The Comprehensive Aramaic Lexicon

069:01	ܠܐܝܠܝܢ ܕܒܚܠܡ̈ܐ ܚܙܝܢ ܡܕܡ܂ ܗܟܢܐ ܐܦ ܦܪܥܘܢ
069:02	ܚ݂ܙܐ ܬܘܪ̈ܬܐ ܘܫܒ̈ܠܐ܃ ܘܝܘܣܦ ܟ̈ܦܐ ܘܢܗܝܪ̈ܐ܂
069:03	ܘܢܣ݂ܒ ܚܕܐ ‍{‍ܡ݁ܢ‍}‍‍<‍ܡ݂ܢ‍>‍܂ ܘܐܘܚܕ ܒܣܪܐ܂ ܥܡܗ݀ ܗܟܝܠ
069:04	ܕܢܣܝܒܘܬܐ ܗܘ݂ܐ ܐܦ ܬܘܩܢܐ ܐܦ ܡܘܠܝܐ ܕܗ݀ܘ
069:05	ܡܐ ܕܚܣܝܪ ܗܘ݂ܐ܂ ܗܢܘ܂ ܒܣܪܐ ܘܓܪ̈ܡܐ
069:06	ܐܬܢܣܒܘ ܘܒܣܪܐ ܘܓܪ̈ܡܐ ܐܬܡܠܝ܃ ܟܕ ܟܠܗܝܢ
069:07	ܒܪܦܦ ܥܝܢܐ ܡܬܓܡܪ̈ܢ ܗܘ̈ܝ܂ ܐܢܓܝܪ ܥܠ ܩܝܡܬܐ
069:08	ܐܡܪ ܫܠܝܚܐ ܕܒܪܦܦ ܥܝܢܐ ܗܘܝܐ܃ ܐܝܟܢܐ ܠܐ
069:09	ܒܛܘܪܐ ܕܩܠܝܠ ܡ݂ܢ ܗܢܐ ܢܫܪ ܕܗܘ݂ܐ ܬܘܩܢܗ݀ ܕܐܢܬܬܐ܂
069:10	ܚܠܦ ܗ݀ܝ ܕܐܘܚܕ ܡܠܝ ܐ݁ܡܪ ܝܘܢܝܐ܂ ܗܢܘ܂ ܕܗ݀ܘ
069:11	ܕܐܫܬܩܠ ܗܘ݂ܐ ܚܝܘܬܐ ܡܫܡܠܝܬܐ܂ ܠܗ݀ܘ ܕܝܢ ܐܬܡܠܝ
069:12	ܗ݀ܘ ܡܐ ܕܐܬܢܣܒ ܡܢܗ ܕܠܐ ܒܚܣܝܪܘ܂ ܬܘܒ ܗ݀ܝ
069:13	ܕܐܘܚܕ ܒܣܪܐ܂ ܗܢܘ܂ ܒܣܪܐ ܥܡ ܐܠܥܐ ܐܚܪܬܐ܂
069:14	‍{‍v݁22‍}‍ ܗ݀ܝ ܕܝܢ ܕܬܩܢ ܡܪܝܐ ܐܠܗܐ ܠܐܠܥܐ܂ ܝܘܢܝܐ
069:15	ܒܢ݂ܐ ܐ݁ܡܪ܂ ܥܠ ܐܕܡ ܕܝܢ ܡܦܪܫܐܝܬ ܐܡ݂ܪ ܥܠ

069:16	ܓܒܝܠܘܬܐ ܕܦܓܪܐ ܘܥܠ ܢܦܝܚܘܬܐ ܕܢܦܫܐ܂ ܥܠ ܚܘܐ

069:17	ܕܝܢ ܫܬܩ ܡ݂ܢ ܥܘܗܕܢܐ ܕܢܦܫܐ܃ ܠܘ ܐܝܟ ܡ݁ܢ ܕܕܠܐ
069:18	ܢܦܫܐ ܐܬܒܪܝܬ܃ ܐܠܐ ܡܛܠ ܕܐܡܪܗ݀ ܠܘܬ ܐܕܡ
069:19	ܐܣܒܪ ܕܝܕܝܥܐ ܗ݂ܝ ܗܕܐ ܕܥܡ ܬܘܩܢ ܦܓܪܐ ܐܦ
069:20	ܢܦܫܐ ܥܡܗ ܡܬܒܪܝܐ ܒܓܘܗ܂ ܐܦ ܠܐ ܓܝܪ ܟܠܗܘܢ
069:21	ܥܘ̈ܠܐ ܕܡ݂ܢ ܒܛܢܐ ܘܝܠܕܐ ܡܬܩܝܡܝܢ ܐܠܗܐ ܢ݁ܦܚ
069:22	ܒܐܦܝ̈ܗܘܢ܃ ܐܠܐ ܒܪܡܙܗ ܠܦܘܬ ܫܘܡܠܝܗ ܕܥܘܠܐ
069:23	ܡܬܢܦܚܐ ܒܗ ܢܦܫܐ܂ ܘܐܝܟܢܐ ܕܒܝܘܡܐ ܕܫܬܐ ܫܠܡ
069:24	ܐܠܗܐ ܟܠ ܡܕܡ܃ ܗܠܝܢ ܕܝܢ ܙܪ̈ܥܐ ܘܐܝ̈ܠܢܐ ܘܚܝ̈ܘܬܐ
069:25	ܕܗܘܝܢ ܐܡܝܢܐܝܬ܃ ܠܘ ܒܚܕܬܘܬ ܟܝܢܐ ܐܠܐ ܡ݂ܢ ܗ̈ܢܝܢ
069:26	ܕܫܬܐ ܝܘ̈ܡܝܢ ܡܬܝܒܠܝܢ ܐܦ ܗ݂ܢܘܢ܃ ܗܟܢܐ ܐܦ
069:27	ܢܦ̈ܫܬܐ ܕܐܚܪܝܬ ܡܬܒܪ̈ܝܢ ܕܡܝܬ ܠܩܕܡܝ̈ܬܐ ܐܢܝ̈ܢ܂
069:28	ܘܐܝܟܢܐ ܕܠܫܡܝܐ ܘܠܐܪܥܐ ܘܠܢܘܗܪܐ ܘܠܡ̈ܠܐܟܐ ܦܩ݂ܕ
069:29	ܕܢܟܬܪܘܢ ܒܗܘܝܗܘܢ܃ ܐܩܝܡ ܠܡ ܐܢܘܢ ܠܥܠܡ