The Comprehensive Aramaic Lexicon

011:01	‍{‍ܝܒ‍}‍
011:02	ܘܡܬܒܥܝܐ ܕܡܘܢ ܦܘܪܫܢܐ ܒܝܬ ܦܘܫܩܐ ܦܠܐܬܢܝܐ
011:03	ܠܬܫܥܝܬܢܝܐ܂ ܘܐܡܪܝܢܢ ܕܣܓܝ ܘܕܠܐ ܒܙܥܘܪ܂ ܟܡܐ ܕܗ݀ܘ ܡ݁ܢ
011:04	ܪܘܫܥܐ ܘܓܘܕܦܐ ܘܟܕܒܘܬܐ ܛܥܝܢ܃ ܗܢܐ ܕܝܢ ܫܪܪܐ
011:05	ܘܬܘܕܝܬܐ܂ ܪܫܝܥܐ ܕܝܢ ܐܘܪܓܢܝܣ ܐܠܟܣܢܕܪܝܐ ܗܘ݂ܐ
011:06	ܡܫܟܚܢܗ ܕܗܕܐ ‍{‍ܐܡܢܘܬܐ‍}‍‍<‍ܐܘܡܢܘܬܐ#2#‍>‍ ܕܦܠܐܬܢܘܬܐ܂ ܡܛܠ ܓܝܪ
011:07	‍{‍ܕܒܟܬܒܐ‍}‍‍<‍ܕܒܟܬ̈ܒܐ‍>‍ ܕܦܐܘ̈ܛܐ ܘܕܒܝܬ ܦܠܛܘܢ ܡܠܝܛ ܗܘܐ܃ ܐܣܒܪ
011:08	ܕܐܦ ܟܬܒ̈ܐ ܩܕܝܫ̈ܐ ܒܙܢܐ ܕܫܘܥܝ̈ܬܗܘܢ ܕܗ݀ܢܘܢ ܙ݁ܕܩ
011:09	ܕܢܬܦܫܩܘܢ܂ ܘܐܟܙܢܐ ܕܦܗܘ̈ܛܐ ܘܓܗܘܡܗܛܪ̈ܝܩܐ ܡܐ

011:10	ܕܨܒܝܢ ܕܢܕܪܓܘܢ ܠܬܠܡ̈ܝܕܝܗܘܢ ܡܢ ܗ݀ܢܝܢ ܓܫܝܡ̈ܬܐ ܘܓܠܝ̈ܬܐ

011:11	ܠܘܬ ܓܢܝ̈ܙܬܐ ܘܠܐ ܡܬܚܙܝ̈ܢܝܬܐ܃ ܒܕܟܪ̈ܝܗܝܢ ܒܡܬܘܡܝܘܬ
011:12	ܗܘܠܐ ܕܠܐ ܓܫܘܡ܂ ܘܒܦܪ̈ܕܐ ܠܐ ܡܬܦܣܩ̈ܢܝܬܐ܃ ܬܚܘܝܬܐܝܬ
011:13	ܐܡܪܝܢ܃ ܕܐܟܙܢܐ ܠܡ ܕܠܘ ܗܠܝܢ ܕܡܬܚ̈ܙܝܢ ܐܝܬܝܗܝܢ ܐܬܘ̈ܬܐ
011:14	ܣܦܪ̈ܢܝܬܐ ܐܠܐ ܣܘܟܠܝܗܝܢ ܕܗܠܝܢ܃ ܗܟܢܐ ܐܦ ܡܢ ܟܝ̈ܢܐ
011:15	ܕܒܪܝܬܐ ܒܝܕ ܗܓܓܘܬܐ ܕܚܘܫ̈ܒܐ ܠܘܬ ܟܝܢܗܘܢ ܡܬܘܡܝܐ
011:16	ܙ݁ܕܩ ܕܢܬܕܪܓ ܒܗ ܙܢܐ܂ ܘܦܛܥܐ ܐܘܪܓܢܝܣ ܐܫܠܡ ܕܩܕܝܡ̈ܢ
011:17	ܢܦܫ̈ܬܐ ܒܗܘܝܗܝܢ ܠܦܓܪ̈ܐ ܘܠܒܪܝܬܐ ܟܠܗ݀܃ ܙܒ̈ܢܐ ܕܠܐ
011:18	ܡܬܡܫܚܝܢ܂ ܘܕܥܠ ܒܪܝܬܐ ܠܡ ܩܕܡܝܬܐ ܠܐ ܐܢܫ ܐܟܬܒ܃ ܥܠ
011:19	ܒܪܝܬܐ ܕܝܢ ܕܬܪ̈ܬܝܢ܃ ܗ݀ܘ ܕܒܚܘܪܝܒ ܐܫܬܥܝ܂ ܘܗܘ̈ܝܐ ܠܡ
011:20	ܗ݀ܢܘܢ ܩܕܡ̈ܝܐ ܓܕܫ݂ ܘܒܚܛܝܬܐ ܢܦܠܘ܃ ܘܦܓܪ̈ܐ ܗܠܝܢ
011:21	ܐܬܟܕܢܘ ܥܡܗܘܢ ܠܡܪܕܘܬܗܘܢ܂ ܘܡܛܠ ܕܢܝܫܐ ܗܢܐ
011:22	ܢܘܟܪܝܐ ܣ݂ܡ ܩܕܡ ܥܝܢܘ̈ܗܝ܃ ܠܟܠܗܘܢ ܟܬܒ̈ܐ ܚܒܠ
011:23	ܒܦܘܫܩܐ ܐܘܚܕܬܢܝܐ܂ ܘܠܡܙܡܘܪ̈ܐ ܘܠܢܒ̈ܝܐ ܕܡܫܘܕܥܝܢ
011:24	ܫܒܝܐ ܘܦܘܢܝܐ ܕܥܡܐ܃ ܢܣ݂ܒ ܐܢܘܢ ܥܠ ܫܒܝܗ݀ ܕܢܦܫܐ
011:25	ܕܡܢ ܫܪܪܐ܃ ܘܦܘܢܝܗ݀ ܕܨܝܕ ܗܝܡܢܘܬܐ܂ ܘܠܬܫܥܝ̈ܬܐ ܕܟܬܒ̈ܐ
011:26	ܗ݂ܦܟ ܘܣ݂ܕܩ ܐܢܝܢ ܡܢ ܫܪܪܐ ܕܟܝܢܗܝܢ܃ ܘܐܫܠܡ ܐܢܝܢ
011:27	ܠܗܓܓܐ/ܠܓܓܐ#2#/ ܕܛܘܥܝܝ܃ ܐܝܟ ܕܡܢ ܐܢܢܩܐ ܘܠܐ ܒܪܝܬܐ ܢܪܢܐ
011:28	ܕܐܝܬ ܘܠܐ ܒܪܘܝܐ܂ ܠܐ ܓܝܪ ܦܪܕܝܣܐ ܐܝܟ ܕܐܝܬܘܗܝ ܡܦܫܩܝܢ
011:29	ܘܠܐ ܠܐܕܡ ܘܠܚܘܐ܃ ܐܘ ܠܚܕܐ ܡܢ ܗ݀ܢܝܢ ܕܐܝܬܝܗܝܢ ‍{‍ܐܝܠܝܢ‍}‍‍<‍ܐܝܟ‍>‍