← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63101: IshGen (Ishodad of Merv on Genesis)

Click on a word for lexical analysis
Click on a red-colored coordinate for comments and/or translations of the line

previous chapter


048:01 ܒܪܢܫܐ ܠܐܠܗܐ ܒܥܒܘܕܘܬܐ܃ ܐܦܢ ܗ݂ܘ ܡ݂ܢ ܡܠܘܐܐ
048:02 ܥ݁ܒܕ܃ ܐܠܗܐ ܕܝܢ ܡ݂ܢ ܠܐ ܡܕܡ܂ ܬܘܒ ܕܝܢ ܕܡ݁ܐ ܠܗ
048:03 ܒܗܘܢܗ܃ ܕܒܚܕ ܪܦܦ ܚܘܫܒܐ ܡܡܛܐ ܠܘܬ ܟܠܗ݀
048:04 ܒܪܝܬܐ ܒܫܡܝܐ ܘܒܐܪܥܐ܃ ܒܕܡܘܬ ܗ݀ܘ ܟܝܢܐ ܕܟܠܗ
048:05 ܒܟܠ ܕܘܟ ܗ݀ܘ ܡܫܡܠܝܐܝܬ܂ ܬܘܒ ܕܡ݁ܐ ܠܐܠܗܐ
048:06 ܒܡܠܟܘܬܐ ܘܕܝܢܘܬܐ܂ ܠܝܬ ܓܝܪ ܒܟܠ ܕܒܥܠܡܐ ܕܚܕ
048:07 ܝܬ݁ܒ ܐܝܟ ܡܠܟܐ ܘܕܝ݁ܢܐ܃ ܘܐܚܪ̈ܢܐ ܩܝܡܝܢ ܩܕܡܘܗܝ
048:08 ܘܩܛܓܪ̈ܢܐ ܘܡܬܩܛܓܪ̈ܢܐ ܡܫܬܡܥܝܢ ܠܕܝܢܘܬܗ܃
048:09 ܣܛܪ ܡ݂ܢ ܒܪܢܫܐ܂ ܕܒܕܓܘܢ ܐܝܟܢܐ ܕܢܕܡܐ ܠܫܘܠܛܢܐ
048:10 ܕܥܒܘܕܗ ܘܕܗܘܝ݂ܘ ܕܫܠܝܛ ܥܠ ܗܠܝܢ ܕܒܐܪܥܐ܃ ܡܘܣܦ
048:11 ܘܢܫܠܛܘܢ ܒܢ̈ܘܢܝ ܝܡܐ ܘܒܕܫܪܟܐ܂ ܬܘܒ ܕܝܢ
048:12 ܨܠܡܐ ܐܬܟܢܝ ܥܠ ܕܥܬܝܕ ܗܘ݂ܐ ܕܢܬܢܣܒ ܡ݂ܢ ܗܢܐ
048:13 ܓܢܣܐ ܒܪܢܫܐ ܝܫܘܥܡܫܡܝܚ܃ ܕܢܗܘܐ ܨܠܡܗ
048:14 ܕܐܠܗܐ ܕܠܐ ܡܬܚܙܐ܂ ܢܥܒܕ ܐܢܫܐ ܐܡ݁ܪ ܘܠܐ ܗܘ݂ܐ
048:15 ܒܪܢܫܐ܂ ܡܛܠ ܕܫܡܐ ܕܒܪܢܫܐ ܝܠܕܐ ܕܡ݂ܢ ܐܢܫܐ
048:16 ܡܫܘܕܥ ܘܬܪܝܢܐ ܗ݂ܘ ܠܐܢܫܐ܂ ܐܚܪܝܢ ܗ݂ܘ ܓܝܪ
048:17 ܐܢܫܐ ܘܐܚܪܝܢ ܒܪܗ ܕܐܢܫܐ܂ ܐܢܫܐ ܥܠ ܡܥܠܝܘܬܐ
048:18 ܕܓܝܣܐ ܡܫܘܕܥ܃ ܐܕܡ ܠܩܢܘܡܐ ܠܚܘܕ܂ ܘܡܝ݁ܬܪ
048:19 ܓܘܐ ܡ݂ܢ ܝܚܝܕܝܐ ܒܦܓܪܗ܃ ܒܗ݀ܝ ܕܝܬܝܪ ܡ݂ܢ ܫܡܫܐ
048:20 ܨ݁ܡܚ ܗܘ݂ܐ܃ ܘܠܡ̈ܠܐܟܐ ܠܬܡܗܐ ܘܠܩܘܠܣܐ ܃ ܘܠܣܛܢܐ
048:21 ܘܫܐ̈ܕܐ ܠܚܣܡܐ ܡܩܝ݂ܡ ܗܘ݂ܐ ܘܠܫܪܟܐ܂ ܘܒܢܦܫܗ܃
048:22 ܒܗ݀ܝ ܕܩܒܠ ܪܘܚܐ ܕܩܘܕܫܐ ܘܐܬܡܠܝ ܝܕܥܬܐ ܕܟܣ̈ܝܬܐ
048:23 ܘܐܬܢܒܝ ܘܣܡ ܫܡܗ̈ܐ ܠܟܠ܂ ܬܘܒ ܐܢܫܐ ܩ݁ܪܐ ܠܗ݀ܘ
048:24 ܕܠܐ ܐܬܝܠܕ܃ ܘܒܪܢܫܐ ܠܗ݀ܘ ܕܝܠܝܕ ܡ݂ܢ ܐܢܫܐ܂ ܐܢܫܐ
048:25 ܥܩܪܐ܃ ܝܠܕܐ ܕܝܢ ܕܡܢܗ ܒܬܪ̈ܬܝܗܝܢ ܡܬܟܢܝܢ ܐܢܫܐ
048:26 ܘܒܪܢܫܐ܂ ܘܐܟܙܢܐ ܕܫܡܐ ܕܒܢܝܢܫܐ ܡܫܘܕܥܢܐ ܗ݂ܘ
048:27 ܕܡ݂ܢ ܚܕ ܐܢܫܐ ܟܠܗܘܢ ܐܬܝܠܕܘ܃ ܗܟܢܐ ܘܫܡܐ
048:28 ܕܒܪܢܫܐ ܡܫܘܕܥ ܕܡ݂ܢ ܐܢܫܐ ܐܬܝܠܕ܂ ܘܐܟܙܢܐ ܕܠܐ
048:29 ܩ݂ܪܐ ܠܐܕܡ ܒܪܢܫܐ܃ ܒܪ ܠܝܬ ܗܘ݂ܐ ܐܚܪܝܢ ܡ݂ܢ ܩܕܡܘܗܝ

next chapter