← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62087: PsS

Click on a word for lexical analysis
Click on a red-colored coordinate for comments and/or translations of the line

previous chapter


04:00 ܙܡܝ݂ܪܬܐ ܕܐܪܒܥܝܢ ܘܫܒܥ
04:01 ܠܡܢܐ ܐܢܬ ܪܫܝ݂ܥܐ ܝ݁ܬܒ ܐܢܬ ܒܟܢܘܫܬܐ ܕܙܕܝ̈ܩܐ܂ ܘܠܒ݂ܟ ܡ݂݁ܪܚܩ ܡ݂ܢ ܐܠܗܐ܂ ܘܒܥ݂݁ܘܠܟ ܡܪܓܙ ܐܢܬ ܠܐܠܗܗ ܕܝ݂ܣܪܐܝܠ
04:02 ܝܬܝܪܐܝ݂ܬ ܒܡ݂ܠ̈ܝܟ܂ ܘܝ݁ܬܝܪܐܝ݂ܬ ܒܐܬܘ̈ܬܟ ܝ݂݁ܬܝܪ ܡ݂ܢ ܟܠ ܐܢܫ܂ ܗ݀ܘ ܕܩ݂݁ܫܐ ܒܡ݂̈ܠܘܗܝ ܠܡܚܝܒܘ ܠܚ̈ܛܝܐ ܒܕܝ݂ܢܐ
04:03 ܘܐܝ݂ܕܗ ܠܘ݂ܩܕܡ ܥܠܘܗܝ ܐܝܟ ܕܒܛܢܢܐ܂ ܘܗ݂ܘ ܡܚܝܒ ܒܣܘܓܐܐ ܕܫܪܝ݂ܚܘܬܐ ܕܚ̈ܛܝܐ
04:04 ܥܝܢ̈ܘܗܝ ܥܠ ܟܠ ܐܢܬܬܐ ܕܠܐ ܢܟܦܘܬܐ܂ ܘܠܫ݂ܢܗ ܕܓܠ ܒܗܘܦ̈ܟܐ ܕܡܘ̈ܡܬܐ
04:05 ܒܠܠܝܐ ܘܒܚ݂ܫܘ݂ܟܐ ܐܝܟ ܕܠܐ ܡ݂ܬܚܙܐ܂ ܒܥܝ̈ܢܘܗܝ ܡܡ݂݁ܠܠ ܥܡ ܟܠ ܐܢܬܬܐ ܒܨ݂ܢܥܬܐ ܕܒܝ݂ܫܬܐ
04:06 ܘܩ݂݁ܠܝ݂ܠ ܠܡ݂ܥܠ ܒܟܠ ܒܝܬܐ ܒܚ݂݁ܕܘܬܐ܂ ܐܝܟ ܗ݀ܘ ܕܠܝܬ ܒܗ ܒܝ݂ܫܬܐ
04:07 ܐܪܝ݂ܡ ܐܠܗܐ ܠܐܝܠܝܢ ܕܒܡܣܐܒ ܒܐܦ̈ܐ ܕܝ݁ܢܝܢ܂ ܚ݂݁ܝܐ ܕܝܢ ܥܡ ܬܪܝ݂ܨܐ ܒܚܘ݂ܒܠܐ ܕܦܓܪܗ ܘܒܡܣܟܢܘܬܐ ܕܚܝ̈ܘܗܝ
04:08 ܢܓܠܐ ܐܠܗܐ ܥܒ݁ܕ̈ܝܗܘܢ ܕܐܝܠܝܢ ܕܫ݁ܦܪܝܢ ܠܒܢܝܢܫܐ܂ ܒܓܘ݂ܚܟܐ ܘܒܒܘ݂ܙܚܐ ܥܒ݁ܕ̈ܘܗܝ
04:09 ܘܢܙܕܩܘܢ ܚ݂ܣ̈ܝܐ ܕܝ݂ܢܗ ܕܐܠܗܗܘܢ܂ ܟܕ ܢܬܬܪܝ݂ܡܘܢ ܪ̈ܫܝܥܐ ܡ݂ܢ ܩܕܡ ܙܕܝ̈ܩܐ
04:10 ܢ݁ܣܒ ܒܐ̈ܦܐ ܕܡܡܠܠ ܢ݁ܡܘ݁ܣܐ ܒܢܟ݂ܠܐ
04:11 ܘܥܝܢ̈ܘܗܝ ܥܠ ܒ݁ܝܬܐ ܒܫ݂݁ܠܝܘܬܐ ܐܝܟ ܚ݂ܘܝܐ܂ ܠܡ݂ܫܪܐ ܚܟ݂ܡܬܐ ܕܚܕ ܚܕ ܒܡ݂̈ܠܐ ܕܥ݂݁ܘܠܘܬܐ
04:12 ܦܬܓܡ̈ܘܗܝ ܒܚܘ݂ܫܒܐ ܒܝ݂ܫܐ ܐܝ݂ܬܝܗܘܢ܂ ܠܦܘ݂ܠܚܢܐ ܕܪܓܬܐ ܕܥܘܠܐ
04:13 ܘܠܐ ܦܪܩ ܥܕܡܐ ܕܒܕܪ ܒܝܬ ܡ݂݁ܘܬܐ܂ ܘܐܚ݂ܪܒ ܒܝܬܐ ܡܛܠ ܪܓܬܐ ܕܥܘܠܐ
04:14 ܘܐܬܚܫܒ ܒܡ݂̈ܠܐ ܕܠܝܬ ܡ݂݁ܢܘ݂ ܕܚ݁ܙܐ ܘܕܐ݁ܢ
04:15 ܘܐܬܡܠܝ݂ ܒܗܢܐ ܥܘܠܐ܂ ܘܥܝܢ̈ܘܗܝ ܥܠ ܒܝܬܐ ܐܚܪܢܐ ܠܡܚܪܒܘܬܗ ܒܡ݂̈ܠܐ ܕܦܪܚܘܬܐ ܘܠܐ ܡ݂ܬܡܠܝܐ ܢܦܫܗ ܐܝܟ ܫܝܘ݁ܠ܂ ܒܗܠܝܢ ܟܠܗܝܢ
04:16 ܬܗ݂ܘܐ ܡܢܬܗ ܕܡܪܝܐ ܒܨܥܪܐ ܩܕܡܝܟ܂ ܡ݂݁ܦܩܢܗ ܒܬܢ݂ܚ̈ܬܐ ܘܡ݂݁ܥܠܢܗ ܒܠ̈ܘܛܬܐ
04:17 ܒܟܐܒ̈ܐ ܘܒܡܣܟܢܘܬܐ ܘܒܚܘ݂ܣܪܢܐ ܚܝ̈ܘܗܝ ܡܪܝܐ ܢܗ݂ܘܘܢ܂ ܫܢ݂ܬܗ ܒܥ̈ܩܬܐ ܘܥܝ݂ܪܘܬܗ ܒܬܘ̈ܟܐ
04:18 ܘܬܬܪܝܡ ܫܢ݂ܬܐ ܡܢ ܨܕܥ̈ܘܗܝ ܒܠܠܝܐ܂ ܢܦ݂ܠ ܡ݂ܢ ܟܠ ܥܒ݁ܕܐ ܕܐܝ݂̈ܕܘܗܝ ܒܨܥܪܐ
04:19 ܘܟܕ ܣܦܝ݂̈ܩܢ ܐܝ݂̈ܕܘܗܝ ܢܥܘܠ ܠܒܝܬܗ܂ ܘܢܗ݂ܘܐ ܚܣܝ݂ܪ ܒܝܬܗ ܡ݂ܢ ܟܠ ܡܕܡ ܕܡܣܒܥ ܢܦܫܐ
04:20 ܘܡ݂ܢ ܝ݂̈ܠܕܗ ܠܐ ܚܕ ܢܩܪܒܝܘܗܝ
04:21 ܢܬܒܕܪ ܡ݂ܢ ܚܝ̈ܘܬܐ ܒ݂ܣܪܐ ܕܢܣ̈ܒܝ ܒܐܦ̈ܐ܂ ܘܓܪ̈ܡܐ ܕܥ݁ܘ̈ܠܐ ܩܕܡ ܫܡ݂ܫܐ ܒܨܥܪܐ
04:22 ܢܚ݂ܨܘ݂ܢ ܥܘܪ̈ܒܐ ܥܝ̈ܢܐ ܕܐܝܠܝܢ ܕܫ݁ܦܪܝܢ ܠܒܢ̈ܝܢܫܐ
04:23 ܡܛܠ ܕܐܚ݂ܪܒܘ ܒ̈ܬܐ ܣ̈ܓܝܐܐ ܕܐܢܫܐ ܒܨܥܪܐ܂ ܘܒܕܪܘܗܝ ܒܪܓܬܐ
04:24 ܘܠܐ ܐܬܕܟܪܘ ܠܐܠܗܐ܂ ܘܠܐ ܕܚ݂ܠܘ ܡ݂ܢ ܐܠܗܐ ܒܗܠܝܢ ܟܠܗܝܢ
04:25 ܘܐܪܓ݂ܙܘ ܠܐܠܗܐ܂ ܘܐܬܚܡܬ ܕܢܘܒܕ ܐܢܘܢ݁ ܡ݂ܢ ܐܪܥܐ܂ ܡܛܠ ܕܠܢܦܫܬܐ ܬܡܝ̈ܡܬܐ܂ ܒܡ݂݁ܚܫܒܬܐ ܗܦܝ݂ܟܬܐ ܢܣ݂ܒܘ ܒܐܦ̈ܝܗܝܢ
04:26 ܛܘ݂ܒܝܗܘܢ݁ ܠܐܝܠܝܢ ܕܕܚ݁ܠܝܢ ܡ݂ܢ ܡܪܝܐ ܒܬܡܝ݂ܡܘܬܗܘܢ݁
04:27 ܘܡܪܝܐ ܢܦ݂ܪܘܩ ܐܢܘܢ݁ ܡ݂ܢ ܓܒܪ̈ܐ ܢܟܘ̈ܠܬܢܐ ܘܥ݁ܘ̈ܠܐ܂ ܘܢܦ݂ܪܩܢ ܡ݂ܢ ܟܠ ܡܟܫܘܠܐ ܕܥ݁ܘ̈ܠܐ
04:28 ܐܘܒ݂ܕ ܐܠܗܐ ܟܠ ܕܥ݁ܒܕܝܢ ܛܠܘ݂ܡ̈ܝܐ ܒܚܬܝ݂ܪܘܬܐ܂ ܡܛܠ ܕܕܝ݁ܢܐ ܥ݂݁ܫܝ݂ܢܐ ܡܪܝܐ ܗ݀ܘ ܐܠܗܢ܂ ܒܙ݂݁ܕܝܩܘܬܐ
04:29 ܢܗ݂ܘܘܢ ܡܪܝܐ ܪ̈ܚܡ݂ܝܟ ܥܠ ܟܠܗܘܢ݁ ܐܝܠܝܢ ܕܡ݂݁ܚܒܝܢ ܠܟ

next chapter