The Comprehensive Aramaic Lexicon

003:01	ܗ݀ܘ ܟܕ ܡܬܐܟܬܢ ܠܗܪ̈ܣܝܣ ܕܝܠܗ ܐܣܛܝ ܠܝܗܘܕܝܘܬܐ
003:02	ܘܐܬܓܙܪ܂ ܘܐܬܪܕܝ ܒܥܒܪܝܐ ܘܐܫܠܡ ܦܘܫܩܐ ܪܒܝܥܝܐ܂
003:03	ܒܪܡ ܕܝܢ ܣܓܝ ܩܪܝܒ ܠܕܫܒܥܝܢ ܘܠܘ ܐܝܟ ܚܒܪ̈ܘܗܝ܂

003:04	ܕܚܡܫ ܐܫܬܟܚܬ ܒܬܪ ܥܙܪܐ ܒܚܨܒܐ ܒܐܝܪܝܚܘ ܥܡ

003:05	ܟܬ̈ܒܐ ܐܚܪ̈ܢܐ ܥܒܪ̈ܝܐ ܘܝܘ̈ܢܝܐ ܒܡܠܟܘܬܗ ܕܐܢܛܘܢܝܢܘܣ
003:06	ܒܪ ܣܐܘܪܘܣ܂ ܕܫܬ ܕܝܢ ܐܫܬܟܚܬ ܕܡܛܫܝܐ ܒܚܨܒܐ
003:07	ܒܢܝܩܦܘܠܝܣ ܗ݀ܝ ܕܠܘܬ ܐܩܛܝܘܣ ܒܡܠܟܘܬܗ
003:08	ܕܐܠܟܣܢܕܪܘܣ ܕܡܡܐܢܐܘܣ܂ ܘܐܦ ܐܘܪܓܢܝܣ ܝܠܦ
003:09	ܥܒܪܝܐ ܘܦܫܩ ܠܟܬ̈ܒܐ ܘܦܚܡ ܘܬܪܨ ܒܢܘ̈ܩܙܐ
003:10	ܘܓܐܪ̈ܘܢܐ ܘܟܘܟ̈ܒܘܢܐ܂ ܘܐܦ ܠܘܩܝܢܘܣ ܥܢܘܝܐ
003:11	ܘܩܕܝܫܐ ܘܣܗܕܐ ܬܪܨ ܘܦܚܡ ܘܡܠܝ ܦܘ̈ܕܐ ܡܕܡ ܡܕܡ
003:12	ܕܒܗܠܝܢ ܡܫܠܡ̈ܢܘܬܐ ܘܐܫܠܡ ܠܟܪ̈ܣܛܝܢܐ܂ ܗܢܘ
003:13	ܦܘܫܩܐ ܕܐܬܩܪܝ ܗܟܣܦܠܐ܂ ܗܢܘ܂ ܫܬܝ̈ܬܝ ܦܚܡ̈ܐ
003:14	ܐܘ݂ ܦܨ̈ܐ܂ ܐܝܬ ܕܝܢ ܕܬܡܝܢܝ ܦܨ̈ܐ ܟܕ ܬܪ̈ܬܝܢ ܕܥܒܪܝܐ
003:15	ܥܡ ܗ݀ܢܝܢ ܡܬܚܫ̈ܒܢ܂
003:16	ܠܣܘܪܝܝܐ ܕܝܢ ܐܬܬܦܩܘ ܟܬܒ̈ܐ ܐܝܟ ܐܢܫ̈ܝܢ ܗܟܢܐ܂
003:17	ܐܘܪܝܬܐ ܠܡ ܘܝܫܘܥܒܪܢܘܢ ܘܫܦ̈ܛܐ ܘܪܥܘܬ
003:18	ܘܫܡܘܐܝܠ ܘܕܘܝܕ ܘܡܬ̈ܠܐ ܘܩܘܗܠܬ ܘܫܐܪܬ ܫܝܪܝܢ
003:19	ܘܐܝܘܒ ܒܙܒܢܗ ܕܫܠܝܡܘܢ ܒܦܝܣܐ ‍[‍ܕܚܝܪܡ‍]‍ ܪܚܡܗ
003:20	ܡܠܟܐ ܕܨܘܪ܂ ܘܟܬ̈ܒܐ ܕܝܢ ܕܫܪܟܐ ܕܥܬܝܩܬܐ ܐܟܚܕ
003:21	ܘܕܚܕܬܐ ܒܙܒܢܗ ܕܐܒܓܪ ܡܠܟ ܐܘܪܗܝ ܒܝܨܝܦܘܬܐ
003:22	ܕܐܕܝ ܘܕܫܪܟܐ ܕܫܠܝ̈ܚܐ܂ ܐܦܢ ܐܚܪ̈ܢܐ ܐܚܪܢܝܐܝܬ
003:23	ܐܡܪ̈ܝܢ܂ ܗܢܘ܂ ܕܡܢ ܚܕ ܡ݂ܢ ܟܗ̈ܢܐ ܕܐܬܩܪܝ ܐܣܝܐ
003:24	ܕܫܕܪ ܡܠܟܐ ܐܬܘܪܝܐ ܐܬܬܦܩܘ ܠܫܡܪܝܢ܂
003:25	ܒܬܪܟܢ ܕܝܢ ܙ݁ܕܩ ܠܡܕܥ ܕܥܣܪܝܢ ܘܬܪ̈ܝܢ ܟܬܒ̈ܐ ܗ݀ܘܝܢ
003:26	ܕܥܬܝܩܬܐ܃ ܟܕ ܐܦ ܣܦܪ ܕܒܪܝܡܝܢ ܒܣܕܪܐ ܕܝܠܗܘܢ
003:27	ܡܬܡܢܐ ܐܝܟ ܥܒܪ̈ܝܐ ܘܝܘ̈ܢܝܐ܂ ܘܐܦ ܥܣܪܝܢ ܘܬܪ̈ܝܢ
003:28	ܥܒ̈ܕܐ ܒ݂ܪܐ ܐܠܗܐ ܒܫܬܬ ܝܘ̈ܡܐ ܕܒܪܝܬܐ܂ ܫܡܝܐ܂
003:29	ܐܪܥܐ܂ ܡܝ̈ܐ܂ ܢܘܪܐ܂ ܡܠܐܟ̈ܐ܂ ܐܐܪ܂ ܢܘܗܪܐ܂