← Back
The Comprehensive Aramaic Lexicon
← Return to the Text Browser
click on the file description for more information

63101: IshGen (Ishodad of Merv on Genesis)

Click on a word for lexical analysis
Click on a red-colored coordinate for comments and/or translations of the line

previous chapter


124:01 ܡܕܡ ܕܐܚܝܕ ܒܗܝܢ ܛܟܣܐ ܕܢܦܫܐ܂ ܗܢܘ܂ ܕܡܐ܃
124:02 ܦܩ݁ܕ ܒܙܗܝܪܘ ܕܢܐܫܕܘܢܝܗܝ ܒܐܪܥܐ ܘܢܩܒܪܘܢܝܗܝ
124:03 ܒܛܟܣܐ ܕܢܦܫܐ܂ ܢܦܫܐ ܠܡ ܕܟܠ ܒܣܪ ܕܡܐ ܗ݂ܘ܂
124:04 ܗܢܘ܂ ܪܘܚܐ ܢܦܫܢܝܬܐ ܕܡܙܝܥܐ ܠܗܝܢ ܒܕܡܐ ܣܝܡܐ
124:05 ܡܛܠ ܫܚܝܢܘܬܗ܂ ܕܒܗܕܐ ܢܠܦܢ ܕܐܢ ܥܠ ܕܡܐ
124:06 ܕܚܝ̈ܘܬܐ ܕܕܘܟܬ ܢܦܫܐ ܡܡܠܐ ܠܗܝܢ ܗܕܐ ܟܠܗ݀
124:07 ܙܗܝܪܘܬܐ ܚܘܝ܃ ܟܡܐ ܚܝܒܝܢܢ ܠܡܥܪܩ ܡ݂ܢ ܩܛܠܐ
124:08 ܕܐܢܫܐ ܕܝܩܝܪ ܡ݂ܢ ܟܠ܃ ܒܕܠܐ ܡܨܝܐ ܠܡܐܫܕ ܢܦܫܗ
124:09 ܗ݀ܝ ܕܐܝܬܝܗ݀ ܠܐ ܡܝܘܬܬܐ܂ ‍{‍v݁ 5‍}‍ ܗ݀ܝ ܕܕܡܐ ܕܢܦܫܟܘܢ
124:10 ܐܬܒܥ ܘܕܫܪܟܐ܂ ܠܘ ܐܝܟ ܡ݁ܢ ܕܡ݂ܢ ܚܝ̈ܘܬܐ ܬܒ݁ܥ
124:11 ܠܢܦܫܐ܂ ܐܠܐ ܕܢܛ݁ܪ ܐܢܐ ܠܡ ܠܟܘܢ ܒܝܕ ܒܛܝܠܘܬܝ
124:12 ܡ݂ܢ ܟܠܗܝܢ ܕܡܟ̈ܝܢ܂ ܗ݀ܝ ܕܐܬܒܥ ܚܠܦ ܗ݀ܝ ܕܡܬܒܛܠ ܠܝ
124:13 ܐܡ݁ܪ܂ ܐܠܘ ܓܝܪ ܫܠܝ̈ܛܢ ܗܘܝ̈ ܚܝ̈ܘܬܐ ܠܡܟܝܘܬܢ ܐܝܟ
124:14 ܕܚܢܢ ܥܠܝܗܝܢ܃ ܟܒܪ ܡ݂ܢ ܟܕܘ ܡܚܒܠ ܗܘܐ ܓܢܣܐ
124:15 ܐܢܫܝܐ ܠܓܡܪ܂ ܒܪܢܫܐ ܓܝܪ ܒܝܕ ܦܘܪ̈ܣܐ ܣܓ̈ܝܐܐ
124:16 ܡܫܟܚ ܠܡܫܬܠܛܘ ܥܠܝܗܝܢ ܐ݁ܘ ܠܡܣܛܝܘ ܡ݂ܢ ܢܟܝܢܗܝܢ܃

124:17 ܘܕܠܐ ܥܘܕܪܢܐ ܕܡ݂ܢ ܠܒܪ ܠܐ ܡܨܐ ܕܢܐܪܘܥ ܚܐܦܗܝܢ܂

124:18 ܗ݂ܢܝܢ ܕܝܢ ܒܟܝܢܗܝܢ ܡܙ̈ܝܥܢ܃ ܒܫ̈ܢܐ ܘܒܩܪ̈ܢܐ ܘܒܛܦܪ̈ܐ
124:19 ܘܒܥܘ̈ܩܣܐ܂ ܕܠܐ ܢܟܝܢܐ ܠܡ ܡܢܛܪ ܐܢܐ ܠܟܘܢ ܡ݂ܢ
124:20 ܚܝ̈ܘܬܐ ܘܡ݂ܢ ܚ̈ܕܕܐ܂ ܗܢܘ܂ ܡܪܡܐ ܐܢܐ ܕܚܠܬܟܘܢ
124:21 ܥܠ ܟܠܗܝܢ ܚܝ̈ܘܬܐ܃ ܕܠܐ ܢܣ̈ܥܝܢ ܥܠܝܟܘܢ ܐܝܟ ܕܡ݂ܢ
124:22 ܩܕܝܡ ܡ݂ܢ ܥܠܬ ܥܒܪ ܦܘܩܕܢܐ܂ ܠܘ ܓܝܪ ܡ݂ܢ ܬܘܪ̈ܐ
124:23 ܬܒ݁ܥ ܐܢܐ ܠܟܘܢ܃ ܒܗ݀ܝ ܕܬܘܪܐ ܕܕܩ݁ܪ ܦܩܝܕ ܒܢܡܘܣܐ
124:24 ܠܡܬܩܛܠܘ܃ ܐܝܟ ܕܪܢܘ ܐܢܫ̈ܝܢ܂ ܬܘܪ̈ܐ ܓܝܪ ܠܘ ܟܠܗܝܢ
124:25 ܚܝ̈ܘܬܐ ܐܠܐ ܚܕ ܐܝܬܘܗܝ܂ ܐܚܪ̈ܢܐ܃ ܠܐ ܠܡ ܒܕܝܢܐ
124:26 ܕܥܬܝܕ ܐܬܒܥ ܕܡܟܘܢ ܡ݂ܢ ܚܝ̈ܘܬܐ ܘܕܫܪܟܐ܃ ܐܠܐ
124:27 ܒܢܡܘܣܐ ܗ݀ܘ ܕܒܬܪܟܢ ܝܗ݀ܒ ܐܢܐ܃ ܕܟܠ ܕܩ݁ܛܠ ܠܡ
124:28 ܢܬܩܛܠ܃ ܒܪܢܫܐ ܘܚܝܘܬܐ܂ ܗ݀ܝ ܕܡ݂ܢ ܐܝܕܐ ܕܓܒܪܐ
124:29 ܘܐܚܘܗܝ܂ ܗܢܘ܂ ܐܦܢ ܐܚܘܗܝ ܐܝܬܘܗܝ ܕܣ݁ܥܪ ܠܕܐܝܟ

next chapter