The Comprehensive Aramaic Lexicon

click on the file description for more information

Click on a word for lexical analysis
Click on a red-colored coordinate for comments and/or translations of the line

14:00	ܙܡܝ݂ܪܬܐ ܕܚܡܫܝܢ ܘܫܬ
14:01	ܡܗܝܡ݂ܢ ܡܪܝܐ ܠܐܝܠܝܢ ܕܡ݂݁ܚܒܝܢ ܠܗ ܒܫܪܪܐ܂ ܠܗ݀ܢܘܢ݁ ܕܡܣ݂ܝܒܪܝܢ ܡ݂݁ܪܕܘܬܗ܂ ܠܗ݀ܢܘܢ݁ ܕܡܗܠܟܝܢ ܒܙܕܝܩܘܬܐ ܒܦܘ݂ܩ̈ܕܢܘܗܝ܂ ܢ݁ܡܘ݁ܣܐ ܝܗ݂ܒ ܠܢ ܠܚ̈ܝܝܢ
14:02	ܘܚܣ̈ܝܘܗܝ ܕܡܪܝܐ ܢܐܚܘܢ ܒܗ ܠܥ݁ܠܡ܂ ܦܪܕܝܣܗ ܕܡܪܝܐ ܐܝ̈ܠܢܐ݂ ܕܚ̈ܝܐ܂ ܕܐܝ݂ܬܝܗܘܢ݁ ܚܣ̈ܝܘܗܝ
14:03	ܘܢ݂ܨܒܬܗܘܢ ܡܫܪܪܐ ܠܥ݁ܠܡ܂ ܘܠܐ ܢܬ݂ܥܩܪܘܢ ܟܠܗܘܢ݁ ܝܘܡ̈ܬܐ ܕܫܡ݁ܝܐ܂ ܡܛܠ ܕܡܢ݁ܬܗ ܕܡܪܝܐ ܘܝ݁ܪܬܘܬܗ ܝܣܪܐܝܠ
14:04	ܘܠܐ ܗܟܢܐ ܚ̈ܛܝܐ ܘܥ̈ܘ݁ܠܐ܂ ܗ݀ܢܘܢ݁ ܕܐܚ݂ܒܘ ܝ݂݁ܘܡܐ ܒܩܘܒܠܐ ܕܚܛܗܐ܂ ܒܙܥܘܪܘܬܗ݀ ܓܝܪ ܕܒܝܫܬܐ ܪܓܬܗܘܢ

14:05	ܘܠܐ ܐܬܕܟܪܘ ܠܐܠܗܐ܂ ܕܐܘܪ̈ܚܬܗܘܢ ܕܒܢ̈ܝ ܐܢܫܐ ܓ̈ܠܝܢ ܐܢܝܢ ܩܕܡ݁ܘܗܝ ܒܟܠܙܒܢ܂ ܘܬܘ̈ܘܢܐ ܕܠܒ݂ܐ ܝ݁ܕܥ ܡ݂ܢ ܩܕܡ ܕܢܗ݂ܘܘܢ

14:06	ܡܛܠܗܢܐ ܝܘܪܬܢܗܘܢ݁ ܫܝܘ݁ܠ ܘܐܒܕܢܐ ܘܚܫܘ݂ܟܐ܂ ܘܒܝܘܡܐ ܕܚܢ݂ܢܐ ܕܙܕܝ̈ܩܐ ܠܐ ܢܫ݂ܬܟܚܘܢ܂ ܚܣܝ̈ܘܗܝ ܓܝܪ ܕܡܪܝܐ ܢܐܪܬܘܢ ܚ̈ܝܐ ܒܒܘ݂ܣܡܐ