The Comprehensive Aramaic Lexicon

192:01	ܘܓܘܫ̈ܡܐ ܡܬܚܙܝ̈ܢܐ ܘܢܗܝܪ̈ܐ ܙܪܝܩܐ ܘܡܒܕܪܐ ܘܡܦܬܟܐ܂
192:02	ܐܝܟܢܐ ܕܒܗܠܝܢ ܦܘܪ̈ܣܐ ܢܩܝܡܘܢܗ݀ ܠܚܢܦܘܬܐ ܘܢܚܪܪܘܢ
192:03	ܢܦܫܗܘܢ ܡܢ ܥܕܠܝܐ ܡܐ ܕܣܓܕܝܢ ܠܒܪ̈ܝܬܐ܃ ܐܝܟ ܡ݁ܢ ܕܠܘ
192:04	ܡܛܠܬܗܘܢ ܕܓܘܫ̈ܡܐ ܣܓܕܝܢ ܠܗܘܢ ܐܠܐ ܡܛܠ ܗ݀ܝ ܚܝܘܬܐ

192:05	ܕܪܚܫܐ ܒܗܘܢ܃ ܕܐܝܬܝܗ݀ ܒܨܪܐ ܕܐܠܗܘܬܐ܂ ܐܝܟ ܕܐܦ

192:06	ܐܪܝܣܛܘܛܠܝܣ ܗ݀ܘ ܡܫܡܗܐ ܕܒܗܘܢ ܠܫܡܝܐ ܓܘܫܡܐ
192:07	ܐܠܗܝܐ ܩ݁ܪܐ ܠܗ܃ ܘܕܐܝܬ ܒܗ ܠܡ ܡܫܪ̈ܝܬܐ ܣ̈ܓܝܐܬܐ
192:08	ܕܓܘܫ̈ܡܐ ܢܗܝܪ̈ܐ ܘܐܠܗ̈ܝܐ܂ ܕܡܢ ܬܡܢ ܟܕ ܝܠ݂ܦ ܙܪܕܘܫܬ ܪܫ
192:09	ܕܘܓܡܐ ܕܡܓܘܫ̈ܐ܃ ܐܫܠܡ ܠܒܢܝ ܓܒܗ ܣܓܕܬܐ ܕܢܗܝܪ̈ܐ܃
192:10	ܘܠܟܠ ܡܕܡ ܕܦܓܥ ܒܗ ܐܠܗܐ ܡܟܢܐ܂ ܐܟܘܬܗܘܢ ܕܝܢ ܡܪܫܥܝܢ
192:11	ܐܘܪܓܢܝܣ ܘܒܢܝ ܓܘܕܗ܂ ܕܐܠܘܠܐ ܠܡ ܢܦܫܐ ܡܠܝܠܬܐ ܐܝܬ
192:12	ܗܘܬ ܒܢܗܝܪ̈ܐ܃ ܠܐ ܡܬܘܡ ܦܩܕ ܗܘܐ ܠܗܘܢ ܕܘܝܕ
192:13	ܕܢܫܒܚܘܢ܂ ܟܕ ܡܢܗ݀ ܕܡܠܬܗܘܢ ܗܕܐ ܗܕܐ ܡܬܟܣܣܝܢ܂ ܕܐܢ
192:14	ܗ݂ܘ ܕܗܘ̈ܝܐ ܡܬܝ̈ܕܥܢܐ ܘܝܕܘ̈ܥܬܢܐ ܕܡܢ ܐܝܬܘܬܐ ܡܬܘܡܝܬܐ
192:15	ܐܬܦܪܫܘ ܡܕܝܪܝܢ ܒܓܘܫ̈ܡܐ ܗܠܝܢ܃ ܐܝܟܢܐ ܠܡܫܒܚܘ
192:16	ܡܬܦܩܕܝܢ܂ ܘܠܡܢܘ ܡܩܪܒܝܢ ܣܓܕܬܐ ܘܬܘܕܝܬܐ܃ ܟܕ ܗܐ ܡܢܗ
192:17	ܕܟܝܢܐ ܡܣܬܓܕܢܐ ܐܝܬܝܗܘܢ܂ ܘܣܟܢܐܝܬ ܠܡܐܡܪ܃ ܕܐܢ
192:18	ܒܫܡ ܡ̈ܝܐ ܠܟܝ̈ܢܐ ܡܠܝ̈ܠܐ ܕܠܥܠ ܡܢ ܫܡܝܐ ܦܩܕ ܕܘܝܕ
192:19	ܕܢܫܒܚܘܢ ܠܐܠܗܐ܃ ܡܐ ܕܡܥܗܕ ܠܬܠܓܐ ܘܠܓܠܝܕܐ ܘܠܪ̈ܘܚܐ
192:20	ܘܥܠܥ̈ܠܐ ܘܛܘܪ̈ܐ ܘܪ̈ܡܬܐ܃ ܡܢܐ ܟܝ ܐܦ ܗܠܝܢ ܡܠܝ̈ܠܐ
192:21	ܐܝܬܝܗܘܢ܂ ܐܘ ܡܢܐ ܐܪܐ ܐܠܨܐ ܗܘܬ ܕܡܢ ܕܐܡ݂ܪ ܢܒܝܐ ܚܕܐ
192:22	ܙܒܢ ܕܫܒܚܘܗܝ ܟܠܗܘܢ \ܡܠܐܟ̈ܘܗܝ ܘܚܝܠܘ̈ܬܗ܃ ܬܘܒ/ܚܝܠܘ̈ܬܗ܂ ܚܝܠܘ̈ܬܗ ܬܘܒ#2#/
192:23	ܒܫܡܐ ܕܡ̈ܝܐ ܢܥܛܘܦ ܢܟܢܐ ܐܢܘܢ܂ ܐܘ ܕܠܡܐ ܠܐܝܩܪܐ
192:24	ܪܒܐ ܡܣܩ ܗܘܐ ܠܗܘܢ ܒܫܡܐ ܕܦܪܝܫ ܘܡܥܠܝ ܡܢ ܕܝܠܗܘܢ܂
192:25	ܗܢܘ܂ ܒܡ̈ܝܐ܂ ܕܠܐ ܕܝܢ ܥܕܟܝܠ ܕܪܟܬ ܪܓܠܐ ܕܚܕ ܡܢ ܥܒܝ̈ܕܐ
192:26	ܠܓܘ ܡܢ ܐܦܝ̈ ܬܪܥܐ ܕܪܩܝܥܐ܃ ܣܛܪ ܡܢ ܒܪܢܫܗ ܕܡܪܢ܃ ܗ݀ܘ
192:27	ܕܒܕܡܐ ܕܢܦܫܗ ܥ݂ܠ ܚܕܐ ܙܒܢ ܠܒܝܬ ܡܩܕܫܐ ܘܐܫܟܚ ܦܘܪܩܢܐ
192:28	ܕܠܥܠܡ܃ ܦܘܠܘܣ ܣ݁ܗܕ܂ ܗܢܐ ܗܟܝܠ ܐܬܪܐ ܕܬܚܝܬ ܫܡܝܐ
192:29	ܠܕܘܒܪ̈ܐ ܕܡܝܘܬܘܬܐ ܐܬܦܪܫ ܠܢ܃ ܕܒܗ ܢܬܕܪܫ ‍{‍ܘܢܬܚܒܪ‍}‍‍<‍ܘܢܬܒܚܪ#2#‍>‍܂