The Comprehensive Aramaic Lexicon

119:01	ܡܫܪ̈ܬܚܬܐ ܐܬܒܪܝ ܚܝ̈ܘܬܐ ܘܦܪ̈ܚܬܐ܂ ܕܡܝܐ ܕܗܠܝܢ
119:02	ܕܒܩܒܘܬܐ ܡܛܠ ܙܥܘܪܘܬ ܡܐܟܘܠܬܗܘܢ ܐܦܠܐ
119:03	ܙܒܠܐ ܟܝܢܝܐ ܫܕܝܢ ܗܘܘ܂ ܘܐܠܐ ܡܬܐܠܝܨܝܢ ܗܘܘ
119:04	ܒܪܝܚܐ ܣܪܝܐ܂ ܘܕܡ݁ܐ ܫܬܩܗܘܢ ܘܫܠܝܗܘܢ
119:05	ܕܒܩܒܘܬܐ ܠܚܝ̈ܘܬܐ ܕܒܢܩ̈ܥܐ ܡܩ̈ܢܢ܃ ܕܟܠܗ ܣܬܘܐ
119:06	ܕܠܐ ܐܘܟܠܐ ܘܒܫܠܝܐ ܡܩ̈ܘܝܢ܃ ܘܟܕ ܢܦܩ̈ܢ ܒܙܒܢ ܩܝܛܐ

119:07	ܫܡܝܢ ܒܣܪܗܝܢ ܘܡܦܛ̈ܡܢ܂ ܘܕܒܐ ܒܣܬܘܐ ܡ݂ܢ ܡܬܩܐ

119:08	ܕܟܪܬܗ݀ ܚܐܝܐ܃ ܘܒܢܝܣܢ ܠܡܚܣܢ ܢܦܩܐ ܡ݂ܢ ܫܘܡܢܗ݀
119:09	ܡ݂ܢ ܬܪܥܐ ܕܒܗ ܥܠܬ܂ ܡܝܟܐܝܠ ܘܐܚܪ̈ܢܐ܃ ܕܥܡ
119:10	ܡܙܘܢܐ ܠܡ ܐܦ ܡܝ̈ܐ ܐܥܠ ܥܡܗܘܢ܂ ܐܚܪ̈ܢܐ܃ ܕܠܐ
119:11	ܠܡ܂ ܐܠܐ ܡ݂ܢ ܠܒܪ ܫܬܝܢ ܗܘܘ܃ ܒܕܠܐ ܠܡ ܥܕܟܝܠ
119:12	ܡܠܝܚܝܢ ܗܘܘ܃ ܐܠܐ ܠܚܪܬܐ ܡܠ݂ܚܘ ܒܝܡܡ̈ܝܗܘܢ ܡ݂ܢ
119:13	ܝܒܝܫܘܬܐ ܕܐܪܥܐ ܘܠܗ̈ܓܐ ܕܫܡܫܐ܂ ܐܝܟ ܕܢܦܫܪܘܢ
119:14	ܘܢܛܠܩܘܢ ܠܡܝ̈ܐ ܝܬܝܪ̈ܐ ܕܢ݁ܦܠܝܢ ܬܡܢ܂ ܘܐܦ ܠܐܐܪ
119:15	ܡܩܛܢܝܢ ܡܠܝ̈ܚܐ܂ ܘܝܕܝܥܐ ܡ݂ܢ ܗ݀ܝ ܕܒܨܝܪ ܗ݀ܘܐ
119:16	ܡܘܬܢܐ ܒܓܙܪ̈ܬܐ܂ ܘܩܝ̈ܣܐ ܕܐܠܦܐ ܝܬܝܪ ܢܛܪܝܢ ܕܠܐ
119:17	ܢܬܡܣܘܢ܂ ܘܐܦ ܝܬܝܪ ܩܠܝܠܐܝܬ ܐܙ̈ܠܢ ܐܠܦ̈ܐ ܒܡܝ̈ܐ
119:18	ܡܠܝ̈ܚܐ܂ ܘܐܦ ܢܘܢܝ̈ܗܘܢ ܝܬܝܪ ܦܫܝܩܝܢ ܠܦܫܪܐ܂
119:19	ܐܟܚܕ ܕܝܢ ܘܕܠܐ ܢܣܪܘܢ ܘܢܘܒܕܘܢ ܠܒܢܝܢܫܐ ܐ݁ܘ
119:20	ܢܘܠܕܘܢ ܚܠܘܛܐ܀
119:21	‍{‍ VIÏ 11‍}‍ ܗ݀ܝ ܕܐܬܬܪܥܘ ܟܠ ܡܒܘ̈ܥܝ ܬܗܘܡܐ܂
119:22	ܗܢܘ܂ ܕܗ݂ܢܘܢ ܡܒ̈ܘܥܐ ܕܝܡ̈ܡܐ ܐܦ ܢܗܪ̈ܘܬܐ
119:23	ܘܝܡ̈ܡܬܐ ܓܣܝܢ ܗܘܘ ܡ̈ܝܐ܃ ܘܡܩܘܛܝܘ ܡܩܘܛܝܢ
119:24	ܗܘܘ ܘܥܠ ܐܪܥܐ ܕܥܡܪ̈ܢ ܗܘܝ̈ ܒܗ݀ ܥܣܪ ܫܪ̈ܒܢ
119:25	ܟܫܝܢ ܗܘܘ܂ ܘܢܣ̈ܟܐ܂ ܗܢܘ܂ ܡܣ̈ܘܟܐ ܕܫܡ̄܂ ܝܘܢܝܐ܃
119:26	ܩܛܪ̈ܩܐ ܠܡ܂ ܣܘܡܟܘܣ܃ ܘܟܘ̈ܐ ܕܫܡܝܐ܂ ܡܣܘ̈ܟܐ
119:27	ܡܛܠ ܕܐܝܟ ܣܝܠܘܢܐ ܡܕܡ ܡܬܢܣܟܝܢ ܗܘܘ ܡܝ̈ܐ ܘܠܘ
119:28	ܐܝܟ ܡܛܪܐ ܢܚܬܝܢ ܗܘܘ܂ ܡܪܝ ܒܣܝܠܝܘܣ ܕܝܢ ܘܐܦܪܝܡ
119:29	ܘܢܪܣܝ܃ ܕܡ݂ܢ ܡܝ̈ܐ ܠܡ ܕܠܥܠ ܡ݂ܢ ܪܩܝܥܐ ܢܚܬܝܢ ܗܘܘ܂