The Comprehensive Aramaic Lexicon

330:01	ܕܐ݁ܩܒܠܝܘܗܝ܂ ܐܦ ܡܪܝ ܡܛܠ ܕܡܢ ܚܕ ܗܘ ܒܝܕ ܚܕ
330:02	ܒܠ݂ܥ ܀ 166 ܘܟܕ ܣܠ݂ܩ ܠܛܘܪܐ܃ ܕܘܟܬܐ ܗ݀ܝ ܕܒܗ݀ ܕܓܫܝܢ
330:03	ܗܘܘ ܠܗ ܠܝܗܘܕܐ܂ ܐܡ݂ܪ ܠܗ݀ܢܘܢ ܕܐܚܝܕܝܢ ܗܘܘ ܠܗ܂
330:04	ܫܡܥܘܢܝ ܐܢܬܘܢ ܐܦܢ ܗܫܐ܂ ܕܥܠ ܡܦܩܢܐ ܕܡܢ

330:05	ܥܠܡܐ ܩܐ݁ܡ ܐܢܐ݂܂ ܘܠܐ ܢܬܥ݁ܘܪ̈ܢ ܥ̈ܝܢܐ

330:06	ܕܠܒ̈ܘܬܟܘܢ܂ ܘܠܐ ܢܬܚܪ̈ܫܢ ܐܕܢܝ̈ܟܘܢ ܕܠܐ
330:07	ܬܫ̈ܡܥܘܢ ܐܦ ܐܢܬܘܢ܂ ܗܝܡܢܘ ܒܗܢܐ ܐܠܗܐ
330:08	ܕܡ݁ܟܪܙ ܐܢܐ܂ ܘܠܐ ܬܬܕܒ݁ܪܘܢ ܒܩܫܝܘܬ ܠܒܟܘܢ܂
330:09	ܐܠܐ ܐܬܕܒ݁ܪܘ ܒܟܠܗܘܢ ܕܘܒܪ̈ܐ ܕܝܐ݁ܝܢ ܠܚܐܪܘܬܐ
330:10	ܘܠܬܫܒܘܚܬܐ ܕܒ̈ܢܝܢܫܐ݁܂ ܘܠܚ̈ܝܐ ܕܠܘܬ
330:11	ܐܠܗܐ ܀ 167܂1 ܐܡ݁ܪ ܝܗܘܕܐ ܠܘܝܙܢ܂ ܒܪܗ ܕܡܙܕܝ ܡ݁ܠܟܐ
330:12	ܐܪܥܢܐ܂ ܘܦܠܚ݂ܗ ܕܝܫܘܥ ܡܫܝܚܐ݂܂ ܗܒ ܠܡܫ̈ܡܫܢܐ
330:13	ܕܨܒܝܢܗ ܕܡܙܕܝ ܡ݁ܠܟܐ ܕܝܠܗܘܢ ܢܗ݂ܘܐ܂ ܐ݁ܙܠ ܐܢܐ
330:14	ܐܨ݁ܠܐ܂ ܘܐܡ݂ܪ ܠܗܘܢ ܘܝܙܢ ܠܗ݀ܢܘܢ ܦܠܚ݂̈ܐ܂
330:15	ܘܫܒܩܘܗܝ ܠܝܗܘܕܐ ܕܢܐܙܠ܂ ܘܐܙܠ݂ ܝܗܘܕܐ ܘܡܨ݁ܠܐ
330:16	ܗܘܐ ܘܐܡ݁ܪ ܗܟܢܐ ܀ 167܂2 ܡܪܝ ܘܐܠܗܝ ܘܣܒܪܝ ܘܦܪܘܩܝ܂
330:17	ܘܗܕܝܝ ܘܡܠܘܝܢܝ ܒܟܠܗܘܢ ܐܬܪ̈ܘܬܐ ܕܗ݀ܠܟܬ ܒܫܡܟ݂܂
330:18	ܐܢܬ ܗܘ݂ܝ ܥܡ ܟܠܗܘܢ ܦܠܚ̈ܝܟ܂ ܘܐܢܬ ܠܘܝܢܝ ܐܦ ܠܝ
330:19	ܕܠܘܬܟ ܐ݁ܬܐ ܐܢܐ܂ ܠܟ ܗܘ ܓܝܪ ܐ݁ܓܥܠܬ‍{‍ܝ‍}‍ ܢܦܫܝ܂
330:20	ܘܐܢܫ ܡܢ ܐܝ݂̈ܕܝܟ ܠܐ ܢܣ݂ܒܗ݀܂ ܠܐ ܢܥܘܟܘܢܢܝ ܚ̈ܛܗܝ܂
330:21	ܗܐ ܡܪܝ ܫ݁ܠܡܬ ܨ̈ܒܝܢܝܟ ܘܗܘ݁ܝܬ ܥܒ݂ܕܐ ܡܛܠ ܗܕܐ
330:22	ܚܐܪܘܬܐ ܕܝܘܡܢܐ ܡܩ݁ܒܠ ܐܢܐ܂ ܐܢܬ ܡܪܝ ܝܫܘܥ
331:01	ܗܒ ܠܝ ܘܫܠܡܝܗ݀ ܥܡܝ܂ ܐܢܐ ܓܝܪ ܠܐ ܗܘܐ ܡܬܦܠܓܘ
331:02	ܡܬܦܠܓ ܐܢܐ ܥܠ ܫܪܪܟ ܘܚܘܒܟ܂ ܐܠܐ ܡܛܠ ܗܠܝܢ
331:03	ܕܩ݁ܝܡܝܢ ܕܢܫܡ݂ܥܘܢ ܐܡ݁ܪ ܐܢܐ ܩܕܡܝܟ ܀ 168 ܘܟܕ ܗܠܝܢ
331:04	ܨ݁ܠܝ ܗܘܐ ܝܗܘܕܐ܂ ܐܡ݂ܪ ܗܘܐ ܠܗ݀ܢܘܢ ܦܠܚ݂̈ܐ܂ ܕܬܘ
331:05	ܐܢܬܘܢ ܫ݁ܠܡܘ ܨܒܝܢܗ ܕܗ݀ܘ ܡ݁ܢ ܕܫܕܪܟܘܢ ܀ ܘܐܬܘ
331:06	ܦܠܚ݂̈ܐ ܡܚܐܘܗܝ ܐܟܚܕܐ܂ ܘܢܦ݂ܠ ܘܡܝ݂ܬ܂ ܐܚ̈ܐ ܕܝܢ
331:07	ܟܠܗܘܢ ܐܟܚܕܐ ܒ݁ܟܝܢ ܗܘܘ܂ ܘܐܝܬܝܘ ܢܚ̈ܬܐ ܛܒ̈ܐ
331:08	ܘܟ̈ܬܢܐ ܣ̈ܓܝܐܐ܂ ܘܩܒܪܘܗܝ ܠܝܗܘܕܐ݂܂ ܒܒܝܬ ܩܒܘܪܐ
331:09	ܕܡ̈ܠܟܐ ܩ̈ܕܡܝܐ ܡܬܩܒܪܝܢ ܗܘܘ ܒܗ܂ 169܂1 ܘܨܝܦܘܪ ܘܘܝܙܢ
331:10	ܠܐ ܨ݁ܒܝܢ ܗܘܘ ܕܢܚܬܘܢ ܠܡܚܘܙܐ܂ ܐܠܐ ܬܡ݁ܢ ܝ݁ܬܒܝܢ
331:11	ܗܘܘ ܐܝܡܡܐ ܟܠܗ܂ ܘܐܦ ܬܡ݁ܢ ܒܬܘ ܀ ܀ ܘܐܬܚܙܝ
331:12	ܠܗܘܢ ܝܗܘܕܐ ܘܐܡ݂ܪ ܠܗܘܢ܂ ܕܠܐ ܗܘ݁ܝܬ ܗܪܟܐ܂
331:13	ܡܢܐ ܝܬܒܝܢ ܐܢܬܘܢ ܘܢܛ݁ܪܝܢ ܠܝ܂ ܣ݁ܠܩܬ ܠܝ ܠܘܬ ܡܪܝ݂܂
331:14	ܘܐ݁ܩܒܠܬ ܡܕܡ ܕܡ݁ܣܟܐ ܗܘܝܬ ܘܡܣ݁ܒܪ܂ ܐܠܐ
331:15	ܩܘܡܘ ܠܟܘܢ ܘܚܘܬܘ ܡܟܐ܂ ܥܕ ܩܠܝܠ ܓܝܪ ܙܒܢܐ
331:16	ܘܐܦ ܐܢܬܘܢ ܡܬܟܢܫܝܢ ܐܢܬܘܢ ܠܘܬܝ܂ 169܂2 ܡܙܕܝ ܕܝܢ
331:17	ܘܟܪܝܫ ܩܪܝܒܗ݂܂ ܐܝܬܝܘ ܐܢ̈ܝܢ ܠܡܓܕܘܢܝܐ ܘܠܛܪܛܝܐ܂
331:18	ܘܐܠܨ݂ܘ ܐܢ̈ܝܢ ܣܓ݁ܝ ܘܠܐ ܐܬܪ̈ܡܝ ܗ̈ܘܝ ܠܨܒܝܢܗܘܢ܂
331:19	ܘܐܬܚܙܝ ܗܘܐ ܠܗܝܢ ܝܗܘܕܐ ܘܐܡ݂ܪ ܠܗܝܢ܂ ܠܐ݂ ܬܛܥ̈ܝܢ
331:20	ܒ̈ܢܬܝ ܠܝܫܘܥ ܢܘܗܪܢ܂ ܗ݀ܘ ܩܕܝܫܐ ܘܚ݂݁ܝܐ܂ ܘܗ݂ܘ ܒܥܓܠ
331:21	ܥ݁ܒܕ ܠܟܝܢ ܢܝ݁ܚܟܝܢ ܘܥܘܕܪܢܟܝܢ ܀ ܘܟܕ ܚ݂ܙܘ ܡܙܕܝ
331:22	ܡ݁ܠܟܐ ܘܟܪܝܫ ܩܪܝܒܗ ܕܠܐ ܡܬܛ̈ܦܝܣܢ
332:01	ܗ̈ܘܝ ܠܗܘܢ܂ ܐܪܦܝܘ ܐܢ̈ܝܢ ܕܒܨܒܝܢܐ ܕܢܦܫܗܝܢ
332:02	ܢܬܕܒܪ̈ܢ܂ 169܂3 ܘܟܢܫܝܢ ܗܘܘ ܟܠܗܘܢ ܐ̈ܚܐ ܕܬܡ݁ܢ ܐܟܚܕܐ܂
332:03	ܘܡܨ݁ܠܝܢ ܘܡ݁ܩܪܒܝܢ ܩܘܪܒܢܐ ܘܩܨ݁ܝܢ܂ ܡܛܠ ܕܥܒ݂ܕܗ
332:04	ܗܘܐ ܝܗܘܕܐ ܠܨܝܦܘܪ ܩܫܝܫܐ݂ ܘܠܘܝܙܢ ܡܫܡܫܢܐ
332:05	ܒܛ݂ܘܪܐ ܟܕ ܐ݁ܙܠ ܗܘܐ ܕܢܡ݁ܘܬ܂ ܘܡܪܢ ܡܥܕܪ ܗܘܐ
332:06	ܠܗܘܢ ܒܚܘܒܗ݂܂ ܘܡܣܓܐ ܗܘܐ ܗܝܡܢܘܬܗ
332:07	ܒܐ̈ܝ݂ܕܝܗܘܢ ܀ 170܂1 ܓ݂ܕܫ ܕܝܢ ܒܬܪ ܙܒܢܐ ܣܓܝܐܐ܂
332:08	ܘܗܘ݂ܐ ܕܝܘܐ ܠܚܕ ܡܢ ܒ̈ܢܘܗܝ ܕܡܙܕܝ ܡ݁ܠܟܐ܂ ܘܠܐ
332:09	ܐܢܫ ܡܫܟܚ ܗܘܐ ܕܢܐܣܪܝܘܗܝ܂ ܡܛܠ ܕܩ݂ܫܐ ܗܘܐ
332:10	ܛܒ܂ ܘܐܬܚ݁ܫܒ ܗܘܐ ܡܙܕܝ ܡ݁ܠܟܐ ܒܪܥܝܢܗ ܘܐܡ݂ܪ܂
332:11	ܕܐ݁ܙܠ ܐ݁ܦܬܚ ܩܒܪܗ ܕܝܗܘܕܐ܃ ܘܐ݁ܣܒ ܓܪܡܐ ܡܢ
332:12	ܓܪ̈ܡܘܗܝ ܕܫܠܝܚܐ ܕܐܠܗܐ݂܂ ܘܐ݁ܬܠܐ ܥܠ ܒܪܝ
332:13	ܘܡܬܚܠܡ܂ 170܂2 ܘܐܬܚܙܝ ܠܗ ܝܗܘܕܐ ܒܚܙܘܐ ܘܐܡ݂ܪ
332:14	ܠܗ܂ ‍{‍ܟ‍}‍‍<‍ܒ‍>‍ܚܝܐ݂ ܠܐ ܗܝܡ݂ܢܬ݂܂ ܒܡܝ݂ܬܐ݁ ܗܐ ܨܒܝ݂ܬ
332:15	ܕܬܗܝܡܢ܃ ܠܐ ܕܝܢ ܬܕܚܠ܂ ܚܐ݁ܢ ܠܟ ܡܪܝ ܡܫܝܚܐ
332:16	ܡܛܠ ܒܣܝܡܘܬܗ܂ ܘܠܐ ܐܫܟܚ ܗܘܐ ܓܪ̈ܡܘܗܝ܂
332:17	ܓܢ݂ܒ ܗܘܐ ܐܢܘܢ ܓܝܪ ܚܕ ܡܢ ܐܚ̈ܐ݂܂ ܘܐܣܩ ܐܢܘܢ
332:18	ܠܡܥܪܒܐ܂ ܘܫܩܠ݂ ܗܘܐ ܕܝܢ ܡܙܕܝ ܡ݁ܠܟܐ ܡܢ ܥܦܪܐ
332:19	ܕܗ݀ܝ ܕܘܟܬܐ ܕܪܡ݂݁ܝܢ ܗܘܘ ܒܗ݀ ܓܪ̈ܡܘܗܝ ܕܫܠܝܚܐ݂܂
332:20	ܘܬܠ݂ܐ ܥܠ ܒܪܗ ܘܐܡ݂ܪ܂ ܡ݁ܗܝܡܢ ܐܢܐ ܒܟ ܡܪܝ
332:21	ܝܫܘܥ ‍{‍ܗܫܐ‍}‍ ܗܫܐ݁܂ ܕܐܪܦܝܢܝ ܗ݀ܘ ܐܝܢܐ ܕܒܟܠܙܒܢ ܡܕܘܕ
333:01	ܠܒ̈ܢܝܢܫܐ ܕܠܐ ܢܚ݂ܙܘܢ ܢܘܗܪܐ ܀ 170܂3 ܘܟܕ ܬܠ݂ܐ ܥܠ ܒܪܗ
333:02	ܘܗܝܡܢ݂ ܐܬܚܠܡ܂ ܘܗ݂ܘ ܡܬ݂ܟܢܫ ܗܘܐ ܥܡܗܘܢ
333:03	ܥܡ ܐ̈ܚܐ܂ ܘܡ݁ܪܟ‍{‍ܝ‍}‍ܢ ܗܘܐ ܪܝܫܗ ܡܙܕܝ ܡ݁ܠܟܐ ܬܚܝܬ
333:04	ܐܝ݂ܕܗ ܕܨܝܦܘܪ ܩܫܝܫܐ܂ ܘܡܦܝܣ ܗܘܐ ܘܒܥ݁ܐ ܡܢ
333:05	ܟܠܗܘܢ ܐ̈ܚܐ݂܂ ܕܢܨ݁ܠܘܢ ܥܠܘܗܝ܃ ܕܢܬܚܢܢ ܥܡܗܘܢ݂
333:06	ܩܕܡ ܡܪܢ ܝܫܘܥ ܡܫܝܚܐ܂ ܒܡ݁ܠܟܘܬܗ ܕܠܥܠܡ
333:07	ܥܠܡܝܢ ܐܡܝܢ܂
333:08	171 ܫܠܡ݂ܬ݁ ܦܪܟܣܝܣ ܕܝܗܘܕܐ ܬܐܘܡܐ ܫܠܝܚܗ ܕܡܪܢ
333:09	ܝܫܘܥ ܡܫܝܚܐ܂ ܕܐܣ݂ܗܕ ܒܐܪܥܐ ܕܗܢܕܘ܂
333:10	ܒܐ̈ܝܕܝ ܡܙܕܝ ܡ݁ܠܟܐ ܀ ܀ ܀
333:11	‍[‍ܫܘܒܚܐ ܠܐܒܐ ܘܠܒܪܐ ܘܠܪܘܚܐ
333:12	ܕܩܘܕܫܐ ܗܫܐ ܘܒܟܠ ܙܒܢ
333:13	ܘܠܥܠܡ ܥܠܡܝܢ ܐܡܝܢ ܀‍]‍