The Comprehensive Aramaic Lexicon

039:01	ܕܡܘܬܐ ܘܕܩܝܡܬܢ܂ ܐܝܟ ܕܐܡ݂ܪ ܐܢܫ ܬܐܘܦܘܪܘܣ܃
039:02	ܕܡܢܘ݂ ܥܒܕܗ ܠܣܗܪܐ ܣܒܐ ܒܪ ܚܕ ܝܘܡܐ܃ ܘܡ݂ܢ
039:03	ܐܣܩܗ ܠܥܠܝܡܘܬܐ ܒܦܠܓܘܬ ܝܘ̈ܡܘܗܝ܂ ܫܘܚܠܦܗ ܓܝܪ
039:04	ܥܗ݀ܢ ܠܬܪܒܝܬܐ ܕܟܠܗܘܢ ܓܘܫ̈ܡܐ ܚܝ̈ܐ܂ ܡ݂ܢ ܚܕ
039:05	ܓܝܪ ܒܝܪܚܐ ܥܕܡܐ ܠܚܡܫܬܥܣܪ ܒܗ ܫ݁ܡܢܝܢ ܐܕܫ̈ܐ
039:06	ܘܡܬܡܠܝܢ ܓܘܫܡ̈ܐ ܕܚܝ̈ܘܬܐ ܘܕܒܢܝܢܫܐ ܡܘܚܐ܂
039:07	ܘܥܡ ܚܣܝܪܘܬܗ ܒܨܪܝܢ܂ ܘܐܦ ܪܕܝܐ܂ ܕܢܗܪ̈ܘܬܐ
039:08	ܘܕܥܝ̈ܢܬܐ ܙܥ݁ܪ ܘܝ݁ܪܒ ܒܫܘܚܠܦܘ̈ܗܝ܂ ܐܟܙܢ ܝܡܐ
039:09	ܕܒܐܬܪܐ ܕܐܘܪܝܦܘ ܘܝܡܐ ܗ݀ܘ ܕܡܬܩܪܐ ܕܪ̈ܡܫܝܐ܃
039:10	ܕܒܫܘܚܠܦ ܣܗܪܐ ܘܒܪܫ ܝܠܝܕܘܬܗ ܕܠܐ ܙܘܥܐ ܗ̈ܘܝܢ
039:11	ܡܪ̈ܕܝܬܗܘܢ܃ ܘܒܬܘܣܦ ܬܪܒܝܬܗ ܪ̈ܚܫܝܢ ܘܪ̈ܕܝܢ
039:12	ܘܡܬܬܙܝ̈ܥܢ܂ ܐܪܣܛܘܛܠܝܣ ܕܝܢ܂ ܕܬܪ̈ܝܢ ܠܡ ܥܛܪ̈ܝܢ
039:13	ܣܠܩܝܢ ܡ݂ܢ ܐܪܥܐ܃ ܚܕ ܚܡܝܡܐ ܘܝܒܝܫܐ ܘܐܚܪܢܐ
039:14	ܩܪܝܪܐ ܘܪܛܝܒܐ܃ ܘܡܬܝ̈ܠܕܢ ܡܢܗܘܢ ܪ̈ܘܚܐ ܘܡܬܢܦܚ
039:15	ܝܡܐ ܘܒ݁ܨܪ ܘܡ݁ܠܐ ܀ ‍[‍v݁ 14‍]‍ ܘܡܩܦ܃ ܘܢܗܘܘܢ
039:16	ܠܐܬܘ̈ܬܐ ܘܠܙܒ̈ܢܐ ܘܠܝܘ̈ܡܬܐ ܘܠܫܢܝ̈ܐ܂ ܙܒ̈ܢܐ ܓܝܪ
039:17	ܩ݁ܪܐ ܠܐܪܒܥܐ ܫܘܚ̈ܠܦܐ ܕܫܢܬܐ ܕܣܥ݁ܪ ܠܗܘܢ ܫܡܫܐ

039:18	ܒܟܪܟܗ܃ ܢܝܣܢܝܐ ܘܩܝܛܝܐ ܘܬܫܪܝܝܐ ܘܣܬܘܝܐ ܃ ܟܕ

039:19	ܠܟܠ ܚܕ ܚܕ ܡܢܗܘܢ ܒܬܠܬܐ ܝܪ̈ܚܝܢ ܓܡ݁ܪ܂ ܐܬܘ̈ܬܐ
039:20	ܓܝܪ ܩ݁ܪܐ ܠܫܘ̈ܕܥܐ ܕܫܘܚܠܦܝ̈ܗܘܢ ܕܙܒܢ̈ܐ ܗܠܝܢ܂
039:21	ܡ݂ܢ ܗܠܝܢ ܗ݂ܘ ܓܝܪ ܝܠܦܝܢܢ ܕܐܡܬܝ ܗ݂ܘ ܙܒܢܐ ܕܚܫ݁ܚ
039:22	ܠܙܪܥܐ ܐ݁ܘ ܠܡܕܡ ܐܚܪܝܢ܂ ܘܐܝܬ ܐܡܬܝ ܕܐܦ ܡ݂ܢ
039:23	ܣܗܪܐ ܡܩܕܡܝܢܢ ܡܫܘܕܥܝܢܢ ܠܐܝܠܝܢ ܕܥܬܝ̈ܕܢ
039:24	ܠܡܓܕܫ ܒܐܐܪ܃ ܐܢ ܡܛܝܪܘܬܐ ܣܓܝܐܬܐ ܘܐܢ
039:25	ܡܫܒܐ ܥܙܝܙܐ ܕܪ̈ܘܚܐ܃ ܐܘ݁ ܥܠ ܚܘܒܠܐ ܕܦܐܪ̈ܐ
039:26	ܐܘ݁ ܥܠ ܟܘܪ̈ܗܢܐ ܥܣܩ̈ܐ ܕܒܓܘ̈ܫܡܐ ܕܚܝܘ̈ܬܐ