The Comprehensive Aramaic Lexicon


075:01	ܐܢܘܢ ܡܕܡ܂ ܟܡܝܘܬܗ݀ ܕܝܢ ܘܡܢܝܘܬܗ݀ ܕܬܝܒܘܬܗܘܢ

075:02	ܠܢ ܠܐ ܓܠܝܐ܂ ܩܕܝ̈ܫܐ ܓܝܪ ܣܓܝ̈ܐܐ ܡܪ̈ܓܫܝܢ ܒܬܘܬ
075:03	ܢܦܫܗܘܢ ܕܚܕ ܚ̈ܕܢܐ ܡܢܗܘܢ܃ ܐܝܟ ܕܡ̈ܠܦܢ ܬܫܥܝ̈ܬܐ
075:04	ܕܝܚܝ̈ܕܝܐ܂ ܝܬܝܪܐܝܬ ܕܝܢ ܒܬܪ ܡܐܬܝܬܗ ܕܡܫܝܚܐ
075:05	ܬܝ݁ܒܝܢ܃ ܥܠ ܕܝ݁ܕܥܝܢ ܕܩܪܝܒ ܦܘܪܥܢܐ ܘܕܫܪܟܐ܂ ܘܐܦ
075:06	ܠܐ ܡ݂ܢ ܒܬܪ ܓܠܝܢܗ ܕܡܪܢ ܚ݁ܛܝܢ ܡܠܐ̈ܟܐ܃ ܐܦܢ
075:07	ܡܨܛ̈ܠܝܢܐ ܐܢܘܢ ܒܟܝܢܗܘܢ܃ ܒܕ ܐܬܐܣܪܘ/ܐܬܣܪܘ#2#/ ܙܘ̈ܥܐ
075:08	ܕܪ̈ܥܝܢܝܗܘܢ ܒܣܒܪܐ ܕܥܬܝ̈ܕܬܐ ܘܝܠܦܘ ܕܗܠܝܢ ܐܢܫܝ̈ܬܐ
075:09	ܫܘܚܠܦܐ ܡܝܬܪܐ ܡܩܒ̈ܠܢ܂ ܘܥܠ ܗܕܐ ܣ݁ܗܕ ܫܠܝܚܐ܃
075:10	ܝܕܥܝܢܢ ܠܡ ܕܟܠܗܝܢ ܒܪ̈ܝܬܐ ܡܬܬܢ̈ܚܢ ܘܕܫܪܟܐ
075:11	ܕܦܣܘܩܐ܃ ܟܕ ܒܪ̈ܝܬܐ ܬܢܢ ܠܟܝ̈ܢܐ ܪ̈ܘܚܢܐ ܫܡܗ܂
075:12	ܘܡܫܐܠܝܢ ܕܠܡܘܢ ܟܕ ܝ݁ܕܥ ܗܘ݂ܐ ܐܠܗܐ ܠܒܝܫܘܬܗ
075:13	ܕܣܛܢܐ܃ ܥܒܕܗ ܪܫܐ ܕܐܐܪ܂ ܘܐܡܪܝܢܢ ܚܕܐ ܡܛܠ
075:14	ܛܝܒܘܬܗ ܬܗܘܡܝܬܐ ܕܒܗ݀ ܠܛܒ̈ܐ ܘܠܒܝ̈ܫܐ ܫܘܝܐܝܬ
075:15	ܒܪܐ ܘܡܦܪܢܣ܂ ܒܗ݀ܝ ܕܐܠܘ ܠܛܒ̈ܗ ܠܚܘܕ ܒܪܐ ܗܘ݂ܐ
075:16	ܘܫܒ݁ܩ ܗܘ݂ܐ ܠܒܝ̈ܫܐ܃ ܡ݂ܢ ܐܝܡܟܐ ܡܬܓܠܝܐ ܗܘ݂ܬ
075:17	ܛܒܘܬܗ܂ ܟܕ ܠܘ ܗ݂ܘ ܒ݂ܪܐ ܒܝ̈ܫܐ ܒܟܝܢܐ ܘܐܦ ܠܐ
075:18	ܛܒ̈ܐ ܐܬܒܪܝܘ ܒܟܝܢܐ ܛܒ̈ܐ܃ ܐܠܐ ܗ݂ܢܘܢ
075:19	ܒܨܒܝܢܗܘܢ ܗܘܘ ܗܟܢܐ܂ ܘܐܟܙܢܐ ܕܐܢ ܒ݁ܥܐ
075:20	ܡܠܐܟܐ ܚ݁ܛܐ܃ ܗܟܢܐ ܐܢ ܒ݁ܥܐ ܫܐܕܐ ܡܙܕܕܩ܂
075:21	ܐܦ ܠܐ ܐܝܬ ܡܕܡ ܒܒܪܝܬܐ ܒܝܫܐ ܒܟܝܢܐ ܘܕܬܪ̈ܬܝܢ
075:22	ܐܝܟ ܕܬܬܝܕܥ ܒܝܫܘܬܗ ܕܣܛܢܐ܃ ܕܟܕ ܡܩܒܠ ܡܣܡ
075:23	ܒܪܫܐ ܢܗܘܐ ܕܠܐ ܡܦ݁ܩ ܒܪܘܚ܂ ܘܕܬܠܬ ܕܠܐ ܢܓܡܕ/ܢܓܡܪ#2#/
075:24	ܘܢܡܪܚ ܘܢܐܡܪ܃ ܥܠ ܕܠܐ ܝܩܪܢܝ ܐܬܝܬ ܠܘܬ ܗܕܐ܂
075:25	ܘܐܦ ܡܪܢ ܟܕ ܛܒ ܝ݁ܕܥ ܗܘ݂ܐ ܠܒܝܫܘܬܗ ܕܝܗܘܕܐ܃
075:26	ܓܒ݂ܝܗܝ ܘܠܘ ܒܠܚܘܕ ܐܫܠܛܗ ܥܠ ܦܘܪܢܣܐ ܕܪܘܡܝܢܐ܃
075:27	ܘܐܦ ܕܢܣܥܘܪ ܚܝ̈ܠܐ܂ ܟܕ ܒܬܠܬܐ ܙܢܝ̈ܐ ܡܚܛܝܢ ܘܚ݁ܛܝܢ܃
075:28	ܐ݁ܘ ܒܡܠܬܐ܂ ܗܢܘ܂ ܒܩܘܛܪܓܐ ܘܒܡܐܟܠܩܪܨܐ܂ ܐ݁ܘ
075:29	ܒܣܘܥܪ̈ܢܐ/ܘܒܣܘܥܪ̈ܢܐ#2#/܂ ܗܢܘ ܕܝܢ܂ ܒܩܛܠܐ ܘܓܘܪܐ ܘܓܘܢܒܐ