The Comprehensive Aramaic Lexicon

055:01	ܠܬܚܬ ܗ݀ܘ܃ ܒܕܠܝܬ ܠܗܝܢ ܣܒܪܐ ܠܥܠ ܡ݂ܢ ܐܪܥܐ܂ ܕܬܠܬ
055:02	ܕܢܗܘܐ ܦܫܝܩ ܠܗ ܠܡܦܠܚ ܠܩܘܝܡ ܚܝ̈ܘܗܝ܂ ܐܦܢ ܓܝܪ
055:03	ܦܪ̈ܚܬܐ ܠܪܘܡܐ ܡܫܩ̈ܠܢ܃ ܐܠܐ ܡ݂ܢ ܟܠ ܦܪܘܣ ܠܘܬ
055:04	ܐܪܥܐ ܚܝܪ̈ܢ ܘܫ̈ܟܢܢ܂ ܘܝܕܝܥܐ ܕܐܦܢ ܡ݂ܢ ܐܪܥܐ
055:05	ܐܬܓܒܠ ܐܠܐ ܠܘ ܡܢܗ݀ ܠܚܘܕ܂ ܡܕܡ ܓܝܪ ܕܡܬܓܒܠ
055:06	ܒܝܕ ܪܛܝܒܘܬܐ ܡܬܓܒܠ܂ ܘܒܚܡܝܡܘܬܐ ܘܪܘܚܐ
055:07	ܕܒܒܪܢܫܐ ܡ݂ܢ ܐܐܪ ܘܢܘܪܐ ܐܝܬܝܗܝܢ܃ ܘܠܘ ܡ݂ܢ ܢܦܫܐ
055:08	ܐܝܟ ܒܕܝܐ ܕܐܢܫ̈ܝܢ܃ ܒܕܠܝܬ ܬܪ̈ܬܝܢ ܚܡܝܡܘ̈ܬܐ ܐ݁ܘ
055:09	ܬܪ̈ܬܝܢ ܩܪ̈ܝܪܘܬܐ ܒܥܠܡܐ ܘܡܛܠ ܕܐܦ ܚܝܘ̈ܬܐ
055:10	ܘܕܫܪܟܐ ܩܘܝܡܗܝܢ ܡ݂ܢ ܐܣܛܘ̈ܟ݂ܣܐ ܐܝܬܘܗܝ܂
055:11	ܘܡܘܣܦ܃ ܢܦ݂ܚ ܠܡ ܒܐܦܘ̈ܗܝ ܢܫܡܬܐ ܕܚܝ̈ܐ܂ ܝܘܢܝܐ
055:12	ܢܦ݂ܚ ܠܡ ܒܦܪܨܘܦܗ܂ ܐܩܠܘܣ ܘܣܘܡܟܘܣ
055:13	ܘܬܐܕܘܛܝܘܢ ܒܢܚܝܪ̈ܘܗܝ ܐܡܪܝܢ܂ ܓܠܝܐ ܗ݂ܝ ܓܝܪ
055:14	ܕܡܕܡ ܕܡܬܓܒܠ ܡ݂ܢ ܠܒܪ ܗ݂ܘ ܗ݀ܘܐ܃ ܗ݀ܘ ܕܝܢ ܕܡܬܢܦܚ
055:15	ܡ݂ܢ ܠܓܘ ܗ݂ܘ ܡܫܬܕܪ܂ ܥܠ ܒܝܬܝܘܬܗ݀ ܗܟܝܠ ܕܢܦܫܐ
055:16	ܐܘܕܥ ܒܗܕܐ ܕܐܝܬܝܗ݀ ܡܠܝܠܬܐ ܘܡܚܝܢܬܐ ܠܘܬ
055:17	ܐܠܗܐ܂ ܫܦܝܪ ܗܟܝܠ ܠܘ ܪܘܚܐ ܕܚܝ̈ܐ ܩܪܗ݀ ܐܠܐ
055:18	ܢܫܡܬܐ ܕܚܝ̈ܐ܃ ܒܗ݀ܝ ܕܠܘ ܗ݂ܝ ܒܠܚܘܕܝܗ݀ ܣܦܩܐ
055:19	ܠܡܚܝܘ ܠܓܘܫܡܐ ܐܠܐ ܐܢܗ݂ܘ ܕܫܟܝ̈ܚܢ ܐܝܠܝܢ
055:20	ܕܡܬܒܥ̈ܝܢ ܠܣܝܒܪܬܗ݀܂ ܘܗܟܢܐ ܡܩܘܝܐ ܒܗ ܘܡܙܝܥܐ
055:21	ܠܗ ܠܘܬ ܣܥܘܪ̈ܘܬܐ ܡܫܚ̈ܠܦܬܐ܂ ܘܟܕ ܩܪܝܪ ܓܘܫܡܐ

055:22	ܡܫܚܢܐ ܠܗ܃ ܒܗ ܕܚܡܝܡܬܐ ܗ݂ܝ ܒܡܕܒܪܢܘܬܗ݀

055:23	ܘܒܝܕ ܩܪܝܒܘܬܗ݀ ܬܙܝܥܝܘܗܝ ܠܘܬ ܢܫܡܬܐ܂ ܢܫܡܬܐ
055:24	ܗܟܝܠ ܩܪܗ݀܂ ܗܢܘ܂ ܕܡܢܗ݀ ܐ݁ܬܐ ܢܫܡ܂ ܥܠ ܬܘܩܢܐ
055:25	ܕܝܢ ܕܥܬܝܕ ܕܒܗ ܠܐ ܡܝܘ̈ܬܐ ܗ݀ܘܝܢܢ ܐܡܝܪܐ܃ ܪܘܚܐ
055:26	ܠܡ ܕܚܝ̈ܐ ܕܒܝܫܘܥ ܡ̄ܫ̄ ܚܪܪܟ ܡ݂ܢ܃ ܢܗܘ܂ ܕܪܘܚܐ ܕܚܝ̈ܐ
055:27	ܠܐ ܡܝܘ̈ܬܐ ܝ݁ܗܒ܂ ܚܢܢܐ܂ ܡ݂ܢ ܒܪܝܬܐ ܓܝܪ ܓܠܝܬܐ
055:28	ܕܢܦܫܐ ܫܬܩ ܢܒܝܐ ܐܝܟ ܕܐܦ ܡ݂ܢ ܒܪܝܬܐ ܕܡܠ̈ܐܟܐ܂
055:29	ܒܪܡ ܕܝܢ ܓܠܝܐܝܬ ܬܪ̈ܝܗܘܢ ܡܬܝܕܥܝܢ ܡ݂ܢ ܢܒܝ̈ܐ