The Comprehensive Aramaic Lexicon

077:01	ܬܪ̈ܝܗܘܢ܂ ܠܐ ܓܝܪ ܥ݁ܨܐ ܐܠܗܐ ܠܚܐܪܘܬܐ ܘܕܫܪܟܐ܂
077:02	ܝ݁ܕܥ ܗܘ݂ܐ ܓܝܪ ܕܚ݁ܛܐ ܐܕܡ ܐܦܢ ܢܗܝܪ ܘܨ݁ܡܚ ܡ݂ܢ
077:03	ܕܝܠܗ܂ ܕܐܟܙܢܐ ܕܐܢܐ ܨ݁ܡܚ ܗܘܝܬ ܐܝܟ ܒܪܩܐ܃
077:04	ܒܪܡ ܕܝܢ ܟܕ ܚܛܝܬ ܚܫܟܬ ܘܢܦܠܬ ܡ݂ܢ ܪܘܡܐ ܘܕܫܪܟܐ܃
077:05	ܗܟܘܬ ܘܐܕܡ ܟܕ ܚ݁ܛܐ ܢ݁ܦܠ ܡ݂ܢ ܐܝܩܪܗ ܘܗ݀ܘܐ ܐܟܘܬܝ
077:06	ܘܡܫܬܥܒܕ ܠܝ ܘܕܫܪܟܐ܂ ܐܬܦܪܓܠ ܕܝܢ ܡ݂ܢ ܐܠܗܐ
077:07	ܕܠܐ ܢܬܓܫܡ ܒܐܐܪ ܘܐܦܠܐ ܕܢܥܘܠ ܠܚܝܘܬܐ
077:08	ܐܚܪܬܐ܃ ܟܕ ܛܒ ܒܟܠ ܓܫܘܡ ܕܚܝ̈ܘܬܐ ܘܕܒܥܝܪܐ
077:09	ܐܬܟܪܟ ܕܢܗܘܘܢ ܐܘܪܓܢܘܢ ܠܛܥܝܘܬܗ܂ ܘܠܐ
077:10	ܐܬܝܗܒܘ ܠܗ ܐܠܐ ܒܗ݀ܘ ܕܒܝܫ ܘܨܢܝܥ ܐܟܘܬܗ܂ ܚܕܐ
077:11	ܡ݁ܢ ܒܕܠܐ ܥܕܪܐ ܗܘ݂ܬ ܒܗ݀ܘ ܙܒܢܐ܂ ܘܕܬܪ̈ܬܝܢ ܒܗ݀ܝ
077:12	ܕܐܦ ܗ݂ܘ ܨܢܝܥ ܘܚܟܝܡ܂ ܗܘ݂ܘ ܠܡ ܚܟܝ̈ܡܐ ܐܝܟ
077:13	ܚܘ̈ܘܬܐ ܘܕܫܪܟܐ܂ ܘܐܦ ܡܪܢ ܘܝܘܚܢܢ ܠܒܝ̈ܫܐ
077:14	ܒܚܘ̈ܘܬܐ ܡܕܡܝܢ ܘܡܟܢܝܢ܂ ܘܕܬܠܬ ܐܝܟ ܕܠܨܥܪܗ
077:15	ܘܠܒܗܬܬܗ ܕܣܛܢܐ ܕܡܢ ܫܘܒܚܐ ܗ݀ܘ ܩܕܡܝܐ ܘܡ݂ܢ
077:16	ܐܬܪܐ ܕܠܘܬ ܐܐܪ ܠܫܝܛܘܬܐ ܕܐܝܟ ܗܕܐ ܐܬ݂ܐ
077:17	ܕܢܥܡܪ ܒܪ̈ܚܫܐ ܕܫܝܛ ܡ݂ܢ ܟܠ ܚܝ̈ܘܢ܂ ܘܕܐܪܒܥ ܒܗ݀ܝ
077:18	ܕܟܠܗܝܢ ܐܟܠܬ ܒܣܪܐ ܒܢܝܒ̈ܝܗܝܢ ܕܝܢ ܘܒܥܪ̈ܫܝܗܝܢ
077:19	ܠܬܒܪܐ ܕܨܝܕܗܝܢ ܡܬܚܫ̈ܚܢ ܘܦܪ̈ܚܬܐ ܒܡܩ̈ܘܙܝܗܝܢ܃
077:20	ܒܪܢܫܐ ܕܝܢ ܒܐܝ̈ܕܘܗܝ܃ ܚܘܝܐ ܕܝܢ ܠܚܘܕ ܒܠܫܢܗ ܐ݁ܫܕ
077:21	ܡܪܬܗ ܘܩ݁ܛܠ ܘܡܘܒܕ܂ ܠܛܫܘ ܠܡ ܠܫܢܗܘܢ ܐܝܟ
077:22	ܕܚܘܝܐ܂ ܐܝܟ ܕܐܦ ܣܛܢܐ ܒܠܫܢܗ ܩܛܠܗ݀ ܠܐܢܫܘܬܐ
077:23	ܘܩ݁ܛܠ ܗܝܕܝܟ ܘܗܫܐ ܒܡܪܡܝܢܘܬܐ܂ ܐܦ ܡܪܡܝܢܐ
077:24	ܓܝܪ ܬܪ̈ܝܢܝ ܠܫܢ̈ܐ ܡܫܬܡܗ܂ ܠܘ ܕܬܪ̈ܝܢ ܠܫ̈ܢܐ ܐܝܬ
077:25	ܠܒܪܢܫܐ ܐܠܐ ܚܕ ܕܒܡܠܬܐ ܡܬܦܠܓ܂ ܘܐܦ ܒܚܘܝܐ
077:26	ܚܕ ܗ݂ܘ ܥܩܪܐ ܕܠܫܢܗ ܘܒܫܘܠܡܗ ܦܨܝܠ ܘܦܪܝܫ܂

077:27	ܕܒܕܓܘܢ ܡܪܡܝܢܐ ܘܐܟܠܩܪܨܐ ܒܬܪܝܢܘܬ ܠܫ̈ܢܐ

077:28	ܡܬܟܢܝܢ܂ ܘܕܚܡܫ ܕܦ݁ܚܡ ܠܗ ܒܡܪܝܪܘܬܗ܂ ܘܕܫܬ
077:29	ܕܡܚܝ̈ܢܢ ܕܝܠܝ̈ܬܗ ܠܠܘܛܬܗ ܕܣܛܢܐ܂ ܡ݂ܢ ܕܝܢ ܕܥܠ ܒܗ