← Back
The Comprehensive Aramaic Lexicon
← Return to the Text Browser
click on the file description for more information

63101: IshGen (Ishodad of Merv on Genesis)

Click on a word for lexical analysis
Click on a red-colored coordinate for comments and/or translations of the line

previous chapter


050:01 ܬܘܒ ܡ݂ܢ ܒܬܪ ܝܘܡܐ ܕܫܬܐ ܥܣ̈ܒܐ ܕܝܢ ܘܙܪ̈ܥܐ
050:02 ܘܚܝܘ̈ܬܐ ܕܐܡܝܢܐܝܬ ܗ̈ܘܝܢ ܠܘ ܒܚܕܬܘܬ ܟܝܢܐ ܐܠܐ
050:03 ܡ݂ܢ ܗܠܝܢ ܕܒܫܬܬ ܝܘ̈ܡܐ ܡܬܝܒ̈ܠܢ ܐܦ ܗ̈ܢܝܢ܂ ܘܐܦ

050:04 ܢܦܫܬܐ ܕܐܚܪܝܬ ܡܬܒܪ̈ܝܢ ܕܡܝܬ ܠܩܕܡܝ̈ܬܐ ܐܢܝ̈ܢ܃

050:05 ܘܒܝܘܒܠܐ ܡܬܩܝܡܝܢ ܦܓܪ̈ܝܗܘܢ ܘܓܢܣ̈ܝܗܘܢ܂
050:06 ܘܐܦ ܚܘܐ ܒܬܪܟܢ ܐܬܒܪܝܬ܂ ܒܪܡ ܒܐܕܡ ܐܝܬܝܗ݀
050:07 ܗܘ݂ܬ܃ ܐܝܟ ܫܝܬ ܘܟܠܗܘܢ ܒܢܝܢܫܐ ܕܒܐܝܕܐ ܒܐܝܕܐ
050:08 ܘܠܐ ܡܬܐܡܪܝܢ ܒܪܝܬܐ ܚܕܬܐ܂ ܘܒܗܢ ܙܢܐ ܐܡܝܪܐ
050:09 ܡ݂ܢ ܩܕܡ ܗܟܢ ܕܟܪ ܠܡ ܘܢܩܒܐ ܒ݂ܪܐ ܐܢܘܢ ܘܕܫܪܟܐ܂
050:10 ܘܐܦ ܗ݀ܝ ܕܥܒܕ ܡܪܝܐ ܟܘܬܝܢܝ̈ܬܐ ܕܡܫܟܐ܂ ܘܗ݀ܝ
050:11 ܕܝܗܒܬ ܩܫܬܝ ܒܥܢ̈ܢܐ܂ ܠܘ ܡ݂ܢ ܒܬܪ ܕܫܠܡ ܥܒ̈ܕܘܗܝ
050:12 ܟܠܗܘܢ ܒ݂ܪܐ ܟܘܬܝܢܝ̈ܬܐ ܘܩܫܬܐ܂ ܐܠܐ ܗ݀ܝ ܕܐܡ݂ܪ
050:13 ܕܥܒ݂ܕ ܟܘܬܝܢܝ̈ܬܐ ܕܡܫܟܐ܂ ܗܢܘ܂ ܐܪܚܫ ܒܗܘܢ
050:14 ܡܚܫܒܬܐ ܕܐܝܟܢ ܢܬܦܪܣܘܢ ܠܒܘܫܐ܃ ܥ݁ܒܕܐ ܕܝܠܗ
050:15 ܫܡܗܗ܂ ܐܦ ܟܠ ܓܝܪ ܐܘܡܢܘܬܐ ܕܐܝܬ ܝܘܡܢܐ
050:16 ܒܝܬ ܒܢܝܢܫܐ܃ ܐܠܘ ܒܡܪܚܫܢܘܬܐ ܕܐܠܗܐ ܠܐ ܫܩ݂ܠ
050:17 ܫܘܪܝܐ܃ ܚܕܐ ܡܢܗܝܢ ܠܐ ܗܘܝܐ ܗܘ݂ܬ܂ ܘܐܟܙܢܐ
050:18 ܕܐܡܝܪܐ ܕܡܬܩܢܐ ܠܡ ܥܒܕܬ ܡܪܝܐ ܡ̄܂ ܠܘ ܕܗ݂ܘ
050:19 ܥ݁ܒܕܗ ܒܐܝܕܗ܃ ܐܠܐ ܠܗ݀ܝ ܕܐܪܚܫ ܒܪܥܝܢܗ ܕܒܨܠܝܐܝܠ
050:20 ܕܐܝܟܢ ܢܥܒܕܗ܃ ܗܟܢܐ ܐܦ ܬܢܢ ܐܡܝܪܐ ܕܥܒ݂ܕ
050:21 ܟܘܬܝܢܝ̈ܬܐ܂ ܘܐܦ ܩܫܬܐ ܠܘ ܟܝܢܐ ܗ݂ܘ ܡܢܗ ܘܠܗ܃
050:22 ܐܠܐ ܒܣܚܝܚܘܬܐ ܕܥܢ̈ܢܐ ܡܥܕܐ ܡܬܚܙܝܐ ܡ݂ܢ ܙܠܝ̈ܩܝ
050:23 ܫܡܫܐ܂ ܗܕܐ ܕܐܦ ܒܡ̈ܐܢܝ ܙܓܘܓܝܬܐ ܗܘܝܐ ܟܕ
050:24 ܡܠܝܢ ܡܝ̈ܐ ܘܙܠܝ̈ܩܝ ܫܡܫܐ ܢܛܚܝܢ ܥܠܝܗܘܢ܂ ܘܡܛܠ
050:25 ܕܒܐܪܒܥܝܢ ܝܘܡܝܢ ܕܛܘܦܢܐ ܡ݂ܢ ܠܒܝܕܘܬܐ ܣܓܝܐܬܐ
050:26 ܕܥܢ̈ܢܐ ܟܠ ܟܠܗ ܠܐ ܐܬܚܙܝܘ ܙܠܝ̈ܩܝ ܫܡܫܐ ܕܡܢܗܘܢ
050:27 ܡܥܕܬ ܕܬܬܚܙܐ ܩܫܬܐ܃ ܗܕܐ ܐܡ݂ܪ ܕܠܐ ܬܘܒ ܐܥܒܕ
050:28 ܐܠܐ ܡܟܐ ܘܠܗܠ ܟܠ ܐܡܬܝ ܕܡܚܬ ܐܢܐ ܡܛܪܐ
050:29 ܥܒ݁ܕ ܐܢܐ ܐܦ ܕܗܘ̈ܝ ܪ̈ܩܝܩܢ ܥܢ̈ܢܐ ܒܙܒܢ ܙܒܢ܃ ܕܡܢܗܝܢ

next chapter