← Back
The Comprehensive Aramaic Lexicon
← Return to the Text Browser
click on the file description for more information

63101: IshGen (Ishodad of Merv on Genesis)

Click on a word for lexical analysis
Click on a red-colored coordinate for comments and/or translations of the line

previous chapter


136:01 ܘܐܬܬܘܬܒ ܒܐܬܪ̈ܘܬܐ ܐܚܪ̈ܢܐ܂ ܗܢܘ܂ ܒܚܡܨ
136:02 ܘܒܐܦܡܝܐ ܘܐܘܪܗܝ ܘܕܫܪܟܐ܂ ܐܝܟ ܫܪܪܐ ܕܝܢ
136:03 ܐܬܒܠܒܠ ܠܫܢܐ ܣܘܪܝܝܐ ܝܬܝܪܐܝܬ ܕܝܢ ܒܒܒܠ܃ ܒܥܠܬ
136:04 ܡܠ̈ܟܐ ܕܫ݁ܒܝܢ ܗܘܘ ܠܚ̈ܕܕܐ܂ ܘܓܝܘܪܐ ܘܬܘܬܒܐ ܠܐ
136:05 ܣܟ ܡܬܡܪܩ ܠܫܢܗ܂ ܬܘܒ ܕܝܢ ܐܬܒܠܒܠ ܐܪܡܝܐ ܡ݂ܢ
136:06 ܫܒܒܘܬܐ ܕܠܫܢܐ ܕܥܠ ܓܒܗ܂ ܐܝܟ ܕܐܦ ܠܫܪܟܐ
136:07 ܕܠܫܢ̈ܐ ܓܕܫܬ ܗܕܐ܂ ܐܫܬܠܡܘ ܕܝܢ ܟܬܒ̈ܐ ܒܥܒܪܝܐ܃
136:08 ܠܘ ܡܛܠ ܡܝܩܪܘܬܗ ܘܪܘܝܚܘܬܗ܂ ܣܓܝ ܓܝܪ ܨܪܝܟ܂
136:09 ܐܠܐ ܕܠܐ ܦܐܝܐ ܗܘܬ ܕܠܘ ܒܗ݀ܘ ܕܒܗ ܡܕܪܫܝܢ
136:10 ܗܘܘ ܢܬܚܫܚܘܢ ܘܢܩܪܘܢ܂ ܘܐܠܐ ܡܬܥܘܟܝܢ ܗܘܘ
136:11 ܡ݂ܢ ܗܪܓܐ ܕܒܟ̈ܬܒܐ ܗ݀ܘ ܥܡܐ ܥܛܠܐ ܘܥܒܝܐ܂
136:12 ‍{‍v݁ 2‍}‍ ܚܢܢܐ ܠܡܕܢܚܐ ܠܡ ܠܘ ܠܐܪܥܐ ܕܚܕܪ̈ܝ ܦܪܕܝܣܐ
136:13 ܩ݁ܪܐ ܕܫܢܝܘ ܡܢܗ݀ ܒܝܕ ܩܒܘܬܐ܂ ܒܗ݀ܝ ܕܢܘܚ ܠܚܘܕ
136:14 ܘܬܠܬܐ ܒܢ̈ܘܗܝ ܐܬܘ ܡ݂ܢ ܗ݀ܘ ܓܒܐ܂ ܗܠܝܢ ܕܝܢ ܟܠܗܘܢ
136:15 ܒܬܪ ܛܘܦܢܐ ܝܠܝܕܝܢ܂ ܐܠܐ ܟܐܡܬ ܡ݂ܢ ܐܬܪܐ ܕܣܝ݂ܡ
136:16 ܠܒܒܠ ܐܬܘ ܠܒܒܠ݁ ܟܐܡܬ ܕܟܕ ܣܓܝܘ ܒܢ̈ܝ ܢܘܚ
136:17 ܒܬܡܢܘܢ ܐܚܕܘ ܢܗܪܐ ܕܩܠܬ ܘܢܚܬܘ܂ ܘܗܘ݂ܐ ܕܟܕ
136:18 ܫܩܠ݂ܘ ܡ݂ܢ ܡܕ̄܂ ܗܢܘ܂ ܐܫܬܩܠܘ ܡܢ ܡܕܢܚܐ ܒܝܕ
136:19 ܩܒܘܬܐ ܘܐܬܘ ܠܡܥܪܒܐ܂ ܐܫܟܚܘ ܦܩܥܬܐ
136:20 ܒܐܪ̄܂ ‍{‍v݁ 3‍}‍ ܡܛܠ ܦܩܥܬܐ ܪܘܝܚܬܐ ܘܡܛܠ ܢܗܪ̈ܘܬܐ
136:21 ܕܬܡܢ ܘܐܪܥܐ ܫܦܝܬܐ ܘܫܦܝܪܬܐ ܘܡܛܠ ܕܠܐ ܩܪ̈ܝܒܝܢ
136:22 ܗܘܘ ܠܗܘܢ ܛܘܪ̈ܐ ܕܢܦܣܠܘܢ܃ ܐܬܦܪܣܘ ܕܢܦܚܪܘܢ
136:23 ܠܠܒܬܐ ܒܢܘܪܐ ܕܬܗܘܐ ܐܝܟ ܛܪܢܐ܂ ܝܘܢܝܐ܃ ܬܘ
136:24 ܢܠܒܢ ܠܒ̈ܢܐ ܘܢܛܘܐ ܐܢ̈ܝܢ ܒܢܘܪܐ܂ ܘܗܘܝܐ ܠܗܘܢ
136:25 ܗܕܐ ܠܒܬܐ ܡܦܚܪܬܐ ܠܟܐܦܐ܂ ܗܢܘ܂ ܚܠܦ ܟܐܦܐ܂
136:26 ܘܣܝܕܐ ܕܐܝܬܘܗܝ ܥܦܪܐ ܡܘܩܕܐ ܐ݁ܘ ܟܐ̈ܦܐ

136:27 ܕܡܘܩ̈ܕܢ ܒܢܘܪܐ܃ ܗܢܐ ܟܠܫܐ ܕܩ݁ܪܝܢ ܠܗ ܢܘܪܬܐ܃


next chapter