The Comprehensive Aramaic Lexicon

042:01	ܥܩܪܒܐ ܩܠܡܐ ܦܘܪܬܥܢܐ܂ ܬܡܢܐ ܪ̈ܓܠܐ ܓܘܓܝ܂
042:02	ܘܡܫܐܠܝܢ ܕܐܪܐ ܒܠܠܝܐ ܒܪܐ ܗܘ݂ܐ ܐܠܗܐ ܠܟܝ̈ܢܐ ܐܘ݁
042:03	ܒܐܝܡܡܐ܂ ܘܐܡܪܝܢܢ ܕܒܠܠܝܐ ܐܟܚܕ ܘܒܐܝܡܡܐ
042:04	ܘܒܗܠܝܢ ܒܗ ܒܫܘܪ̈ܝܗܘܢ܂ ܒܫܘܪܝܐ ܗܟܝܠ ܕܠܠܝܐ
042:05	ܩܕܡܝܐ ܒ݂ܪܐ ܫܒܥܐ ܟܝ̈ܢܐ ܒܫܬܩܐ܂ ܘܒܫܘܪܝ ܠܠܝܐ
042:06	ܐܝܡܡܐ ܩܕܡܝܐ ܢܘܗܪܐ ܐܫܝܕܐ܂ ܘܒܫܘܪܝ ܠܠܝܐ
042:07	ܐܚܪܢܐ ܒ݂ܪܐ ܠܪܩܝܥܐ܂ ܗܟܢܐ ܘܒܫܘܪܝ ܠܠܝܐ ܐܚܪܢܐ
042:08	ܦܩ݂ܕ ܕܢܬܟܢܫܘܢ ܡܝ̈ܐ ܠܐܬܪܐ ܚܕ܂ ܘܒܫܘܪܝ ܐܝܡܡܐ
042:09	ܕܬܦܩ ܐܪܥܐ ܥܣܒܐ ܘܕܫܪܟܐ܂ ܘܒܫܘܪܝ ܠܠܝܐ
042:10	ܕܐܪܒܥܒܫܒܐ ܕܢܗܘܘܢ ܢܗܝܪ̈ܐ܃ ܫܡܫܐ ܘܣܗܪܐ
042:11	ܘܟܘܟ̈ܒܐ܃ ܐܝܟ ܕܐܡ݂ܪ ܡܦܫܩܢܐ ܃ ܘܠܘ ܐܝܟ
042:12	ܐܚܪ̈ܢܐ ܕܒܨܦܪܐ ܠܡ ܐܬܒܪܝܘ܂ ܒܫܘܪܝ ܐܝܡܡܐ ܕܝܢ
042:13	ܕܚܡܫܒܫܒܐ ܒ݂ܪܐ ܪ̈ܚܫܐ ܕܒܡܝ̈ܐ ܘܦܪܚܬܐ܂ ܘܒܫܘܪܝ

042:14	ܐܝܡܡܐ ܕܥܪܘܒܬܐ ܒ݂ܪܐ ܠܚܝܘ̈ܬܐ ܘܠܒܥܝܪܐ ܘܠܪ̈ܚܫܐ

042:15	ܕܐܪܥܐ ܘܒܪܢܫܐ܂ ܐܝܬ ܕܝܢ ܕܐܡ݂ܪܘ ܕܠܚܝܘܬܐ
042:16	ܘܠܒܥܝܪܐ ܘܠܪ̈ܚܫܐ ܕܐܪܥܐ ܒܫܘܪܝ ܠܠܝܐ ܕܥܪܘܒܬܐ
042:17	ܒ݂ܪܐ܂ ܘܝܗܒܘ ܬܚܘܝܬܐ ܡܕܡܝܢܐܝܬ ܡ݂ܢ ܗ݀ܝ ܕܒܠܠܝܐ
042:18	ܝܬܝܪ ܚܙܝܐ ܚܝܘܬܐ ܘܪ̈ܚܫܐ ܕܐܪܥܐ܂ ܠܗ݀ܝ ܕܝܢ ܕܒܫܘܪܝ
042:19	ܐܝܡܡܐ ܕܥܪܘܒܬܐ ܐܬܒܪܝ ܒܪܢܫܐ ܟܠܢܫ ܫ݂ܠܡ܂ ܐܦ
042:20	ܒܠܠܝܐ ܒܪܐ ܗܘ݂ܐ܃ ܚܕܐ܂ ܐܝܟ ܕܢܗܘܐ ܕܡ݁ܐ ܠܗ݀ܘ
042:21	ܠܠܝܐ ܩܕܡܝܐ܂ ܘܕܬܪ̈ܬܝܢ܂ ܕܠܐ ܢܣܬܒܪ ܕܒܝܫܐ
042:22	ܐܝܬܘܗܝ ܚܫܘܟܐ ܀ ܐܪܥܐ ܓܝܪ ܐܡܐ ܗ݂ܝ ܕܟܠ
042:23	ܓܘ̈ܫܡܐ ܚܝ̈ܐ ܘܠܐ ܚܝ̈ܐ܂ ܘܚܝ̈ܐ ܟܣ݂ܝܢ ܒܗ݀ ܐܝܟ
042:24	ܢܘܪܐ ܒܓܘܫܡܐ܂ ܟܕ ܐܬܦܩܕܘ ܠܒܫܘ ܓܘܫܡܐ
042:25	ܘܐܬܪܓܫܘ ܘܕܫܪܟܐ ܀
042:26	‍[‍v݁ 24‍]‍ ܘܐܡ݂ܪ ܐܠܗܐ܂ ܬܦܩ ܐܪܥܐ ܢܦܫܐ ܚܝܬܐ
042:27	ܠܓܢܣܗ݀܃ ܒܥܝܪܐ ܘܪ̈ܚܫܐ ܘܚܝܘܬܐ ܕܐܪܥܐ ܠܓܢܣܗ݀܂
042:28	ܝܘܢܝܐ ܕܝܢ ܡܩܕܡ ܠܗ݀ ܠܚܝܘܬܐ ܡ݂ܢ ܒܥܝܪܐ ܘܕܫܪܟܐ܂