The Comprehensive Aramaic Lexicon

076:01	ܘܕܫܪܟܐ܂ ܐ݁ܘ ܒܚܘܫܒܐ ܕܗ݀ܪܓܝܢ ܘܝܐܝܒܝܢ ܠܣܢܝ̈ܬܐ܂
076:02	ܗ݀ܪܓܝܢ ܒܐܚܪ̈ܢܐ܃ ܗ݀ܢܘܢ ܕܗ݂ܢܘܢ ܦܬܚܝܢ ܬܪܥܐ
076:03	ܠܛܪܘܢܐ܂
076:04	ܚܘܝܐ ܠܡ ܥܪܝܡ ܗܘ݂ܐ ܘܕܫܪܟܐ܂ ܐܢܫܝ̈ܢ ܕܝܢ ܠܠ̈ܐ

076:05	ܣܒ݂ܪܘ ܕܐܝܟ ܓܡܠܐ ܪܡ ܗܘ݂ܐ ܘܥܠ ܐܪܒܥ ܡܗܠܟ

076:06	ܗܘ݂ܐ ܘܒܕ ܐܬܬܠܝܛ ܗ݀ܠܟ ܥܠ ܟܪܣܗ܂ ܘܐܠܘ ܐܬܒܝܢܘ
076:07	ܕܗ݀ܝ ܕܡܠܠܘ ܠܘ ܕܚܘܝܐ ܐܝܬܝܗ݀ ܗܘ݂ܬ܃ ܐܦ ܡܣܬܟܠܝܢ
076:08	ܗܘ݂ܘ ܕܗ݀ܝ ܕܐܬܬܠܝܛ ܠܘ ܕܝܠܗ ܗܘ݂ܬ ܐܠܐ ܕܐܟܠܩܪܨܐ
076:09	ܗ݀ܘ ܕܒܚܘܝܐ ܡܠܠ ܐܝܟ ܕܒܐܘܪܓܢܘܢ܂ ܐܟܚܕ ܕܝܢ
076:10	ܕܠܘ ܕܪܡ ܐܡ݁ܪ ܐܠܐ ܕܥܪܝܡ܂ ܥܪܝܡܘܬܐ ܕܝܢ ܠܘ
076:11	ܠܥܓܪܘܬ ܓܘܫܡܐ ܡܫܡܗ ܟܬܒܐ܃ ܐܠܐ ܠܨܢܝܥܘܬܐ
076:12	ܘܠ‍{‍ܕ‍}‍ܡܕܪܡܘܬܐ܂ ܐܝܟ ܕܐܡ݂ܪ ܫܐܘܠ ܥܠ ܕܘܝܕ
076:13	ܕܡܥܪܡܘ ܠܡ ܡܥܪܡ܂ ܘܬܘܒ ܐܠܘ ܥܠܘܗܝ ܕܚܘܝܐ
076:14	ܐܡ݁ܪ ܗܘ݂ܐ ܕܚܟܝܡ܃ ܘ݁ܠܐ ܗܘ݂ܐ ܕܢܐܡܪ ܕܚܟܝܡ ܐܘ݁
076:15	ܡ݂ܢ ܟܠܗܝܢ ܚܝ̈ܘܬܐ ܚܪ̈ܫܬܐ ܕܓܠܝ̈ܙܢ ܡ݂ܢ ܡܠܬܐ܃ ܐܘ݁
076:16	ܡ݂ܢ ܟܠܗ݀ ܒܥܝܪܐ ܡܟܝܢܝܬܐ܃ ܐܘ݁ ܡ݂ܢ ܟܠܗ ܪ̈ܚܫܐ ܕܠܗ
076:17	ܕܡ݁ܐ ܒܓܢܣܐ܂ ܗܫܐ ܕܝܢ ܕܡ݂ܢ ܟܠܗ݀ ܚܝܘܬܐ ܕܕܒܪܐ
076:18	ܐܡ݁ܪ܃ ܝܕܝܥܐ ܕܥܠ ܨܢܝܥܘܬܗ ܕܣܛܢܐ ܪܡ݁ܙ ܦܠܬܢܐܝܬ
076:19	ܘܠܘ ܥܠ ܚܘܝܐ܃ ܒܗ݀ܝ ܕܚܝ̈ܘܬܐ ܥܬܝ̈ܕܢ ܗܘ̈ܝ ܘܡܛܝ̈ܒܢ
076:20	ܠܡܟܝܘ ܠܒܢܝܢܫܐ܂ ܗܢܘ܂ ܕܗܟܢܐ ܠܡ ܚܪܝܦ ܘܨܢܝܥ ܙܢܐ
076:21	ܕܢܟܝܢܗ ܕܣܛܢܐ ܝܬܝܪ ܡ݂ܢ ܟܠܗܝܢ ܚܝ̈ܘܬܐ ܕܒܐܪܥܐ܂
076:22	ܡܛܠ ܗܟܝܠ ܕܨܒ݂ܐ ܣܛܢܐ ܕܢܥܒܕܝܘܗܝ ܠܒܪܢܫܐ ܫܘܬܦܐ
076:23	ܠܒܝܫܘܬܗ ܘܚ݂ܙܐ ܕܚܝܘ̈ܬܐ ܠܐ ܡܨ̈ܝܢ ܗܘ̈ܝ ܠܡܩܒܠܘ
076:24	ܡ݂ܠܟܗ ܘܝ݂ܕܥ ܕܓܠܝܐܝܬ ܠܡܡܠܠܘ ܗ݀ܘ ܕܠܐ ܡܬܚܙܐ
076:25	ܥܡ ܕܡܬܚܙܐ ܠܐ ܡܨܝܐ ܗܘ݂ܬ܃ ܒܕ ܩܠܐ ܕܡܫܬܡܥ
076:26	ܡ݂ܢ ܗ݀ܘ ܕܠܐ ܡܬܚܙܐ ܡܙܝܥܐ ܗܘ݂ܬ ܠܕܒܝܬ ܐܕܡ܃
076:27	ܠܘܬ ܪ̈ܚܫܐ ܫܝܛܐ ܥܠ܂ ܐܟܙܢܐ ܕܐܬܦܣܣ ܠܗ ܕܢܥܘܠ
076:28	ܒܚܘܝܐ܃ ܗܟܢܐ ܘܕܢܥܘܠ ܠܦܪܕܝܣܐ܃ ܐܝܟ ܕܢܬܒܚܪܘܢ