The Comprehensive Aramaic Lexicon

018:01	ܬܘܒ ܢܘܗܪܐ ܠܗ ܟܕ ܠܗ ܠܡܪܝ ܝܫܘܥܕܕ ܚܣܝܐ ܕܚܕܬܐ
018:02	ܐܘܟܝܬ ܡܪܘܙܝܐ܂ ܡܪܢ ܥܕܪܝܢܝ ܒܪ̈ܚܡܝܟ ܐܡܝܢ܂
018:03	‍{‍܂ܐ܂‍}‍
018:04	ܛܘܒܘܗܝ ܠܓܒܪܐ ܕܒܐܘܪܚܐ ܘܕܫܪܟܐ܂ ܬܡܝܗ
018:05	ܫܘܪܝܐ ܕܡܠܬܗ ܘܛܒ ‍{‍ܠܚܡܐܝܬ‍}‍‍<‍ܠܚܡ#2#‍>‍ ܠܓܒܪܐ ܕܒܐܘܪܚܐ ܕܐܠܗܐ
018:06	ܡܡܠܠ܂ ܡܛܠ ܓܝܪ ܕܥܠ ܡܝܬܪܘܬܐ ܡܠܦ ܠܟܠܢܫ܃ ܗ݂ܝ ܕܝܢ
018:07	ܡܝܬܪܘܬܐ ܡܢ ܬܪ̈ܬܝܢ ܡܬܩܝܡܐ܃ ܡܢ ܗܝܡܢܘܬܐ ܬܪܝܨܬܐ
018:08	ܘܡܢ ܕܘܒܪ̈ܐ ܬܩ̈ܢܐ܃ ܘܗܝܡܢܘܬܐ ܡ݁ܢ ܥܣܩܐ ܠܒܨܬܗ݀܃ ܕܠܝܠܐ
018:09	ܕܝܢ ܠܝܘܠܦܢܐ܃ ܕܘܒܪ̈ܐ ܕܝܢ ܕܠܝܠܝܢ ܠܝܘܠܦܢܗܘܢ܃ ܥܣܩܝܢ ܕܝܢ
018:10	ܠܫܘܡܠܝܗܘܢ܃ ܐܣܝܪܬ ܒܦܪܙܠܐ ܠܡ ܐܝܬܝܗ݀ ܐܘܪܚܐ ܕܠܘܬ
018:11	ܐܠܗܐ ܘܙܠܝܥܬ ܒܕܡܐ܃ ܒܕܡܬܥܟܪ ܒܪܢܫܐ ܡܢ ܡܚܝܠܘܬ

018:12	ܟܝܢܐ ܘܡܢ ܒܢܝ ܟܝܢܐ ܘܡܢ ܒܥܠ ܕܪܗ ܕܟܝܢܐ܃ ܙܕܩܐܝܬ ܡܫܪܐ

018:13	ܒܒܪܬ ܩܠܐ ܕܛܘܒܐ܃ ܡܓܪܓܢܝܬܐ ܟܝܬ ܘܡܠܒܒܢܝܬܐ
018:14	ܕܡܘ̈ܠܟܢܐ ܕܡܠܝܟܝܢ ܠܟܫܝܪ̈ܐ܃ ܐܝܟܢܐ ܕܚܦܝ̈ܛܐ ܘܠܐ ܡܐܝ̈ܢܐ
018:15	ܢܗܘܘܢ ܒܢܛܘܪܬ ܦܘܩ̈ܕܢܐ܃ ܒܗ݀ܝ ܕܛܘܒܐ ܐܝܬܘܗܝ ܕܝܢܪܐ
018:16	ܡܫܡܠܝܐ ܐܘܟܝܬ ܣܟܐ ܕܛܘܒ̈ܐ܃ ܕܝ݁ܗܒ ܡܪܐ ܟܪܡܐ ܠܫܩ̈ܠܝ
018:17	ܝܘܩܪܗ ܕܝܘܡܐ ܘܚܘܡܗ܂
018:18	ܘܡܛܠ ܕܟܠ ܚܛܗܐ ܐܘ ܒܣܘܥܪܢܐ ܡܫܬܡܠܐ ܐܘ
018:19	ܒܚܘܫܒܐ ܐܘ ܒܡܠܬܐ܃ ܛܒ ܠܚܡܐܝܬ ܡܢ ܬܠܬܝܗܘܢ ܙܢ̈ܝܐ
018:20	ܟܠܐ ܠܦܪ̈ܘܫܐ܃ ܟܕ ܐܘܪܚܐ ܩ݁ܪܐ ܠܣܘܥܪ̈ܢܐ܃ ܪܥܝܢܐ ܕܝܢ
018:21	ܠܚܘܫܒܐ܃ ܡܡܝܩ̈ܢܐ ܕܝܢ ܠܡܒ̈ܙܚܢܐ ܘܠܣܬܪ̈ܝ ܕܘܒܪ̈ܐ
018:22	ܕܐܚܪ̈ܢܐ܂ ܗ݀ܝ ܕܝܢ ܕܗܠܟ ܘܩ݂ܡ ܘܝܬ݂ܒ܃ ܡܢ ܓܘܫܡ̈ܢܝܬܐ ܡܘܕܥ
018:23	ܥܠ ܙܘ̈ܥܐ ܢܦܫ̈ܢܝܐ܂ ܐܝܟ ܕܐܝܬ ܠܢ ܥܝܕܐ ܕܟܕ ܡܬܥܬܕܝܢܢ ܠܘܬ
018:24	ܣܘܥܪ̈ܢܐ܃ ܩܕܡܝܬ ܡܗܠܟܝܢܢ܃ ܘܡܐ ܕܡܛܝܢ ܠܟܪ ܕܡܬܒܥܐ܃
018:25	ܗܝܕܝܢ ܩܝܡܝܢܢ܃ ܘܒܬܪܟܢ ܐܦ ܝܬܒܝܢܢ܃ ܟܕ ܡܓܪܝܢܢ ܪܘܚܐ
018:26	ܠܫܘܡܠܝܗ ܕܥܒ݁ܕܐ܂ ܛܘܒܢܐ ܠܡ ܚ݁ܫܒ ܐܢܐ ܕܐܝܬܘܗܝ ܗ݀ܘ ܕܠܐ
018:27	ܒܚܘܫܒ̈ܘܗܝ ܐܬܬܙܝܥ ܠܘܬ ܕܘܡܝܐ ܕܥܘ̈ܠܐ܃ ܘܠܐ