The Comprehensive Aramaic Lexicon

003:01	ܡܙܡܘܪ̈ܐ ܐܘܟܝܬ ܚܡܫ ܡܪ̈ܡܝܢ܃ ܐܬܪܟܒܘ ܒܙܘܓܢܝܘܬܐ
003:02	ܠܦܘܬ ܚܡܫܐ ܪ̈ܓܫܐ܀
003:03	‍{‍ܕ‍}‍
003:04	ܘܡܬܒܥܝܐ ܕܠܡܘܢ ܒܩ̈ܝܢܬܐ ܪܟܒ ܐܢܘܢ ܠܡܙܡܘܪ̈ܐ܂
003:05	ܘܐܡܪܝ‍<‍ܢ‍>‍ܢ ܕܐܝܟܢܐ ܕܒܣܘܓܐܐ ܕܗܢܝܐܘܬܗܘܢ܃ ܕܠܝܠܐܝܬ
003:06	ܢܬܘܦ ܠܫܡܘ̈ܥܐ ܨܝܕ ܪܚܡܬܐ ܕܝܘܠܦܢܗ ܐܝܟ ܕܐܦ ܨܝܕ ܗܠܝܢ
003:07	ܕܕܠܩܘܒܠܐ ܝܬܝܪ ܡܚܬܝܢ ܘܡܫܪܓܠܝܢ ܠܣ̈ܓܝܐܐ ܙܡܪ̈ܐ ܙܠܝ̈ܠܐ܃
003:08	ܘܐܝܟܢܐ ܕܪܓܝܓ ܥܠ ܚܟܐ ܛܥܡܐ ܚܠܝܐ܃ ܗܟܢܐ ܐܦ ܥܠ
003:09	ܐܕܢ̈ܐ ܩ̈ܠܐ ܩܛܝ̈ܢܐ ܘܡܟܝ̈ܢܝ ܒܢܥܡ̈ܬܐ܂ ܬܘܒ ܕܝܢ ܡܛܠ ܕܝܬܝܪ
003:10	ܥܒܝܢ ܝܗܘ̈ܕܝܐ ܘܣܢܝܩܝܢ ܥܠ ܓܘܪ̈ܓܐ ܫܒܪ̈ܝܐ܃ ܘܡܛܠ
003:11	ܕܥܠܒܐ ܒܓܢܣܐ ܐܢܫܝܐ ܪܓܬܐ ܕܣܢܝ̈ܬܐ܃ ܘܡܬܚܝܠܐ ܡܢ
003:12	ܩ̈ܠܐ ܡܫܟܪ̈ܐ܃ ܘܡܬܦ‍{‍ܩܪ‍}‍‍<‍ܪܩ‍>‍ܝܢ ܒܗܘܢ ܣܓܝ̈ܐܐ ܡܢ ܕܢܐܬܘܢ
003:13	ܨܝܕ ܕܘܒܪ̈ܐ ܬܪ̈ܝܨܐ܃ ܐܬܚܟܡ ܛܘܒܢܐ ܕܘܝܕ ܡܢ ܛܝܒܘܬܐ
003:14	ܕܢܚܠܛ ܘܢܡܙܓ ܒܡܠܘܗ̈ܝ ܩ̈ܠܐ ܪ̈ܓܝܓܐ܃ ܐܝܟܢܐ ܕܥܡ
003:15	ܚܠܝܘܬܐ ܕܙܡܪܐ܃ ܝܬܝܪ ܬܬܡܙܓ ܒܒܪܢܫܐ ܪܓܬܐ ܙܗܝܬܐ
003:16	ܕܚܘܒܐ ܕܐܠܗܐ܃ ܘܝܬܝܪ ܢܬܢܛܪ ܥܘܗܕܢܐ ܕܦܘܩ̈ܕܢܐ ܡܚܝ̈ܢܐ܂

003:17	ܒܗ݀ܝ ܕܗ݀ܘܐ ܟܝܢܐܝܬ ܐܟܚܕ ܘܨܒܝܢܐܝܬ ܟܠܗ ܒܪܢܫܐ ‍<‍ܪܚܡܐ‍>‍

003:18	ܕܒܘܣܡܐ ܘܕܚܕܘܬܐ܂ ܢܦܫܐ ܓܝܪ ܕܝܨܐ ܒܬܐܘܪܝܐ ܕܡܚܝܢܐ
003:19	ܠܗ݀܃ ܘܦܓܪܐ ܪܘ݁ܙ ܒܙܡܪܐ ܕܢ݁ܩܫ ܒܐܕܢܘ̈ܗܝ܂ ܝܘܠܦܢܐ ܕܝܢ
003:20	ܕܩܛܝܪܐ ܠܐ ܡܩܘܝܢܐ ܗܘ܃ ܒܕܡܘܬ ܣܘܟܬܐ ܦܬܝܠܬܐ
003:21	ܕܡܬܦܫܛܐ܃ ܘܡܐ ܕܡܫܬܒܩܐ܃ ܠܟܝܢܗ݀ ܬܘܒ ܗܦܟܐ܂
003:22	ܝܘܠܦܢܐ ܕܝܢ ܕܡܢ ܦܐܝܘܬ ܚܘܒܐ ܕܙܘܡܪܐ ܝܬܝܪܐܝܬ ܡܣܬܪܟ
003:23	ܒܡܕܥܐ܂ ܕܒܕܓܘܢ ܐܦ ܒܬܫܡܫܬܐ ܚܠܛܝܢܢ ܩ̈ܠܐ ܕܙܘܡܪܐ܃
003:24	ܐܝܟ ܕܢܘܣܦܘܢ ܚܕܘܬܐ ܘܢܬܩܒܠܘܢ ܒܪܥܝܢܐ ܘܢܛܪܘܢ
003:25	ܥܘܗܕܢܐ܂ ܐܦ ܦܝܠܣܘ̈ܦܐ ܓܝܪ܃ ܡܢ ܫܘܚܠܦ ܢܥܡ̈ܬܐ
003:26	ܘܙܡܝܪ̈ܬܐ ܘܢܩܫ̈ܐ ܐܘܡܢܘܬܐ ܚܕܐ ܪܒܬܐ ܕܡܬܐܡܪܐ
003:27	ܡܘܣܝܩܘܪܘܬܐ ܪܟܒܘ܀