← Back
The Comprehensive Aramaic Lexicon
← Return to the Text Browser
click on the file description for more information

63101: IshGen (Ishodad of Merv on Genesis)

Click on a word for lexical analysis
Click on a red-colored coordinate for comments and/or translations of the line

previous chapter


141:01 ܛܟܣܐ ܘܟܝܢܐ ܕܢܗܘܐ ܗܘܐ ܗܪܢ ܟܕ ܣܓܝ ܒܨܝܪ
141:02 ܒܪ ܥܣܪܝܢ ܫܢ̈ܝܢ ܘܟܢ ܢܣ݂ܒ ܐܢܬܬܐ܂ ܘܬܗܘܐ ܗܘܬ
141:03 ܣܪܐ ܕܩܫܝܫܐ ܡܢܗ݀ ܡ݂ܠܟܐ ܚܬܗ݀ ܟܡܐ ܕܗ݂ܘ܃ ܒܪܬ
141:04 ܥܣܪܝܢ ܫܢ̈ܝܢ ܘܟܢ ܬܬܢܩܦ ܠܐܒܪܗܡ܂ ܟܕ ܕܝܢ ܚܫܒܝܢܢ
141:05 ܥܣܪܝܢ ܕܬܪܒܝܬ ܗܪܢ܃ ܘܥܣܪܝܢ ܕܬܪܒܝܬ ܣܪܐ܃ ܘܗܢ̈ܝܢ
141:06 ܕܩܫܝܫܘܬܗ ܕܐܒܪܗܡ ܕܡܢ ܗܪܢ܃ ܘܗ̈ܢܝܢ ܕܩܫܝܫܘܬܗ݀
141:07 ܕܡ݂ܠܟܐ ܕܡܢ ܣܪܐ܃ ܘܡܪܡܝܢܢ ܠܗܝܢ ܥܠ ܚ̈ܕܕܐ܃ ܥܕܡܐ
141:08 ܠܐܪܒܥܝܢ ܘܚܡܫ ܫܢ̈ܝܢ ܟܕ ܣܓܝ ܒܨܝܪ̈ܝܢ ܡܫܬܟܚܝܢ܂
141:09 ܐܒܪܡ ܕܝܢ ܡ݂ܢ ܣܪܐ ܥܣܪ ܫܢ̈ܝܢ ܠܚܘܕ ܩܫܝܫ܂ ܠܒܪ
141:10 ܡܐܐ ܠܡ ܫܢ̈ܝܢ ܢܬܝܠܕ ܒܪܐ܃ ܐ݁ܘ ܣ݁ܪܐ ܒܪܬ ܬܫܥܝܢ
141:11 ܫܢ̈ܝܢ ܬܐܠܕ܂ ܡܕܝܢ ܒܪܬ ܗܪܢ ܗ݂ܝ ܪܒܐ܂ ܒܒܝ ܕܝܢ
141:12 ܦܪܣܝܐ ܘܐܚܪ̈ܢܐ ܐܡܪܝܢ ܠܘܩܒܠ ܗܕܐ ܕܗܢܐ ܗܪܢ
141:13 ܐܚܘܗܝ ܗ݂ܘ ܕܐܒܪܗܡ ܘܩܫܝܫ ܡܢܗ ܘܡܢ ܢܚܘܪ܂ ܟܬܒܐ
141:14 ܓܝܪ ܡܛܠ ܡܝܬܪܘܬܗ ܕܐܒܪܗܡ ܩܕܡ ܐܚܘ̈ܗܝ ܣ݁ܐܡ
141:15 ܠܗ܂ ܐܝܟ ܫܝܡ ܘܝܥܩܘܒ ܘܐܦܪܝܡ ܕܟܕ ܠܩܝ̈ܫܝܐ ܐܢܘܢ
141:16 ܒܟܝܢܐ܃ ܒܟܝܪ̈ܝܐ ܣ݁ܐܡ ܠܗܘܢ ܟܬܒܐ܂ ܡܕܝܢ ܠܡ
141:17 ܣܪܐ ܒܪܬ ܗܪܢ ܗ݂ܝ ܐܒܘܗܝ ܕܠܘܛ܂ ܐܦܠܐ ܓܝܪ
141:18 ܡܫܟܚܝܢܢ ܒܟܬܒܐ ܕܐܝܬ ܗܘܐ ܠܬܪܚ ܐܚܐ ܕܡܬܩܪܐ
141:19 ܗܪܢ܂ ܘܐܦ ܝܕܝܥܐ ܕܒܪܬ ܗܪܢ ܗ݂ܝ ܙܥܘܪܐ ܡ݂ܢ

141:20 ܗ݀ܝ ܕܐܡ݂ܪ ܥܒܕܐ ܡܟܘܪܗ݀ ܕܪܦܩܐ܃ ܠܡܣܒ ܠܡ ܒܪܬ

141:21 ܐܚܘܗܝ ܕܡܪܝ ܠܒܪܗ܂
141:22 ‍{‍ XIÏ 1‍}‍ ܘܡܬܒܥܝܐ ܕܠܡܘܢ ܟܕ ܓܒܝܗܝ
141:23 ܐܠܗܐ ܠܐܒܪܗܡ ܡ݂ܢ ܐܘܪ ܕܟܠ̈ܕܝܐ܃ ܠܘ ܒܗ݀ ܫܒܩܗ
141:24 ‍{‍ܘܒܗ‍}‍‍<‍ܒܗ݀‍>‍ ܫܡܠܝ ܟܠܗ݀ ܡܕܒܪܢܘܬܐ ܕܨܝܕ ܙܪܥܗ ܘܙܩܝܦܘܬܗ
141:25 ܦܪܘܩܝܬܐ܃ ܐܠܐ ܐܘܒܠܗ ܠܦܠܣܛܝܢܝ ܘܬܡܢ ܫܡܠܝ ܟܠܗ݀
141:26 ܡܕܒܪܢܘܬܗ܂ ܫܢܝܗ ܓܝܪ ܣܓܝ ܠܚܡܐܝܬ܂ ܡܛܠ
141:27 ܕܐܪܥܐ ܕܦܠܣܛܝܢܝ ܕܒܗ݀ ܣܝܡܐ ܐܘܪܝܫܠܡ ܡܨܥܬܐ
141:28 ܗ݂ܝ ܕܥܠܡܐ܂ ܐܝܟ ܩܪܩܦܬܐ ܗ݂ܝ ܓܝܪ ܕܓܘܫܡܐ
141:29 ܕܐܪܥܐ ܟܠܗ݀ ܐܘܪܝܫܠܡ܂ ܘܦܐܝܐ ܗܘܬ ܕܒܗ݀ ܢܫܬܡܠܐ

next chapter