The Comprehensive Aramaic Lexicon

041:01	ܡܫܬܡܗ ܐܕܫܐ ܐܝܢܐ ܕܗ݂ܘ ܀ ܘܗ݀ܝ ܕܦܪܚܬܐ ܬܦܪܚ
041:02	ܥܠ ܐܪܥܐ ܥܠ ܐܦ̈ܝ ܪܩܝܥܐ܃ ܒܗ݀ܝ ܕܒܐܪܥܐ ܐܝܬܘܗܝ
041:03	ܕܘܝܪܗ݀ ܘܡܢܗ ܡܫܩܠܐ ܠܡܦܪܚ܃ ܘܟܕ ܠܐܐܪ ܨܪܝܐ
041:04	ܘܦܪܚܐ܃ ܬܘܒ ܠܘܬ ܐܪܥܐ ܦܢܝܐ܂ ܠܘ ܕܝܢ ܒܐܐܪ
041:05	ܐܝܬܘܗܝ ܥܘܡܪܗ݀܂ ܗ݀ܝ ܕܝܢ ܕܥܠ ܐܦ̈ܝ ܪܩܝܥܐ܂ ܗܢܘ܂
041:06	ܕܫܩܠܬ ܠܡ ܚܝܠܐ ܠܡܣܕܩ ܠܐܐܪ ܘܠܡܣܩ ܥܕܡܐ
041:07	ܠܪܘܡܐ܂ ‍[‍v݁ 21‍]‍ ܚܠܦ ܗܕܐ ܕܣܘܪܝܝܐ ܕܒ݂ܪܐ ܐܠܗܐ
041:08	ܬܢܝ̈ܢܐ ܪܘܪ̈ܒܐ܃ ܝܘܢܝܐ ܩܐ̈ܛܐ ܐܡ݁ܪ܂ ܩܐ̈ܛܐ ܕܝܢ
041:09	ܩ݁ܪܐ ܠܟܠܗܝܢ ܚܝܘ̈ܬܐ ܪܘܪ̈ܒܬܐ ܕܥܡܪ̈ܢ ܒܝܡܐ ܪܒܐ܃
041:10	ܐܘ݁ ܠܗܘܢ ܠܬܢܝ̈ܢܐ ܐܝܟ ܕܐܡ݁ܪ ܚܢܢܐ܂ ܘܗ݀ܝ ܕܟܠ
041:11	ܢܦܫܐ ܚܝܬܐ ܕܪ̈ܚܫܐ܃ ܠܕܫܪܟܐ ܐܝܠܝܢ ܕܒܡ̈ܝܐ ܥ݁ܡܪܝܢ
041:12	ܟܢܝ ܀ ‍[‍v݁ 22‍]‍ ܗ݀ܝ ܕܝܢ ܕܒܪܟ ܐܢܘܢ ܐܠܗܐ܂ ܕܦܪܘ
041:13	ܘܣܓܘ܂ ܗܢܘ܂ ܕܚܝܠܐ ܣ݁ܡ ܒܗܘܢ ܕܪܓܬܐ ܕܙܘܘܓܐ
041:14	ܠܫܘܪܬܚܐ ܕܓܢܣܝܗܘܢ܂ ܥܠ ܐܝ̈ܠܢܐ ܕܝܢ ܣܦܩܬ ܠܗ
041:15	ܕܢܐܡܪ ܕܚ݂ܙܐ ܐܠܗܐ ܕܫܦܝܪ܃ ܒܗ݀ܝ ܕܐܝ̈ܠܢܐ ܒܝܕ
041:16	ܬܥܕܝܪܐ ܕܦܠܚ̈ܐ ܐܝܟ ܬܚܘܡܐ ܕܡܢ ܐܠܗܐ ܢ݁ܣܒܝܢ
041:17	ܬܘܣܦܬܐ ܕܬܪܒܝܬܐ܂ ܚܝܘ̈ܬܐ ܕܝܢ ܡ݂ܢ ܙܘܥܐ ܕܢܦܫܗܝܢ

041:18	ܡܙܪ̈ܩܬܢ ܠܘܬ ܙܘܘܓܐ ܕܒܪܬ ܓܢܣ̈ܗܝܢ܃ ܘܗܟܢܐ

041:19	ܡܬܝ̈ܠܕܢ ܐܚܪ̈ܢܝܬܐ ܘܣ̈ܓܝܢ܂ ܬܘܒ ܥܠ ܕܡܛܠ ܕܚܝ̈ܬܐ
041:20	ܗܘ̈ܝ ܠܐ ܚܝ̈ܬܐ܃ ܢܨܒ̈ܬܐ ܘܙܪ̈ܥܐ ܃ ܘܠܐ ܡܬܛܠܩܝܢ
041:21	ܒܗ݀ܝ ܕܢܛܝܪ ܥܩܪܗܘܢ ܒܐܪܥܐ܃ ܕܚܝ̈ܬܐ ܕܝܢ ܡ̈ܛܠܩܢ
041:22	ܠܚ̈ܕܕܐ ܘܡܬܛ̈ܠܩܢ ܡ݂ܢ ܚ̈ܕܕܐ܃ ܥܠ ܗܕ ܒܪܟ ܕܢܬܩ̈ܝܡܢ ܃
041:23	ܟܕ ܛܒ ܐܦ ܠܐ ܚܝ̈ܬܐ ܚܒ̈ܝܫܢ ܒܗ݀ ܒܒܘܪܟܬܐ ܥܡ
041:24	ܚܝ̈ܬܐ ܀ ܦܪܚܬܐ ܡܬܦܠܓܐ ܠܬܪ̈ܝܢ܃ ܠܕܐܟܠܬ ܒܣܪܐ
041:25	ܘܡܫܬܡܗܐ ܛܝܪܐ܃ ܘܠܦܪܚܬܐ ܕܚܫܚܐ ܠܡܐܟܘܠܬܢ܂
041:26	ܘܗܕܐ ܡܬܦܠܓܐ ܠܬܪ̈ܬܝܢ ܡܢܘ̈ܢ܃ ܠܕܫܝܢܐ ܘܠܕܕܒܪܐ
041:27	ܘܠܕܝܡܐ ܘܠܕܝܒܫܐ܂ ܘܐܦ ܪ̈ܚܫܐ ܟܠܗ ܠܐܪܒܥܐ ܙܢ̈ܢ
041:28	ܡܬܦܠܓ܃ ܠܕܠܐ ܪ̈ܓܠܐ܂ ܠܕܐܪܒܥ ܪ̈ܓܠܐ܂ ܠܕܫܬ
041:29	ܪ̈ܓܠܐ܂ ܠܕܣܓܝ ܪ̈ܓܠܐ܂ ܫܬ ܪ̈ܓܠܐ ܚܪܓܠܐ ܩܡܨܐ