The Comprehensive Aramaic Lexicon

023:01	ܕܠܐ ܡܬܛܦܝܣܝܢ ܪܕܐ ܘܡܫܥܒܕ܃ ܘܐܝܟ ܡܐܢܝ̈ ܦܚܪܐ ܕܡܠܝܢ
023:02	ܨܐܬܐ ܘܫܘܚܬܐ܃ ܐܘ ܕܡܐ ܕܐܫܬܓܪܘ ܒܐܬܘܢܐ܃ ܡܬܢܦܨܝܢ
023:03	ܡܢ ܟܠܗ݀ ܪܛܝܒܘܬܐ ܘܩܢܝܢ ܫܪܝܪܘܬܐ ܘܚܝܨܘܬܐ܃ ܗܟܢܐ
023:04	ܬܢܦܨ ܐܢܘܢ ܡܢ ܟܠܗ݀ ܛܘܥܝܝ ܕܒܗ݀ ܐܨܛܝܐܘ/ܐܨܛܢܐ#2#/܃ ܘܬܚܕܬ
023:05	ܠܟܠܗ݀ ܒܪܝܬܐ ܒܩܝܡܬܐ ܡܢ ܟܠܗܘܢ ܫ̈ܘܚܠܦܐ ܕܚܒܠܐ܃
023:06	ܘܡܩܢܐ ܐܢܬ ܓܡܝܪܘܬܐ ܕܠܐ ܡܫܬܚܠܦܐ܂
023:07	ܗ݀ܝ ܕܢܫܩܘ ܒܪܐ܂ ܢܘܫܩܬܐ ܠܚܘܒܐ ܩ݁ܪܐ܂ ܗ݀ܝ ܗܝ ܕܡ݁ܢ
023:08	ܕܠܐ ܡܗܝܡܢ ܒܒܪܐ ܠܐ ܢܚܙܐ ܚܝ̈ܐ܃ ܐܠܐ ܪܘܓܙܗ ܘܕܫܪܟܐ܂
023:09	ܝܘܢܝܐ܃ ܚܒܒܘ ܡܪܕܘܬܐ ܕܠܐ ܢܪܓܙ ܡܪܝܐ܂ ܗ݀ܝ ܕܬܐܒܕܘܢ ܡܢ
023:10	ܐܘܪܚܗ܂ ܗܢܘ܂ ܬܬܢܟܪܘܢ ܠܡܠܟܘܬܗ܂ ܘܟܕ ܡܚܘܐ ܥܠ
023:11	ܡܐܬܝܬܗ ܕܬܪ̈ܬܝܢ ܕܐܝܢܐ ܪܘܓܙܐ ܐ݁ܫܕ ܥܠ ܠܐ ܡܗܝܡ̈ܢܐ܃
023:12	ܘܐܝܠܝܢ ܛܘܒ̈ܐ ܡܛܝܒ ܠܪ̈ܚܡܘܗܝ ܐ݁ܡܪ܃ ܡܛܠ ܕܥܕ ܩܠܝܠ ܝ݁ܩܕ
023:13	ܪܘܓܙܗ܂ ܗܢܘ܂ ܥܠ ܝܗܘ̈ܕܝܐ ܒܝܕ ܪ̈ܗܘܡܝܐ܂ ܘܛܘܒܝܗܘܢ ܠܟܠ܂
023:14	ܗܢܘ܂ ܠܥܡܡ̈ܐ ܕܐܬܬܟܠܘ ܥܠܘܗܝ ܘܗܝܡܢܘ ܒܗ܀
023:15	‍{‍܂ܓ܂‍}‍

023:16	ܗ݀ܝ ܕܐܢܐ ܫ݁ܟܒܬ ܘܕܫܪܟܐ܂ ܠܘ ܥܠ ܕܡܟܘܬܐ ܕܫܢܬܐ

023:17	ܐܘ ܥܠ ܥܝܪܘܬܐ ܟܝܢܝܬܐ ܐ݁ܡܪ܃ ܐܝܟ ܕܐܦ ܣ݁ܗܕ ܛܘܒܢܐ
023:18	ܡܦܫܩܢܐ܂ ܒܗ݀ܝ ܕܐܝܢܐ ܕܕܡ݂ܟ ܒܣܒܥܘ܃ ܡܬܬܥܝܪ ܐܝܟ ܕܣ݂ܡ
023:19	ܐܠܗܐ ܒܟܝܢܐ ܐܢܫܝܐ܃ ܘܠܘ ܥܘܕܪܢܐ ܕܐܠܗܐ ܡܥܝܪ ܠܗ܂ ܐܦ
023:20	ܓܝܪ ܒܝܫ̈ܐ ܟܕ ܡܬܬܥܝܪܝܢ ܘܦܠܚܝܢ ܒܝܫ̈ܬܐ܃ ܠܘ ܥܘܕܪܢܐ ܐܠܗܝܐ
023:21	ܡܥܝܪ ܠܗܘܢ܂ ܐܠܐ ܥܠ ܕܢܦ݂ܠ ܒܐܘ̈ܠܨܢܐ ܘܐܫܬܘܙܒ
023:22	ܡܢܗܘܢ܂ ܦܘܪܩܢܐ ܓܝܪ ܕܡܢ ܐܘ̈ܠܨܢܐ ܒܠܥܕ ܥܘܕܪܢܐ ܐܠܗܝܐ
023:23	ܠܐ ܗ݀ܘܐ܂ ܟܕ ܗܕܐ ܐ݁ܡܪ܃ ܕܐܦܢ ܡܟܟܘܢܝ ܐܘ̈ܠܨܢܝ܃ ܐܠܐ ܡܪܝܐ
023:24	ܣܡܟܢܝ ܘܐܩܝܡܢܝ܃ ܘܡܟܝܠ ܠܐ ܐܕܚܠ ܡܢ ܘܕܫܪܟܐ܀
023:25	‍{‍܂ܕ܂‍}‍
023:26	ܗ݀ܝ ܕܒܢܝܢܫܐ ܥܕܡܐ ܘܕܫܪܟܐ܂ ܗܢܘ܂ ܥܕܡܐ ܠܐܡܬܝ