The Comprehensive Aramaic Lexicon

008:01	ܐܝܟܢܐ ܕܡܠܝ̈ܠܐ ܘܠܐ ܡܬܚܙܝ̈ܢܐ ܢܐܠܦܘܢ ܥܠ
008:02	ܝܬܗܘܢ ܘܢܬܕܪܫܘܢ ܒܝܕ ܣܓܝܐܘܬܐ ܘܦܬܝܟܘܬܐ

008:03	ܘܣܩܘܒܠܝܘܬܐ ܕܗܠܝܢ ܥܠ ܚܝܠܗ ܘܚܟܡܬܗ ܕܐܠܗܐ܂

008:04	ܐܟܚܕ ܕܝܢ ܕܢܬܝܕܥܘܢ ܕܡܨܛ̈ܠܝܢܐ ܐܢܘܢ ܘܝܠܘ̈ܦܐ
008:05	ܘܣܢܝ̈ܩܐ܂ ܘܐܦ ܒܢܝܢܫܐ ܢܐܠܦܘܢ ܝܬܗܘܢ ܘܢܬܕܪܫܘܢ
008:06	ܡ݂ܢ ܗܠܝܢ ܡܬܪ̈ܓܫܢܝܬܐ ܘܕܫܪܟܐ ܕܫܘܚ̈ܠܦܝܗܝܢ܂
008:07	ܘܗܠܝܢ ܕܝܢ܂ ܗܢܘ܂ ܠܐ ܡܠܝ̈ܠܐ ܘܡܬܚܙܝ̈ܢܐ ܕܢܬܢܛܪܘܢ
008:08	ܘܢܬܦܪܢܣܘܢ ܡ݂ܢ ܗ݀ܢܘܢ܂ ܥܡ ܗܕܐ ܬܘܒ ܕܬܩܦ
008:09	ܪ݁ܚܡܘܬܐ ܠܒܪܝܬܐ ܘܕܢܘܕܥ ܕܚܕ ܗ݀ܘ ܒܪܘܝܐ ܕܟܠ܂
008:10	ܘܙ݁ܕܩ ܕܢܕܥ ܕܦܪܝܫ ܫܡ ܒܪܝܬܐ ܠܫܡ ܥܠܡܐ܂ ܒܗ݀ܝ
008:11	ܕܒܪܝܬܐ ܫܡܐ ܗܘ݂ ܕܠܘܬ ܡܕܡ܂ ܗܠܝܢ ܕܝܢ ܕܠܘܬ
008:12	ܡܕܡ܃ ܒܝܕ ܚ̈ܕܕܐ ܡܬܝܕܥܝܢ܂ ܡܐ ܕܝܢ ܕܒܪܝܬܐ
008:13	ܬܐܡ݂݁ܪ܃ ܒܪ ܫܥܬܗ ܣ݁ܟܠܬ ܥܠ ܒܪܘܝܐ ܘܒܪܘܝܐ ܥܠ
008:14	ܒܪܝܬܗ܂ ܥܠܡܐ ܕܝܢ ܥܠ ܣܓܝܐ̈ܬܐ ܡܫܘܕܥ܂ ܒܙܒܢ
008:15	ܥܠ ܟܝ̈ܢܐ܃ ܐܝܟ ܗ݀ܝ ܕܐܠܗܐ ܕܝܢ ܥܒ݂ܕ ܥܠܡܐ ܘܟܠ
008:16	ܕܒܗ ܘܕܫܪܟܐ܂ ܒܙܒܢ ܕܝܢ ܥܠ ܛܘܪ̈ܐ ܘܪ̈ܘܦܐ܃ ܐܝܟ
008:17	ܗ݀ܝ ܕܗ݀ܘ ܕܐܝܬܘܗܝ ܡ݂ܢ ܩܕܡ ܥܠܡ̈ܐ ܘܕܫܪܟܐ܂ ܘܒܙܒܢ
008:18	ܥܠ ܒܢܝܢܫܐ ܠܚܘܕ܃ ܐܝܟ ܗ݀ܝ ܕܥܠܡܐ ܣ݁ܢܐ ܠܟܘܢ܂
008:19	ܘܥܠܡܐ ܠܐ ܚ݁ܙܐ ܠܝ܂
008:20	ܘܙ݁ܕܩ ܕܢܕܥ ܕܒܙ̈ܢܝܐ ܣܓܝ̈ܐܐ ܡܡܠܠܝܢ ܟܬܒ̈ܐ܂
008:21	ܒܙܒܢ ܡ݁ܢ ܓܠܝܐܝܬ ܠܦܘܬ ܩܪܝܬܗ݀ ܕܡܠܬܐ܂ ܐܝܟ ܗ݀ܝ
008:22	ܕܒܪܫܝܬ ܒ݂ܪܐ ܐܠܗܐ܂ ܘܠܝܬ ܐܠܗ ܠܒܪ ܡܢܝ ܘܕܫܪܟܐ܂
008:23	ܒܙܒܢ ܕܝܢ ܡܚܦܝܐܝܬ܂ ܐܟܙܢ ܢܐܡܪ ܡܠܬܐ ܕܠܐ
008:24	ܪܥܝܢܐ܂ ܗܢܘ܂ ܕܠܘܩܒܠ ܪܥܝܢܗ܂ ܐܝܟ ܗ݀ܝ ܕܡܪܝܐ
008:25	ܒ݂ܪܐ ܟܠ ܛܒ ܘܒܝܫ܂ ܘܕܠܡܐ ܗܘܝܐ ܒܝܫܬܐ ܘܕܫܪܟܐ܂
008:26	ܘܓܠܝܐ ܗ݂ܝ ܕܠܘ ܗ݂ܘ ܥ݁ܒܕ ܠܗ݀ ܠܒܝܫܬܐ܂ ܘܗ݀ܝ ܕܐܢܐ
008:27	ܩܫܝܬ ܠܒܗ ܕܦܪܥܘܢ ܘܕܫܪܟܐ܂ ܘܒܙܒܢ ܦܠܬܢܐܝܬ܃
008:28	ܐܟܙܢ ܕܣ݁ܐܡ ܦܪܨܘܦܐ ܘܩܢܘܡܐ ܘܡܠܬܐ ܘܩܠܐ
008:29	ܠܨܒܘ̈ܬܐ ܕܠܐ ܩ̈ܢܝܢ ܠܗܠܝܢ܂ ܐܝܟ ܗ݀ܝ ܕܬܪ̈ܥܐ