The Comprehensive Aramaic Lexicon

040:01	ܘܕܒܢܝܢܫܐ܂ ܐܝܟ ܡܐ ܕܐܡ݂ܪ ܡܪܢ܃ ܕܐܬܘ̈ܬܐ
040:02	ܠܡ ܕܫܡܝܐ ܘܕܐܪܥܐ ܝܕܥܝܬܘܢ܂ ܠܘ ܐܝܟ ܡ݁ܢ ܕܠܐܪܥܐ
040:03	ܐܝܬ ܐܬܘ̈ܬܐ܃ ܐܠܐ ܐܝܟ ܥܝܕܐ ܟܬܒܝܐ ܐܡܪܗ݀ ܃
040:04	ܐܘ݁ ܡ݂ܢ ܫܘܘܕܥܐ ܕܡܦܪܝܢܘܬܗ܂ ܗ݀ܘ ܡܐ ܓܝܪ ܕܫܡܫܐ
040:05	ܥܒ݁ܕ ܒܬܪܥܣܪ ܝܪ̈ܚܐ ܕܫܢܬܐ܃ ܗ݂ܘ ܗܢܐ ܥܒ݁ܕ
040:06	ܣܗܪܐ ܒܥܣܪܝܢ ܘܬܫܥܐ ܝܘ̈ܡܝܢ ܘܦܠܓܗ܃ ܘܫܦܝܪ
040:07	ܐܒܐ ܕܫܘܚ̈ܠܦܐ ܡܫܬܡܗ ܣܗܪܐ ܀
040:08	‍[‍v݁ 20‍]‍ ܢܪܚܫܘܢ ܡܝ̈ܐ ܪ̈ܚܫܐ ܢܦܫܐ ܚܝܬܐ܂ ܪ̈ܚܫܐ
040:09	ܩ݁ܪܐ ܠܢܘ̈ܢܐ܃ ܒܗ݀ܝ ܕܟܕ ܣ݁ܚܝܢ ܕܡ݁ܝܢ ܠܗܠܝܢ ܕܪ̈ܚܫܝܢ
040:10	ܠܐ ܐܡ݂ܪ ܕܢܗܘܐ ܙܪܥܐ܃ ܐܠܐ ܕܬܦܩ ܐܪܥܐ ܙܪܥܐ܂
040:11	ܘܠܐ ܕܢܘܗܐ ܪ̈ܚܫܐ܃ ܐܠܐ ܕܢܪܚܫܘܢ ܡ̈ܝܐ܂ ܕܢܚܘܐ
040:12	ܕܒܕܡܘܬ ܐܡܐ ܕܒܛܢܐ ܛܟܣ ܐܢܘܢ ܠܙܪܥܐ
040:13	ܘܠܡ̈ܝܐ܂ ܘܐܝܟܢܐ ܕܚܠܒܐ ܩܕܝܡ ܠܝܠܕܐ ܘܬܘܪܣܝܐ
040:14	ܠܡܬܬܪܣܝܢܐ܃ ܗܟܢܐ ܘܐܪܥܐ ܘܡܝ̈ܐ ܠܗܠܝܢ ܕܡܢܗܘܢ
040:15	ܗܘ݂ܘ ܘܡܢܗܘܢ ܡܬܬܪܣܝܢ܂ ܘܟܕ ܗ݂ܢܘܢ ܠܐ ܚܝ̈ܐ
040:16	ܐܢܘܢ܃ ܚܝ̈ܐ ܡܢܗܘܢ ܡܬܝܠܕܝܢ܂ ܘܗ݀ܘ ܡܐ
040:17	ܕܠܟܝܢܗܘܢ ܠܝܬ܃ ܡ݂ܢ ܟܝܢܗܘܢ ܝܗ݂ܒ ܒܪܘܝܐ ܒܫܘܪܝܐ
040:18	ܘܐܦ ܗܫܐ܃ ܠܫܘܘܕܥܐ ܕܗܘܝܘ ܗ݀ܘ ܕܦܩ݂ܕ ܐܢܘܢ
040:19	ܒܫܘܪܝܐ ܘܐܪܚܫ ܀ ܘܦܪܚܬܐ ܬܦܪܚ܂ ܠܦܪܚܬܐ ܕܝܢ
040:20	ܒ݂ܕܐ ܡ݂ܢ ܡܝ̈ܐ܃ ܡܛܠ ܕܣܘܓܐܗ݀ ܥܠ ܓܒ ܡܝ̈ܐ
040:21	ܐܝܬܘܗܝ ܗܘܦܟܗ݀܂ ܕܫܪܟܐ ܕܝܢ ܡܛܠ ܕܠܥܠ ܦܪܚܐ

040:22	ܘܛܝܣܐ ܟܕ ܨܪܝܐ ܘܦܨܠܐ ܠܐܐܪ܃ ܡܕܡܝܐ ܕܐܝܟ

040:23	ܗ݀ܝ ܕܒܡܝ̈ܐ ܣܚܝܐ܂ ܬܘܒ ܕܝܢ ܡܛܠ ܕܒܐܐܪ ܦܪܚܐ
040:24	ܘܟܝܢܐ ܕܡܝ̈ܐ ܡܣܒܗ ܠܐܐܪ܃ ܡܛܠ ܕܐܦ ܗ݂ܘ ܪܥܕܐ
040:25	ܗ݂ܘ ܘܩܪܝܪܐ܃ ܐܦ ܠܗܝܢ ܡ݂ܢ ܡܝ̈ܐ ܒ݂ܪܐ ܐܢܝ̈ܢ܂ ܘܝܕܝܥܐ
040:26	ܕܐܦܢ ܡ݂ܢ ܡܝ̈ܐ ܐܡ݂ܪ ܕܐܬܒܪܝ܃ ܐܠܐ ܐܦ ܐܝܬ ܒܗܝܢ
040:27	ܡ݂ܢ ܟܝܢܐ ܕܫܪܟܐ ܕܐܣܛܘܟ̈ܣܐ܃ ܐܝܟ ܕܐܦ ܐܝܠܝܢ
040:28	ܕܡܢ ܐܪܥܐ ܐܬܒܪܝ ܐܝܬ ܒܗܝܢ ܡ݂ܢ ܐܣܛܘ̈ܟܣܐ
040:29	ܕܫܪܟܐ܂ ܒܪܡ ܕܝܢ ܡ݂ܢ ܐܣܛܘܟܣܐ ܕܥ݁ܠܒ ܒܗ݀