The Comprehensive Aramaic Lexicon

140:01	‍{‍v݁ 27‍}‍ ܢܘܚ ܓܝܪ ܚ݂ܙܐ ܠܐܒܪܗܡ ܘܬܢܝ ܠܗ ܫܪ̈ܒܬܐ
140:02	ܕܒܝܬ ܐܕܡ ܘܕܫܪܟܐ܃ ܗܠܝܢ ܕܫܡ݂ܥ ܡ݂ܢ ܠܡܟ ܐܒܘܗܝ܃
140:03	ܗܢܐ ܕܒܫܢܬ ܬܠܬܝܢ ܘܚܕܐ ܕܝܠܗ ܡܝܬ ܐܕܡ܂ ܢܘܚ ܕܝܢ
140:04	ܡܝܬ ܒܐܘܪ ܕܟܠܕܝ̈ܐ ܒܫܢܬ ܬܫܥܡܐܐ ܘܚܡܫܝܢ ܫܢ̈ܝܢ
140:05	ܕܝܠܗ܃ ܒܫܢܬ ܚܡܫܝܢ ܘܬܡܢܐ ܠܐܒܪܗܡ܃ ܟܕ ܚ݂ܙܐ
140:06	ܬܡܢܬܥܣܪ ܕܪ̈ܝܢ܂ ܥܠܬܐ ܕܓܒܝܬܗ ܕܐܒܪܗܡ܂ ܚܕܐ
140:07	ܡܛܠ ܙܕܝܩܘܬܗ ܘܗܝܡܢܘܬܗ܂ ܕܬܪ̈ܬܝܢ ܕܙܕܩܐ ܗܘܬ
140:08	ܕܡܢܗ ܢܬܩܝܡ ܓܢܣܐ ܝܣܪܠܝܐ܃ ‍{‍ܗ݀ܝ‍}‍‍<‍ܗ݀ܘ‍>‍ ܕܥܡ ܡܕܒܪܢܘܬܐ
140:09	ܕܠܘܬܗܘܢ ܐܦ ܡܢܗ ܢܬܝܠܕ ܡܫܝܚܐ܂ ܬܘܒ ܡܥܕ
140:10	ܐܠܗܐ ܕܠܡܝܬܪ̈ܐ ܢܘܪܒ܂ ‍{‍v݁ 28‍}‍ ܐܘܪ ܐܝܟ ܐܢ̈ܫܝܢ
140:11	ܠܒܝܬ ܐܪ̈ܡܝܐ ܩ݁ܪܐ܂ ܗܢܘ܂ ܡܚ̈ܘܙܐ܂ ܒܫܪܪܐ ܕܝܢ
140:12	ܐܘܪܟ ܗ݂ܝ ܕܒܟܫܟܪ܂ ܐܘܪ ܘܐܘܪܟ ܘܐܟܪ ܗܠܝܢ ܬܠܬ
140:13	ܚܕܐ ܐܢ̈ܝܢ ܘܒܐܬܪܐ ܐܢܝ̈ܢ ܕܟܫܟܪ܂ ܟܠܝܐ ܗ݂ܝ ܟܫܟܪ
140:14	ܘܐܪܟ ܗ݂ܝ ܣܠܩ܂ ܘܫܠܚ ܗ݂ܝ ܩܪܝܬܐ ܪܒܬܐ ܕܡܬܩܪܝܐ
140:15	ܚܛܪ̈ܐ܃ ܕܐܬܒܢܝܬ ܡ݂ܢ ܣܢܛܪܘ ܡܠܟܐ ܕܦܪ̈ܣܝܐ܂ ܘܐܬܘܪ
140:16	ܐܬܒܢܝܬ ܡ݂ܢ ܢܫܘܪ ܡܠܟܐ ܕܦܪ̈ܣܝܐ܂ ܪܚܒܘܬ ܗ݂ܝ ܗ݂ܝ
140:17	ܐܪܒܝܠ ܕܒܚܙܐ܃ ܕܒܢܗ݀ ܒܠܘܣ ܡܠܟܐ܂ ܢܝ̈ܢܘܐ ܒܢܗ݀
140:18	ܢܝܢܘܣ ܒܪ ܢܝܢܘܣ ܒܪ ܒܠܘܣ܂ ܗܢܘ܂ ܫܡܝܪܡ ܐܡܗ܂
140:19	ܘܨܘܒܐ ܒܢܗ݀ ܗܕܪܥܙܪ ܘܩ݂ܪܗ݀ ܨܘܒܐ܃ ܘܟܢ ܐܢܛܝܟܘܣ
140:20	ܡܠܟܐ ܘܩܪܗ݀ ܡܓܕܘܢܝܐ ܥܠ ܫܡ ܐܢܬܬܗ ܘܕܫܪܟܐ܂
140:21	ܪܡܢ ܗ݂ܝ ܪܫ ܢܥܘܪܐ܂ ‍{‍v݁ 29‍}‍ ܡ݂ܠܟܐ ܕܝܢ ܐܢܬܬ ܢܚܘܪ
140:22	ܘܐܣܟܐ ܕܗ݂ܝ ܣܪܝ ܐܚܘ̈ܬܐ ܐܢܝ̈ܢ܂ ܘܐܝܟ ܡܦܫܩܢܐ

140:23	ܒܦܢܩܝܬܐ ܕܒܪܝܬܐ܃ ܒܢ̈ܬܗ ܕܗܪܢ ܪܒܐ܃ ܐܚܐ ܕܐܒܘܗܝ

140:24	ܕܐܒܪܗܡ܂ ܚܢܢܐ ܕܝܢ ܕܐܚܘ̈ܬܗ ܐܢ̈ܝܢ ܠܡ ܕܠܘܛ ܘܐܦ
140:25	ܡܦܫܩܢܐ ܒܥܠܬܐ ܕܡܬܝ ܕܕܗ ܡܫܡܗ ܠܐܒܪܗܡ܂
140:26	ܐܬܩܪܝܬ ܕܝܢ ܣܪܝ ܐܣܟܐ ܡܛܠ ܫܘܦܪܗ݀܂ ܗܢܘ܂
140:27	ܚܙܝܬܐ܃ ܥܠ ܕܒܐܪܥܐ ܗ݀ܝ ܚܙܝܐ ܣܟܝܐ ܩ݁ܪܝܢ܂ ܘܐܢܫ̈ܝܢ
140:28	ܐܡܪܝܢ ܕܠܐ ܩܝܡܐ ܕܬܗܘܐ ܣܪܐ ܒܪܬ ܗܪܢ
140:29	ܙܥܘܪܐ܃ ܥܠ ܕܐܒܪܗܡ ܩܫܝܫ ܡ݂ܢ ܢܚܘܪ ܘܗܪܢ܂ ܘܬܒܥ