The Comprehensive Aramaic Lexicon

006:01	ܕܡܡܠܠ ܥܡܗ܂ ܐܝܟ ܕܐܦ ܛܘܒܢܐ ܦܘܠܘܣ܃ ܕܟܕ ܥܠ ܠܒܗ
006:02	ܐܫܬܬܠ ܦܪܕܝܣܐ܃ ܣܒ݂ܪ ܕܗܘܝ݂ܘ ܕܚ݂ܙܩ ܠܦܪܕܝܣܐ܂ ܙܢܐ
006:03	ܕܬܠܬܐ ܗ݀ܢܘ܃ ܕܡ݁ܠܐ ܐܠܗܐ ܚܟܡܬܗ ܠܠܒ̈ܘܬܐ ܕܐܝܠܝܢ ܕܫܘܝܢ
006:04	ܠܐ ܡܬܡܠܠܢܐܝܬ܂ ܐܝܟ ܕܝܗ݂ܒ ܠܒܨܠܝܐܝܠ ܬܘܩܢ ܡܫܟܢ ܙܒܢܐ܃
006:05	ܘܠܫܠܝܡܘܢ ܘܠܫ̈ܠܝܚܐ܃ ܘܟܕ ܠܝܬ ܡܕܡ ܕܡܫܬܡܥ ܒܓܠܝ̈ܢܐ
006:06	ܚ̈ܕܬܐ܃ ܣܦ݂ܩ ܠܗܘܢ ܓܠܝܢܐ ܩܕܡܝܐ ܕܢܡܠܐ ܠܗܘܢ
006:07	ܒܟܠܗܝܢ ܐܠܨ̈ܬܗܘܢ܂ ܥܠ ܡܪܢ ܡܫܝܚܐ ܕܐܢܫ ܢܐܡܪ ܓܠܝܢܐ
006:08	ܡܬܪܓܫܢܐ ܐܘ ܡܬܝܕܥܢܐ ܕܪܘܫܥܐ ܗܝ܂ ܒܗ݀ ܓܝܪ ܒܚܕܝܘܬܗ

006:09	ܩܒܠ ܝܕܥܬܐ ܚܬܝܬܬܐ ܠܐ ܡܬܕܪܟܢܐܝܬ܂ ܙܢܐ ܕܐܪܒܥܐ ܗ݀ܢܘ܃

006:10	ܡܬܚܘܝܢܘܬܐ ܕܒܚܠܡܐ܃ ܐܝܟ ܕܚ݂ܙܐ ܝܘܣܦ ܒܪ ܝܥܩܘܒ܃
006:11	ܘܝܘܣܦ ܡܟܝܪܗ݀ ܕܡܪܝܡ܂ ܐܬܝܗܒ ܕܝܢ ܙܢܐ ܗܢܐ ܐܦ ܠܐܝܠܝܢ
006:12	ܕܠܐ ܫܘܝܢ܃ ܐܟܙܢ ܠܦܪܥܘܢ ܘܠܒܒܠܝܐ܂ ܛܘܒܢܐ ܕܝܢ ܕܘܝܕ
006:13	ܒܛܟܣܐ ܕܫܠܝ̈ܚܐ ܩܒܠ ܪܘܚܐ܂ ܘܐܟܙܢܐ ܕܡܢ ܝܘܡ
006:14	ܦܢܛܩܘܣ̈ܬܐ ܐܬܚܟܡܘ ܫܠܝ̈ܚܐ ܒܟܠܗ ܐܪܙܐ ܕܡܕܒܪܢܘܬܐ܃
006:15	ܗܟܢܐ ܐܦ ܕܘܝܕ܃ ܡܢ ܡܫܝܚܘܬܗ ܕܒܝܕ ܫܡܘܐܝܠ ܩܒܠ
006:16	ܒܪܘܚܐ ܝܕܥܬܐ ܕܥܬܝ̈ܕܬܐ܂ ܘܠܘ ܒܓܠܝ̈ܢܐ ܚ̈ܕܬܐ ܟܠܚܕ ܚܕ ܡܢ
006:17	ܡܙܡܘܪ̈ܐ ܐ݁ܡܪ ܗܘܐ܃ ܐܠܐ ܐܝܟ ܓܒܪܐ ܕܩܒܠ ܓܙܐ
006:18	ܕܛܝܒܘܬܐ܃ ܒܙܒܢ ܡܬܢܒܐ ܘܒܙܒܢ ܡܪܬܐ ܘܕܫܪܟܐ܀
006:19	‍{‍ܙ‍}‍
006:20	ܘܐܢܫ̈ܝܢ ܡ݁ܢ ܦܛܥ̈ܐ ܡܢ ܝܗܘ̈ܕܝܐ ܘܐܚܪ̈ܢܐ ܡܬܠܠܝܢ ܕܠܘ ܢܒܝܐ
006:21	ܗܘ݂ܐ ܕܘܝܕ܃ ܐܠܐ ܚܟܝܡܐ܂ ܘܝܕܝܥܐ ܠܡ ܡܢ ܗ݀ܝ ܕܠܐ ܐ݁ܡܪ܃
006:22	ܕܗܘ݂ܐ ܥܠܝ ܦܬܓܡܗ ܕܡܪܝܐ܃ ܐܘ ܚܙܘܐ ܐܘ ܡܠܬܐ܃ ܐܝܟ
006:23	ܕܐܡܪܘ ܫܪܟܐ ܕܢܒ̈ܝܐ܂ ܘܐܦܠܐ ܥܠ ܐܣܟܡ̈ܐ ܕܓܠܝ̈ܢܐ
006:24	ܐܠܗ̈ܝܐ܂ ܐܫܥܝܐ ܕܝܢ ܐ݁ܡܪ܃ ܕܚ݁ܙܝܬ ܠܡܪܝܐ ܝ݁ܬܒ ܥܠ ܟܘܪܣܝܐ
006:25	ܪܡܐ܃ ܘܒܕܓܘܢ ܐܦ ܙܒܢܐ ܪܫ݁ܡ܂ ܥܡܘܣ ܕܝܢ ܕܥܠ ܫܘܪܐ
006:26	ܚܙܝܬܗ ܕܐܕܡܘܣ܂ ܠܡܘܫܐ ܕܝܢ ܙܒ̈ܢܝܢ ܣ̈ܓܝܐܢ ܐܬܚܙܝ܂
006:27	ܘܐܦܠܐ ܫܠܝܚܘܬܐ ܘܬܫܕܪܬܐ ܐܝܬ ܠܘܬ ܕܘܝܕ܃ ܐܝܟ
006:28	ܕܐܫܬܕܪ ܡܘܫܐ ܠܡܨܪܝܢ܃ ܘܫܪܟܐ ܕܢܒ̈ܝܐ ܥܠ ܒܢܝ