← Back
The Comprehensive Aramaic Lexicon
← Return to the Text Browser
click on the file description for more information

63101: IshGen (Ishodad of Merv on Genesis)

Click on a word for lexical analysis
Click on a red-colored coordinate for comments and/or translations of the line

previous chapter


037:01 ܫܡܝܐ ܟܕ ܪ݁ܗܛܝܢ܃ ܫܡܫܐ ܠܥܠ ܡܢܗܪ ܗܘ݂ܐ ܘܩܠܝܠ
037:02 ܙܗܪܐ ܡܫܕܪ ܗܘ݂ܐ ܠܬܚܬ܃ ܗܫܐ ܕܝܢ ܠܝܬ ܠܗܘܢ
037:03 ܐܬܪܐ ܕܠܥܠ ܢܫܕܪܘܢ ܠܙܠܝ̈ܩܐ܂ ‍[‍v݁ 17‍]‍ ܗ݀ܝ ܕܝܢ ܕܣ݂ܡ
037:04 ܐܢܘܢ ܒܪܩܝܥܐ܃ ܐܝܟ ܗ݀ܝ ܕܐܕܡ ܕܣܡܗ ܠܡ
037:05 ܒܦܪܕܝܣܐ܃ ܘܗ݀ܝ ܕܦܪܚܬܐ ܬܦܪܚ ܥܠ ܐܪܥܐ ܥܠ ܐܦ̈ܝ
037:06 ܪܩܝܥܐ ܕܫܡܝܐ܂ ܘܡܫܐܠܝܢ ܕܟܕ ܣܗܪܐ ܡܫܠܡܢܐ
037:07 ܐܬܒܪܝ܃ ܐܝܟܢ ܡܫܡܫ ܝܘܡܝ̈ܢ ܬܠܬܝܢ܂ ܘܐܡܪܝܢܢ
037:08 ܕܫܡܫ ܥܕܡܐ ܠܚܡܫܬܥܣܪ ܒܗ ܒܫܘܡܠܝܐ ܕܒܗ
037:09 ܐܬܒܪܝ ܘܟܢ ܫܪܝ ܠܡܬܒܨܪܘ܃ ܘܒܬܪܟܢ ܫܪܝ ܡ݂ܢ
037:10 ܒܨܝܪܘܬܐ ܘܣܠܩ ܐܝܟ ܕܥ݁ܒܕ ܗܫܐ܃ ܘܗܕܐ ܠܝܘܬܪܢܢ܂
037:11 ܬܘܒ ܡܫܐܠܝܢ ܕܠܡܘܢ ܒܐܡܝܢܘ ܦܢܝ̈ܬܗ ܕܣܗܪܐ
037:12 ܕܠܐܦܝ̈ ܫܡܫܐ ܬܩܘܐ܂ ܘܐܡܪܝܢܢ܂ ܡܛܠ ܕܫܡܫܐ

037:13 ܢܘܪܢܘܬܐ ܣܓܝܐܬܐ ܐܝܬ ܒܝܗ݀ ܘܡܟܝܐ ܗܕܐ ܟܕ

037:14 ܬܣܓܐ܃ ܣܗܪܐ ܕܝܢ ܪܛܝܒܘܬܐ ܣܓܝܐܬܐ ܡܠܐ
037:15 ܘܡܟܝܐ ܗܕܐ ܟܕ ܬܫܦܥ܃ ܛܟܣ ܒܪܘܝܐ ܚܟܝܡܐ
037:16 ܕܩܪܢܗ ܕܣܗܪܐ ܕܠܐܦ̈ܝ ܫܡܫܐ ܐܡܝܢܐܝܬ ܬܩܘܐ܃
037:17 ܐܝܟܢܐ ܕܪܛܝܒܘܬܗ ܬܒܨܪ ܠܚܡܝܡܘܬ ܙܠܝܩ̈ܝ ܫܡܫܐ
037:18 ܕܠܐ ܢܟܘܢ܃ ܘܐܦ ܗ݂ܝ ܬܘܒ ܬܙܥܪ ܡ݂ܢ ܚܝܠܐ ܕܚܡܝܡܘܬ
037:19 ܙܠܝܩ̈ܝ ܫܡܫܐ ܕܠܐ ܬܥܒܕ ܢܟܝܢܐ ܒܣܓܝܐܘܬܗ݀܂
037:20 ܘܬܘܒ ܕܢܕܥܘܢ ܒܢܝܢܫܐ ܕܢܗܝܪܐ ܗ݂ܘ ܪܒܐ ܣܗܪܐ
037:21 ܘܡ݂ܢ ܝܬܗ ܐܝܬ ܠܗ ܢܗܝܪܘܬܐ ܘܠܘ ܡ݂ܢ ܫܡܫܐ
037:22 ܡܬܚܦܐ ܘܢ݁ܗܪ ܐܝܟ ܐܣܛܪ̈ܘܢܘܡܝܐ܂ ܕܒܕܓܘܢ
037:23 ܡܠܐܟܐ ܡܕܒܪܢܗ ܡ݂ܢ ܪܡܙܐ ܕܒܪܘܝܐ ܠܦܢܝܬܐ ܗ݀ܝ
037:24 ܕܠܘܩܒܠ ܫܡܫܐ ܒܐܡܝܢܘ ܥܒ݂ܕ ܠܗ ܕܬܢܗܪ܂ ܒܗ݀ܝ
037:25 ܕܐܠܘ ܡ݂ܢ ܫܡܫܐ ܢ݁ܗܪ ܗܘ݂ܐ ܣܗܪܐ܃ ܠܘ ܠܦܢܝܬܐ
037:26 ܕܩܪܝܒܐ ܐܠܐ ܠܗ݀ܝ ܕܪܚܝܩܐ ܡܢܗܪ ܗܘ݂ܐ܂ ܐܝܟ ܡܐ
037:27 ܕܣ݁ܥܪ ܨܝܕ ܩܫܬܐ ܕܥܢ̈ܢܐ܃ ܕܟܕ ܐܝܬܘܗܝ ܒܪܘܚܩܐ
037:28 ܒܦܠܓܘܬ ܚܘܕܪܐ ܡ݁ܬܚ ܠܗ ܘܟܕ ܒܩܘܪܒܐ ܗ݂ܘ ܒܨܝܪ
037:29 ܡ݂ܢ ܦܠܓܘܬ ܚܘܕܪܐ܃ ܘܝܬܝܪ ܙܥܘܪܝܐܝܬ ܘܒܨܝܪܐܝܬ

next chapter