The Comprehensive Aramaic Lexicon

05:01	ܒܬܪ ܕܝܢ ܗܠܝܢ ܐܬܓܒܝܘ ܠܡܣܩ ܪ̈ܝܫܐ ܕܒܝܬܐ ܕܫܪ̈ܒܬܐ ܐܝܟ ܫܒ̈ܛܐ ܕܝܠܗܘܢ ܘܢܫ̈ܐ ܕܝܠܗܘܢ ܘܒܢܝܐ ܘܒ̈ܢܬܐ ܘܥܒ̈ܕܐ ܕܝܠܗܘܢ ܘܐܡܗ̈ܬܐ ܘܒܥܝܪ̈ܐ ܕܝܠܗܘܢ
05:02	ܘܕܪܝܘܫ ܫܕܪ ܥܡܗܘܢ ܦܪ̈ܫܐ ܐܠܦܐ ܥܕܡܐ ܕܡܩܝܡܝܢ ܠܗܘܢ ܒܐܘܪܝܫܠܡ ܥܡ ܫܝܢܐ ܘܥܡ ܡܘܣܝܩ̈ܐ ܘܦ̈ܠܓܐ ܘܥܡ ܐܒܘ̈ܒܐ
05:03	ܘܟܠܗܘܢ ܐܚ̈ܐ ܕܝܠܗܘܢ ܟܕ ܡܫܬܥܝܢ ܘܥܒܕ ܐܢܘܢ ܠܡܣܩ ܐܟܚܕܐ ܥܡ ܗܢܘܢ
05:04	ܘܗܠܝܢ ܫܡ̈ܗܐ ܕܓܒܪ̈ܐ ܗܢܘܢ ܕܣܠܩܝܢ ܗܘܘ ܥܠ ܪܝܫܢܘܬܐ ܕܝܠܗܘܢ
05:05	ܟܗ̈ܢܐ ܒܢܘ̈ܗܝ ܕܦܝܢܚܣ ܒܪܐ ܕܐܗܪܘܢ ‍{‍ܩ‍}‍‍<‍ܝܫ‍>‍ܘܥ ܗܘ ܕܝܘܙܕܩ ܗܘ ܕܫܐܪܝܐ ܘܝܩܝܩܝܡ ܗܘ ܕܙܘܪܒܒܝܠ ܗܘ ܕܫܠܐܬܝܠ ܡܢ ܒܝܬܗ ܕܕܘܝܕ ܡܢ ܓܢܣܐ ܕܦܪܨ ܫܪܒܬܐ ܕܝܢ ܕܝܗܘܕܐ
05:06	ܗܘ ܕܡܠܠ ܩܕܡ ܕܪܝܘܫ ܡܠܟܐ ܕܦܪ̈ܣܝܐ ܡ̈ܠܐ ܚܟ̈ܝܡܬܐ ܬܪܝܢܝܬܐ ܕܡܠܟܘܬܐ ܕܝܠܗ ܒܢܝܣܢ ܝܪܚܐ ܩܕܡܝܐ
05:07	ܐܝܬܝܗܘܢ ܕܝܢ ܗܢܘܢ ܡܢ ܝܗܘܕ ܗܢܘܢ ܕܣܠܩܘ ܡܢ ܫܒܝܬܐ ܡܢ ܬܘܬܒܘܬܐ ܗܢܘܢ ܕܓܠܘܝ ܗܘܐ ܢܒܘܟܕܢܨܪ ܡܠܟܐ ܕܒܒܝܠ ܠܒܒܝܠ
05:08	ܘܗܦܟܘ ܠܐܘܪܝܫܠܡ ܘܠܫܪܟܐ ܕܝܗܘܕ ܟܠܚܕ ܠܡܕܝܢܬܐ ܕܝܠܗ ܗܢܘܢ ܕܐܬܘ ܥܡ ܙܘܪܒܒܝܠ ܘܝܫܘܥ ܗܘ ܕܢܚܡܝܐ ܕܙܪܚܝܐ ܕܪܝܫܝܐ ܕܚܢܢܝܐ ܕܡܘܪܕܟܝ ܕܒܥܠܫܐܪܝܐ ܕܐܣܦܪܣܘ ܕܒܘܪܠܐܝܐ ܕܪܐܘܝܡ ܕܒܥܢܐ ܕܪ̈ܝܫܢܐ ܕܝܠܗܘܢ
05:09	ܡܢܝܢܐ ܕܗܢܘܢ ܕܡܢ ܥܡܐ ܘܡܕܒܪ̈ܢܐ ܕܝܠܗܘܢ ܒ̈ܢܝܐ ܕܦܪܨ ܬܪ̈ܝܢ ܐܠܦ̈ܝܐ ܘܡܐܐ ܘܫܒ̈ܥܝܢ ܘܬܪ̈ܝܢ ܒ̈ܢܝܐ ܕܫܦܛ ܬܠܬ ܡܐܐ ܘܫܒ̈ܥܝܢ ܘܬܪ̈ܝܢ
05:10	ܒܢܝܐ ܕܐܪܘܫ ܫܒܥ ܡܐܐ ܘܚܡ̈ܫܝܢ ܘܫܬܐ
05:11	ܒܢܝܐ ܕܦܐܠܝ ܘܦ̈ܝܫܢܐ ܕܡܘܐܒ ܘܒܪܗ ܕܝܫܘܥ ܘܕܚܘܒܕ ܐܠܦܐ ܘܬܡܢܡܐܐ ܘܬܪ̈ܝܢ
05:12	ܒ̈ܢܝܐ ܕܝܘܠܚܡ ܬܪ̈ܝܢ ܒܢܝܐ ܕܐܙܐܛܘ ܬܫܥܡܐܐ ܘܫܒܥܝܢ ܒ̈ܢܝܐ ܕܟܘܪܒܐ ܫܬܡܐܐ ܘܬܠܬܝ̈ܢ ܘܬܠܬܐ ܒ̈ܢܝܐ ܕܒܢܝ ܫܬܡܐܐ ܘܐܪ̈ܒܥܝܢ ܘܬܡܢܝܐ
05:13	ܒܢܝܐ ܕܒܝܒܐ ܫܒܥܡܐܐ ܘܚܡܫܐ ܒܢܝܐ ܕܐܪܓܘ ܐܠܦܐ ܘܬܠܬܡܐܐ ܘܥܣܪ̈ܝܢ ܘܬܪ̈ܝܢ
05:14	ܒܢܝܐ ܕܐܕܘܢܝܩܡ ܬܠܬܝܢ ܘܫܒܥܐ ܒܢܝܐ ܕܒܥܫܐ ܬܪ̈ܝܢ ܐܠܦ̈ܝܐ ܘܫܬܡܐܐ ܘܐܫܬܐ ܒ̈ܢܝܐ ܕܥܫܐܝܠ ܐܪܒܥܡܐܐ ܘܚܡ̈ܫܝܢ ܘܐܪ̈ܒܥܐ
05:40	ܘܐܡܪ ܠܗܘܢ ܢܚܡܝܐ ܠܐ ܬܫܬܘܬܦܘܢ ܕܝܢ ܒܩܘܕܫ̈ܐ ܥܕܡܐ ܕܢܩܝܡ ܪܝܫ ܟܗ̈ܢܐ ܕܠܒܝܫ ܓܠܝܢܐ ܘܫܪܪܐ
05:41	ܟܠܗܘܢ ܕܝܢ ܐܝܬܝܗܘܢ ܗܘܘ ܕܐܝܣܪܐܝܠ ܡܢ ܒܪ ܬܪ̈ܬܥܣܪܐ ܫ̈ܢܝܐ ܣܛܪ ܡܢ ܥܒ̈ܕܐ ܘܐܡܗ̈ܬܐ ܪ̈ܒܘܬܐ ܐܪ̈ܒܥ ܘܬܪ̈ܝܢ ܐܠܦ̈ܝܐ ܘܐܪ̈ܒܥܡܐܐ ܘܐܫܬܝܢ ܥܒ̈ܕܐ ܕܗܠܝܢ ܘܐܡ̈ܗܬܐ ܫܒܥܐ ܐܠܦ̈ܝܐ ܘܬܠܬ ܡܐܐ ܘܬܠܬܝܢ ܘܫܒܥܐ ܦܣܠܛܘ̈ ܘܡܙܡܪ̈ܢܐ ܡܐܬܝܢ ܘܐܪ̈ܒܥܝܢ ܘܚܡܫܐ

05:42	ܓܡ̈ܠܐ ܐܪܒܥܡܐܐ ܘܬܠܬܝܢ ܘܚܡܫ ܘܪ̈ܟܫܐ ܫܒܥܐ ܐܠܦ̈ܝܐ ܘܬܠܬܝܢ ܘܐܫܬܐ ܡܘ̈ܠܝܬܐ ܡܐܬܝܢ ܘܐܪ̈ܒܥܝܢ ܘܚܡܫ ܚܡܪ̈ܐ ܚܡܫܐ ܐܠܦ̈ܝܐ ܘܚܡܫ ܡܐܐ ܘܥܣܪ̈ܝܢ ܘܚܡܫܐ

05:43	ܘܡܢ ܪ̈ܝܫܢܐ ܐܝܟ ܫܪ̈ܒܬܐ ܟܕ ܐܬܝܢ ܗܘܘ ܠܗܝܟܠܐ ܕܐܠܗܐ ܗܘ ܕܒܐܘܪܝܫܠܡ ܢܕܪܘ ܗܘܘ ܕܢܩܝܡܘܢ ܠܒܝܬܐ ܥܠ ܕܘܟܬܐ ܕܝܠܗ
05:44	ܘܗܝܟܠܐ ܕܝܠܗܘܢ ܘܒܝܬ ܓܙܐ ܟܗܢܝܐ ܕܥܒ̈ܕܐ ܡܢ̈ܐܣ ܕܕܗܒܐ ܐܠܦܐ ܘܣܐܡܐ ܡܢ̈ܐܣ ܚܡܫܐ ܐܠܦ̈ܝܐ ܘܐܣ̈ܛܠܐ ܟܗ̈ܢܝܬܐ ܡܐܐ
05:45	ܘܐܬܬܥܡܪܘ ܟܗ̈ܢܐ ܘܠܘ̈ܝܐ ܘܗܢܘܢ ܕܡܢ ܥܡܐ ܕܝܠܗ ܒܐܘܪܝܫܠܡ ܘܒܐܬܪܐ ܘܡܙܡܪ̈ܢܐ ܟܗ̈ܢܝܐ ܘܬܪ̈ܥܐ ܘܟܠܗ ܐܝܣܪܐܝܠ ܒܩܘܪ̈ܝܐ ܕܝܠܗܘܢ
05:46	ܟܕ ܩܡ ܕܝܢ ܝܪܚܐ ܫܒܝܥܝܐ ܘܐܝܬܝܗܘܢ ܗܘܘ ܒܢܝܐ ܕܝܣܪܐܝܠ ܟܠܚܕ ܒܕܝܠܗܘܢ ܐܬܟܢܫܘ ܐܟܚܕܐ ܒܪܘܝܚܘܬܐ ܕܬܪܥܐ ܩܕܡܝܐ ܗܘ ܕܠܘܬ ܡܕܢܚܐ
05:47	ܘܟܕ ܐܬܬܩܝܡ ܝܫܩܥ ܒܪܗ ܕܝܘܙܕܩ ܘܐܚ̈ܐ ܕܝܠܗ ܟܗ̈ܢܐ ܘܙܘܪܒܒܝܠ ܗܘ ܕܫܠܐܬܝܠ ܘܐܚ̈ܐ ܕܗܢܐ ܛܝܒܘ ܡܕܒܚܐ ܕܐܠܗܐ
05:48	ܠܡܩܪܒܘ ܥܠܘܗܝ ܝ̈ܩܕܐ ܫ̈ܠܡܐ ܢܩܦܐܝܬ ܠܗܠܝܢ ܕܒܟܬܒܐ ܕܡܘܫܐ ܗܘ ܒܪܢܫܐ ܕܐܠܗܐ ܐܡܝܪ̈ܢ
05:49	ܐܬܟܢܫܘ ܟܠܗܘܢ ܡܢ ܥܡ̈ܡܐ ܐܚܪ̈ܢܐ ܕܐܪܥܐ ܘܬܪܨܘ ܠܡܕܒܚܐ ܥܠ ܕܘܟܬܐ ܕܝܠܗ ܡܛܠ ܕܒܒܥܠܕܒܒܘܬܐ ܐܝܬܝܗܘܢ ܗܘܘ ܠܗܘܢ ܟܠܗܘܢ ܥܡ̈ܡܐ ܗܠܝܢ ܕܥܠ ܐܪܥܐ ܘܐܬܚܝܠܘ ܘܡܣܩܝܢ ܗܘܘ ܕܒ̈ܚܐ ܒܙܒܢܐ ܘܝܩ̈ܕܐ ܫ̈ܠܡܐ ܠܡܪܝܐ ܒܨܦܪܐ ܘܒܦܢܝܐ
05:50	ܘܥܒܕܘ ܠܥܐܕܐ ܕܩܒܝܥܘܬܐ ܕܡ̈ܛܠܐ ܐܝܟ ܕܦܩܝܕ ܒܢܡܘܣܐ ܘܕܒ̈ܚܐ ܒܟܠ ܝܘܡܐ ܐܝܟ ܕܙܕܩ ܗܘܐ
05:51	ܘܒܬܪ ܗܠܝܢ ܩܘܪ̈ܒܢܐ ܕܐܡܝܢܘܬܐ ܘܕܒ̈ܚܐ ܕܫܒ̈ܐ ܘܕܪܝܫ ܝܪ̈ܚܐ ܘܕܥ̈ܐܕܐ ܟܠܗܘܢ ܡܩܕܫ̈ܐ
05:52	ܘܟܠܗܘܢ ܗܢܘܢ ܕܢܕܪ ܗܘܘ ܢܕܪܐ ܠܐܠܗܐ ܡܢ ܢܘܡܢܝܐ ܕܝܪܚܐ ܫܒܝܥܝܐ ܫܪܝܘ ܠܡܩܪܒܘ ܕܒ̈ܚܐ ܠܐܠܗܐ ܘܗܝܟܠܐ ܕܐܠܗܐ ܠܐ ܥܕܟܝܠ ܐܬܒܢܝ ܗܘܐ
05:53	ܘܝܗܒܘ ܗܘܘ ܟܣܦܐ ܠܦܣ̈ܩܝ ܟܐܦ̈ܐ ܘܠܢܓܪ̈ܐ ܘܡܫܬܝܐ ܘܡܐܟ̈ܠܬܐ ܘܚܕܘܬܐ ܠܨܝܕܢܝ̈ܐ ܘܠܨܘܪ̈ܝܐ ܠܡܥܒܪܘ ܠܗܘܢ ܡܢ ܠܒܢܢ ܩܝ̈ܣܐ ܩܝܕܪܝܢܐ ܘܠܡܥܒܪܘ ܐܣ̈ܟܕܝܐ ܠܠܡܐܢܐ ܕܝܘܦܐ ܐܝܟ ܦܘܩܕܢܐ ܗܘ ܕܐܬܟܬܒ ܠܗܘܢ ܡܢ ܟܘܪܫ ܡܠܟܐ
05:54	ܘܒܫܢܬܐ ܬܪܝܢܝܬܐ ܟܕ ܐܬܐ ܠܗܝܟܠܐ ܕܐܠܗܐ ܠܐܘܪܝܫܠܡ ܒܝܪܚܐ ܬܪܝܢܐ ܫܪܝ ܙܘܪܒܒܝܠ ܗܘ ܕܫܠܐܬܝܠ ܘܝܫܘܥ ܗܘ ܕܝܘܙܕܩ ܘܐܚ̈ܐ ܕܝܠܗܘܢ ܘܟܗ̈ܢܐ ܘܠܘܝ̈ܐ ܘܟܠܗܘܢ ܗܢܘܢ ܕܐܬܘ ܡܢ ܫܒܝܬܐ ܠܐܪܝܫܠܡ
05:55	ܘܫܬܐܣܘ ܠܗܝܟܠܗ ܕܐܠܗܐ ܒܢܘܡܢܝܐ ܕܝܪܚܐ ܬܪܝܢܐ ܕܫܢܬܐ ܬܪܝܢܝܬܐ ܕܐܬܘ ܠܝܗܘܕ ܘܠܐܘܪܝܫܠܡ
05:56	ܘܐܩܝܡ ܠܠܘܝ̈ܐ ܡܢ ܒ̈ܢܝ ܥܣܪ̈ܝܢ ܫ̈ܢܝܐ ܥܠ ܥܒ̈ܕܐ ܕܡܪܝܐ ܘܩܡ ܝܫܘܥ ܘܒܢܝܐ ܘܐܚ̈ܐ ܕܝܠܗ ܘܙܡܘܐܝܠ ܗܘ ܐܚܐ ܘܒܢܝܐ ܕܝܫܘܥ ܥܡܕܐܒܘܢ ܘܒܢܝܐ ܕܝܗܘܕܐ ܘܐܠܝܕܥ ܥܡ ܒܢܝܐ ܘܐܚ̈ܐ ܕܝܠܗ ܟܠܗܘܢ ܠܘ̈ܝܐ ܐܟܚܕܐ ܪ̈ܕܦܝ ܥܒ̈ܕܐ ܕܥܒܕܝܢ ܒܥܒܕܐ ܒܒܝܬܗ ܕܡܪܝܐ ܘܒܢܘ ܒܢܘ̈ܝܐ ܠܗܝܟܠܗ ܕܡܪܝܐ
05:57	ܘܩܡܘ ܟܗ̈ܢܐ ܟܕ ܡܥܛܦܝܢ ܒܐܣ̈ܛܠܐ ܥܡ ܡܘܣܝܩ̈ܐ ܘܫܝܦܘܪ̈ܐ ܘܠܘܝ̈ܐ ܒܢܝܐ ܕܐܣܦ ܕܐܝܬ ܠܗܘܢ ܨܝ̈ܨܠܐ ܟܕ ܡܫܒܚܝܢ ܗܘܘ ܠܡܪܝܐ ܘܡܒܪܟܝܢ ܐܝܟ ܕܘܝܕ ܡܠܟܐ ܕܐܝܣܪܐܝܠ
05:58	ܘܐܙܥܩܘ ܒܝܕ ܬܫܒ̈ܚܬܐ ܟܕ ܡܒܪܟܝܢ ܠܡܪܝܐ ܡܛܠ ܕܒܣܝܡܘܬܐ ܕܝܠܗ ܘܬܫܒܘܚܬܐ ܠܥܠܡܝܢ ܥܠ ܟܠܗ ܐܝܣܪܐܝܠ
05:59	ܟܠܗ ܥܡܐ ܝܒܒܘ ܘܓܥܘ ܒܩܠܐ ܪܒܐ ܟܕ ܡܫܒܚܝܢ ܠܡܪܝܐ ܥܠ ܩܘܡܗ ܕܒܝܬܗ ܕܡܪܝܐ
05:60	ܘܐܬܘ ܡܢ ܟܗ̈ܢܐ ܘܠܘܝ̈ܐ ܘܡܢ ܗܢܘܢ ܪ̈ܝܫܝ ܡܘܬܒ̈ܐ ܐܝܟ ܫܪ̈ܒܬܐ ܕܝܠܗܘܢ ܩܫܝ̈ܫܐ ܗܢܘܢ ܕܚܙܐܘܗܝ ܠܒܝܬܐ ܕܩܕܡ ܗܢܐ ܠܘܬ ܒܢܝܢܐ ܗܢܐ ܥܡ ܩܥܬܐ ܘܒܟܝܐ ܪܒܐ
05:61	ܘܣܓܝ̈ܐܐ ܥܡ ܫܝܦܘܪ̈ܐ ܘܚܕܘܬܐ ܒܩܠܐ ܪܒܐ
05:62	ܐܝܟܢܐ ܕܥܡܐ ܠܐ ܢܫܡܥ ܠܫܝܦܘܪ̈ܐ ܡܛܠ ܒܟܝܐ ܕܥܡܐ ܟܢܫܐ ܓܝܪ ܐܝܬܘܗܝ ܗܘܐ ܕܡܝܒܒ ܪܘܪܒܐܝܬ ܡܕܡ ܐܝܟܢܐ ܕܡܢ ܪܘܚܩܐ ܬܫܬܡܥ
05:63	ܘܟܕ ܫܡܥܘ ܒ̈ܥܠܕܒܒܐ ܕܫܪ̈ܒܬܐ ܕܝܗܘܕܐ ܘܕܒܢܝܡܝܢ ܐܬܘ ܠܡܫܬܘܕܥܘ ܡܢܘ ܩܠܐ ܕܫܝܦܘܪ̈ܐ
05:64	ܘܐܫܬܘܕܥܘ ܕܗܢܘܢ ܕܡܢ ܫܒܝܬܐ ܒܢܝܢ ܗܝܟܠܐ ܠܡܪܝܐ ܐܠܗܐ ܕܐܝܣܪܐܝܠ
05:65	ܘܟܕ ܩܪܒܘ ܠܙܘܪܒܒܝܠ ܘܠܝܫܘܥ ܘܠܪ̈ܝܫܢܐ ܕܫܪ̈ܒܬܐ ܐܡܪܝܢ ܠܗܘܢ ܢܒܢܐ ܥܡܟܘܢ
05:66	ܒܕܡܘܬܐ ܓܝܪ ܕܝܠܟܘܢ ܫܡܥܝܢܢ ܠܗ ܠܡܪܝܐ ܕܝܠܟܘܢ ܘܠܗ ܡܕܒܚܝܢܢ ܡܢ ܝܘ̈ܡܬܐ ܕܐܫܬܩܦܬ ܡܠܟܐ ܕܐܬܘܪ̈ܝܐ ܗܘ ܕܐܥܒܪ ܗܘܐ ܠܢ ܠܗܪܟܐ
05:67	ܘܐܡܪܘ ܠܗܘܢ ܙܘܪܒܒܝܠ ܘܝܫܘܥ ܘܪ̈ܝܫܢܐ ܕܫܪ̈ܒܬܐ ܕܐܝܣܪܐܝܠ ܠܐ ܠܢ ܘܠܟܘܢ ܗܝ ܕܠܡܒܢܐ ܒܝܬܐ ܠܡܪܝܐ ܐܠܗܐ ܕܝܠܢ
05:68	ܚܢܢ ܓܝܪ ܒܠܚܘܕܝܢ ܒܢܝܢܢ ܠܡܪܝܐ ܐܠܗܐ ܕܝܠܢ ܐܝܣܪܐܝܠ ܢܩܦܐܝܬ ܠܗܠܝܢ ܕܦܩܕ ܠܢ ܟܘܪܫ ܡܠܟܐ ܕܦܪ̈ܣܝܐ
05:69	ܥܡ̈ܡܐ ܕܝܢ ܕܐܪܥܐ ܕܣܝܡܝܢ ܗܘܘ ܥܠ ܗܢܘܢ ܕܒܝܗܘܕ ܘܚܒܫܝܢ ܠܗܘܢ ܒܩܪܒܐ ܟܠܝܢ ܗܘܘ ܠܡܒܢܐ
05:70	ܘܟܕ ܡ̈ܠܟܐ ܘܡܝܬܝܘܬ ܥܡܐ ܘܟܢܘ̈ܫܝܐ ܥܒܕܝܢ ܗܘܘ ܟܠܘ ܗܘܘ ܠܡܒܢܐ ܘܠܡܫܡܠܝܘ ܠܒܢܝܢܐ ܟܠܗ ܙܒܢܐ ܕܚܝܘ̈ܗܝ ܕܡܠܟܐ ܟܘܪܫ ܘܐܬܟܠܝܘ ܡܢ ܕܠܡܒܢܐ ܫ̈ܢܝܐ ܬܪ̈ܬܝܢ ܥܕܡܐ ܠܡܠܟܘܬܗ ܕܕܪܝܘܫ