The Comprehensive Aramaic Lexicon

025:01	ܬܠܬܐ ܝܘ̈ܡܝܢ ܩܕܡ ܕܢܬܦܠܓ ܠܐܣܦܪ̈ܐ܃ ܐܡܬܝ ܕܝܗ݀ܒ
025:02	ܗܘ݂ܐ ܐܬܪܐ ܠܚܫܘܟܐ܃ ܒܡܝ̈ܐ ܥ݁ܡܕ ܗܘ݂ܐ ܘܡܬܚܦܐ
025:03	ܬܪ̈ܬܥܣܪ̈ܐ ܫܥ̈ܝܢ ܕܠܠܝܐ܂ ܡܫܠܡܢܘܬܐ ܕܝܢ ܕܐܣܟܘ݁ܠܐ܃
025:04	ܕܡܝ̈ܐ ܠܡ ܕܡܩܘܛܝܢ ܐܬܟܢܫܘ ܘܐܝܟ ܐܣܦܝܪܐ
025:05	ܡܕܡ ܦܪܚܬ ܠܥܠ ܘܬܡܢ ܐܫܬܛܚܬ ܘܗܘ݂ܬ ܐܝܟ ܡܕܡ
025:06	ܫܕܬܐ܃ ܘܬܡܢ ܐܬܦܪܣ ܘܗܘ݂ܐ ܪܩܝܥܐ܂ ܒܣܝܠܝܘܣ ܕܝܢ
025:07	ܝܗ݀ܒ ܬܚܘܝܬܐ ܕܪܩܝܥܐ ܗܟܢܐ܃ ܕܐܟܙܢܐ ܕܟܕ ܢܚ݁ܬ

025:08	ܡܛܪܐ ܥܠ ܡܝ̈ܐ ܕܫܠܝܢ܃ ܩ̈ܒܢ ܙܪ̈ܒܘܓܝܬܐ ܘܢܦ̈ܚܢ

025:09	ܒܕܡܘܬ ܟܘܣܝܬܐ܃ ܗܟܢܐ ܐܦ ܗܢܐ ܪܩܝܥܐ ܡ݂ܢ ܡܝ̈ܐ
025:10	ܐܬܠܒܕ ܐܝܟ ܓܠܝܕܐ܂ ܡܕܝܢ ܐܚ̈ܪܢܐ ܐܡ݁ܪܝܢ ܕܡ݂ܢ ܠܐ
025:11	ܡܕܡ ܗܘ݂ܐ ܪܩܝܥܐ܃ ܘܠܘ ܛܘܒܢܐ ܒܣܝܠܝܘܣ ܠܦܘܬ
025:12	ܡܢܗܪ̈ܢܐ܂ ܘܐ݁ܡܪܝܢ ܐܢ̈ܫܝܢ ܕܡ̈ܝܐ ܕܥܠ ܐܪܥܐ ܦܫ݂ܘ
025:13	ܐܝܟ ܬܠܬ ܡܢ̈ܘܢ ܕܐܪܥܐ ܗ݀ܘܝܢ܂ ܡܝ̈ܐ ܓܝܪ ܕܠܥܠ
025:14	ܡ݂ܢ ܪܩܝܥܐ ܠܐ ܡܪܚܫܝܢ ܘܠܐ ܡܬܬܙܝܥܝܢ ܘܠܐ ܢܘܗܪܐ
025:15	ܠܟܐ ܘܠܟܐ܃ ܒܗ݀ܝ ܕܠܝܬ ܬܡܢ ܪܘܚܐ ܕܡܙܝܥ ܠܗܘܢ܃
025:16	ܐܦ ܠܐ ܫܡܫܐ ܕܡܠܗܓ ܠܗܘܢ܃ ܐܦܠܐ ܕܘܟܝ̈ܬܐ
025:17	ܕܨ̈ܠܝܢ ܠܗܝܢ ܢܬܬܙܝܥܘܢ܃ ܘܠܐ ܢܘܪܐ ܘܠܐ ܢܘܗܪܐ
025:18	ܘܠܐ ܐܐܪ ܐܝܬ ܬܡܢ܃ ܘܐܠܐ ܡܪܚܫܝܢ ܗܘ݂ܘ ܐܠܐ
025:19	ܫܠܝܢ܂ ܢܘܗܪܐ ܕܝܢ ܕܒܝܘܡܐ ܕܬܪ̈ܝܢ ܘܕܬܠܬܐ ܫܡܫ܃
025:20	ܡܦܝܣ ܥܠ ܢܦܫܗ ܘܐܦ ܥܠ ܚܒܪ̈ܘܗܝ ܕܠܐ ܣܠܩܘ
025:21	ܥܡ ܡܝ̈ܐ ܘܕܫܪܟܐ܂ ܐܠܨܐ ܗܘ݂ܬ ܕܝܢ ܥܠ ܬܘܩܢܗ
025:22	ܕܪܩܝܥܐ ܡܛܠ ܣܓܝ̈ܐܬܐ܂ ܚܕܐ ܕܟܕ ܫܩ݂ܠ ܬܘܠܬܗܘܢ
025:23	ܕܡ̈ܝܐ܃ ܢܗܘܘܢ ܕܠܝ̈ܠܝܢ ܗ݀ܢܘܢ ܕܫܪܟܐ ܠܟܢܘܫܝܐ ܕܚܕ
025:24	ܐܬܪܐ ܘܬܬܓܠܐ ܐܪܥܐ ܠܥܡܘܪܝܐ ܕܒܢܝܢܫܐ ܘܕܟܠ
025:25	ܓܢܣ̈ܝܢ ܕܚܝܘ̈ܬܐ ܘܠܙܪ̈ܥܐ ܘܠܢܨ̈ܒܬܐ܂ ܕܬܪ̈ܬܝܢ܂ ܡܛܠ
025:26	ܢܗܝܪ̈ܐ ܕܐܠܨܬ ܕܢܬܬܣܝܡܘܢ ܒܐܦܘ̈ܗܝ܃ ܐܠܨܬ
025:27	ܕܢܗܘܐ ܩܪܝܒ܃ ܒܗ݀ܝ ܕܐܠܘ ܒܫܡܝܐ ܥ̈ܠܝܐ ܐܬܬܚܡܘ
025:28	ܢܗܝܪ̈ܐ܃ ܩܘܪܐ ܩܫܝܐ ܗ݀ܘܐ ܗܘ݂ܐ ܒܥܠܡܐ ܘܐܦ ܠܐ