The Comprehensive Aramaic Lexicon

024:01	ܠܟܝܢܗ ܡܫܚܠܦ܂ ܡܪܝ ܐܦܪܝܡ ܕܝܢ܃ ܕܒܐܘܩܝܢܘܣ ܝܡܐ
024:02	ܥ݁ܡܕ ܟܠܗ ܠܠܝܐ܂ ܟܠ̈ܕܝܐ ܕܝܢ܃ ܕܬܚܝܬ ܐܪܥܐ ܠܡ
024:03	ܐܙ݁ܠ܂ ܘܐܡܪܝܢ ܨܝܕ ܗ݀ܝ ܩܕܡܝܬܐ ܕܐܢ ܫܚܝܢܘܬܗ
024:04	ܘܢܘܗܪܗ ܡܚܘܐ ܫܡܫܐ ܒܓܪܒܝܐ܃ ܡܘܢ ܟܠܐ
024:05	ܗܘ݂ܐ ܕܒܢܝܢܫܐ ܘܚܝ̈ܘܬܐ ܢܥܡܪܘܢ ܬܡܢ ܘܢ݁ܘܥܐ
024:06	ܥܣܒ̈ܐ ܘܕܫܪܟܐ܂ ܐܠܐ ܢܕܥܘܢ ܗܠܝܢ ܕܣܘ̈ܦܐ

024:07	ܕܐܪ̈ܒܥܬܝܗܝܢ ܦܢܝ̈ܬܐ ܕܥܠܡܐ ܠܐ ܡܬܥܡܪ̈ܢܐ ܐܢܘܢ܃

024:08	ܡܢܗܘܢ ܡ݂ܢ ܚܘܡܐ ܘܡܢܗܘܢ ܡ݂ܢ ܩܘܪܐ܂
024:09	‍[‍v݁ 6‍]‍ ܢܘܗܐ ܪܩܝܥܐ ܒܡܨܥܬ ܡܝ̈ܐ ܘܢܗܘܐ܂
024:10	ܪܩܝܥܐ ܩܪܝܗܝ ܡܛܠ ܕܡ݂ܢ ܟܝܢܐ ܪܦܝܐ ܕܡܝ̈ܐ ܐܬܪܩܥ
024:11	ܘܐܫܬܪܪ܃ ܟܕ ܒܝܕ ܗ݀ܝ ܕܒܡܨܥܬ ܡܝ̈ܐ ܐܘܕܥ ܕܗܢܐ
024:12	ܟܠܗ ܐܣܩ ܠܥܠ ܡܢܗ ܐܝܟ ܡ݁ܐ ܕܫܒ݂ܩ ܠܬܚܬ ܡܢܗ܃
024:13	ܒܕ ܡܕܡ ܕܒܡܨܥܬܐ ܗ݀ܘܐ ܦܘܠܓܐ ܫܘܝܐ ܥ݁ܒܕ܂
024:14	ܐܦ ܓܝܪ ܠܬܠܬ ܡܢ̈ܘܢ ܐܬܦܠܓܘ ܡܝ̈ܐ ܕܫܛܝܚܝܢ
024:15	ܒܐܪܥܐ܂ ܘܡܢܬܐ ܚܕܐ ܦܫܬ ܒܐܪܥܐ ܠܢܘܛܪܗ݀
024:16	ܐܟܚܕ ܘܠܚܫܚܬܐ ܕܒܢ̈ܝ ܐܪܥܐ܂ ܡܢܬܐ ܕܝܢ ܕܬܪ̈ܬܝܢ
024:17	ܕܗ݂ܝ ܗ݂ܝ ܡܨܥܝܬܐ ܐܬܪܩܥܬ ܘܐܬܓܫܡܬ ܘܐܬܓܠܕܬ܂
024:18	ܘܡܢܬܐ ܬܠܝܬܝܬܐ ܛܥܢ ܗ݂ܘ ܪܩܝܥܐ ܥܠ ܚܨܗ܂ ܥܠ
024:19	ܐܣܟܝܡܐ ܕܝܢ ܕܠܒܝܕܘܬܗ܃ ܐܢܫ̈ܝܢ ܐܡ݁ܪܝܢ ܕܠܬܚܬ
024:20	ܐܬܪܩܥ ܘܐܬܠܒܕ ܘܟܢ ܐܥܝܦ ܐܣܩܗ ܘܠܥܠ ܡ݂ܢ
024:21	ܢܘܗܪܐ ܦܫܛܗ܃ ܐܘ݁ ܫܒ݂ܩ ܡܢܗ ܕܘܟܬܐ ܠܢܘܗܪܐ ܕܠܐ
024:22	ܢܬܟܣܐ܂ ܛܘܒܢܐ ܕܝܢ ܡܦܫܩܢܐ ܥܡ ܐܚܪ̈ܢܐ ܐܡ݁ܪ̈ܝܢ
024:23	ܕܣܠܩܘ ܡܝ̈ܐ ܟܕ ܫܪܝܢ ܥܕܡܐ ܠܕܘܟܬܐ ܕܙ݁ܕܩ ܗܘ݂ܐ
024:24	ܕܢܩܘܡ ܪܩܝܥܐ ܘܒܪܦܦ ܥܝܢܐ ܐܬܩܫܝ ܘܐܬܡܬܚ܃
024:25	ܢܘܗܪܐ ܕܝܢ ܡܛܠ ܕܐܫܝܕܐ ܗܘ݂ܐ ܘܡܠ̈ܐܟܐ ܬܘܒ
024:26	ܘܐܐܪ ܘܚܫܘܟܐ ܐܝܟ ܡ݁ܢ ܕܠܐ ܐܬܥܘܟܬ ܩܛܝܢܘܬܗܘܢ
024:27	ܡ݂ܢ ܡܥܒܪܬܐ ܕܒܡܝ̈ܐ܃ ܦ݂ܫܘ ܠܬܚܬ܂ ܐܚܪ̈ܢܐ ܃ ܕܒܓܘ
024:28	ܡܝ̈ܐ ܠܡ ܥܡ݂ܕܘ ܥܕܡܐ ܠܬܚܬ ܠܐܪܥܐ܃ ܐܝܟ
024:29	ܕܐܡ݂ܪ ܡܪܝ ܐܦܪܝܡ ܡܛܠ ܢܘܗܪܐ܃ ܕܒܗ݀ܢܘܢ ܠܡ