The Comprehensive Aramaic Lexicon

215:10y	ܕܡܐܐ ܘܚܡܫܝܢ ܘܚܕܐ܂ ܒܥܒܪܝܐ ܠܝܬܘ‍[‍ܗ‍]‍ܝ ܥܠܬܐ ܕܡܙܡܘܪܐ ܡ݂ܢ ܒܪܬ ܩܠܐ ܕ‍{‍̇‍}‍ܗܘܣܗܒܝܘܣ ܠܝܬܝܗ݀ ܘܡ݂ܢ ܕܐܬܢܣܝܘܣ ܡܫܘܕܥܢܐ ܕܡ̈ܠܐ ܕܫܘܒܗܪܐ ܕܒܡܪܝܐ܂ ܐܢܕܝܢ ܟܕ ܐܝܬܝܟ ܙܥܘܪܐ ܐܬܒܥܝܬ ܠܚܫܚܬܐ ܡܕܡ ܕܐ‍[‍ܚ̈‍]‍ܝܟ ܠܐ ܬܬܪܝܡ ܥܠܝܗܘܢ܂ ܐܠܐ ܟܕ ܠܡܪܝܐ ܕܓܒܝܟ ܝܗ݀ܒ ܐܢܬ ܬܫܒܘܚܬܐ݂ ܙܡܪ܂ ܛܘܒܢܐ ܕܝܢ ܡܪܝ݂ ܬܐܘܕܘܪܘܣ ܡܦܫܩܢܐ ܠܐ ܐܟܬ݂ܒ ܥܠܬܗ‍[‍܂‍]‍ ܒ݂ܨܚ̈ܚܐ ܕܝܢ ܣܘܪ̈ܝܝܐ݂ ܗ݀ܢܘ ܪܘܫܡܗ܂
215:100	ܕܕܘܝܕ ܟܕ ܒܠܚܘܕܘܗܝ ܐܬܟܬܫ ܥܡ ܓܘܠܝܕ܂
215:101	ܙܥܘܪܐ ܗܘܝܬ ܒܐܚ̈ܝ݂܂ ܘܛܠܝܐ ܒܒܝܬܗ ܕܐܒܝ ܂ ܂ ܪܥ݁ܐ ܗ݀ܘܝܬ݁ ܥ̈ܢܐ ܕܐܒܝ܂

215:102	ܐܝ̈ܕܝ ܥܒ̈ܕܝܢ ܐ݂ܘܪܓܢܘܢ܂ ܘܨ̈ܒܥܬܝ݂ ܠܚ̈ܡܝܢ ܟܢܪ̈ܐ܂

215:103	ܘܡܢܘ ܡܚܘܐ ܠܡ݁ܪܝ܂ ܗܘܝܘ ܡܪܝܐ ܗܘܝܘ ܐܠܗܐ ܕܝܠܝ܂
215:104	ܗ݂ܘ݁ ܫ݂ܠܚ݁ ܠܡܠܐܟܗ݂ ܘܐܪܝܡܢܝ ܡ݂ܢ ܥܪ̈ܒܐ ܕܐܒܝ܂ ܘܡ݂݁ܫܚ݂݁ܢܝ݂ ܒܡܫܚܐ ܕܡܫܝܚܘܬܗ܂
215:105	ܐ̈ܚܝ݁ ܫܦܝܪ̈ܐ ܘܪܘܪ̈ܒܐ܂ ܘܠܐ ܐܨܛܒܝ ܒܗܘܢ ܡܪܝܐ܂
215:106	ܢ݁ܦܩ݁ܬ݁ ܠܐܘܪܥܗ݀ ܕܦܠܫܬܝܐ݂܂ ܘܠܛ݂݁ܢܝ ܒܦܬܟܪ̈ܘܗܝ܂
215:107	ܐܢܐ ܕܝܢ݁ ܟܕ ܫ݁ܡ݁ܛܬ݁ ܣܝܦܗ݂ ܦܣ݁ܩܬ ܪܝܫܗ܂ ܘܐ݁ܪܝܡܬ݁ ܚ݂ܣܕܐ ܡ݂ܢ ܒܢ̈ܝܐ ܕܝܣܪܝܠ܂
215:20x	ܕܡܐܐ ܘܚܡܫܝܢ ܘܬܪܬܝܢ‍[‍܂‍]‍ ܥ̈ܠܠܬܐ ܕܝܢ݂܂ ܠܝܬ܂ ܠܐ ܠܗܘܣܗܒܝܘܣ ܘܠܐ ܠܐܬܢܣܝܘܣ݂ ܘܠܐ ܠܡܪܝ ܬܐܘܕܘܪܘ݁ܣ ܡܦܫܩܢܐ܂ ܒܪܡ ܕܝܢ ܪܫܝܡܝܢ ܗܠܝܢ ܐܪܒܥܐ ܡܙܡܘܪ̈ܐ ܗܟܢܐ܂
215:200	ܐܡܝܪ ܠܕܘܝܕ ܟܕ ܡܬܟܬܫ ܥܡ ܐܪܝܐ ܘܕܐܒܐ ܕܫܩܠ݂ܘ ܥܪ̈ܒܐ ܡ݂ܢ ܥܢ̈ܗ‍[‍܂‍]‍܂
215:201	ܐܝܠ ܐܝܠ݂݂ ܬܐ ܠܐܝܠܝ܂ ܥܕܪܝܢܝ݁ ܘܦܪܘܩܝܢܝ܂ ܘܦܨܗ݀ ܠܢܦܫܝ ܡ݂ܢ ܩܛܘ̈ܠܐ܂
215:202	ܐܚܘܬ ܠܫܝܘܠ ܒܦܘܡ ܐܪܝܐ܂ ܐܘ ܢܒܠܒܠ ܐܪܝܐ/ܕܐܒܐ#2#/ ܠܝܬܝ܂
215:203	ܠܐ ܟܕܘ ܠܗܘܢ̤܂ ܕܟܡ݂ܢܘ݁ ܠܥܢ̈ܗ ܕܐܒܝ ܘܬܒ݂ܪܘ ܥܪܒܐ ܡ݂ܢ ܓܙܪܗ ܕܐܦ ܢܦܫܝ ܒܥܝܢ ܕܢܘܒܕܘܢ܂
215:204	ܚܘܣ ܡܪܝܐ ܥܠ ܓ݁ܒܝܟ݂܂ ܘܦܨܐ ܠܚܣܝܟ ܡ݂ܢ ܚܒ݁ܠܐ܂ ܕܢܬܐܡ݂ܢ/ܕܢܬܢܐ ܡ݁ܢ#2#/ ܒܬܫܒ̈ܚܬܟ ܒܟܠܗܘܢ ܥܕܢ̈ܘܗܝ܂ ܘܢܫܒܚ ܠܫܡܐ ܕܪܒܘܬܟ݁܂
215:205	ܡܐ ܕܦܪܩܬܝܗܝ ܡ݂ܢ ܐܝ̈ܕܝ ܡܘܬܐ/ܐܪܝܐ#2#/ ܡܚܒܠܢܐ ‍<‍ܘܕܐܒܐ ܣܪܘܚܐ#2#‍>‍ ܘܡܐ ܕܐܥܕܝܬ ܫܒܝܬܝ ܡ݂ܢ ܦܘܡܗܝܢ ܕܚܝ̈ܘܬܐ܂
215:206	ܒܥܓܠ ܐܕܘܢܝܘܗܝ܂ ܫܕܪ ܡ݂ܢ ܩܕܡܝܟ ܡܫܘܙܒܢܐ܂ ܘܕܠܢܝ ܡ݂ܢ ܗܘܬܐ ܦܥܝܪܬܐ ܕܨܒܝܐ ܕܬܚܒܫܢܝ ܒܥܘܡ̈ܩܝܗ݀܂
215:30x	ܕܡܐܐ ܘܚܡܫܝܢ ܘܬܠܬ܂
215:300	ܐܡܝܪ ܠܕܘܝܕ ܟܕ ܩܒܠ ܛܝܒܘܬܗ ܕܐܠܗܐ݁܂ ܟܕ ܦܨܝܗ ܡ݂ܢ ܐܪܝܐ ܘܕܐܒܐ݁܂ ܘܠܬܪ̈ܝܗܘܢ ܩܛ݂ܠ ܒܐܝ̈ܕܘܗܝ܂܂
215:301	ܗܠܠܘܗܝ ܠܡܪܝܐ̤܂ ܟܠܟܘܢ ܥܡ̈ܡܐ܂ ܫܒܚܘܗܝ݁ ܘܒܪܟܘ ܠܫܡܗ܂
215:302	ܕܦܨܝ ܢܦܫܐ ܕܓܒܝܗ ܡ݂ܢ ܐܝ̈ܕܝ ܡܘܬܐ܃ ܘܫܘܙܒ ܠܚܣܝܗ ܡ݂ܢ ܚܒܠܐ܂
215:303	ܘܡ݂ܢ ܢܫ̈ܒܝ ܫܝܘܠ݂ ܦܪܩܢܝ܂ ܘܐ݁ܦ݂ܩ݁ ܠܢܦܫܝ ܡ݂ܢ ܗܘܬܐ݂ ܕܠܐ ܡܬܬܡܝܫܐ݁܂
215:304	ܡܛܠ ܕܥܕ ܩܠܝܠ ܥܕܠܐ ܢܦܘܩ ܦܘܪܩܢܝ ܡ݂ܢ ܩܕܡܘܗܝ܂ ܬܪܬܝܢ ܡܢ̈ܘܢ݂ ܠܬܪܬܝܢ ܚܝ̈ܘܢ ܗܘ݁ܐ ܗܘܝܬ܂
215:305	ܒܪܡ ܫܕܪ ܡܠܐܟܗ݂܂ ܘܣܟ݂ܪ ܡܢܝ ܦܘܡ̈ܐ ܦܥܝܪ̈ܐ݁܂ ܘܫܘܙܒ ܚܝ̈ܝ ܡ݂ܢ ܚܒܠܐ܂
215:306	ܬܫܒܚܝܘܗܝ ܢܦܫܝ݂ ܘܬܪܡܪܡܝܘܗܝ ܥܠ ܟܠܗܝܢ ܛܝܒ̈ܘܬܗ݀܂ ܕܣܥ݂ܪ ܘܕܣ݁ܥܪ ܠܘܬܝ܂
215:40x	ܕܡܐܐ ܘܚܡܫܝܢ ܘܐܪܒܥ܂
215:400	ܨܠܘܬܗ ܕܚܙܩܝܐ ܟܕ ܚܕܝܪܝܢ ܗܘ݂ܘ ܠܗ ܐܬܘܪ̈ܝܐ݁܂ ܘܫܐ݂ܠ ܗܘ݂ܐ ܡ݂ܢ ܐܠܗܐ݁܂ ܓܗܝܬܐ ܕܡܢܗܘܢ܂ ܐܟܡܢ ܕܢܣܒ ܥܡܐ ܡܦܣܢܘܬܐ ܡ݂ܢ ܟܘܪܝܫ ܕܢܦܢܘܢ ܠܐܬܪܗܘܢ ܘܫܐܠܝܢ ܡ݂ܢ ܐܠܗܐ ܕܢܫܬܡܠܐ ܣܘܟܝܗܘܢ܂܂
215:401	ܒܩܠܐ݁ ܪܡܐ݂ ܫܒ݁ܚܘ ܠܐܠܗܐ܂ ܒܥܕܬܐ݁ ܕܣܓ̈ܝܐܐ݂ ܐ݂݁ܫܡܥܘ ܫܘܒܚܗ܂
215:402	ܘܒܣܘܓܐܐ݁ ܕܬܪ̈ܝܨܐ ܫܒܚܘ ܩܘܠܣܗ܂ ܘܥܡ ܫܪܝܪ̈ܐ ܐܫܬܥܘ ܬܫܒܘܚܬܗ܂
215:403	ܫ݁ܘܬܦܘ݁ ܠܛܒ̈ܐ ܢܦܫܟܘܢ݂܂ ܘܠܬܡܝ̈ܡܐ ܠܡܫܒܚܘ ܠܥܠܝܐ܂
215:404	ܐܬܟܢܫܘ ܐܟܚܕܐ݁ ܠܡܘܕܥܘ ܥܘܫܢܗ݂܂ ܘܠܐ ܬܡܐܢܘܢ ܠܡܚܘܝܘ ܦܘܪܩܢܗ݀܂ ܘܫܘܒܚܗ ܠܟܠܗܘܢ ܫܒܪ̈ܐ܂
215:405	ܡܛܠ ܕܢ݂ܬܝܕܥ ܐܝܩܪܗ ܕܡܪܝܐ ܐܬܝܗܒ݂ܬ ܚܟܡܬܐ܂
215:406	ܘܠܡܫܬܥܝܘ ܥܒ݁ܕ̈ܘܗܝ ܐܬܝܕܥ݂ܬ ܠܐܢܫܐ܂
215:407	ܠܡܘܕܥܘ݁ ܠܫܒܪ̈ܐ ܥܘܫܢܗ݂܂ ܘܠ݂݁ܡܣ݂݁ܟܠܘ ܠܚܣܝܪ̈ܝ ܠܒܐ ܬܫܒܘܚܬܗ܂
215:408	ܕܪܚܝܩܝܢ݁ ܡ݂ܢ ܡ݂݁ܥܠܢܗ݂̈ ܘܡ݂݁ܒܕܪܝܢ ܡ݂ܢ ܬܪܥܗ܂
215:409	ܡܛܠ ܕܥܠܝܐ ܗ݂ܘ ܡܪܗ ܕܝܥܩܘܒ܂ ܘܫܘܒܗܪܗ݂ ܥܠ ܟܠ ܥܒ݁ܕ̈ܘܗܝ܂
215:410	ܘܐܢܫ ܕܡܫܒܚ ܠܥܠܝܐ݂܂ ܢܨܛܒܐ݂݁ ܒܗ݂ ܐܝܟ ܗ݀ܘ ܕܡܩ݂݁ܪܒ ܣܡܝܕܐ܂
215:411	ܘܐܝܟ ܕܡܩ݂݁ܪ݂ܒ ܬܝ̈ܫܐ ܘܒܢ̈ܝ ܬܘܪ̈ܐ܂ ܘܐܝܟ ܕܡܕ݂݁ܗ݂ܢ ܡܕܒܚܐ ܒܣܘܓܐܐ ܕܝ݂݁ܩ̈ܕܐ܂ ܘܐܝܟ ܪܝܚܐ ܕܒܣܡ̈ܐ ܡ݂ܢ ܐܝ݂ܕܐ ܕܙܕ̈ܝܩܐ܂
215:412	ܡ݂ܢ ܬܪ̈ܥܝ ܟܐ̈ܢܐ ܡܫܬܡ݂݁ܥ ܩܠܗ܂ ܘܡ݂ܢ ܩܠܐ ܕܟܐܢ̈ܐ ܡܪܬܝܢܘܬܗ܂
215:413	ܘܥܠ ܡܐܟܘܠܬܗܘܢ݁ ܣܒܥܐ݁ ܒܫܪܪܐ݂܂ ܘܥܠ ܡܫܬܘܬܗܘܢ ܡܫܬܝܗ̈ܘܢ ܐܟܚܕܐ܂
215:414	ܫܘܥ̈ܝܬܗܘܢ݁ ܒܢܡܘܣܗ ܕܥܠܝܐ܂ ܘܡܐܡܪܗܘܢ݂ ܠܡܘܕܥ݁ܘ ܥܘܫܢܗ܂
215:415	ܟܡ݁ܐ ܪܚܝ݂ܩ ܡ݂ܢ ܪ̈ܫܝܥܐ ܡܐܡܪܗ܂ ܘܡ݂ܢ ܟܠ ܥܘ̈ܠܐ ܠܡ݂ܕܥܗ܂
215:416	ܗܐ݁ ܥܝܢܗ݀ ܕܡܪܝܐ݂ ܥܠ ܛ݁ܒ̈ܐ ܬܚܘܣ܂
215:417	ܘܥܠ ܡܫܒ̈ܚܢܘܗ݂ܝ ܢ݂݁ܣܓ݂݂ܐ ܪ̈ܚܡ݂ܐ܂ ܘܡ݂ܢ ܥܕܢ ܒܝܫܬܐ݂ ܡܫܘܙ݂ܒ ܢܦܫܗܘܢ݁܂
215:418	ܒܪܝܟ ܡܪܝܐ ܕܦܪ݂ܩ ܒܝ݁ܫ̈ܐ ܡ݂ܢ ܐܝܕܐ ܕܢܘܟܪ̈ܝܐ݁܂ ܘܡܫܘܙܒ ܠܬܡ̈ܝܡܐ ܡ݂ܢ ܐܝܕܐ ܕܪ̈ܫܝܥܐ܂
215:419	ܕܡܩ݂ܝܡ݁ ܩܪܢܐ ܡܢ ܝܥܩܘܒ݂܂ ܘܕܝ݁ܢ݂ܐ ܕܥܡ̈ܡܐ ܡ݂ܢ ܝܣܪܝܠ܂
215:420	ܕܢܓ݂ܪ݂܂ ܡܫܟܢܗ ܒܨܗܝܘܢ݂܂ ܘܢ݂݁ܨܒ݂݁ܬ ܠܥܠܡ ܥܠܡܝܢ݂ ܒܐܘܪܫܠܡ܂
215:50x	ܕܡܐܐ ܘܚܡܫܝܢ ܘܚܡܫ܂܂܂
215:500	ܨܠܘܬܗ ܕܚܙܩܝܐ݁܂ ܟܕ ܚܕܝܪܝܢ ܠܗ ܐܬܘܪ̈ܝܐ݁܂ ܘܫܐ݂ܠ ܡ݂ܢ ܐܠܗܐ ܓܗܝܬܐ ܕܡܢܗܘܢ܂܂
215:501	ܡܪܝܐ ܩ݁ܪܝܬ ܠܘܬܟ݁ ܐ݂݁ܨ݂ܬ ܠܝ܂
215:502	ܦܫܛܬ ܐܝ̈ܕܝ ܠܡܕܝܪ̈ܐ ܕܩܘܕܫܟ܂
215:503	ܐܪܟ݂݂ܢ݁ ܐܕܢܟ݂ ܘܗܒ ܠܝ ܫ݂ܐܠ݂݁ܬܝ܂
215:504	ܒܥܘܬܝ݂ ܠܐ ܬܟܠ݂ܐ ܡܢܝ܂
215:505	ܒܢܝܗ݀ ܠܢܦܫܝ݂ ܘܠܐ ܬ݂݁ܚܪ݂݂ܒ݂݂ܝܗ݀܂
215:506	ܘܠܐ ܬܓܠܝܗ݀ ܩܕܡ ܪ̈ܫܝܥܐ܂
215:507	ܦ݁ܪ̈ܥܝ ܒܝܫܬܐ݂ ܐ݂݁ܗܦ݂ܟ ܡܢܝ܂ ܕܝ݁ܢܐ ܕܩܘܫܬܐ݁܂
215:508	ܡܪܝܐ݂ ܠܐ ܬܕܘܢ݂݁ܝܢܝ ܐܝܟ ܚܛܗ̈ܝ܂ ܡܛܠ ܕܠܐ ܙ݁ܟܐ ܩܕܡܝܟ ܟܠ ܕܚܝ܂
215:509	ܣܟܠܝܢܝ ܡܪ̈ܝܐ ܢܡܘܣܟ݁ ܘܕ̈ܝܢܝܟ݂ ܐܠ݁ܦܝܢܝ â€ ܂
215:510	ܕܢܫܡܥܘܢ ܣ̈ܓܝܐܐ ܥܒ݁ܕ̈ܝܟ݂܂ ܘܥܡ̈ܡܐ݂ ܢܘܕܘܢ ܠܐܝܩܪܟ܂
215:511	ܐܬܕܟܪܝܢܝ݁ ܘܠܐ ܬ݂ܛܥܝܢܝ܂ ܘܠܐ ܬ݂݁ܥܠ݂݁ܢܝ ܒ݁ܕܩ̈ܫ݂ܝܢ ܡܢܝ܂
215:512	ܚ̈ܛܗܐ݁ ܕܛܠܝܘܬܝ݂ ܐ݁ܥܒܪ ܡܢܝ܂ ܘܡܪܘܕܘܬܝ݂ ܠܐ ܬܕܟܪ ܠܝ܂
215:513	ܕ݁ܟܢܝ ܡܪܝܐ݁ ܡ݂ܢ ܓܪܒ݂ܐ ܒܝ݂ܫܐ݂܂ ܘܠܐ ܢܘܣܦ ܠܡ݂݁ܗܦܟܘ ܠܘܬܝ܂
215:514	ܝ݂݁ܒ݂ܫ ܥܩܪ̈ܘܗܝ ܡܢܝ݂܂ ܘܠܐ ܢ݁ܦܪ̈ܥܘܢ ܛܪ̈ܦܘܗܝ ܒܝ܂
215:515	ܥܫܝܢܐ݂ ܘܪܒܐ/ܟܒܝܪܐ#2#/ ܐܢܬ݁ ܡܪܝܐ݁܂ ܡܛܠ ܗܟܢ݁ ܫܐܠ݂݁ܬܝ ܡ݂ܢ ܩܕܡܝܟ ܡܫܬܡܠܝܐ݁܂
215:516	ܠܡ݁ܢ ܐ݂ܩܒ݁ܘܠ ܘܢܬܠ ܠܝ܂ ܘܒܢܝܢܫܐ ܡ݁ܢܐ ܡܘܣܦ ܚܝܠ݁ܗܘܢ܂
215:517	ܡ݂ܢ ܩܕܡܝܟ ܡܪܝܐ ܬܘܟܠܢܝ܂ ܩ݁ܪܝܬ݁ ܠܡܪܝܐ݂ ܘܥܢܢܝ݂܂ ܘܐܣܝ ܠܬܒܪܐ ܕܠܒܝ܂
215:518	ܢ݁ܡ݁ܬ݂ ܘܕܡ݁ܟ݁ܬ܂ ܚ݁ܠܡ݁ܬ ܐܦ ܐܬܬܥ݁ܝܪܬ݁/ܐܬܬܥܕܪܬ#2#/܂
215:519	ܘܣܡ݂ܟܬܢܝ݁ ܡܪ̈ܝܐ ܂ ܂ ܘܐܩܒܠ ܡܛܠ ܕܦܨܝ݁ܢܝ ܡܪܝܐ܂
215:520	ܐ݁ܚܙܐ ܗܫܐ ܒܗܬ݂݁ܬܗܘܢ܂ ܣ݁ܒ݁ܪܬ ܒܟ݂ ܘܠܐ ܐܒܗ݂ܬ܂ ܗܒ ܐܝܩܪܐ݁ ܠܥ݁ܠܡ݂ ܘܠܥ݁ܠܡ ܥܠܡܝܢ܂
215:521	ܦܪܘܩ ܠܝܣܪܝܠ ܓܒܝܟ݂܂ ܘܠܕܒܝܬ ܝܥܩܘܒ ܒܚܝܪܟ܂