The Comprehensive Aramaic Lexicon

159:01	ܒܢܝܢܫܐ܃ ܢܬܩܝܡ ܠܟ ܥܡܐ ܡܫܒܚܐ ܘܟܢܫܐ ܩܕܝܫܐ܃
159:02	ܕܒܬܫܒ̈ܚܬܐ ܕܟܠܝܘܡ ܡܙܝܚܝܢ ܠܐܝܩܪܐ ܕܡܠܟܘܬܟ܂ ܚܢܢܐ܃
159:03	ܥܡܟ ܠܡ ܘܡܗܝܡ̈ܢܐ ܕܢܩܦܘܟ ܡܫܒ̈ܚܐ ܘܡܦܪ̈ܓܐ ܥ݁ܒܕ
159:04	ܐܢܬ ܠܗܘܢ ܒܝܘܡܐ ܕܚܝܠܐ ܕܓܠܝܢܟ ܐܚܪܝܐ܃ ܗ݀ܘ ܕܒܗ
159:05	ܡܬܚܙܐ ܚܝܠܟ ܘܫܘܒܚܟ ܡܬܘܡܝܐ܂ ܠܚܡܐ ܕܝܢ ܡܠܬܐ ܐܦ
159:06	ܠܐܠܗܘܬܐ܃ ܕܗ݂ܝ ܒܝܕ ܐܢܫܘܬܐ ܓܡܪܐ ܠܗ ܠܕܝ݂ܢܐ܂ ܝܘܢܝܐ܃
159:07	ܥܡܟ ܗܝ ܪܫܢܘܬܐ ܒܝܘܡܐ ܕܚܝܠܟ܂
159:08	ܒܗܕܪ̈ܝ ܩܘܕܫܐ ܡܢ ܡܪܒܥܐ܂ ܡܢܗ݀ ܠܡ ܕܓܒܝܠܘܬܟ
159:09	ܕܒܡܪܒܥܐ ܡܬܚܙܐ ܐܢܬ ܗܕܝܪܐ ܘܩܕܝܫܐ܃ ܐܝܟ ܕܓܒܪܝܠ ܐܡ݂ܪ
159:10	ܠܒܬܘܠܬܐ܃ ܪܘܚܐ ܕܩܘܕܫܐ ܢܐܬܐ܃ ܘܚܝܠܗ܃ ܡܛܠ ܗܢܐ ܗ݀ܘ܂
159:11	ܘܠܝܘܣܦ܃ ܗ݀ܘ ܓܝܪ ܕܐܬܝܠܕ ܒܗ݀ ܡܢ ܪܘܚܐ ܗܘ ܕܩܘܕܫܐ܂
159:12	ܐܚܪ̈ܢܐ܃ ܗܕܪܟ ܠܡ ܘܩܕܝܫܘܬܐ ܕܟܝܢܟ ܠܘ ܒܙܒܢܐ ܐܝܬܝܗ݀ ܠܟ
159:13	ܐܝܟ ܫܪܟܐ ܕܗܠܝܢ ܕܢܣܒܘ ܡܢܟ܃ ܐܠܐ ܘܡܢ ܟܪܣܐ ܘܡܢ ܓܘ
159:14	ܡܪܒܥܐ ܘܡܢ ܡܘܠܕܐ܂ ܗܢܘ܂ ܡܢ ܟܝܢܟ܂ ܐܝܟ ܙܢܐ ܓܝܪ ܕܠܘܬܢ܃
159:15	ܟܠ ܕܡܢ ܡܪܒܥܐ ܡܬܝܠܕ ܒܪ ܟܝܢܐ ܗܘ ܕܡܘܠܕܢܗ܃ ܗܟܢܐ ܘܐܦ
159:16	ܥܠܘܗܝ ܐ݁ܡܪ܃ ܕܢܟܪܙ ܫܘܝܘܬ/ܫܘܝܐܝܬ#2#/ ܟܝܢܗ ܕܥܡ ܐܒܐ܂ ܗܢܘ܂
159:17	ܐܝܬܝܐ ܐܝܬܝܟ ܝܠܝܕܐܝܬ܃ ܗܕܝܪܐ ܘܩܕܝܫܐ ܒܕܡܘܬ ܐܒܘܟ܂
159:18	ܝܘܢܝܐ܃ ܚܠܦ ܒܗܕܪܝ ܩܘܕܫܐ ܡܢ ܡܪܒܥܐ܃ ܒܡܦܪܓܘܬܐ
159:19	ܕܩܕܝܫ̈ܝܟ ܐ݁ܡܪ܂ ܗܢܘ܂ ܡܗܝܡ̈ܢܝܟ ܩܕܝܫ̈ܐ ܚܠܦ ܐܘ̈ܠܨܢܐ
159:20	ܘܨܥܪ̈ܐ ܕܣܒܠܝܢ ܚܠܦ ܫܡܟ܃ ܡܦܪ̈ܓܐ ܢܬܚܙܘܢ ܒܛܒ̈ܬܟ
159:21	ܘܕܫܪܟܐ܂
159:22	ܡܢ ܩܕܝܡ ܠܟ ܛܠܝܐ ܝܠܕܬܟ܂ ܐܝܟ ܕܡܢ ܦܪܨܘܦ ܐܒܐ ܐ݁ܡܪ
159:23	ܠܘܬ ܒܪܐ܂ ܗܢܘ܂ ܕܡܬܘܡܐܝܬ ܝܠܝܕ ܐܠܗܐ ܡܠܬܐ ܡܢ ܐܒܐ܃
159:24	ܕܠܐ ܫܘܪܝ ܘܠܥܠ ܡܢ ܙܒܢܐ܂ ܐܠܘ ܓܝܪ ܐܝܬ ܗܘܐ ܡܕܡ ܕܩܕܡܝ
159:25	ܠܗ܃ ܠܐ ܡܬܐܡܪܐ ܗܘܬ ܠܗ ܗ݀ܝ ܕܡܢ ܩܕܝܡ܂ ܘܕܡܝܐ ܠܗ݀ܝ ܕܐܢܐ
159:26	ܐܢܐ ܩܕܡܝܐ ܘܐܢܐ ܐܢܐ ܐܚܪܝܐ܂ ܗܢܘ܂ ܕܠܐ ܫܘܪܝ ܘܕܠܐ
159:27	ܫܘܠܡ܂ ܘܡܛܠ ܕܗܠܝܢ ܕܡܬܝܠܕܝܢ ܠܘܬܢ ܫ݁ܠܚܝܢ ܠܛܠܝܘܬܐ ܗ݀ܝ
159:28	ܕܒܗ݀ ܐܬܝܠܕܘ܃ ܘܣܐܒܝܢ ܘܗܘܝܢ ܐܒܗ̈ܐ ܕܐܚܪ̈ܢܐ܃ ܩܪܝܗܝ

159:29	ܛܠܝܐ܃ ܕܢܚܘܐ ܕܗ݂ܘ ܠܐ ܣ݁ܐܒ ܘܠܐ ܡܫܬܚܠܦܐ ܒܪܘܬܗ

159:30	ܐܟܘܬܢ܃ ܐܠܐ ܐܡܝܢܐܝܬ ܒܥܠܝܡܘܬܗ ܘܒܚܝܠܬܢܘܬܗ