The Comprehensive Aramaic Lexicon

060:01	ܡܛܠ ܕܠܐ ܡܫܟܚܐ ܗܘ݂ܬ ܕܢܟܪܟܝܘܗܝ ܒܥܠܡܐ ܟܠܗ
060:02	ܘܢܚܘܐ ܠܗ ܐܝ̈ܠܢܐ ܘܕܫܪܟܐ ܕܡܛܠܬܗ ܐܬܒܪܝܘ܃ ܐܬܩܢ
060:03	ܦܪܝܫܐܝܬ ܦܪܕܝܣܐ ܚܕ ܟܗܝܢܐ ܘܫܦܝܪܐ ܘܕܫܪܟܐ
060:04	ܘܐܥܠܗ ܠܬܡܢ܃ ܟܕ ܒܗ݀ܝ ܕܢܦܠܚܝܘܗܝ ܡܠܦ ܠܗ ܕܠܐ
060:05	ܢܪܚܡ ܒܛܠܢܐ ܐܒܐ ܕܣܘܓܐܬ ܒܝܫ̈ܬܐ܃ ܘܒܝܕ ܗ݀ܝ
060:06	ܕܢܛܪܝܘܗܝ ܡܠܦ ܠܗ ܕܡܪܐ ܐܝܬ ܠܗ ܘܙ݁ܕܩ ܠܗ ܕܢܫܬܡܥ
060:07	ܠܗ ܘܢܛܪ ܦܘܩܕܢܗ܂ ‍{‍v݁16‍}‍ ܬܘܒ ܕܝܢ ܕܢܘܕܥ ܕܩܢܝܢܐ
060:08	ܕܝܠܗ ܐܝܬܘܗܝ ܘܙ݁ܕܩ ܠܗ ܕܢܛܪܝܘܗܝ ܘܡܩܦ܂ ܘܦܩܕ
060:09	ܡܪܝܐ ܐܠܗܐ ܠܐܕܡ܂ ܡ݂ܢ ܟܠܗܘܢ ܐܝ̈ܠܢܐ܂ ‍{‍v݁17‍}‍ ܡ݂ܢ
060:10	ܐܝܠܢܐ ܕܝܢ܂ ܟܘܪܐ ܗܟܝܠ ܕܒܘܚܪܢܐ ܗܘ݂ܐ ܐܝܠܢܐ

060:11	ܘܦܘܩܕܢܐ ܕܥܠܘܗܝ ܐܝܟ ܢܘܪܐ ܕܒܗ ܢܨܛܪܦܘܢ ܕܒܝܬ

060:12	ܐܕܡ܃ ܕܐܢ ܕܗܒܐ ܐܢܘܢ ܣܢܝܢܐ ܐ݁ܘ ܣܐܡܐ
060:13	ܡܣܠܝܐ܂ ܡܛܠ ܕܡܠܝܠܐ ܐܬܒܪܝ ܒܪܢܫܐ ܒܚܝܠܐ
060:14	ܘܣܢܝܩ ܗܘ݂ܐ ܥܠ ܢܡܘܣܐ ܕܢܦܪܫ ܠܗ ܛܒܬܐ ܡ݂ܢ
060:15	ܒܝܫܬܐ܃ ܥܠ ܗܕܐ ܐܬܥܒܕ ܒܪܢܫܐ ܕܢܕܥ ܘܥܠܡܐ
060:16	ܕܢܘܕܥ ܘܒܗ ܬܬܝܕܥ ܛܝܒܘܬܗ ܘܟܐܢܘܬܗ ܕܐܠܗܐ܂
060:17	ܠܒܪܝܬܗ ܕܝܢ ܕܥܠܡܐ ܛܝܒܘܬܐ ܐܝܬܝܗ݀ ܥܠܬܐ܃
060:18	ܕܡܕܒܪܢܘܬܐ ܕܝܢ ܛܝܒܘܬܐ ܘܟܐܢܘܬܐ܂ ܒܪܝܬܐ ܓܝܪ
060:19	ܫܪܝܬ ܡ݂ܢ ܛܝܒܘܬܐ܃ ܘܡܕܒܪܢܘܬܐ ܫܪܝܬ ܡ݂ܢ ܟܐܢܘܬܐ܂
060:20	ܫܪܝܬ ܛܝܒܘܬܐ ܒܗܘܝܐ ܕܫܡܝܐ ܘܕܐܪܥܐ ܘܫܠܡܬ
060:21	ܒܒܪܢܫܐ܂ ܫܪܝܬ ܟܐܢܘܬܐ ܒܣܝܡ ܢܡܘܣܐ ܘܓܙܪ
060:22	ܕܝܢܐ ܘܕܫܪܟܐ ܘܫܠܡܬ ܒܡܫܝܚܐ ܕܚܪܪܢ ܡ݂ܢ ܢܡܘܣܐ
060:23	ܕܚܛܝܬܐ ܘܕܡܘܬܐ ܐܝܟ ܦܘܠܘܣ܂ ܫܦܝܪ ܡ݂ܢ ܐܕܡ
060:24	ܡܫܪܐ ܒܗ ܒܦܘܩܕܢܐ܂ ܠܘ ܓܝܪ ܝܘܬܪܢܐ ܐܢ̈ܝܢ ܗܠܝܢ
060:25	ܕܗ݀ܘ ܒܪܢܫܐ ܒܠܚܘܕ܃ ܐܠܐ ܐܦ ܕܟܠܗܘܢ ܝܠܕܘ̈ܗܝ܃
060:26	ܕܡܐ ܕܡ݂ܢ ܪܦܝܘܬܐ ܘܣܒܪܐ ܕܐܠܗܘܬܐ ܢܥܒܪ ܥ̇‍[‍ܠ‍]‍
060:27	ܦܘܩܕܢܐ ܢܗܘܐ ܕܠ݂ܐ ܡܦܩ ܒܪܘܚ܃ ܒܗ݀ܝ ܕܐܬܝܗܒ
060:28	ܠܗ ܟܠܗ ܦܪܕܝܣܐ ܘܡ݂ܢ ܚܕ ܐܝܠܢܐ ܠܚܘܕ ܐܬܟܠܝ܂
060:29	ܐܬܩܪܝ ܕܝܢ ܐܝܠܢܐ ܕܝܕܥܬܐ ܕܛܒܬܐ ܘܕܒܝܫܬܐ ܡܛܠܬܗ