The Comprehensive Aramaic Lexicon

130:01	‍{‍v݁ 27‍}‍ ܗ݀ܝ ܓܝܪ ܕܢܦܬܐ ܐܠܗܐ ܠܝܦܬ܂ ܗܢܘ܂ ܕܢܫܬܪܬܚ
130:02	ܓܢܣܗ܃ ܐܝܟܢܐ ܕܒܡܢܬܐ ܣܓܝܐܬܐ ܕܐܪܥܐ ܢܬܒ܂
130:03	ܘܐܝܟ ܕܡܬܚܙܝܐ ܦܠܓܗ ܕܥܠܡܐ ܝܦܬ ܐܚܝܕ ܘܦܠܓܗ
130:04	ܐܚܪܢܐ ܬܪ̈ܝܢ ܐܚܘ̈ܗܝ܂ ܓܪܒܝܐ ܟܠܗ݀ ܘܡܥܪܒܐ ܒܢ̈ܝ
130:05	ܝܦܬ ܐܚܝܕܝܢ܂ ܘܬܝܡܢܐ ܒܢ̈ܝ ܫܡ܂ ܘܡܨܥܬܐ ܘܡܕܢܚܐ
130:06	ܒܢ̈ܝ ܫܝܡ܂ ܐܝܬ ܠܗ ܠܝܦܬ ܕܩܠܬ ܘܠܫܝܡ ܦܪܬ ܘܠܚܡ
130:07	ܓܝܚܘܢ܂ ‍{‍v݁ 26‍}‍ ܘܗ݀ܝ ܕܒܪܝܟ ܡܪܝܐ ܐܠܗܗ ܕܫܝܡ܂
130:08	ܗܢܘ܂ ܒܝܕ ܗ݀ܘ ܕܡ݂ܢ ܙܪܥܗ ܡܬܝܒܠ܃ ܡܣܬܓܕ ܘܡܬܒܪܟ
130:09	ܐܠܗܐ܂ ‍{‍v݁ 27‍}‍ ܘܗ݀ܝ ܕܢܫܪܐ ܒܡܫܟܢܗ ܕܫܝܡ܂ ܗܢܘ܂
130:10	ܠܘܩܕܡ ܫܪܐ ܒܡܘ̈ܠܟܢܐ ܕܒܝܘܒܠܗ ܘܥܡ݁ܪ܃ ܘܠܚܪܬܐ
130:11	ܒܗܝܟܠܐ ܕܢ݁ܣܒ ܡܢܗܘܢ܂ ܘܒܝܕ ܗ݀ܝ ܕܢܗܘܐ ܟܢܥܢ
130:12	ܥܒܕܐ ܠܗܘܢ܃ ܥܠ ܗ݀ܝ ܕܡ݁ܢ ܕܦܠܚ ܚܛܝܬܐ ܥܒܕܐ
130:13	ܗ݂ܘ ܕܚܛܝܬܐ܂ ܘܗ݀ܝ ܕܠܗܘܢ ܘܠܘ ܠܗ܃ ܡܛܠ ܡܚܝܠܘܬܐ
130:14	ܕܗܝܕܝܟ܂ ܡܬܐܡܪܐ ܓܝܪ ܕܝܦܬ ܗ݂ܘ ܗܘ݂ܐ ܩܫܝܫܐ
130:15	ܘܚܡ ܡܨܥܝܐ܂ ܐܝܟ ܡ݁ܢ ܕܐܦ ܟܕ ܬܢܐ ܫܪ̈ܒܬܗܘܢ
130:16	ܠܝܦܬ ܡܩܫܫ܂ ܫܝܡ ܕܝܢ ܐܬܬܣܝܡ ܒܘܟܪܐ܃ ܡܛܠ

130:17	ܒܝܬܝܘܬܗ ܕܠܘܬ ܐܠܗܐ ܘܥܠ ܕܡܢܗ ܥܬܝܕ ܗܘܐ

130:18	ܠܡܕܢܚ ܡܫܝܚܐ ܒܒܣܪ܂ ܐܝܟ ܕܐܦ ܐܒܪܗܡ ܐܬܛܟܣ
130:19	ܒܘܟܪܐ ܕܬܪܚ܃ ܟܕ ܗܪܢ ܩܫܝܫ ܗܘܐ ܡܢܗ܂ ܡܛܠ
130:20	ܗܠܝܢ ܕܐܬܐܡܪ ܠܚܡ ܕܝܢ ܐܦܩܬܗ ܚܛܝܬܐ ܡ݂ܢ ܡܨܥܬܐ
130:21	ܘܫܢܝܬܗ ܙܥܘܪܐ܂ ܘܗ݀ܝ ܕܩ݂ܪܐ ܠܫܝܡ ܐܚܘܗܝ ܕܝܦܬ
130:22	ܪܒܐ܂ ܗܢܘ܂ ܐܚܐ ܩܫܝܫܐ ܕܝܦܬ܂ ܫܝܡ ܫܡܐ ܛܒܐ
130:23	ܡܬܦܫܩ܂ ܝܦܬ ܦܬܝܘܬܐ܂ ܢܘܚ ܢܝܚܐ݁
130:24	‍{‍v݁ 21‍}‍ ܘܙ݁ܕܩ ܕܢܕܥ ܕܠܐ ܥܕܝܠ ܟܐܢܐ ܒܗ݀ܝ ܕܪܘܝ܂
130:25	ܚܕܐ܃ ܒܕܠܝܬ ܡ݂ܢ ܩܕܡܘܗܝ ܕܒܫܩܘܬ ܚܡܪܐ
130:26	ܐܬܢܣܝ ܕܡܢܗ ܢܬܚܟܡ܂ ܕܬܪ̈ܬܝܢ܃ ܕܐܦܠܐ ܗ݂ܝ ܚܫܚܬܐ
130:27	ܕܢܣܝܢܗ ܫܩܝܠܐ ܗܘܬ ܠܗ܂ ܕܬܠܬ܃ ܕܪܫܝܬ ܚܡܪܐ
130:28	ܕܚܕܬܐܝܬ ܡܬܥܨܪ ܘܩܠܝܠܐܝܬ ܡܪܘܐ܃ ܐܝܟ ܕܐܦ ܒܗ
130:29	ܐܛܨܚܝܘ ܫܠܝ̈ܚܐ܂ ܕܐܪܒܥ܃ ܡܛܠ ܚܕܬܘܬ ܡܘܙܓܐ