The Comprehensive Aramaic Lexicon

118:01	ܠܬܚܬ ܦܬܝܢ܃ ܡ݂ܢ ܠܥܠ ܕܝܢ ܐܝܟ ܒܝܬ ܓܘܡܠܐ܂
118:02	ܘܬܪܥܗ݀ ܕܩܒܘܬܐ ܒܣܛܪܗ݀܂ ܘܒܣܒܠܬܐ ܡܣܩܝܢ
118:03	ܗܘܘ ܠܚܝܘ̈ܬܐ ܘܕܫܪܟܐ܂ ܘܪ̈ܡܝܢ ܒܗ݀ ܟܕ ܒܥܝܪܐ
118:04	ܘܦܪܚܬܐ ܘܒܢܝܢܫܐ ܒܡܕܝܪܐ ܥܠܝܐ܂ ܘܚܝܘܬ ܒܪܐ
118:05	ܒܡܨܥܝܐ܂ ܘܪ̈ܚܫܐ ܒܬܚܬܝܐ܂ ܨܦܪ ܩ݁ܪܐ ܠܨܦܪ̈ܐ
118:06	ܕܦܪ̈ܚܢ܂ ܓܦ ܕܝܢ ܠܢܨܐ ܘܕܫܪܟܐ ܕܓܦܢܐ ܕܐܟܘܬܗ܂
118:07	ܩܒܘܬܐ ܩܪܗ݀ ܡܛܠ ܐܣܟܝܡܐ ܕܬܘܩܢܗ݀ ܒܕܠܘ

118:08	ܓܠܝܠܬܐ ܗܘܬ܂ ܘܬܘܒ ܡܛܠ ܩܒܝܒܘܬܗ݀܃ ܥܠ ܕܡܛܠܠܬܐ

118:09	ܗܘܬ ܘܠܘ ܦܬܝܚܬܐ ܐܝܟ ܐܠܦܐ ܐܠܐ ܐܝܟ ܒ̈ܬܐ܂
118:10	ܟܕ ܒܟܘܬܐ ܗ݀ܝ ܕܐܫܬܕܪܘ ܥܘܪܒܐ ܘܝܘܢܝܐ܂ ܒܢܗ݀
118:11	ܡܥܝܠܝܢ ܗܘܘ ܡܝ̈ܐ ܘܫ݁ܬܝܢ܂ ܘܡܢܗ݀ ܚ݁ܙܝܢ ܫܡܫܐ ܘܝܘܒܠܐ
118:12	ܕܐܝܡܡܐ ܘܕܠܠܝܐ܂ ‍{‍v݁ 19‍}‍ ܟܕ ܦܩܕܗ ܕܢܥܒܕ ܩܒܘܬܐ܃
118:13	ܬܪ̈ܝܢ ܬܪ̈ܝܢ ܦܩܕܗ ܕܢܥܠ ܕܟܪ̈ܐ ܘܢܩܒ̈ܬܐ܂ ܡ݂ܢ ܕܝܢ ܕܥܠ
118:14	ܠܩܒܘܬܐ܃ ܫܒܥ ܫܒܥ ܐܡ݂ܪ ܢܒܝܐ ܕܥܠ ܥܡܗ ܕܟܝ̈ܬܐ܃
118:15	ܘܛܡ̈ܐܬܐ ܬܪ̈ܬܝܢ܂ ܕܢܚܘܐ ܕܠܩܘܝܡ ܓܢܣܗܝܢ ܣܦ̈ܩܢ
118:16	ܗܘܝ̈ ܬܪ̈ܬܝܢ ܬܪ̈ܬܝܢ܂ ܐܠܐ ܡܛܠ ܚܫܚܬܗ ܕܒܪܢܫܐ
118:17	ܕܝܩܝܪ ܡ݂ܢ ܟܠ ܘܡܛܠ ܩܘܪܒܐ ܕܕܒ̈ܚܐ ܕܩܕܡ ܐܠܗܐ
118:18	ܐܣܓܝ ܕܟܝ̈ܬܐ܂ ܘܐܢ̈ܫܝܢ܃ ܕܐܦ ܠܡ ܒܪܫܝܬ ܗܟܢ
118:19	ܐܬܒܪ̈ܝܝܢ ܕܟܝ̈ܬܐ ܘܛܡ̈ܐܬܐ܂ ܗ݀ܘ ܦܘܩܕܢܐ ܕܐܝܬܝ
118:20	ܘܩܪܒ ܐܢܝ̈ܢ ܠܘܬ ܐܕܡ܃ ܗ݀ܘ ܟܢ݂ܫ ܐܢܝ̈ܢ ܠܘܬ ܢܘܚ ܕܠܐ
118:21	ܥܡܠܐ ܕܝܠܗ܂ ܡܬܟܢ̈ܫܢ ܗܘܝ̈ ܚܝ̈ܘܬܐ ܣܪ̈ܘܚܬܐ
118:22	ܘܡܫܝ̈ܢܬܐ ܠܘܬ ܢܘܚ ܒܚܕܐ ܐܘܝܘܬܐ܂ ܐܝܟ ܕܩܝ̈ܡܢ
118:23	ܗܘܝ̈ ܩܕܡ ܐܕܡ ܩܕܡ ܥܒ݂ܪ ܦܘܩܕܢܐ܃ ܘܟܕ ܚܛ݂ܐ ܡܪ̈ܕܢ
118:24	ܡܢܗ܂ ܟܕ ܠܕܟܝ̈ܬܐ ܡ݂ܢ ܡܢܝܢܗܝܢ ܝ݁ܠܦ
118:25	ܗܘܐ ܐܢܝ̈ܢ ܢܘܚ܂ ܫܡܐ ܗܟܝܠ ܕܕܟܝܘܬܐ ܘܕܛܡܐܘܬܐ
118:26	ܡ݂ܢ ܗܪܟܐ ܝܠܦܝܢܢ܂ ܐܢܕܝܢ ܒܟܝܢܐ ܛܡ̈ܐܢ ܗܘܝ̈܃ ܠܐ
118:27	ܐܠܗܐ ܒܪܐ ܗܘܐ ܠܗܝܢ ܘܠܐ ܫܘܠܛܢܐ ܝ݁ܗܒ ܗܘܐ
118:28	ܒܬܪܟܢ ܠܢܘܚ܃ ܕܗܐ ܝܗܒܬ ܠܟ ܟܠ ܐܝܟ ܝܘܪܩܐ
118:29	ܕܥܣܒܐ܂ ܒܣܝܠܝܘܣ܂ ܟܢ̈ܫܐ ܠܡ ܘܒܩܪ̈ܐ ܘܣܝ̈ܥܬܐ