫܘܠܛܢܐ ܥܠܝ ܒܡܕܡ ܀
328:07	ܐܡ݁ܪ ܠܗ ܡܙܕܝ܂ ܘܠܗܢܐ ܐܬܪܐ ܐܝܟܢܐ ܥ݂ܪܩܬ
328:08	ܐܬ݂ܝܬ܂ ܐܡܪ ܠܗ ܝܗܘܕܐ܂ ܐܬ݂ܝܬ ܠܗܪܟܐ ܡܛܠ
328:09	ܕܠܣ̈ܓܝܐܐ ܐܚܐ ܒܡܠܬܐ܂ ܘܐܢܐ ܡܢ ܐܝ݂̈ܕܝܟ ܡܢ
328:10	ܥܠܡܐ ܢܦܩ݁ ܐܢܐ܂ 163܂2 ܐܡ݁ܪ ܠܗ ܡܙܕܝ ܡ݁ܢ݂ܘ ܡܪܟ܂
328:11	ܘܡ݁ܢܘ ܫܡܗ܂ ܘܡܢ ܐ݁ܝܕܐ ܐܢܬ ܐܪܥܐ ܀ ܐܡ݁ܪ ܠܗ
328:12	ܝܗܘܕܐ ܡܪܝ ܡܪܟ ܗܘ ܘܕܟܠܗ ܥܠܡܐ܂ ܘܡܪܗ݀ ܕܫܡܝܐ
328:13	ܘܕܐܪܥܐ ܀ ܀ ܐܡ݁ܪ ܠܗ ܡܙܕܝ܂ ܐܝܟܢܐ ܫܡܗ܂ ܐܡ݁ܪ
328:14	ܠܗ ܝܗܘܕܐ܂ ܠܐ ܡܫܟܚ ܐܢܬ ܗܫܐ ܕܬܫܡ݂ܥ ܫܡܗ
328:15	ܫܪܝܪܐ ܒܗܢܐ ܙܒܢܐ܂ ܐܠܐ ܫܡܐ ܕܐܬܝܗܒ ܠܗ
328:16	ܝܫܘܥ ܡܫܝܚܐ ܀ 163܂3 ܐܡ݁ܪ ܠܗ ܡܙܕܝ܂ ܐ݁ܢܐ݂ ܠܐ
328:17	ܐ݁ܣܬܪܗܒܬ ܕܐ݁ܘܒܕܟ݂܂ ܐܠܐ ܐ݁ܓܪ‍{‍ܝ‍}‍ܬ ܪܘܚܝ ܥܡܟ݂܂
328:18	ܘܐܢܬ ܥܠ ܥ݁ܒ̈ܕܝܟ ܐܘܣܦܬ܂ ܘܚܪ̈ܫܝܟ ܒܟܠܗ ܐܬܪܐ
328:19	ܐܫܬܡܥܘ܂ ܘܐܠܐ ܥ݁ܒܕ ܐܢܐ ܠܟ܃ ܕܗ݂ܢܘܢ
328:20	ܠܘ݁ܝܢ ܠܟ܂ ܘܥܡܟ݂ ܐܙܠ݁ܝܢ܂ ܘܐܬܪܐ ܕܝܢ ܕܝܠܢ݂ ܡܢܗܘܢ
328:21	ܢܓ݁ܗܐ ܀ ܐܡ݁ܪ ܠܗ ܝܗܘܕܐ܂ ܗܠܝܢ ܚܪ̈ܫܐ ܕܐܡ݁ܪ
329:01	ܐܢܬ ܕܥܡܝ ܐܙܠ݁ܝܢ܃ ܟܕ ܡܢ ܗܪܟܐ ܠܐ ܡ݁ܓܪܕܝܢ܂ 164 ܘܟܕ
329:02	ܐܡ݂ܪ ܗܘܐ ܗܠܝܢ܂ ܡܬܚ݁ܫܒ ܗܘܐ ܡܙܕܝ܃ ܐܝܟܢܐ
329:03	ܢܦܩ݁ܘܕ ܗܘܐ ܥܠܘܗܝ ܕܢܡ݁ܘܬ܂ ܡܛܠ ܕܕܚ݁ܠ ܗܘܐ ܡܢ
329:04	ܟܢܫܐ ܣܓܝܐܐ ܕܐܝܬ ܗܘܐ ܬܡ݁ܢ܂ ܣ̈ܓܝܐܐ ܓܝܪ
329:05	ܗܝܡܢܘ ܒܡܪܢ܂ ܘܐܦ ܡܢ ܪ̈ܘܪܒܢܐ ܕܡ݁ܠܟܐ܂ ܘܩܡ
329:06	ܡܙܕܝ ܘܕܒ݂ܪܗ ܠܝܗܘܕܐ݂܂ ܘܢܦ݂ܩ ܠܒܪ ܡܢ ܡܚܘܙܐ܂
329:07	ܘܐܬ݂ܝܢ ܗܘܘ ܥܡܗ ܦܠܚ݂̈ܐ ܩܠܝܠ ܒܙܝܢܐ܂ ܘܐܢܫܐ
329:08	ܣ݁ܒܪܝܢ ܗܘܘ܂ ܕܡܕܡ ܒܥ݁ܐ ܗܘܐ ܕܢܐܠܦ ܡܢܗ
329:09	ܡܙܕܝ܂ ܘܩ݁ܝܡܝܢ ܗܘܘ ܘܚ݁ܝܪܝܢ ܒܗ܂ ܘܟܕ ܐܙܠܘ ܐܝܟ
329:10	ܦܠܓܘܬ ܡܝܠܐ ܚܕ܂ ܐܫ݂ܠܡ ܠܗ ܡܢ ܦܠܚ݂̈ܐ ܗ݀ܢܘܢ
329:11	ܕܥܡܗ܂ ܘܚܕ ܡܢ ܪܘܪ̈ܒܐ܂ ܘܐܡ݂ܪ ܠܗܘܢ݂܂ ܕܙܠܘ
329:12	ܠܥܠ ܒܛܘܪܐ ܗܢܐ ܕܘܓܫܘܗܝ܂ ܘܗ݂ܦܟ ܗܘܐ ܕܢܐܬܐ
329:13	ܠܡܚܘܙܐ܂ 165 ܘܐܢܫܐ ܒܬܪܗ ܕܝܗܘܕܐ ܪܗ݀ܛܝܢ ܗܘܘ
329:14	ܕܢܦܨܘܢܝܗܝ܂ ܐܙ݁ܠܝܢ ܗܘܘ ܕܝܢ ܦܠܚ݂̈ܐ ܡܢ ܝܡܝܢܗ ܘܡܢ
329:15	ܣܡܠܗ݂܂ ܘܐܚܝܕܝܢ ܗܘܘ ܠܘܟ̈ܝܬܐ܂ ܘܗ݀ܘ ܚܕ ܡܢ
329:16	ܪܘܪ̈ܒܢܐ ܒܐܝ݂ܕܗ ܐܚܝܕ ܗܘܐ ܠܗ ܘܡܣܡܟ ܠܗ ܀ ܀
329:17	ܘܐܡ݂ܪ ܝܗܘܕܐ܃ ܐܘ ܠܪ̈ܐܙܐ ܟ̈ܣܝܐ ܕܥܕܡܐ ܠܡܦܩܢܐ
329:18	ܒܝ ܡܫܬܡܠܝܢ܂ ܐܘ ܠܥܘܬܪܐ ܕܛܝܒܘܬܗ݀܂ ܕܗ݀ܘ ܕܠܐ
329:19	ܡܪܦܐ ܠܢ ܕܢܪܓܫ ܒܚ̈ܫܐ ܕܦܓܪܐ܂ ܐܝܟܢܐ ܚܕܝܪܝܢ
329:20	ܠܝ ܒܙܝܢܐ܂ ܘܥܕܡܐ ܠܡ݁ܘܬܐ ܡܬܟܬܫܝܢ ܥܡܝ܂ ܘܠܚܕ
329:21	ܡܫܠܡ ܐܢܐ܂ ܕܗܐ ܚܕ ܪܒܐ ܢܓܝܕ ܠܝ ܘܐܚܝܕ ܠܝ
329:22	ܒܐܝ݂ܕܝ܂ ܡܛܠ ܕܢܫܠܡܢܝ ܠܚܕ ܕܡ݁ܣܟܐ ܐܢܐ ܠܗ