The Comprehensive Aramaic Lexicon

019:01	ܒܣܘܥܪ̈ܢܐ ܐܫܬܘܚܪ ܒܩܘܡܐ ܕܠܘܬ ܚ̈ܛܝܐ܃ ܘܠܐ ܒܫܠܡܘܬܐ
019:02	ܕܨܒܝܢܐ ܒܣܡ ܠܗ ܥܢܝܢܐ ܕܡܡܝܩ̈ܢܐ܂ ܟܕ ܒܝܕ ܛܘܒܐ ܚܒ݂ܫ ܟܠ
019:03	ܛܒ̈ܢ ܕܡܢ ܐܠܗܐ ܚܠܦ ܫܦܝܪ̈ܬܗ ܥ݁ܦܐ ܐܢܫ܂ ܘܡܢ ܚܕ ܓܒܪܐ ܪܡ݁ܙ
019:04	ܥܠ ܣ̈ܓܝܐܐ܃ ܓܒܪ̈ܐ ܐܟܚܕ ܘܢܫ̈ܐ܂ ܥܘ̈ܠܐ ܕܝܢ ܡܫܡܗ
019:05	ܠܕܡܥܘܠܝܢ ܒܟܢܘ̈ܬܗܘܢ܃ ܚ̈ܛܝܐ ܕܝܢ ܠܐܝܠܝܢ ܕܚܛܝܢ
019:06	ܒܩܢܘܡܗܘܢ܂ ܝܘܢܝܐ܃ ܛܘܒܬܢܐ ܗܘ ܓܒܪܐ ܕܠܐ ܐ݂ܙܠ
019:07	ܒܬܪܥܝܬܐ ܕܪ̈ܫܝܥܐ܃ ܘܒܐܘܪܚܐ ܕܚ̈ܛܝܐ ‍{‍ܠܡ‍}‍‍<‍ܠܐ‍>‍ ܩ݂ܡ܃ ܘܥܠ
019:08	ܟܘܪܣܝܐ ܕܡܡܝܩ̈ܢܐ ܠܐ ܝ݂ܬܒ܂
019:09	ܐܠܐ ܒܢܡܘܣܗ ܕܡܪܝܐ܂ ܘܒܢܡܘܣܗ ܢܬܗܓܐ܂
019:10	ܘܡܛܠ ܕܠܐ ܣܦܩܐ ܗܝ ܕܠܐ ܥܒ݂ܕ ܒܝܫܬܐ܃ ܐܠܐ ܡܠܘܢ
019:11	ܕܢܥܒܕ ܛܒܬܐ܃ ܐܝܟ ܕܐܦ ܗ݂ܘ ܐܡ݂ܪ ܒܕܘܟ܃ ܕܥܒܪ ܠܡ ܡܢ
019:12	ܒܝܫܬܐ ܘܐܦ ܥܒܕ ܛܒܬܐ܃ ܒܕܓܘܢ ܒܗ݀ܢܘܢ ܬܠܬܐ
019:13	ܦܬܓܡ̈ܐ ܩܕܡ̈ܝܐ ܕܢܥܒܪ ܡܢ ܒܝܫܬܐ ܦܩܕ܃ ܒܗܠܝܢ ܕܝܢ ܬܪ̈ܝܢ
019:14	ܦܬܓܡ̈ܐ ܕܢܥܒܕ ܛܒܬܐ܂
019:15	ܘܟܢ ܡܚܘܐ ܬܚܘܝܬܢܐܝܬ ܥܠ ܝܘܬܪ̈ܢܐ ܕܥ݁ܦܐ ܐܝܢܐ
019:16	ܕܐܝܟ ܗܢܐ ܗܘ܃ ܢܗܘܐ ܐܝܟ ܐܝܠܢܐ ܕܢܨܝܒ܂ ܕܦܐܪ̈ܘܗܝ܂ ܘܟܠ
019:17	ܕܥ݁ܒܕ܂ ܕܐܟܙܢܐ ܠܡ ܕܐܝܠܢܐ ܕܫܩܘܬܐ ܐܡܝܢܬܐ ܕܡ̈ܝܐ
019:18	ܫܟܝܚܐ ܠܗ ܪܓܝܘܬܗ ܒܗ ܡܩܘܝܐ܃ ܘܠܐ ܡܫܟܚܝܢ ܫܘܒ̈ܘܗܝ
019:19	ܚܡܝܡ̈ܐ ܕܐܐܪ ܕܢܥܘܟܘܢ ܠܫܘܡܠܝ ܛܪ̈ܦܘܗܝ ܘܦܐܪ̈ܘܗܝ܃

019:20	ܗܟܢܐ ܐܝܢܐ ܕܒܢܡܘܣܐ ܕܡܪܗ ܣܪܝܟ ܪܥܝܢܗ܂ ܟܕ ܐܝܠܢܐ

019:21	ܡܫܡܗ ܠܡܝܬܪ̈ܐ܂ ܐܝܟ ܗ݀ܝ ܕܗܝܕܝܟ ܠܡ ܢܫܒܚܘܢ ܟܠܗܘܢ
019:22	ܐܝ̈ܠܢܐ܂ ܘܐܝ̈ܠܢܐ ܕܚܙܩܝܐܝܠ ܕܡܟܐ ܘܡܟܐ ܕܪܓܠܬܐ ܘܕܫܪܟܐ܂
019:23	ܦܐܪ̈ܘܗܝ ܠܗܝܡܢܘܬܗܘܢ ܘܛܪ̈ܦܘܗܝ ܠܕܘܒܪ̈ܝܗܘܢ܂
019:24	ܗ݀ܝ ܕܢܗܘܘܢ ܪ̈ܫܝܥܐ ܐܝܟ ܥܘܪܐ܃ ܣܝܡܐ ܠܘܩܒܠ ܗ݀ܝ
019:25	ܕܢܗܘܐ ܙܕܝܩܐ ܐܝܟ ܐܝܠܢܐ ܕܢܨܝܒ܂ ܡܛܠ ܠܡ ܕܠܐ ܡܫܪܪ
019:26	ܥܩܪܗܘܢ ܕܒܝܫ̈ܐ ܒܕܚܠܬ ܐܠܗܐ܃ ܩܠܝܠܐܝܬ ܐܒܕܝܢ ܒܡܣܡ
019:27	ܒܪܫܐ ܕܡܢ ܫܠܝ ܐܝܟ ܥܘܪܐ ܕܩܝܩܐ ܕܡܢ ܗܘܦܐ ܙܥܘܪܐ ܕܐܐܪ
019:28	ܡܬܒܕܪ܂ ܝܘܢܝܐ܃ ܠܐ ܗܟܢܐ ܪ̈ܫܝܥܐ܃ ܠܐ ܗܟܢܐ܂
019:29	ܗ݀ܝ ܕܡܛܠ ܗܢܐ ܠܐ ܢܩܘܡܘܢ ܪ̈ܫܝܥܐ ܒܕܝ݂ܢܐ܂ ܗܢܘ܂
019:30	ܥܡ ܙܕܝܩ̈ܐ܂ ܠܘ ܗܕܐ ܐ݁ܡܪ ܕܠܐ ܐܬܝܢ ܠܩܝܡܬܐ܃ ܐܠܐ ܠܕܝ݂ܢܐ