The Comprehensive Aramaic Lexicon

121:01	ܘܐܝܟ ܢܝܫܐ ܕܡܠܦܢܘܬܐ ܪܟܒܗ܃ ܘܐܬܢܫܝ ܡܢܗ ܛܟܣܐ
121:02	ܕܐܘܪܝܬܐ ܒܚܬܝܬܘܬܐ܂ ܚܢܢ ܕܝܢ ܐܡܪܝܢܢ ܕܟܠܗܘܢ ܡܙܡܘܪ̈ܐ
121:03	ܐܝܟ ܡܫܠܡܢܘܬܐ ܕܫܪܝܪ̈ܐ ܕܕܘܝܕ ܐܝܬܝܗܘܢ܂ ܚܠܦ ܕܝܢ ܒܪܡ
121:04	ܛܟܣܐ ܕܡܙܡܘܪܐ ܡܢ ܐܘܪܝܬܐ܃ ܒܗ݀ܝ ܕܗܢܝܢ ܩܕܡ̈ܝܬܐ ܡܥܗܕ
121:05	ܡܠܦܢܐܝܬ ܘܬܫܥܝܬܢܐܝܬ܂ ܚܫ݂ ܡܬܢܫܝܢܐܝܬ ܐܝܟ ܒܪܢܫܐ܃
121:06	ܐܝܟܢܐ ܕܢܕܥ ܘܢܣܬܟܠ ܒܢܦܫܗ ܕܡܐ ܕܡܠܠ ܥܠ ܥܬܝ̈ܕܬܐ
121:07	ܒܢܒܝܘܬܐ܃ ܠܘ ܕܚܝܠܗ ܐܝܬܝܗ݀ ܨܒܘܬܐ ܐܠܐ ܕܛܝܒܘܬܐ
121:08	ܕܪܘܚܐ ܕܩܘܕܫܐ܂ ܗܟܢ ܓܝܪ ܓܕܫܬ ܠܛܘܒܢܐ ܡܘܫܐ܃ ܒܗܝ
121:09	ܕܐܡ݂ܪ ܠܥܡܐ ܕܡܢ ܗܕܐ ܟܐܦܐ ܐܦܩ ܠܟܘܢ ܡ̈ܝܐ܂ ܐܫܬܒܩ
121:10	ܓܝܪ ܕܢܬܦܠܓ ܡܕܒܪܢܐܝܬ܂ ܘܐܝܟ ܝܫܘܥܒܪܢܘܢ ܒܓܒܥܘ̈ܢܝܐ/ܒܓܒܘ̈ܥܢܝܐ#2#/܂
121:11	ܘܐܝܟ ܕܘܝܕ ܒܢܬܢ ܘܒܨܝܒܐ܂ ܘܐܝܟ ܫܡܘܐܝܠ ܒܫܐܘܠ ܕܩܪܝܒ
121:12	ܗܘܐ܂ ܘܐܝܟ ܢܒܝܐ ܗ݀ܘ ܕܐܬܛܥܝ ܡܢ ܗ݀ܘ ܕܓܠܐ܂ ܘܐܝܟ ܐܠܝܫܥ
121:13	ܕܠܐ ܝ݂ܕܥ ܫܪܒܗ݀ ܕܫܝܠܘܡܝܬܐ ܘܕܫܪܟܐ܂ ܕܢܕܥܘܢ ܐܦ ܗ݂ܢܘܢ

121:14	\ܒܢܝܢܫܐ ܐܢܘܢ /ܕܒܢܝ ܐܝܬܗܘܢ#2#/ ܡܨ̈ܛܠܝܢܐ܃ ܘܕܐܠܗܐ ܗܘ ܒܠܚܘܕ ܝ݁ܕܥ ܟܠ܃

121:15	ܘܡܟܐ ܢܩܢܘܢ ܡܟܝܟܘܬܐ ܘܠܐ ܢܬܬܪܝܡܘܢ ܘܕܫܪܟܐ܂
121:16	ܘܬܪ̈ܥܐ ܕܫܡܝܐ ܐܬܦܬܚܘ܂ ܫܡܝܐ ܩ݁ܪܐ ܬܢܢ ܠܗܝܢ
121:17	ܠܥ̈ܢܢܐ܃ ܒܗ݀ܝ ܕܐܝܟ ܬܛܠܝܠܐ ܡܬܝ̈ܚܢ ܠܥܠ ܡܢܢ܂
121:18	ܠܚܡܐ ܕܫܡܝܐ ܩ݁ܪܐ ܠܡܢܢܐ܂ ܗܢܘ܂ ܕܠܘ ܡܢ ܐܪܥܐ
121:19	ܘܚܩ̈ܠܬܐ ܘܐܘܨܪ̈ܐ܂ ܕܡܠܐܟ̈ܐ ܕܝܢ܃ ܥܠ ܕܒܡܫܡܫܢܘܬܗܘܢ
121:20	ܢ݁ܚܬ ܗܘܐ܂ ܘܨܝܕܐ܂ ܗܢܘ܂ ܣܠܘܝ܂
121:21	ܐܟܠܘ ܘܣܒܥܘ ܛܒ܃ ܥܕܡܐ ܕܗܘ݂ܐ ܠܗܘܢ ܐܦܬܪܐ܂
121:22	ܘܠܐ ܗܝܡܢܘ ܒܩܝܡܗ܃ ܕܓܡܪ ܨܐܕܝ̈ܗܘܢ ܫܘܘܕܝܗ܃
121:23	ܘܡܥܠ ܠܗܘܢ ܠܐܪܥܐ ܕܡܘܠܟܢܐ܂
121:24	ܝܘܡܐ ܕܦ݂ܪܩ ܐܢܘܢ ܡܢ ܐܠܘܨܐ܃ ܦܪܥܘܢ܂
121:25	ܚܠܦ ܚܠܘܛܐ܃ ܕܒܒ̈ܝ ܟܠܒܐ ܐ݁ܡܪ ܝܘܢܝܐ܂
121:26	ܗ݀ܝ ܕܩܢܝܢܗܘܢ ܠܝܩܕܢܐ܂ ‍{‍ܘܠܢܘܪܐ‍}‍‍<‍ܗܢܘ ܕܝܢ܂ ܐܘ ܠܢܘܪܐ#2#‍>‍ ܗ݀ܝ ܕܡܗܠܟܐ ܗܘܬ
121:27	ܒܓܘ ܒܪܕܐ ܩ݁ܪܐ܃ ܐܘ ܠܫܘܚܢܐ ܗ݀ܘ ܕܢܘ̈ܦܚܐ܃ ܗ݀ܘ ܕܒܗ
121:28	ܝܩܕܘ ܘܐܬܡܣܝܘ ܒܢܝܢܫܐ ܘܒܥܝܪܐ܂ ܩܢܝܢܐ ܠܒܥܝܪܐ ܩ݁ܪܐ܂
121:29	ܐܚܪ̈ܢܐ܃ ܡܢܗ ܠܡ ܕܩܢܝܢܗܘܢ ܒܠܥܘ ܒܟܐܦ̈ܐ ܕܒܪܕܐ ܘܡܝܬܘ܃