The Comprehensive Aramaic Lexicon

030:01	ܩܕܝܡ ܡܬܡܠܝܢ ܥܘ̈ܒܐ ܘܡܫܬܘܝܐ ܐܪܥܐ ܡ݂ܢ ܛܘܪ̈ܐ
030:02	ܘܪ̈ܡܬܐ ܒܟܠ ܡܕܡ ܘܡܚܦܝܢ ܠܟܠܗ݀ ܐܪܥܐ܂ ܟܠܗܘܢ
030:03	ܕܝܢ ܢܗܪ̈ܘܬܐ ܘܝܡܡ̈ܬܐ ܡ݂ܢ ܐܘܩܝܢܘܣ ܢܦܩܝܢ ܒܝܕ ܒܙܥ̈ܐ
030:04	ܘܫܪ̈ܝܢܐ ܕܒܓܘ ܐܪܥܐ ܘܠܗ ܗ݀ܦܟܝܢ ܡܢܕܪܫ܂ ܘܥܠ
030:05	ܗܕܐ ܠܐ ܗ݂ܢܘܢ ܡܘܦܝܢ ܘܐܦܠܐ ܝܡܡܐ ܡܬܡܠܐ܂

030:06	ܟܠ ܢܚ̈ܠܐ ܠܡ ܪܡ݁ܝܢ ܒܝܡܐ ܘܝܡܐ ܠܐ ܡܬܡܠܐ܃

030:07	ܘܠܐܬܪܐ ܕܐ݁ܙܠܝܢ ܢܚ̈ܠܐ ܠܬܡܢ ܬܘܒ ܬܝܒܝܢ ܘܕܫܪܟܐ܂
030:08	ܝܡ̈ܡܐ ܓܝܪ ܫܡܝ ܐܢܘܢ ܠܥܘ̈ܒܐ ܡܛܠ ܦܬܝܘܬܗܘܢ
030:09	ܘܥܘܡܩܗܘܢ܃ ܐܟܡܐ ܕܐܝܬܘܗܝ ܐܘܩܝܢܘܣ ܕܐܝܟ
030:10	ܩܡܪܐ ܥܦܝܩ ܠܟܠܗ݀ ܒܪܝܬܐ܃ ܘܐܦܢ ܐܪܥܐ ܕܥܕܢ
030:11	ܘܦܪܕܝܣܐ ܠܗܠ ܡܢܗ ܐܝܬܝܗܘܢ܂
030:12	‍[‍v݁ 10‍]‍ ܘܡܘܣܦ ܕܩ݂ܪܐ ܐܠܗܐ ܠܝܒܝܫܬܐ ܐܪܥܐ܃
030:13	ܟܕ ܡܚܘܐ ܐܦ ܬܢܢ ܕܠܡܘܢ ܟܠ ܚܕܐ ܚܕܐ ܡܢܗܝܢ
030:14	ܐܬܬܣܝܡܬ܂ ܠܐܪܥܐ ܕܝܢ ܡ݂ܢ ܕܓܠܝܗ݀ ܩܪܗ݀ ܝܒܝܫܬܐ܂
030:15	ܗܢܘ܂ ܦܪܫܗ݀ ܠܥܡܘܪܝܐ ܘܠܡܘܥܝܬܐ܃ ܗܕܐ ܕܝܢ
030:16	ܡܒܕܩܐ ܩܪܝܬܐ ܕܐܪܥܐ܂ ܘܐܦ ܠܡ̈ܝܐ ܩ݂ܪܐ ܝܡ̈ܡܐ
030:17	ܒܕ ܦ݂ܪܫ ܐܢܘܢ ܒܟܢܘܫܬܐ ܕܢܡܠܘܢ ܚܫܚܬܐ ܕܝܡܐ܂
030:18	ܗܢܘ܂ ܟܢܘܫܝܐ܃ ܟܕ ܠܐ ܡܫܢܝܢ ܡ݂ܢ ܟܢܝܫܘܬܗܘܢ ܣܟ܂
030:19	ܝܡܐ ܐܝܬܘܗܝ ܕܘܟܬܐ ܕܡܝ̈ܐ܂ ܐܝܟ ܗ݀ܝ ܕܢܪܘܙ ܝܡܐ
030:20	ܒܡܠܐܗ܂ ܘܢܓܘܙܘܢ ܡܝ̈ܐ ܡ݂ܢ ܝܡܐ܂ ܡܝ̈ܐ ܕܝܢ ܗ݂ܘ
030:21	ܟܝܢܗܘܢ ܕܡܝ̈ܐ܂ ܐܝܬ ܕܝܢ ܐܡܬܝ ܕܬܪ̈ܝܗܘܢ ܒܫܡ
030:22	ܝܡܐ ܡܫܬܡܗܝܢ܃ ܐܝܟ ܗ݀ܝ ܕܝܡܐ ܚܙܝܗܝ ܘܥ݁ܪܩ܂
030:23	ܘܒܪܟܘ ܝܡ̈ܡܐ ܘܢܗܪ̈ܘܬܐ ܘܕܫܪܟܐ܂ ܘܙܘ̈ܥܐ ܬܪ̈ܝܢ ܕܝܡܐ
030:24	ܕܒܚܕ ܠܠܝ ܐܝܡܡ ܡܥܕܪܝܢ ܠܒܢܝܢܫܐ ܀ ܘܙ݁ܕܩ ܕܢܕܥ
030:25	ܕܐܟܙܢܐ ܕܪܕܐ ܕܡܐ ܒܘܪ̈ܝܕܐ ܘܪܘܚܐ ܒܫܪ̈ܝܢܐ
030:26	ܘܪܓܫܬܐ ܒܓܝ̈ܕܐ ܕܦܓܪ̈ܐ ܕܚܝܘ̈ܬܐ܃ ܗܟܝܐ ܒܐܪܥܐ
030:27	ܡܝ̈ܐ܂ ܘܐܝܟܢܐ ܕܟܕ ܬܡܚܐ ܠܚܝܘܬܐ ܥܠ ܪܫܗ݀ ܐܘ݁