The Comprehensive Aramaic Lexicon

11:01	ܟܕ ܕܝܢ ܐܦ ܗܢܐ ܣܒ݂ܠ ܫܢܕܐ ܘܡ݂ܝܬ݂܂ ܗ݀ܘ ܕܚܡܫܐ ܫܘܪ ܠܡܨܥܬܐ݂܂ ܘܐܡ݂ܪ܃
11:02	ܠܐ ܡܬܡܬܢ ܐܢܐ ܐܘ ܛܪܘܢܐ ܠܡܐܬܐ ܠܐܘܠ̈ܨܢܐ ܡܛܠ ܫܪܪܐ܃
11:03	ܐܢܐ ܕܝܢ ܡܢ ܨܒܘܬ ܢܦܫܝ ܥ݁ܒܪܬ ܠܡܨܥܬܐ܂ ܕܟܕ ܐ݁ܠܨ ܐܢܬ ܐܦ ܠܝ ܥܠ ܐ̈ܦܝ ܚܛܗ̈ܐ ܣܓܝܐ̈ܐ ܬܣܒ ܡܣܡܒܪܫܐ ܠܕܝ݂ܢܐ ܫܡܝܢܐ܃
11:04	ܐܘ ܣ݁ܢܐ ܠܡܝܬܪܘܬܐ ܘܣ݁ܢܐ ܠܒ̈‍<‍ܢ‍>‍ܝ ܐܢܫܐ܂ ܡܢܐ ܣܥܪܢ ܕܡܛܠܬܗ ܒܗܢܐ ܐܣܟܡܐ ܚ݁ܪܒ ܐܢܬ ܠܢ܃
11:05	ܡܛܘܠ ܕܠܒܪܘܝܐ ܣܓܕܝܢ ܚܢܢ܂ ܘܒܢܡܘܣܗ ܫܒܝܚܐ ܡܬܗܦܟܝܢ ܚܢܢ܃
11:06	ܐܠܐ ܗܕܐ ܠܐܝܩܪܐ ܘܠܐ ܗܘܐ ܠܫܢ̈ܕܐ ܫܘ݁ܝܐ ܗܘܬ܃
11:09	ܟܕ ܕܝܢ ܡܡܠܠ ܗܘܐ ܗܠܝ݂ܢ܂ ܐܣܪܘܗܝ ܦܠܚ̈ܐ ܘܠܘܬ ܩܝܣܐ ܐܝܬܝܘܗܝ܃
11:10	ܘܥܠܘܗܝ ܥܠ ܩܝܣܐ ܗܢܐ ܟܘܠܗ ܡܢ ܩܕܠܗ ܡܬܟܦܦ ܗܘܐ ܒܕܡܘܬ ܥܩܪܒܐ܂ ܘܡܬܦܪܩܝܢ ܗܘܘ ܗܕܡ̈ܘܗܝ܃
11:11	ܟܕ ܕܝܢ ܪܘܚܗ ܒܙܢܐ ܗܢܐ ܕ̈ܫܢܕܐ ܡܬܐܠܨܐ ܗܘܬ܂ ܘܦܓܪܗ ܡܬܥܨܐ ܗܘܐ ܠܡܬܦܫܚܘ ܐܡ݂ܪ܃
11:12	ܛܝܒ̈ܘܬܐ ܫܦܝܪ̈ܬܐ ܟܕ ܠܐ ܨܒ݁ܐ ܐܢܬ ܝܗ݀ܒ ܐܢܬ ܠܢ ܐܘ ܛܪܘܢܐ܃ ܕܒܝܕ ܟܐܒ̈ܐ ܩ̈ܫܝܐ ‍{‍ܥ‍}‍‍<‍ܠ‍>‍݁ܡܕ ܐܢܬ ܠܢ ܠܡܚܘܝܘ ܚܘܡܣܢܢ ܕܡܛܠ ܢܡܘܣܐ܃
11:13	ܟܕ ܕܝܢ ܡܝ݂ܬ ܐܦ ܗܢܐ݂܂ ܠܛܠܝܐ ܗܘ݁ ܕܫܬܐ ܒܬܪܗ ܡܩܪܒܝܢ ܗܘܘ܂ ܟܕ ܕܝܢ ܡܫܐܠ ܠܗ ܛܪܘܢܐ ܕܐܢ ܗ݂ܘ ܕܢܨܒܐ ܕܢܐܟܘܠ ܘܢܫܬܒܩ݂܂ ܥ݂ܢܐ ܗ݂ܘ ܘܐܡ݂ܪ ܠܗ܃
11:14	ܐܢܐ ܒܫܢ̈ܝܐ ܡܢ ܐܚ̈ܝ ܛܠ݂ܐ ܐܢܐ܂ ܒܪܥܝܢܐ ܕܝܢ ܚܠܝܡܐ݂܂ ܒܪ ܫܢܝܗ̈ܘܢ ܐܢܐ܃
11:15	ܘܒܗܝܢ ܟܕ ܒܗܝܢ ܗܟܝܠ ܒܨܒܘ̈ܬܐ ܐܬܝܠܕܢ ܘܒܗܝܢ ܐܬܪܒܝܢ܂ ܡܛܘܠܬܗܝܢ ܕܝܠܗܝܢ݂܂ ܐܦ ܕܢܡܘܬ ܙܕ݁ܩ ܠܢ ܫܘܝܐܝܬ܃
11:16	ܐܢ ܗܟܝܠ ܡܬܚܙܝܐ ܩܕܡܝܟ ܕܬܫܬܢܕ ܒܝ܂ ܐܢܗ݂ܘ ܕܠܐ ܐܟܘܠ ܕܡܣ݁ܝܒ ܐܫܬܢܕ܃
11:17	ܟܕ ܕܝܢ ܐܡ݂ܪ ܗܠܝ݂ܢ܂ ܗܝ݁ܕܝܢ ܐܝܬܝܘܗܝ ܥܠ ܓܝܓܠܐ܃
11:18	ܘܟܕ ܥܠܝܗ݀ ܡܬܝܚ ܗܘܐ܂ ܗܕܡ̈ܘܗܝ ܘܚܘܡܪ̈ܘܗܝ ܡܫܬܪ̈ܝܢ ܗ̈ܘܝ܂ ܡܫܬܓܪܐ ܕܝܢ ܬܚܘܬܘܗܝ ܢܘܪܐ܃
11:19	ܘܫܦܘ̈ܕܐ ܚܪܝ̈ܦܐ ܡܚܡܝܢ ܗܘܘ܂ ܘܒܚܨܗ ܡܙܩܬܝܢ ܗܘܘ ܠܗ܂ ܘܐܠܥ̈ܘܗܝ ܫ݁ܦܕܝܢ ܗܘܘ܂ ܘܡܐ̈ܢܝ ܓܘܗ ܡܘܩܕܝܢ ܗܘܘ܃
11:20	ܗ݂ܘ ܕܝܢ ܟܕ ܐܝܬܘܗܝ ܗܘܐ ܒܐܘܠܨܢܐ ‍{‍‍{‍ܗܢܐ݂݁‍}‍‍}‍܂ ܐܘ ܠܐܓܘܢܐ ^ܗܢܐ^ ܫܒܝܚܐ ܐܡ݁ܪ ܗܘܐ܂ ܕܠܗ ܡܛܠ ܫܪܪܐ ܒܕܘܪܫܐ ܕܟܐ̈ܒܐ ܗܠܝܢ ܟܘܠܗܘܢ ܐܚ̈ܐ ܐܬܩܪܝܢ ܘܠܐ ܐܙܕܟܝܢ܃
11:21	ܠܐ ܡܙܕܟܝܢܐ ܗܘ ܓܝܪ ܐܘ ܛܪܘܢܐ ܐܝ݁ܢܐ ܕܐܝܬܘܗܝ ܒܡܪܕܘܬܐ ܕܝܘܠܦܢܐ ܕܫܪܪܐ܃
11:22	ܘܡܙܝܢ ܒܪܚܡܬ ܫܦܝܪ̈ܬܐ܂ ܡܐ݁ܬ ܐܢܐ ܐܦ ܐܢܐ ܥܡ ܐܚ̈ܝ܃

11:23	ܟܕ ܡܝܬܐ ܐܢܐ ܐܦ ܐܢܐ ܐܦ ܐܢܐ ܥܠܝܟ ܚܘܒܠܐ ܪܒܐ܂ ܐܘ ܫܐܕܐ ܚ݁ܒܠܐ ܘܡܫܟܚܢܐ ܕܫܢ̈ܕܐ ܚܕ̈ܬܐ܂ ܘܒܥܠܕܒܒܐ ܕܣ݁ܓ̈ܘܕܐ ܫܪܝܪܐ܃

11:24	ܫܬܐ ܥܠܝܡ̈ܝܢ ܠܛܪܘܢܘܬܟ ܣ݁ܬܪܢ܃
11:25	ܕܠܐ ܓܝܪ ܐܫܟ݂ܚܬ ܕܬܦܝܣ ܠܪܥܝܢܢ܂ ܠܐ ܗܘܐ ܕܡܘܟܟܟ ܗܝ ܗܕܐ݂܃
11:26	ܢܘܪܟ ܠܢ ܩܪܝܪܐ ܗܝ܂ ܘܕܠܐ ܟܐܒ ܐܝܬܝܗܘܢ ܦܪ̈ܙܠܝܟ܂ ܘܕܠܐ ܚܝܠ ܩܛܝܪ̈ܝܟ܃
11:27	ܠܐ ܗܘܐ ܓܝܪ ܐܚܝ̈ܕܝ ܪܘܡܚܐ ܕܛܪܘܢܘܬܐ܂ ܐܠܐ ܐܚܝ̈ܕܝ ܪ̈ܘܡܚܐ ܕܢܡܘܣܐ ܐܠܗܝܐ ܚܕܝܪܝܢ ܠܢ܂ ܘܥܠ ܗܕܐ ܪܥܝܢܐ ܠܐ ܡܙܕܟܝܢܐ ܐܝܬ ܠܢ܀